Lukas 20

Ok Sak pasal sok Kopatut ni Panghuꞌ Isa

Solobuk gondow miktonduꞌ si Isa dituꞌ sog , bu mingnasihat yanin nong song mga tow. Na mikpolani diyanin ong mga kounutan nok koimaman bug guru agama migdunut bug mga migmokogulang sog bonuwa koyon. 2 Taluꞌ nilon ni Isa, “Taluan nu ami bug olo ok kopatut nu monginang nong mamaꞌ ininang nu koyon, bu sima ong migbogoy dinika nok kopatut koyon.” 3 Ok tabal ni Isa dinilon, “Na ongon sop ok sakon ku diniyu. Taluꞌ niyu dinakon, 4 si , ayin miktidu ok kopatutin mongliguꞌ? Miktidu taꞌ sok Tuhan atawa song manusiyaꞌ?” 5 Na migisun-isun ilon bug olo taꞌ ok tabalon nilon, taluꞌ nilon, “Bilaꞌ taluon ta nok tidu sok Tuhan, taluanin sop ita, ‘Manu daꞌ amu ma tombaꞌ diyanin?’ 6 Tibuwa bilaꞌ taluon ta nok tidu song manusiyaꞌ, batuhon ita sop nong mga tow, poꞌ tinumombaꞌ og lam nilon nok si Yahiya solobuk .” 7 Dadi ok tabal nilon ni Isa, “Diꞌ nami kosunan.” 8 Na taluꞌ ni Isa dinilon, “Diꞌ u da sop amu posunan bug ayin miktidu ok kopatutu monginang nong mga ginang kini.”

Ok Kopononggiꞌ pasal song mga Saup nong Molaton

9 Tubus nituꞌ sinuksugan ni Isa ong mga tow biyan sok pononggiꞌ, longin, “Ongon ok tow mimula nog sog lupaꞌ in, bangka nin posaupoy song mga tow. Doksuꞌ minangoy yanin sog len bonuwa, bu miobon yanin dituꞌ.

10 Dangan minatong na ok timpu pongupuꞌ nog bunga anggul koyon, piangoyin ok solokotow nok sosuguonin mogalap nog bahagiꞌ in. Sokaliꞌ pogdatongin dituꞌ, binombal yanin bangka pulioy nog daꞌdun ong mioyit-oyitin.

11 Doksuꞌ miksuguꞌ na sop og gapuꞌ lupaꞌ nog len sosuguon. Sugaid pogdatongin dituꞌ song mga saup nog guma, binombal bug pimosipog nilon yanin bangka pulioy nog daꞌdun da sop ong mioyitin.

12 Tubus miksuguꞌ na sop yanin nog len nok sosuguon, sugaid inangolan nilon yanin bangka pa tikpuoy sog luwasan. 13 Dadi ok taluꞌ nog gapuꞌ lupaꞌ, ‘Olo buwan og inangon ku? Mobais pa pangoyon ku dituꞌ og bataꞌ u nok kolasahan ku poꞌ pogaddatan nilon bayuꞌ in.’ 14 Sugaid dangan mitongow nong mga saup og bataꞌ in, na migisun ilon, taluꞌ nilon, ‘Koyon na og bataꞌ in nok pusakaanin nog guma kini, patoyon ta yanin bagun dinita na ok pusakaꞌ in.’ 15 Dadi tinikpuꞌ nilon sog luwasan nog guma og bataꞌ nog gapuꞌ lupaꞌ kituꞌ bangka nilon patoyoy.”

Na taluꞌ ni Isa, “Olo sok pikilan niyu og inangon nog gapuꞌ lupaꞌ song mga saupin kituꞌ? 16 Angoyonin ilon patoyoy, bangka nin posaupoy nog len.” Dangan midongog nong mga tow ok taluꞌ ni Isa, taluꞌ nilon, “Polosili.” 17 Na tinontong ilon ni Isa, taluꞌ in, “Olo buwan ong maana nok sinulat sog diyalom nok kitab?

‘Og batu nog binolong nong mga pandoy,

og batu tokodoy kituꞌ ong migoyit nok pagon nog baloy.

18 Sima-sima ong mobuksak sog batu kituꞌ, mobaliꞌ-baliꞌ, bu sima-sima ok kolabuan dun, molupot.’ ”

19 Na dangan midongog nong mga guru agama bug mga kounutan nok koimaman ok tinaluꞌ ni Isa, misabut nilon na nog ilon ok pinonggian ni Isa. Kolegan nilon saggowon yanin sododuun, tibuwa diꞌ nilon moinang poꞌ mondok saan ilon song mga tow.

Ok Sak pasal sok Pogbayad nog Buwis

20 Na piktulikan nilon tokodoy si . Miksuguꞌ ilon nong mga tow nong mologdong baassa bagun mogumatiꞌ. Kolegan nilon nong mosaggow nilon si Isa sok taluꞌ in bagun mosumbung nilon bangka wakiloy sog gubernur diyon. 21 Doksuꞌ miktaluꞌ ong mga tow kini ni Isa, “Tuwan Guru, kiosunan nami nong mokologdong ong mga pinonduꞌ nu, bu diꞌ a momiliꞌ nok tow, sugaid mosobonnal ok ponintuluꞌ nu nog dalan posunguꞌ sok Tuhan. 22 Na bilaꞌ ika, kumboy taꞌ sok saraꞌ ta mga mogbayad nog dituꞌ sok sultan nog bangsa atawa kanaꞌ?” 23 Sugaid kiosunan ni Isa nog leg nilon akkalan yanin, dadi tinaluanin ilon, 24 “Potongowan niyu akon nok sin pogbayad nog buwis. Sima ok pattaꞌ bug ngalan sok sin koyon?” Tinumabal ilon, “Ok sultan sog bonuwa Rum.” 25 Dadi taluꞌ ni Isa dinilon, “Pagga maꞌ niyon, bogoy niyu sok sultan ok sukuꞌ in, bu bogoy niyu sop sok Tuhan og olo-olo nok sukuꞌ in.”

26 Na daꞌ nilon kosaggow si Isa sok ponaluonin sog gadapan nok kodakolan nok tow. Dadi daꞌ na ilon poglogonek bu misobuꞌ ilon sok tinabal ni Isa.

Pasal sok Pokpotubuꞌ puliꞌ nong mga Tow

27 Puwas nituꞌ ongon ong mga tow sok tumpukan Yahudi nok pogingalanan nong minangoy dituꞌ ni Isa. Ong mga towanan kini ondiꞌ tumombaꞌ nog ongon ok kotubuꞌ pogdoksuꞌ nok kopatoy. 28 Dadi sinakan nilon si Isa, taluꞌ nilon, “Tuwan Guru, ongon ok saraꞌ nong misulat ni Nabi Musa dinita niyu, nog bilaꞌ og laki mokopoglibun, doksuꞌ matoy yanin nog daꞌdun og bataꞌ in, na sumboy poglibunon nog gilugin ong mibalu. Dadi bilaꞌ mokopogbataꞌ ilon moitung og bataꞌ koyon nog bataꞌ nog gilug kituꞌ nong minatoy. 29 Na ongon ok pitu kotow nog laki mogilug. Miglibun og gulang bataꞌ nilon, sugaid daꞌ yanin pokobataꞌ sampoy song minatoy. 30 Dadi piglibun nok sunud nog gilug og balu koyon, sugaid minatoy da sop nog daꞌdun og bataꞌ in. 31 Domikkiyan da sop og ikotolu mangoy sog ikopitu nog gilug, bu minatoy og lam nilon nog daꞌdun da sop og bataꞌ nilon. 32 Sok kodoksuanin minatoy da sop og libun. 33 Dadi bilaꞌ motubuꞌ puliꞌ ong mga manusiyaꞌ sog Gondow , sima na bayuꞌ in og laki nog libun kituꞌ, poꞌ mipoglibun ma yanin nok pitu kotow mogilug kituꞌ?” 34 Ok tabal ni dinilon, “Ong mga tow dini sog dunya, moglaki bu moglibun. 35 Tibuwa sog waktu nok potubuon na mokpuliꞌ ong mga tow tidu sok kopatoy, na ong mopatut mokosolod sok , diꞌ na ilon moglibun bu moglaki. 36 Ondiꞌ na ilon mogdadi matoy mokpuliꞌ. Mamaꞌ na ilon nong poꞌ bataꞌ ilon nok Tuhan bu pitubuꞌ na ilon tidu sok kopatoy.

37 Na bisan si Nabi Musa miksobonnal nok potubuon mokpuliꞌ ong mga patoy. Poꞌ sinulatin sok Kitab ok tinaluꞌ nok Tuhan song miksuliyab nok kayu. Song masa koyon miobon na minatoy siloꞌ , bug Yaꞌkub, sugaid ok taluꞌ nok Tuhan sok kayu kituꞌ, ‘Akon ok Tuhan ni Ibrahim, ni Isahak bu ni Yaꞌkub.’ 38 Kanaꞌ yanin ok Tuhan nong mga tow patoy, sugaid nong mga totubuꞌ. Dadi motampal nog ongon ok kotubuꞌ puliꞌ poꞌ para sok Tuhan, totubuꞌ ilon kotanan.”

39 Sokaliꞌ miktaluꞌ og duma nog guru agama, “Tuwan Guru, mobais ok tabal nu.” 40 Na daꞌdun na ong mokotowakkal moksak diyanin.

Ok Sak pasal sog Al-Masih

41 Dadi miksak si Isa dinilon, taluꞌ in, “Ponoy kotaluꞌ nong mga tow og Al-Masih solobuk ponupuꞌ ni Sultan ? 42 Bisan si Sultan Daud miktaluꞌ sog diyalom ,

‘Miktaluꞌ ok Pogbayaꞌ-bayaꞌ sok Panghuꞌ u,

“Ingkuda dini sog dapit lintu u

43 toktob dagon ku ong mga banta nu dinika, bu moimung ilon mamaꞌ nog gontudan nog botis nu.” ’ ”

44 Na taluꞌ ni Isa, “Ok poktawag ni Sultan Daud sog Al-Masih, ok Panghuꞌ. Dadi manu tinawagin ma ok Panghuꞌ bilaꞌ solobuk da yanin ponupuꞌ in?”

45 Dadi soliyan nong mga tow monginongog ni Isa, inadapin ong mga mulidin bangka nin taluoy, 46 “Poghalliꞌ amu song mga guru agama. Kolegan nilon mokpanow-panow dunut juba nilon, bu loliyagon ilon soginahon nong mga tow sok tabuꞌ bu mingkud song mga gingkudan para song mga mokotas nok tow sog diyalom bu sok pogjamuhan. 47 Sugaid pongagowon nilon ok pongartaꞌ nong mga balu libun, bu mokpotongow-tongow ilon song mga tow biyan song mokopayat nong mga pongoni-ngoni nilon sok Tuhan. Na sabap diyon, mobogat tokodoy og hukuman nok Tuhan dinilon.”