Lukas 18

Sumboy ondiꞌ Motonop Mongoni-ngoni sok Tuhan

Doksuꞌ miksuksug na sop si Isa song mga mulidin biyan sok pononggiꞌ bagun potampalonin dinilon nok sumboy lolayun ilon mongoni-ngoni bu diꞌ mobolong ok pongandol nilon sok Tuhan. 2 Taluꞌ ni Isa, “Ongon ok solokotow bogollal sok solobuk siyudad nog ondiꞌ mondok sok Tuhan bu diꞌ mogaddat song mga tow. 3 Sokaliꞌ ongon sop ok solobuk balu libun nog lolayun na hadja mokpokilolat sog bogollal koyon, taluꞌ in, ‘Anduꞌ, tabang nu akon bagun moalapu nok kopatutu sog banta u.’

4 Dadi sok ponognaan diꞌ tokodoy mogmaling-maling og bogollal, sugaid dangan miobon-obon mikopogniyat yanin, taluꞌ in, ‘Bisan kanaꞌ u mondok sok Tuhan, bu diꞌ u mogaddat song mga tow, 5 golom pa tabangan ku na og libun kini sog banta nin poꞌ motonopu na sok poksasowin dinakon.’ ”

6 Bu taluꞌ ni , “Na pikil niyu ok taluꞌ nog bogollal koyon bisan yanin molaat. 7 Dadi ok Tuhan pa taꞌ og diꞌ sumugut song mga tow nok sukuꞌ in nong mingoni-ngoni diyanin gobi-gondow? Pobononin taꞌ ok tabangin dinilon? 8 Taluan ku amu, modaliꞌ tabangan nok Tuhan ok tow nok sukuꞌ in. Sugaid bilaꞌ mokpuliꞌ na og sog dunya, mokobalak pa taꞌ yanin nok tow taga pongandol?”

Ok Pononggiꞌ pasal sok Tow nong Motas bu Mobabaꞌ og Goyitanin

9 Na ongon ong mga tow diyon nong mingandol sog ginawa-baran nilon nong mologdong ilon, bu pobabaꞌ-babaon nilon ong mga pokasi nilon. Dadi tinaluan ilon ni Isa biyan sok pononggiꞌ. 10 “Ongon og duwaꞌ kotow nog laki minangoy sog mongoni-ngoni, ok solokotow ok bu ok solokotow mongongalap nog . 11 Migindog ok tow Parisi bangka pongoni-ngoni sala-sala nin, taluꞌ in, ‘U Tuhan, moksukulu tokodoy nok kanaꞌ u mokodusa mamaꞌ nog duma nok tow, kanaꞌ u napsuhan, kanaꞌ u moglimbung, bu kanaꞌ u mokpongjina. Moksukulu tokodoy nok kanaꞌ u mamaꞌ nong mongongalap nog buwis koyon, 12 mokpuwasa u duwaꞌ ondow sosimana, bu jakatan ku og lam nog gartaꞌ u.’

13 Tibuwa ok tow nong mongongalap nog buwis, dituꞌ minindog sok kolayuan bu diꞌ tanan yanin tumongal. Piksampakin og digdobin kobalan nok poksusunin, bu taluꞌ in, ‘U Tuhan, kololatoy nu akon poꞌ u.’ ”

14 Dadi taluꞌ ni Isa, “Taluan ku amu, ok tow nong mongongalap nog buwis yonin na ong miitung nok tow mologdong gabaꞌ sok tow Parisi koyon. Poꞌ sosukuꞌ nong mokpotas nog ginawa nin, pobabaon da, bu sima-sima ong mokpobabaꞌ, potason da.”

Si bug mga Gumbataꞌ

15 Tubus inoyit nong mga tow ong mga gumbataꞌ nilon nong mikaan dituꞌ ni Isa bagun kodoponanin. Dangan mitongow nong mga mulidin, pigbinaan nilon. 16 Sugaid tinawag ni Isa ong mga gumbataꞌ mangoy diyanin, bu taluꞌ in, “Potiyangoy niyu ong mga gumbataꞌ mangoy dini dinakon, bu diꞌ niyu ilon pogondian, poꞌ ong mamaꞌ dinilon koyon ong misakup sok . 17 Ong motudin, taluan ku amu, sima-sima og diꞌ mogimakat mampuꞌ sok Pomarinta nok Tuhan, mamaꞌ nok kotolimaꞌ nog gumbataꞌ dun, ondiꞌ yanin mokosolod sok Pomarintahan nok Tuhan.”

Ok Sak nog Dayahan

18 Na ongon ok solokotow kounutan nong mga miksak ni , taluꞌ in, “Mahatul nog Guru, olo og inangon ku bagun mokotabuku nok .” 19 Tinumabal si Isa, “Manu tinaluan nu akon nong mahatul pagga ok Tuhan da ong mahatul? 20 Kiosunan nu na ong mga suguan nok Tuhan, mamaꞌ na nog diꞌ a mogjina, diꞌ a momunuꞌ, diꞌ a monakow, diꞌ a sumaksiꞌ nog loput, bu pogaddatoy nu og gommaꞌ bug ginaꞌ nu.” 21 Na tinumabal ok kounutan kituꞌ, taluꞌ in, “Inunutu og lam nok saraꞌ koyon tidu pa sok kobikaan ku.” 22 Dangan midongog ni Isa, tinaluanin, “Ongon pa solobuk ok kulang dinika: Pogdagang nu og lam nog gartaꞌ nu, bangka nu pomogoy song mga miskinan. Dadi koongonan ka nog gartaꞌ dituꞌ sok surgaꞌ. Doksuꞌ pogunuta dinakon.” 23 Sugaid dangan midongogin ok taluꞌ ni Isa, misusa tokodoy yanin, poꞌ landuꞌ tokodoy og daya nin. 24 Na dangan mitongow ni Isa nong misusa yanin, miktaluꞌ yanin, “Mologon tokodoy ok kosolod nong mga tow dayahan sok Pomarintahan nok Tuhan. 25 Molomu pa ok kosolod nog guntaꞌ sog luwang nog diyalum, gabaꞌ sok kosolod nok tow dayahan sok Pomarintahan nok Tuhan.” 26 Dadi miktaluꞌ ong mga tow nong mikodongog nok taluꞌ in, “Bilaꞌ maꞌ nituꞌ, sima buwan ong moawon?” 27 Na tinumabal si Isa, “Ong manusiyaꞌ, diꞌ in moawon og ginawa nin, sugaid daꞌdun ong mologon sok Tuhan poꞌ og lam nituꞌ moinangin.”

28 Dadi miktaluꞌ si , “Na tontong nu ami kini Guru, ginonatan nami na og lam nituꞌ bangka ami pogunut dinika.” 29 Taluꞌ ni Isa dinilon, “Taluan ku amu, ong motudin, sima-sima og ginonatanin og baloyin atawa og libun-bataꞌ in, ok pigiluganin, atawa mga mokogulangin pasal tibuwa sok Pomarinta nok Tuhan, 30 podakolon nok Tuhan ok pahalaꞌ in sog dunya. Bu sog ahirat ongon ong mosannang nok kotubuꞌ in solama-lama.”

Sinuksug puliꞌ ni Isa ok pasal sok Kopatoyin

31 Tubus piselen ni Isa ok sopuluꞌ bu duwaꞌ kotow nong mulidin bangka nin ilon posunoy bug olo ong mokobiyan diyanin, taluꞌ in, “Poginongog amu, posunguꞌ ita niyu na sog . Bu mounut na ong misulat nong mga konabihan pasal sog . 32 Pogdatong ta dituꞌ, wakilon nilon akon song mga tow nok kanaꞌ bangsa Yahudi. Pogunda-undahon nilon akon, posipogon bu dulaꞌ-dulaan. 33 Lakposon nilon akon bangka patoyoy, sugaid sog ikotolu ondow, motubuꞌ u da mokpuliꞌ.”

34 Tibuwa daꞌ kosabut nong mga mokpoposampoyin ong maana nok tinaluꞌ in kituꞌ, poꞌ binuni dinilon.

Kiulian ni  og Buta

35 Dangan molani na siloꞌ Isa sog bonuwa Ariha, ongon solokotow buta nong migingkud sok kilid nog dalan monglimus. 36 Na mibatikin nong modakol ong mga tow miniyan, dadi miksak yanin bug olo taꞌ niyon. 37 Taluꞌ nong mga tow diyanin, “Miniyan si Isa, ok tow .” 38 Dadi pipagasin ok taluꞌ in, “Isa, ok ponupuꞌ ni Sultan , kololatoy nu akon.” 39 Pigbinaan yanin nong mga tow sog gunahan nog diꞌ moglimut. Sugaid pipagasanin pa tokodoy ok taluꞌ in, “Ponupuꞌ ni Sultan Daud, kololatoy nu akon.” 40 Dadi linumotaꞌ si Isa bangka nin pangoyoy dituꞌ diyanin. Dangan molani na og buta diyanin, sinakanin, 41 “Olo ok kolegan nu nog inangon ku dinika?” Ok tabalin, “Tuwan, melegu mokotongow.” 42 Taluꞌ ni Isa diyanin, “Na mokotongowa na! Ok pongandol nu, ong mikokuliꞌ dinika.”

43 Dadi sododuun mikotongow na og buta, bangka pogunut ni Isa dunut pokpotasin sok Tuhan. Dangan mitongow nong mga tow, mikpudji sop ilon sok Tuhan.