Lukas 13

Sumboy Towbatan og Dusa

Na sog waktu niyon, ongon ong mga tow diyon miksuksug ni nok pipatoy ni Gubernur ong mga tow soliyan nilon mokkurban dituꞌ sog . 2 Ok tabal ni Isa dinilon, “Na bilaꞌ maꞌ nituꞌ ok kopatoy nong mga tow Jalil kituꞌ, sok pikilan niyu, taꞌ tokodoy ilon tidu sog duma nong mga tow Jalil? 3 Na kanaꞌ in! Sugaid taluan ku amu, bilaꞌ diꞌ amu moktowbat nong mga niyu, mongmula amu da sop mamaꞌ dinilon. 4 Na olo ma sop ok sopuluꞌ bu walu kotow nok kibuksakan nog baloy molawa dituꞌ sok Siloam? Ilon taꞌ kituꞌ ok tow baldusa tokodoy tidu sog duma nong mga tow Jerusalem? 5 Na kanaꞌ in! Sugaid taluan ku amu, bug diꞌ amu moktowbat nong mga dusa niyu, mongmula amu da sop mamaꞌ dinilon.”

6 Tubus miksuksug na sop si Isa biyan sok pononggiꞌ, longin, “Ongon solokotow mimula nok kayu dituꞌ sog guma nin. Na pokpuliꞌ-pulianin tumontong bug ongon taꞌ og bunga nin, sugaid daꞌdun ong mobalakin. 7 Dadi tinaluanin ong mogogipat nok pomula nin, ‘Tolu tahun ku na mogbagad nog bunga nog higera koyon, sugaid daꞌdun da ong motongowu! Pagaꞌ nu na, poꞌ moagowin og lupaꞌ nok para bosiya song mga duma nok pomulan.’ 8 Tibuwa miktaluꞌ ong mogogipat dun, ‘Tuwan, posagadan ta na mga sotahun toktob kukutan ku og lumibutin, bu abunuhan ku pa ok punin. 9 Na bilaꞌ mogbunga og higera koyon sunud tahun, na labi mobais, sugaid bilaꞌ diꞌ, popagaꞌ nu na.’ ”

Kiulian ni og Libun Boktut

10 Na ongon og gondow Sabtuꞌ minintuluꞌ si Isa sok solobuk . 11 Na ongon diyon solokotow nog libun nong miboktut sabap sok soytan. Ondiꞌ yanin mokindog nong mologdong sog bon nok sopuluꞌ bu walu tahun. 12 Dangan mitongow ni Isa, tinawagin bangka nin taluoy, “Babuꞌ, puwasa na sog binsanaꞌ dinika nok soytan!” 13 Tubus inonggaydan ni Isa og libun. Sododuun limogdong og lawasin bangka nin potasoy ok Tuhan.

14 Na migboluꞌ ok kounutan sog baloy poksumbahan poꞌ mimulung si Isa sog . Tinaluanin ong mga tow, “Nom ondow og binogoy dinita moginang. Dadi bilaꞌ meleg amu mokpobulung, angoy amu dini sok solod nong nom ondow koyon, kanaꞌ sog Gondow Pogogulali!” 15 Tinumabal si Panghuꞌ Isa diyanin, “Mga migbaluꞌ-baluꞌ amu dodaꞌ! Diꞌ niyu taꞌ ubadon og gikot nok sapiꞌ atawa niyu bisan pa sog Gondow Pogogulali bangka pinumoy nok tubig? 16 Na bilaꞌ puwason ok potubuon koyon sog Gondow Pogogulali, og libun pa taꞌ kini, ok solokotow nok ponupuꞌ ni Nabi ? Piksabulan yanin nog sog bon nok sopuluꞌ bu walu tahun. Na kanaꞌ taꞌ mopatut tokodoy nok puwason yanin sok kowasa nog Iblis sog Gondow Pogogulali?”

17 Dadi sok tabal ni Isa kituꞌ, kisipogan og lam nong mga tow diyon nok sinumaggaꞌ diyanin. Tibuwa ok kodakolan nok tow migloliyag song mokosobuꞌ-sobuꞌ nog ininang ni Isa.

Ok Pononggiꞌ pasal sog Boyaan bug Posulig

18 Doksuꞌ miktaluꞌ pa si Isa, “Ponoy og hantangan nok , bu olo ok pobatukon ku dun? 19 Na ok Pomarinta nok Tuhan mamaꞌ hantang nog landuꞌ kobeteꞌ nog boyaan nok pimula nok tow sog guma nin. Doksuꞌ tinumubuꞌ bangka koimung nong mosolag nok kayu, bu modakol ong miksalag nong mga manuk-manuk song mga panga nin.” 20 Miktaluꞌ pa si Isa, “Olo pa ok kopononggian ku diniyu sok Pomarinta nok Tuhan? 21 Ok pomarinta nin mamaꞌ hantang nok posulig nog inampuꞌ nog libun sok sokadut nok tirigu dituꞌ sok polonggananin toktob sok kinumombang na og inabdunin kotanan.”

Ong Mosikut nok Pintuan

22 Puwas nituꞌ miglandan na si posunguꞌ sog , bangka yanin ponintuluꞌ song mga kowman nok kibiyananin. 23 Dadi ongon ok solokotow nong miksak diyanin, “Tuwan, mikaan dotaꞌ ong moawon bangka kosurgaꞌ?” Ok tabalin, 24 “Pogmuhut-muhut amu tokodoy sumolod song mosikut nog bongowan nok posunguꞌ sok kongkoman nok Tuhan sog bon nong mibukaꞌ pa. Poꞌ taluan ku amu, modakol ok sumuloy sumolod, tibuwa ondiꞌ ilon mokosolod. 25 Poꞌ bilaꞌ tinambol na nog gapuꞌ baloy ok pintuan, sugaid diyon amu pa sog luwasan, mokibukaꞌ amu diyanin bu moktaluꞌ amu, ‘Panghuꞌ, bukaoy nu pa ami!’ Sugaid tabalonin amu, ‘Diꞌ u amu kindanan.’ 26 Na tumabal amu, ‘Bakas ita niyu miksalu kuman, bu ika pa tanan ong minintuluꞌ dituꞌ sok kowman nami.’ 27 Dadi tabalon amu nog gapuꞌ baloy, ‘Ondiꞌ u amu kindanan! Pokpolayuꞌ amu dinakon ong mga monginang nong molaton.’ 28 Na diyon mogaduy amu na bu mongolongot na ong ngisi niyu bilaꞌ motongow niyu siloꞌ , , Yaꞌkub bug lam nong mga konabihan nong mikampuꞌ sok , sugaid amu piawaꞌ da. 29 Modakol nok tow tidu sog ayin-ayin bonuwa dini sog dunya mogdongan mogjamu dituꞌ sok Pomarintahan nok Tuhan. 30 Na inongogoy niyu, ongon ong mga tow mibinayaꞌ ningkomun, sugaid mokuna da ilon, bu ongon sop mga tow nong mikuna ningkomun, na mobinayaꞌ sop ilon.”

Milolat si song mga Tow Jerusalem

31 Dadi sog waktu niyon ongon ong mga minangoy diyanin bu miktaluꞌ, “Awaꞌ a na dini bilaꞌ melega pa motubuꞌ poꞌ meleg munuꞌ dinika si Datuꞌ Herod.” 32 Tibuwa tinabal ilon ni Isa, “Taluan niyu ok tow ponipu koyon, ‘Mogbugowu pa nok soytan sog diyalom lawas nong mga tow, bu momulungu pa nok tow misaki sog gondow kini sampoy lomaꞌ, bu sog ikotolu nog gondow bangka pa kodoksuꞌ og gawoyu. 33 Suboy tokodoy moglandan ku sog Jerusalem sog gondow kini sampoy pa lomaꞌ bu dinglag, poꞌ ondiꞌ u mogdadi matoy ayin-ayin bonuwahoy luwal da sog Jerusalem, poꞌ og bonuwa koyon asal na pokpatoyan nong mga konabi-nabihan.’

34 U Jerusalem, Jerusalem. Tidu pa sok tagnaꞌ pimatoy niyu ong mga nok Tuhan, bu pimatu niyu ong mga piangoyin dini diniyu. Miobon ku na bosiya meleg mogipat diniyu, mamaꞌ nong manuk ginaan nog lokluponin ong mga gititin sok pokpakin, tibuwa daꞌ amu koleg! 35 Umatian niyu! Potiyangan na nok Tuhan og bonuwa niyu. Bu sumboy kosunan niyu nog diꞌ niyu na akon motongow toktob sog waktu nong mokopoktaluꞌ amu nong, ‘Mobarakat ong matong nok kiwakilan nok Tuhan dini.’ ”