Lukas 22

Ok Poksipi nok Patoyon si Panghuꞌ Isa

Na molani na og halilaya nog bangsa Yahudi, ok pokorodjaan nok Pokkan nok Pan nog daꞌdun ok Posuligin. Iningalanan da sop koyon nog . 2 Ong mga kounutan nok koimaman bug mga guru agama minontong ilon nok pobiyan bug ponoy ok kopatoy nilon ni Isa nog diꞌ kosunan. Poꞌ mondok ilon saan song mga tow. 3 Tubus sinumolod ok soytan diyon ni Yudas Iskariyot nok solokotow sok sopuluꞌ bu duwaꞌ mulid ni Isa. 4 Na inangoyin isunoy ong mga kounutan nok koimaman bug mga kounutan nong mogbobantoy nog bug ponoy ok kowakilin ni Isa dinilon. 5 Dadi migloliyag ilon, bu miksolobuk ok pikilan nilon nong moktindan diyanin bagun malap nilon ong maksud nilon. 6 Dadi meleg na si Yudas, bu tidu diyon minontong yanin nong mobais nog waktu bug ponoy ok kowakilin dun nog diꞌ kosunan nok kodakolan nok tow.

Mighalilaya siloꞌ  Isa

7 Na minatong na og halilaya nok pokkan nok pan nog daꞌdun ok posuligin, yonin na og gondow pokkurban nog para sog . Og gondow koyon, pomondoman nilon sog waktu nog inawon ilon nok Tuhan tidu sok kopatoy song .

8 Dadi sinuguꞌ ni Isa si bu si Yahiya, taluꞌ in, “Angoy amu mokpodinsamaꞌ nog bataꞌ bilibili para lolabungan ta nog Halilaya Pogliyus.” 9 Taluꞌ nog duwaꞌ kotow koyon, “Ayin dapit ok kolegan nu nok podinsamaon nami ok kan?” 10 Ok tabalin, “Pogdatong niyu sok siyudad, molumpak niyu ok solokotow laki mikpisan nog banggaꞌ taga tubig. Pogunut amu diyanin, bu solod amu sog baloy nok solodanin, 11 bangka niyu taluoy og gapuꞌ nog baloy, ‘Miksak og Guru bug ayin dow og bilik nok pogjamuhanin bug mga mulidin kuman nog bataꞌ bilibili sog Halilaya Pogliyus?’ 12 Dadi potongowonin da diniyu ong mosolag nog bilik nok taga panyap na asal dituꞌ sok tas nog baloy koyon sog ikoduwaꞌ pangkatin. Na dituꞌ amu pokpodinsamaꞌ nog lolabungan ta niyu.”

13 Dadi mipanow na og duwaꞌ kotow nok sinuguꞌ in, bangka nilon kotongow ok kotanan mamaꞌ nok tinaluꞌ ni Isa. Bu mikpodinsamaꞌ ilon nog nilon para sog Halilaya Pogliyus.

Og

14 Dangan misaut na og waktu nok pogjamu, miksalu-salu si bug sopuluꞌ bu duwaꞌ kotow nong mokpoposampoyin kuman. 15 Doksuꞌ miktaluꞌ si Isa dinilon, “Tidu pa sok tagnaꞌ mosolag ok kolegan ku moksalu kuman nog lolabungan nok Pogliyus kini sog diꞌ pa miyan dinakon ok kobinsanaan. 16 Poꞌ taluan ku amu, diꞌ u na tokodoy kuman sok pogjamu kini toktob mounut na ong motud nong maana nin sok Pomarintahan nok Tuhan.”

17 Doksuꞌ inalap ni Isa ok solobuk tasa nok bangka yanin poksukul sok Tuhan, bu tinaluanin ong mga mulidin, “Tabuk niyu ok tasa kini bangka niyu pogbobahagioy minum. 18 Poꞌ taluan ku amu nog diꞌ u na minum mokpuliꞌ nok tubig anggul toktob mopotindog na ok .” 19 Doksuꞌ minalap yanin nok pan bangka yanin poksukul sok Tuhan. Tubus pinitak-pitakin bangka nin pomogoyoy song mga mulidin, taluꞌ in dinilon, “Niyat niyu nog yonin na kini og lawasu nog binogoy para diniyu. Kan niyu kini ok pomondoman dinakon.” 20 Dangan midoksuꞌ na ilon kuman, minalap yanin nok tasa taga ginumon, bangka poktaluꞌ, “Og gungod nok tasa kini, og gindanan nog bogu nok Tuhan diniyu pobiyan sog duguꞌ u nong mobuyus para diniyu.

21 Tibuwa poginongog amu, ok tow nong monipu dinakon dini ningkomun minampuꞌ dinita kuman sog lomisahan. 22 Akon, og matoy na dodaꞌ mamaꞌ nog asal na ginantaꞌ nok Tuhan, tibuwa mokondok-ondok ok koposunguan nok tow nong monipu dinakon.” 23 Dadi miksak-sinakoy na ong mga mulidin bug sima taꞌ bayuꞌ dinilon ok tumipu ni Isa.

Ok Pomilin ni song mga Mulidin

24 Doksuꞌ niyon, migdaawa na ong mga mulid ni Isa bug sima taꞌ dinilon ong motas. 25 Taluꞌ ni Isa dinilon, “Dini sog dunya kini, mogbayaꞌ ong mga sultan song mga piktowan nilon. Bu ok kolegan nong mga tow nok taga kowasa, tawagon ilon nok poggobokan nong mga tow. 26 Sugaid diꞌ amu moglogiling dinilon, poꞌ sima-sima ong motas tidu diniyu, sumboy ong niyatin mamaꞌ nog yanin ok kinomongudan nong mokpobabaꞌ song mga gilugin, bu ong nakuraꞌ, sumboy moimung mamaꞌ nog . 27 Poꞌ sima buwan ong motas, ok tinolagad atawa ong miktolagad? Motas na dodaꞌ ok tinolagad. Tibuwa akon, mamaꞌ u nok solokotow moktolagad diniyu. 28 Inunungan niyu akon sok kosigpitan ku, 29 dadi bogoyan ku amu nok pogbayaꞌ, mamaꞌ nok pogbayaꞌ nog binogoy dinakon nog u momarinta, 30 bagun mokopoksalu ita niyu kuman bu minum sog lomisahan ku sok pomarintahan ku. Bogoyan ku amu nok kowasa monghukum sok sopuluꞌ bu duwaꞌ pangkatan nog bangsa .”

31 Dadi miktaluꞌ si Isa dituꞌ ni Simon , longin, “Simon, poginongoga, mingoni og nok sassatonin amu, mamaꞌ sopantun nong moktap nog boniꞌ. 32 Sugaid pingoni-ngonihan ku ika sok Tuhan bagun diꞌ mobolong ok pongandol nu dinakon. Na bilaꞌ moktowbata, popagas nu ok pongandol nong mga pigilugan nu.” 33 Ok tabal ni Petros, “Panghuꞌ, melegu mogunut dinika bisan pa mopirisu u atawa matoyu.” 34 Taluꞌ ni Isa diyanin, “Taluan ku ika Petros, sog diꞌ pa moktukkalaꞌ ong manuk sog gobi kini, tolu kali a pononsing nog diꞌ nu akon kolilahan.”

35 Tubus sinakan ni Isa ong mga mulidin, “Dangan sinuguꞌ u amu mongnasihat nog daꞌ u amu kumboyoy mogoyit nok pitaka atawa gabot niyu bug tolumpaꞌ luwal sok sinolug niyu, kinobus amu taꞌ?” Taluꞌ nilon, “Ondaꞌ.” 36 Miktaluꞌ si Isa, “Sugaid ningkomun kanaꞌ na mamaꞌ nok tagnaꞌ. Dadi sima-sima ok taga pitaka atawa gabot, sumboy na oyitonin. Bu sima-sima og daꞌdun ok kalisin, sumboy mogdagang na nog dogdoyin bagun mokosaluy nok kalis. 37 Poꞌ sumboy mounut ningkomun ong misulat sok Kitab pasal dinakon nog ‘Miitung yanin song mga tow nong mikodugtul sok saraꞌ.’ Mounut na dodaꞌ ong misulat koyon pasal dinakon.” 38 Taluꞌ nong mga mulidin, “Tontong nu ba Panghuꞌ, ongon duwaꞌ buk kalis ta.” Taluꞌ ni Isa, “Para na koyon.”

Mingoni-ngoni si dituꞌ sog Bontud Jaytun

39 Dangan midoksuꞌ si Isa moktaluꞌ, mipanow yanin sog Bontud Jaytun mamaꞌ nok kilayamanin. Migunut sop ong mga mulidin diyanin. 40 Pogdatong nilon dituꞌ, taluꞌ ni Isa song mga mulidin, “Pongoni-ngoni amu bagun diꞌ amu mosassat.” 41 Doksuꞌ mikpolayuꞌ-layuꞌ si Isa song mga mulidin, mga sotibagan batu og layuꞌ in, bangka yanin sudjud mingoni-ngoni sok Tuhan. 42 Taluꞌ in, “U Ommaꞌ, bug mogdadi da, diꞌ nu na pobiyanon dinakon ok kobinsanaan nong matong. Tibuwa kanaꞌ ok kolegan ku ong mounut, sumboy ok kolegan nu.”

43 Na mikpotongow diyanin ong tidu sok mogbogoy diyanin nok pagas. 44 Pasal nog landuꞌ nog logon ni Isa, piogotin ok pongoni-ngoni nin. Inulasan tokodoy yanin bu og gulasin miimung mamaꞌ nog duguꞌ miktogduꞌ sog lupaꞌ. 45 Pogdoksuꞌ in mongoni-ngoni, minindog yanin bangka angoy song mga mulidin, bu mitongowin nong mikotulug ilon pasal sog boloy nok kosusahan nilon. 46 Taluꞌ ni Isa dinilon, “Manu mitulug amu ma? Pogbuwat amu bangka amu pongoni-ngoni bagun diꞌ amu mosassat.”

Ok Poksaggow ni Panghuꞌ Isa

47 Soliyan ni Isa moktaluꞌ, minatong ong modakol nok tow. Si Yudas, ok solobuk sok sopuluꞌ bu duwaꞌ mulid ni Isa, ong miguna dinilon. Mikpolani yanin ni Isa bagun alokanin. 48 Tibuwa miktaluꞌ si Isa diyanin. “Yudas, og galok taꞌ ok pobiyan sok poktipu nu nog ?” 49 Poktontong nong mga duma ni Isa nok kanaꞌ na mobais ok posunguan nilon, taluꞌ nilon ni Isa. “Na Panghuꞌ, ponigbason nami na ilon?” 50 Bangka na tigbasoy nong mulidin ok solokotow nok sosuguon nok , bu miputuk ok tolinga nin dapit sog lintu. 51 Sugaid taluꞌ ni Isa, “Para na koyon.” Doksuꞌ kinikap ni Isa ok tolinga bangka nin kulioy. 52 Tubus tinaluan ni Isa ong mga sumaggow diyanin, yonin na ong mga kounutan nok koimaman bug mga kounutan nong mga mogbobantoy nog sampoy ong migmokogulang sog bonuwa, longin, “Molaatu taꞌ kini nok tow poꞌ migoyit amu pa nok kalis bug bobombal? 53 Manu daꞌ niyu ma akon saggowoy sog Baloy nok Tuhan nog dituꞌ u ma gondow-gondow? Sugaid kini na og waktu nog duhulon ok kolegan niyu bu og waktu nong mogbayaꞌ ok kowasa nok kodoloman.”

Mimolilu si nog Duma Yanin ni Panghuꞌ Isa

54 Na sinaggow nilon na si Isa bangka nilon oyitoy sog baloy nok . Miktuyuk da sop dinilon si Petros sok kolayuan. 55 Pogdatong nilon, miktagun ilon sok titongaꞌ nog loma-lomahan nog baloy koyon bangka ilon ingkud, bu minampuꞌ sop si Petros.

56 Doksuꞌ ongon ok sosuguon nog libun mikotongow ni Petros poꞌ kidolagan yanin nog gapuy. Pidongotanin tumontong si Petros, bu miktaluꞌ yanin, “Ok tow koyon og duma na dodaꞌ ni Isa.” 57 Sugaid mimolilu si Petros, taluꞌ in, “Buweꞌ, diꞌ u yanin kilalahan.”

58 Daꞌ kobon, ongon na sop ong mikotongow ni Petros bu miktaluꞌ, “Ika og duma a da sop nilon.” Tinumabal si Petros, “Kanaꞌ le.”

59 Dangan sooras na ong mikobiyan, ongon na sop ong miktaluꞌ, “Duma tokodoy ni Isa ok tow kini, poꞌ ok tow da sop yanin kini.” 60 Tibuwa ok tabal ni Petros, “Daꞌdun ok sene-sabutu nong mga pinaluꞌ nu koyon.” Soliyan pa ni Petros moktaluꞌ, sododuun miktukkalaꞌ ong manuk. 61 Dadi linumengeꞌ si Panghuꞌ Isa bangka nin tontongoy si Petros, bangka pa kopondom ni Petros ok tinaluꞌ ni Isa diyanin, “Sog diꞌ pa moktukkalaꞌ ong manuk, tolu kali a pononsing nog diꞌ nu akon kolilahan.” 62 Dadi linumuwas mogdayun yanin, bangka pogaduy dunut poksusunin.

Piadap si song mga Kobogollalan

63 Na pigunda-undahan bu piglambot si Isa nong mga tow nong miktungguꞌ diyanin. 64 Doksuꞌ binogbodan nilon ong mata nin bangka suntukoy, bangka nilon sakoy, taluꞌ nilon, “Pagga a, taluꞌ nu sima ok sinumuntuk dinika?” 65 Bu modakol pa ok taluꞌ nong mokosipog nok tinaluꞌ nilon ni Isa.

66 Poglogondow, miktopuk na ong mga nog bangsa Yahudi, mga kounutan nok koimaman bug mga guru agama. Tubus inoyit si Isa dinilon bagun hukumon. 67 Taluꞌ nilon, “Taluoy nu ami bug ika taꞌ og .” Ok tabal ni Isa, “Bilaꞌ taluan ku amu, diꞌ amu da tumombaꞌ. 68 Bu bilaꞌ sakan ku amu, diꞌ amu da sop tumabal. 69 Sugaid tidu ningkomun, mingkud og sog dapit lintu nok Tuhan nong Mokowasa.” 70 Dadi miksak ilon kotanan, “Bilaꞌ maꞌ nituꞌ, og Bataꞌ a taꞌ nok Tuhan?” Tinumabal si Isa dinilon, “Mamaꞌ na nok tinaluꞌ niyu.” 71 Na taluꞌ nilon, “Manu malap ita pa ma nok saksiꞌ nong midongog ta niyu na ma og lam nok tinaluꞌ in?”