Lukas 24

Mitubuꞌ si tidu sok Kopatoy

Na sog doliꞌ-ondow nog Gahad, minangoy ong mga kolibunan sok kubulan dunut pokpomut nok pidinsamaꞌ nilon. 2 Pogdatong nilon, mitongow nilon nong miligid na ok tambol nok kubulan. 3 Na simolod na ilon sog diyalom, tibuwa daꞌ na nilon kotongow og bangkoy ni Panghuꞌ Isa. 4 Dadi misobuꞌ ilon tokodoy. Sunoy pa ongon og duwaꞌ kotow nog laki nong migindog song molani nilon, bu miksahaya ok ponapot nilon. 5 Dadi miondok tokodoy ong mga kolibunan kini, bangka ilon sudjud sog lupaꞌ. Sugaid miktaluꞌ og duwaꞌ kotow nog laki dinilon, “Manu minontong amu ma nok totubuꞌ dini song mga patoy? 6 Daꞌ na yanin dini. Mitubuꞌ na yanin mokpuliꞌ! Pondom niyu ok tinaluꞌ in diniyu sog dituꞌ pa yanin sog , 7 nok sumboy wakilon og sok kowasa nong mga tow , bangka lansangoy sok . Sugaid sog ikotolu ondow motubuꞌ da yanin mokpuliꞌ.” 8 Na mipondom nilon ok tinaluꞌ ni dinilon.

9 Dadi mikpuliꞌ na ilon tidu sok kubulanin. Piosunan nilon ok sopuluꞌ bu sala ni Isa bu og lam nong mga kodumahan nilon. 10 Ong mga libun nong miksuksug kini, yonin na si Mariam nok tow Magdala, si Yohanna, si Mariam og ginaꞌ ni Yaꞌkub bug duma pa nong mga kolibunan. 11 Sugaid ong niyat nong mga mulid, kodupangan tibuwa ok taluꞌ nilon, saan na daꞌ ilon tombaꞌ. 12 Tibuwa dangan midongog ni , ginumobok yanin sok kubulan. Pogdatongin, sinolipin og diyalom nok kubul, sugaid daꞌdun ong mitongowin muwal da ok saput. Minuliꞌ yanin bu misobuꞌ yanin bug olo taꞌ ong maꞌ nituꞌ kituꞌ.

Mikpotongow si sog Duwaꞌ Kotow Mulidin

13 Sog gondow da koyon, ongon og duwaꞌ kotow nong mulid ni Isa posunguꞌ sog bonuwa Emmaus. Og layuꞌ in tidu sog mga sopuluꞌ bu sala kilumitru. 14 Migabit-abit ilon pasal sog lam nong mikobiyan ni Isa. 15 Soliyan nilon mogabit-abit, mikpolani si bangka pogunut mopanow dinilon. 16 Mitongow nilon si Isa, sugaid mamaꞌ nok kidungmaan ok ponontong nilon dun, saan na daꞌ nilon yanin kindanoy. 17 Dadi sinakan ilon ni Isa, “Olo ok pigabit-abitan niyu soliyan niyu mopanow?” Linumotaꞌ ilon, bu motongow song muluꞌ nilon ok kosusahan. 18 Dadi tinumabal ok solokotow dinilon nok pogingalanan si Kilopas, “Ika da bayuꞌ in ok tow nong mikangoy sog Jerusalem nog daꞌ pokokosun nog lam nong mikobiyan dituꞌ bogu-bogu kini.” 19 Dadi miksak si Isa, “Olo buwan ong mikobiyan dituꞌ?” Tinumabal ilon, “Pasal ni Isa ok tow nok tidu song . Solobuk yanin nong nong mokowasa sok ponaluon bug ponginangonin sok ponontong nok Tuhan bu sog lam nok tow. 20 Tibuwa inuwakil yanin nong mga kounutan nok koimaman bug mga nakuraꞌ ta niyu nog len dituꞌ sok pomarinta nog bangsa . Tubus hinukum nilon yanin nok patoyon, bu linansang sok . 21 Yanin bosiya ok pigbagadan nami nong mokopuwas nog bangsa ta tidu sog bangsa Rum. Sugaid ningkomun og ikotolu ondow tidu sok kopatoyin. 22 Tibuwa og duma nami nok kolibunan, migbogoy nong mokosobuꞌ dinami. Minangoy ilon sok kubulanin koyna doliꞌ-ondow. 23 Ondaꞌ na dow dituꞌ og bangkoy nok Panghuꞌ. Mikpuliꞌ ilon moksuksug nog ongon dow ong mga ong mikpotongow dinilon bu miktaluꞌ nong mitubuꞌ dow puliꞌ ok Panghuꞌ. 24 Dadi og duma nami minangoy da sop dituꞌ sok kubul bu motud da dodaꞌ ok taluꞌ nong mga kolibunan pasal sog bangkoyin, bu daꞌ nilon da sop kotongow ok Panghuꞌ.”

25 Doksuꞌ tinaluan ilon ni Isa, “Uy, mologon amu dodaꞌ posabuton bu potombaon song mga tinaluꞌ nong mga konabihan. 26 Kanaꞌ taꞌ tinaluꞌ nong mga konabihan nok sumboy mokobiyan og nok kobinsanaan koyon bangka yanin potasoy?” 27 Puwas nituꞌ pitampal ni Isa dinilon ong misulat sog diyalom nok Kitab pasal sog Al-Masih tidu song mga sinulat ni Nabi Musa bug lam nok konabihan.

28 Dadi dangan mikodopot na ilon sog bonuwa nok posunguan nilon, mamaꞌ nong mogdayun na si Isa nok kopanowin. 29 Sugaid inonggat tokodoy yanin nog duwaꞌ kotow kituꞌ, taluꞌ nilon, “Dini a pa dinami, poꞌ posunguꞌ na gobi.” Dadi sinumolod na yanin dunut nog duwaꞌ kotow.

30 Dangan miningkud na ilon kuman, minalap si Isa nok pan bangka yanin poksukul sok Tuhan, doksuꞌ binolaꞌ in bangka nin bogoyoy sog duwaꞌ kotow. 31 Na sododuun mibukaꞌ ok pikilan nilon, bu kindanan nilon na si Isa, tibuwa mibolong da sop yanin mogdayun. 32 Taluꞌ nong monolokotow dinilon, “Saan da ma saan mobais tokodoy ok porossahan ta dangan pidolagin dinita koyna sog dalan ong misulat sok Kitab.”

33 Dadi mikpuliꞌ ilon mogdayun sog Jerusalem. Pogdatong nilon, mitongow nilon ok sopuluꞌ bu sala kotow nong ni Isa bug duma pa nok tow nong mitopuk dituꞌ. 34 Taluꞌ nilon sog duwaꞌ kotow nong minatong, “Motud tokodoy nong mitubuꞌ mokpuliꞌ si Panghuꞌ Isa, bu mikpotongow yanin ni Simon.” 35 Tubus miksuksug da sop og duwaꞌ kotow kituꞌ pasal sok kibiyan-biyanan nilon sog dalan, bug ponoy ok pokkilala nilon ni Isa pogdoksuꞌ in bolaoy ok pan.

Mikpotongow si song mga Mulidin

36 Soliyan nog duwaꞌ kotow koyon moksuksug dinilon, sododuun tinumuwaꞌ si Isa sok titongaꞌ nilon, bu ok taluꞌ in dinilon, “Ok kosannangan diyon diniyu.” 37 Na kiondokan ilon tokodoy poꞌ baluꞌ nilon dun, og lutow ong mitongow nilon. 38 Sugaid ok taluꞌ in dinilon, “Manu misasow ma ok pikilan niyu? Bu manu mogduwaꞌ-duwaꞌ amu ma? 39 Tontong niyu ba ok komot bug botisu bagun niyu kosunan nog akon ong mitongow niyu. Kikap niyu akon bagun niyu kosunan, poꞌ og lutow, daꞌdun og gungod bug tulanin, sugaid akon ongon.” 40 Dadi pitongowin dinilon og biyaꞌ nog lansang sok komotin bug botisin. 41 Tibuwa daꞌ ilon tantu tombaꞌ poꞌ migampuꞌ og loliyag bu kosobuꞌ nilon. Dadi sinakan ilon ni Isa, “Ongon taꞌ ong mokan niyu dini?” 42 Binogoyan nilon yanin nok solobuk nok sodaꞌ tinitiꞌ. 43 Na inalap ni Isa ok sodaꞌ bangka nin kanoy diyon sok pogadap-adapan nilon. 44 Pogdoksuꞌ taluꞌ in, “Ok kibiyan-biyanan ku kini, yonin na ok tinaluꞌ u diniyu sog waktu nong migdunut-dunut ita niyu pa. Tinaluꞌ u nok sumboy mounut og lam nok sinulat ni Nabi Musa bug mga konabihan, bu sok pasal dinakon.” 45 Doksuꞌ pidolagin ok pikilan nong mga mulidin supaya mosabut nilon mahatul og gungod nong mga Kitab. 46 Taluꞌ in dinilon, “Yonin kini ong misulat sog diyalom nok Kitab: ‘Og sumboy miyan sok kobinsanaan bu matoy, sugaid sog ikotolu nog gondow, motubuꞌ da mokpuliꞌ.’ 47 Bu misulat sop nok sumboy posampoyan og lam nok kobangsa-bangsahan tagnaan dini sog nog bilaꞌ moktowbat ong mga tow nog nilon bu tumombaꞌ sog Al-Masih, ampunon ilon nok Tuhan. 48 Amu na koyon ong mikosaksiꞌ nog lam nini. 49 Poginongog amu, pangoyon ku diniyu og nog jinanjiꞌ nog u. Tibuwa sumboy mogbagad amu dini sok siyudad toktob motabuk niyu ok kowasa nin tidu sok .”

Ok Pogangoy ni  sok Surgaꞌ

50 Doksuꞌ inoyit ilon ni sog bonuwa Betani. Dangan diyon na ilon, ininat ni Isa ok komotin sok tas langit, bu binarakatanin ilon. 51 Soliyan ni Isa mogbarakat dinilon, ginonatanin na ilon, bu inoyit na yanin posunguꞌ sok surgaꞌ. 52 Dadi sinumudjud ilon sumumba ni Isa, bangka ilon uliꞌ sog dunut loliyag nilon. 53 Bu sigi-sigi na ilon diyon sog Baloy nok Tuhan mokpudji.

Wassalam