Lukas 16

Ok Pononggiꞌ pasal sok Sosuguon nong Mopandoy

Na miksuksug na sop si Isa song mga mulidin, “Ongon og dayahan taga sosuguon nok pingandolanin nog gartaꞌ in. Sokaliꞌ ongon ong mikosumbung sog gamu nin nok piggastahan nok pingandolanin og gartaꞌ in. 2 Dadi pitawag nog dayahan ok sosuguon kini, taluꞌ in, ‘Olo ong midongogu kini nok piggastahan nu dow ong mga gartaꞌ u? Bogoy nu na dinakon ong mga listahan bug ponoy nu pogonggayd nog gartaꞌ u, poꞌ diꞌ u na ika pongandolan sog ginang nu kini.’ 3 Dadi tinaluan nok sosuguon koyon og ginawa nin, longin, ‘Olo bayuꞌ in og inangon ku? Pawaon ku na nog gamu u sog ginangu kini, sokaliꞌ diꞌ u pa sop mokogaga mokkukut nog lupaꞌ, bu mosipogu sop monglimus. 4 A, maꞌ ninya og inangon ku bagun poonongon ku nong mga tow sog baloy nilon bilaꞌ mokawaꞌ u sog ginangu.’ 5 Dadi pitawagin ok sosuku nok tow nong mikutang sog gamu nin. Sinakin ok solokotow, taluꞌ in, ‘Andun og gutang nu sog gamu u?’ 6 Ok tabal nong mikutang, ‘Sogatus banggaꞌ mokoluksang nog lana jaytun.’ Tabal nok sosuguon kini, ‘Kinya da og listahan nog gutang nu. Pogdaliꞌ a mingkud, bangka nu imung og lima puluꞌ banggaꞌ.’ 7 Doksuꞌ sinakanin na sop ok solokotow, ‘Ika, andun sop og gutang nu sog gamu u?’ Ok tabalin, ‘Songibu kadut nog boniꞌ.’ Ok taluꞌ sop nok sosuguon, ‘Kinya da og listahan, imung nu walu gatus kadut tibuwa.’

8 Na sinanglitan nog gamu nin ok sosuguon nong mongakkal koyon sabap sok kopandoyin moktogama nok koposunguanin. Poꞌ ong mga tow sukuꞌ nog dunya, mokosun pa monontong nok kobaisan nog ginawa-baran nilon tidu song mga tow . 9 Dadi taluan ku amu, gamit niyu og gartaꞌ niyu sog dunya para mokopoksupali, bagun pogdopot nog waktu nog daꞌdun na ok kopologunahan dun, mogloliyag ilon tumolimaꞌ diniyu dituꞌ sok surgaꞌ.

10 Sima-sima ok kopongandolan nong mga ginang mikaan, kopongandolan da sop sog ginang mosolag. Bu sima-sima og diꞌ kopongandolan sog ginang nong mikaan, diꞌ da sop kopongandolan sog ginang nong mosolag. 11 Dadi bilaꞌ diꞌ amu kopongandolan nog gartaꞌ sog dunya, diꞌ amu da sop kopongandolan nong mga mosobonnal nog gartaꞌ nong mohalgaꞌ sok Tuhan. 12 Atawa bilaꞌ diꞌ amu sop mokosun mogonggayd nok pongartaꞌ nok pingandol diniyu nog duma niyu, sima na ong mogbogoy diniyu nog gartaꞌ?

13 Daꞌdun ok sosuguon nong mokopoktolagad nog duwaꞌ gamu, poꞌ kolasahanin ok solokotow bu kolingitanin ok solokotow. Ok solokotow gamu nin ununganin, ok solokotow ondiꞌ. Dadi bilaꞌ og daya og lumabi sok pikilan niyu, na diꞌ niyu na mounut ok piinang diniyu nok Tuhan. Saan na ok Tuhan da ok tolagadon niyu.”

14 Dangan midongog nong mga ok taluꞌ ni Isa, miksudiꞌ ilon diyanin poꞌ pilabi nilon saan og gartaꞌ. 15 Sugaid taluꞌ ni Isa dinilon, “Amu koyon mikpotongow-tongow hadja song mga tow nong mologdong amu, sugaid kosunan da nok Tuhan ok pongatoyan niyu, poꞌ ongon ok pilabi nong manusiyaꞌ nog diꞌ godamon ok Tuhan dun.”

16 Taluꞌ ni Isa, “Tidu sok tagnaꞌ, sampoy sog waktu ni Nabi Yahiya, ok sumboy unuton nong mga tow ok saraꞌ nok pisampoy dituꞌ ni Nabi Musa bug Parman nok piponog song mga konabi-nabihan. Sugaid tagnaan ni Nabi Yahiya, pisampoy na ong pasal sok , bu migmuhut-muhut ok sosuku nok tow mokampuꞌ dun. 17 Tibuwa bisan maꞌ niyon, kanaꞌ nog daꞌdun na ok kobalan nok saraꞌ ni Musa bug mga pisampoy song mga konabi-nabihan. Mobolong pa poguna og langit bug lupaꞌ, sugaid ok saraꞌ nok Tuhan diꞌ mopinda bisan sobaris. 18 Sima-sima og laki nong molong nog libunin bangka poglibun mokpuliꞌ nog len, na moitung na koyon nog jina. Sima-sima sop ong moglibun nog bakas binolong nog laki nin, na moitung da sop koyon nog jina.”

Pasal ni Lasarus bu sok Tow Dayahan

19 Taluꞌ ni Isa, “Ongon ok tow dayahan. Ok pomonapotin mokohalgaꞌ hadja, gondow-gondow yanin mogjamu bu landuꞌ kobais ok kanin. 20 Sokaliꞌ ongon sop ok tow nong miskin nok pogingalanan Lasarus. Og lawasin polanan nuka, bu dituꞌ yanin pibolilid sog bongowan nog baloy nog dayahan, 21 poꞌ koleganin, mokokan pa yanin nok pongonganon nong molabuꞌ tidu sog lomisahan nok tow dayahan. Bu ong mga nuka nin pogdilatan nong mga gayam.

22 Dadi ongon og waktu minatoy yanin bu inoyit nong mga dituꞌ song molani ni Nabi . Na ok tow dayahan kituꞌ minatoy da sop, bu kinubul yanin. 23 Dangan dituꞌ yanin sog ahirat, minanamin tokodoy ok kobinsanaan. Tubus mitongowin si Nabi Ibrahim bu si Lasarus dituꞌ sok kolayuan. 24 Dadi tinawag nog dayahan si Ibrahim, ‘U Apuꞌ Ibrahim, kololatoy nu akon. Suguꞌ nu pa si Lasarus nog doluonin ok sung nok kuyamotin sok tubig bangka nin potuluoy sog dilaꞌ u poꞌ landuꞌ tokodoy ok kobinsanaan ku sog diyalom gapuy kini.’ 25 Sugaid tinabal yanin ni Nabi Ibrahim, ‘Toꞌ, pondom nu sog bon nog dituꞌ a pa sog dunya, mobais ok kobotang nu, sugaid si Lasarus miksandal nok kolaatan. Ningkomun amu-amuhan yanin, bu ika na og diyon sok kobinsanaan. 26 Liyu niyon, ongon ok pampang sok pigolotan ta. Daꞌdun ok tidu dini nong mokotolipag diyon, bu daꞌdun sop ok tidu diyon nong mokotolipag dini.’ 27 Na miktaluꞌ ok tow dayahan kini, ‘Bilaꞌ maꞌ nituꞌ, pongonihon ku dinika, Apuꞌ Ibrahim, pangoy nu pa si Lasarus sog baloy nog gommaꞌ u, 28 bagun posunanin pa og gilugu nog laki lima kotow pasal song mosolag nok kobinsanaan kini supaya diꞌ na ilon sop mokangoy dini bilaꞌ matoy ilon.’ 29 Sugaid tinumabal yanin ni Nabi Ibrahim, ‘Toꞌ, ongon na ok Kitab nilon nok tidu ni Nabi Musa bug mga konabihan, na sumboy nilon kituꞌ tombaan.’ 30 Miktaluꞌ ok tow dayahan, ‘Apuꞌ Ibrahim, diꞌ da ilon tumombaꞌ. Sugaid bilaꞌ ongon ok tidu matoy mangoy mokposun dituꞌ dinilon, na bangka pa ilon song mga nilon.’ 31 Tibuwa tinumabal si Nabi Ibrahim, ‘Na bilaꞌ diꞌ da ilon tumombaꞌ sok sinulat ni Nabi Musa bug mga konabihan, diꞌ da sop ilon tumombaꞌ bisan ongon pa ok tow nong motubuꞌ mokpuliꞌ tidu sok kopatoy.’ ”