Lukas 17

Ok Kopogampun bug Kopongandol

Taluꞌ ni Isa song mga mulidin, “Ongon na dodaꞌ ong mga sassat matong. Sugaid mokondok-ondok ok koposunguan nok tow nong mogoyit-oyit nog sog duma nin. 2 Golom pa diyanin nog ikotan og ligin nog batu bangka labuoy sok titongaꞌ nog dagat, gabaꞌ song moyit-oyitin mogdusa bisan solokotow kini nong mobabaꞌ ok pongatoyan nilon. 3 Saan na pokpotubud amu. Bilaꞌ og gilug niyu mokodusa, tintuluꞌ niyu yanin. Na bilaꞌ poktowbatanin na ong mga dusa nin, maap niyu yanin. 4 Bilaꞌ mokodusa yanin pitu kali sog diyalom nok sondow, sokaliꞌ kada dusa nin mongoni sop diniyu nok koampunan, na sumboy ampunon niyu yanin.”

5 Na miktaluꞌ ong mga mokpoposampoyin, “Panghuꞌ, popagas nu ok kotombaꞌ nami!” 6 Taluꞌ ni , “Bilaꞌ ongon ok kotombaꞌ niyu bisan dona mamaꞌ nok kobeteꞌ tokodoy nog boyaan, na mogdadi niyu suguon sok kayu kinya, ‘Kobogduta, bangka a pokpinda dituꞌ sok titongaꞌ dagat.’ Na mounut ok suguan niyu.

7 Na upama ongon og niyu minuliꞌ tidu mogbadjaꞌ atawa mogipat nog bilibili, taluan niyu taꞌ mogdayun nog, ‘Alung, kuman ita na?’ 8 Kanaꞌ ta taluan niyu yanin nog, ‘Poksalin ka poguna, bu pogusibaꞌ a bangka nu akon botangoy nok kan, bu bilaꞌ modoksuꞌ u kuman bangka a sukli?’ 9 Diꞌ amu da moksarang-sukul sog gulipon niyu sowkat na nok tinumombaꞌ hadja yanin sok sinuguꞌ diyanin. 10 Na mamaꞌ da sop diniyu, bilaꞌ miinang niyu na ok sinuguꞌ diniyu, diꞌ amu mogbagad nok poksukulan. Taluꞌ niyu, ‘Tahan ami da gulipon, ininang nami tibuwa ok kopatut nami.’ ”

Kiulian ni ok Sopuluꞌ Kotow nok taga Saki Pomolongon

11 Doksuꞌ miglandan na siloꞌ Isa sok panow nilon sog . Misaut nilon ok tamanan nog bonuwa bug . 12 Dangan minatong ilon sok solobuk bonuwa, linumpak yanin nok sopuluꞌ kotow nok taga saki nog . Dituꞌ ilon minindog sok kolayuan. 13 Miktawag ilon, “U Panghuꞌ Isa, kololatoy nu ami!” 14 Na tinontong ilon ni Isa, bu taluꞌ in, “Angoy niyu potongow og lawas niyu song mga koimaman.” Dadi inunut nilon ok taluꞌ in, bu soliyan nilon mopanow kiulian na ilon.

15 Poktontong nok solokotow nok kiulian na yanin, mikpuliꞌ yanin dituꞌ ni Isa. Pipagasin ok tingogin mokpotas sok Tuhan, 16 bu simudjud yanin sog gunahan ni Isa, bangka poksukul. Ok tow kini taga . 17 Taluꞌ ni Isa, “Kanaꞌ taꞌ sopuluꞌ kotow amu kiulian? Ayin na ok siyam kotow dun? 18 Manu daꞌdun ma ong mikpuliꞌ mokpudji sok Tuhan luwal sok tow kini nok kanaꞌ og bangsa Yahudi?” 19 Doksuꞌ tinaluan ni Isa ok tow koyon, “Indoga na bangka a uliꞌ! Ok pongandol nu ong mikokuliꞌ dinika.”

Pasal sok Pomarinta nok Tuhan

20 Ongon ong mga duma miksak ni Isa bug andun pa datong ok sog dunya. Ok tabal ni Isa dinilon, “Ok pogdatong nok Pomarinta nok Tuhan diꞌ motongow nog duwaꞌ mata niyu. 21 Bu daꞌdun ong mokopoktaluꞌ nog dini atawa dituꞌ ok pomarinta nin, poꞌ ong motudin, ok Pomarinta nok Tuhan, dini sog ginongaan niyu.”

22 Tubus tinaluanin ong mga mulidin, “Matong pa og gondow nong mopondom niyu akon bu kolegan niyu nong ningkomun na bosiya og waktu nok dini. Tibuwa diꞌ pa koyon moinang. 23 Ongon ong mga suksugan nong matong diniyu, taluꞌ nilon, ‘Dituꞌ yanin.’ Atawa, ‘Dini yanin!’ Na diꞌ amu tumombaꞌ bu diꞌ amu mogunut dinilon. 24 Poꞌ akon og Bataꞌ nong Manusiyaꞌ, ok pokpuliꞌ u sog dunya mamaꞌ nok kilat nong mokkillap-killap sog langit bug diya-diya pogligaꞌ. 25 Sugaid sog diꞌ pa koyon, sumboy kobiyanan ku nok kobinsanaan bu tolikudan ku nong mga tow sok timpu kini. 26 Bug olo ok pinginang nong mga tow song masa ni Nabi Nuh kituꞌ, na mamaꞌ nituꞌ da sop ong mokobiyan sok . 27 Poꞌ daꞌdun og ininang nilon muwal kuman, minum bug moglaki bu moglibun, sampoy sog gondow nok sinumolod na siloꞌ Nabi Nuh sog . Dadi miglunup bu minatoy og lam nilon kituꞌ. 28 Domikkiyan da sop song masa ni , ong mga tow kuman, moginum, monaluy, mogdagang, momula, bu mogimung nog baloy. 29 Tibuwa sog gondow nog ginumonat siloꞌ Lot sok , pidupian nok Tuhan og bonuwa kituꞌ nog batu taga gapuy, bu mimatoy og lam nok tow diyon.

30 Na maꞌ niyon da sop og biyan-biyan bilaꞌ akon, og Bataꞌ nong Manusiyaꞌ mokpotongow puliꞌ. Ong mga tow ondaꞌ pogdodama dinakon. 31 Dadi bilaꞌ matong na og gondow koyon, sima-sima ok tow nok kosolabuhan sog luwasan, sumboy diꞌ na yanin muliꞌ mongalap nog gartaꞌ in sog diyalom baloy. Domikkiyan da sop og dituꞌ sog guma, diꞌ na sop muliꞌ. 32 Pomintang amu sok simugat sog libun ni Lot. 33 Dadi sima-sima ok polabihonin nok kotubuꞌ in sog dunya, mobolong da diyanin, sugaid sima-sima ong molong nok kotubuꞌ in sabap dinakon, na koongonan yanin nong mosannang nok . 34 Taluan ku amu, sog waktu nog akon og , mokpuliꞌ sog dunya, mobahagiꞌ ong mga tow. Sog gobi niyon ongon og duwaꞌ kotow mogdongan motulug, oyiton ok solokotow, bu ok solokotow mobagak sog dunya. 35 Bu ongon og duwaꞌ kotow libun mogdongan moggiling, oyiton ok solokotow, bu ok solokotow mobagak. 36 Ongon sop duwaꞌ kotow laki moginang sog guma, oyiton ok solokotow, bu ok solokotow mobagak sog dunya.” 37 Dadi miksak ong mga mulidin, “Panghuꞌ, ayin kini koinang?” Tinumabal si Isa dinilon biyan sok pononggiꞌ, “Tantu bug ayin og bangkoy, poktopukan koyon nong mga manuk-manuk nok kuman nok patoy.”