Lukas 11

Ok Tintuluꞌ ni pasal sok Pongoni-ngoni

Dadi ongon solobuk gondow mingoni-ngoni si Isa. Pogdoksuꞌ in mongoni-ngoni, minangoy dituꞌ diyanin ok solobuk mulidin, taluꞌ in, “Panghuꞌ, tonduan nu ami mongoni-ngoni sok Tuhan, mamaꞌ nok kopoktonduꞌ ni Yahiya song mga mulidin.” 2 Taluꞌ ni Isa dinilon, “Bilaꞌ mongoni-ngoni amu sok Tuhan, mamaꞌ nini ok taluon niyu:

‘U Ommaꞌ nami sok ,

bung mayan sanglitan lolayun ong ngalan nu .

Bung mayan moongon na og pomarinta nu sok pongatoyan nog lam nong manusiyaꞌ.

3 Bogoyoy nu ami nok kan sog gondow kini.

4  nu ong mga nami, mamaꞌ nok koampun nami nok sosuku nong mikodusa dinami,

bu polayuꞌ nu ami sok sassat.’ ”

5 Na tinaluan pa ni Isa ong mga mulidin, “Soupama, ongon ok solokotow diniyu mangoy sog baloy nok supali nin nok tongaꞌ gobi bangka poktaluꞌ, ‘Pali, pobolos nu pa akon tolu buk mosolag nok pan 6 poꞌ ongon ok supali u minatong sog baloy tidu sok popanowanin, sugaid daꞌdun ong mopokan ku dun.’ 7 Sok pikilan niyu, tumabal taꞌ ok pingonihanin koyon sog diyalom baloyin nog ‘Diꞌ nu na akon sasowon? Mitambol na og bongowan, migbolilid ami na bug mga gumbataꞌ u, bu mologon ku na mogbuwat mogbogoy dinika.’ 8 Na kanaꞌ. Taluan ku amu, bisan pa kulang og lolatin sok supali nin, mogbuwat da yanin mogbogoy nog olo-olo ok kulang nok supali nin koyon pasal sok koponogolin mongoni.

9 Dadi taluan ku amu: Pongoni amu sok Tuhan, bu kobogoyan amu da. Ponontong amu bu mokobalak amu da. Pokibukaꞌ amu bu kobukaan amu da. 10 Poꞌ sima-sima ong mongoni, kobogoyan; sima-sima ong monontong, mokobalak da, bu sima-sima ong mokibukaꞌ nog bongowan, kobukaan da yanin. 11 Na amu mga gommaꞌ, bilaꞌ mongoni og bataꞌ niyu nok sodaꞌ, bogoyan niyu taꞌ nong mamak? 12 Atawa bilaꞌ mongoni yanin nog bulinga, bogoyan niyu taꞌ nog gulasulas? 13 Na bisan ponoy ok kolaat niyu, mokosun amu da mogbogoy nog olo-olo nong mobais song mga gumbataꞌ niyu. Labi na tokodoy og niyu, Tuhan sok surgaꞌ, mogbogoy yanin nog sok sima-sima ong mongoni diyanin.”

Si bu ok Kounutan nok Soytan

14 Dadi ongon ok solobuk waktu, binugow ni Isa ok soytan gumow tidu sog diyalom nog lawas nok tow. Dangan mikoluwas na ok soytan, ugat pa pokotaluꞌ ok tow kituꞌ, bu misobuꞌ tokodoy ok kodakolan nok tow diyon. 15 Tibuwa miktaluꞌ og duma nok tow, “Mokopoluwas yanin nok soytan poꞌ binogoyan yanin nok kowasa nok kounutan nong mga soytan.” 16 Ong mga duma meleg sop sumuloy ni Isa. Pingambat nilon diyanin nong mokpotongow yanin nong mokosobuꞌ-sobuꞌ nog gindanan bilaꞌ motud taꞌ nok piangoy yanin nok Tuhan. 17 Sugaid kiosunan ni Isa bug olo og diyalom pikilan nilon, dadi tinaluanin ilon, “Bilaꞌ ok solobuk bonuwa mogunoy-unoy, na diꞌ da mobon moglaat da. Yonin da sop ong mokobiyan sok solobuk moktolianak nog diꞌ moksulut, moglaat da. 18 Dadi bilaꞌ mogunoy-unoy ok kounutan nong mga soytan bug mga bataanin, diꞌ da mobon, moladak da ok poglokounutanin. Ok taluꞌ niyu dun, saan na mokobugowu nok soytan poꞌ ongon ok kowasa u tidu sok kounutan nong mga soytan. 19 Na bilaꞌ sok ponabut niyu, soupama mokobugowu nok soytan sabap sok kounutan nong mga soytan, na sima sop bayuꞌ in ong migbogoy nok kowasa song mga mulid niyu mogbugow nok soytan? Dadi ilon da ong mokosaksiꞌ nok kanaꞌ motud ok pinaluꞌ niyu koyon. 20 Sugaid pagga motud nong mokobugowu nok soytan biyan sok kowasa nok Tuhan, na yonin na koyon og gindanan nong minatong na diniyu ok . 21 Poꞌ ok soytan, mamaꞌ nog gapuꞌ nog gastanaꞌ. Bilaꞌ mopagas yanin bu jukup og gimu nin mogipat sog gastanaꞌ in, ondiꞌ motangkug og gartaꞌ in. 22 Tibuwa bilaꞌ ongon ong matong nong mopagas pa tidu sog gapuꞌ nog gastanaꞌ kituꞌ, dagon da yanin. Malap na ong mga gimu nin kituꞌ nok pingandolanin, bu bahagion na og gartaꞌ in song mga kodumahan nong mopagas kituꞌ. 23 Na sima-sima og diꞌ mogunut dinakon, na sinumaggaꞌ yanin dinakon. Bu sima-sima og diꞌ tumabang moglimud nong mga tow posunguꞌ sok Tuhan dunut dinakon, na mamaꞌ da nilon pilayuꞌ ong mga tow sok Tuhan.”

24 Taluꞌ pa ni Isa, “Ok soytan, bilaꞌ mokoluwas na tidu sog diyalom nog lawas nok tow, mangoy yanin sog monontong nok pogulalihanin. Sugaid bilaꞌ daꞌdun ong motongowin, moktaluꞌ yanin, ‘Mokpuliꞌ u sok pigonongan ku sok tow nog bakas sinolodan ku kituꞌ.’ 25 Na pokpuliꞌ in, mitongowin nong molonuꞌ na bu migusoy-usoy na. 26 Dadi mongonggat pa yanin nog duma nin pitu soytan nog labi pa kolaat tidu diyanin bangka ilon solod mogonong sog diyalom lawas nok tow koyon. Na ok tow koyon lumabi pa ok kobinsanaanin tidu sok tagnaꞌ.”

27 Dadi soliyan ni Isa moktaluꞌ, ongon solokotow nog libun tidu sok kodakolan nok tow miktaluꞌ nong monamal, longin, “Mobarakat og libun nong migbataꞌ bu mikpoduduꞌ dinika.” 28 Sugaid taluꞌ ni Isa, “Mobarakat pa ok tow nong moginongog bu tumombaꞌ nok Parman nok Tuhan.”

Mingambat ong mga Tow nong Mokosobuꞌ-sobuꞌ nog Ginang

29 Dangan miksidakol pa tokodoy ong mga tow, tinaluanin ilon, “Ong mga tow sok pangkatan kini, molaat. Mingoni ilon nong mokosobuꞌ-sobuꞌ nog gindanan, sugaid diꞌ ilon bogoyan muwal da mamaꞌ nog gindanan nok kibiyanan ni Nabi . 30 Poꞌ miimung si Nabi Yunus og gindanan tidu sok Tuhan song mga tow Ninibe, mamaꞌ nituꞌ da sop akon, og , moimung nog gindanan para song mga tow ningkomun kini. 31 Na bug matong na og , mindog og rayna nong migbayaꞌ sog bonuwa Seba bangka nin taksiloy ong mga tow song ningkomun kini. Poꞌ bisan molayuꞌ tokodoy og bonuwa nin, minangoy yanin monginongog sok tow nong modalom ok kokosunin, yonin na si Sultan . Ponginongog amu, ongon dini ningkomun nong motas pa tidu ni Sultan Sulayman, sugaid daꞌ amu da tombaꞌ diyanin. 32 Bu sog Gondow Poghukum mindog sop ong mga tow nog bonuwa Ninibe bangka nilon taksiloy ong mga tow song ningkomun kini. Poꞌ dangan midongog nilon ong nasihat ni Nabi Yunus, tinumombaꞌ ilon mogdayun bangka nong mga nilon. Na ponginongog amu, ongon dini ningkomun nog labi pa tidu ni Nabi Yunus, sugaid daꞌ amu da tombaꞌ diyanin.”

Ok Sahaya bug og Dolom sok Pongatoyan nok Tow

33 Tinaluꞌ pa ni Isa, “Daꞌdun ok tow nong moktutud nok politaan bangka nin bunihoy atawa dungmaan, tibuwa botangonin sok pogbotangan dun bagun kodolagan ok kotanan nok sumolod. 34 Ong mata niyu ok tiyow nog lawas niyu. Bilaꞌ molasig ong mata niyu, mokosolod og dolag, bu kodolagan ok tibuk nog lawas niyu. Sugaid bilaꞌ mosakit ong mata niyu, na kodoloman ok tibuk nog lawas niyu. 35 Dadi tantu niyu nok kodolagan na ok pongatoyan niyu nok kosobonnalan, poꞌ sunoy diyon amu pa sog diyalom kodoloman. 36 Sugaid bilaꞌ kidolagan og lawas niyu nok kosobonnalan bu ondaꞌ tokodoy kodolomoy bisan mikaan, dumolag amu tokodoy mamaꞌ nong molani amu sok tiyow.”

Piktaluan ni ong mga bug mga

37 Pogdoksuꞌ moktaluꞌ ni , inonggat yanin nok solobuk Parisi kuman dituꞌ sog baloyin, dadi migunut yanin dituꞌ bangka ilon ingkud kuman. 38 Na misobuꞌ ok Parisi koyon bug manu daꞌ poguna pongugas si Isa nok komotin. 39 Dadi tinaluan yanin ni Isa, “Amu mga Parisi, poglonuan niyu ok tasa bug laloy niyu, sugaid og diyalom pongatoyan niyu miponuꞌ nok konapsuhan bu kolaat. 40 Ayin niyu binotang ok pikilan niyu? Kanaꞌ ta ong migimung nog luwasan, yanin da sop ong migimung nog diyalom pongatoyan niyu? 41 Dadi kololatoy niyu ong mga miskinan tidu sok pongatoyan niyu, na bangka kolonuꞌ ok pongatoyan niyu sampoy og lawas niyu. 42 Mokondok-ondok ok koposunguan niyu, amu mga Parisi. Jinakatan niyu bisan ong mga palapala niyu, sokaliꞌ daꞌ niyu unutoy ok poghukum nong mologdong sog duma bug poglasa sok Tuhan. Na kini ok sumboy tokodoy inangon niyu, bu diꞌ niyu da sop lotaan og duma kituꞌ. 43 Mokondok-ondok ok koposunguan niyu, amu mga Parisi poꞌ loliyagon amu soginahon nong mga tow sok tabu bu mingkud song mga gingkudan para song mga mokotas nok tow sog diyalom . 44 Mokondok-ondok ok koposunguan niyu, poꞌ mamaꞌ amu hantang nong mga kubul nog daꞌdun ok sundukin, dadi kododjakan nong mga tow bu mosammal ilon dun poꞌ ondaꞌ nilon kosunoy.”

45 Tubus miktaluꞌ ok solokotow nog guru saraꞌ agama, longin, “Tuwan Guru, sok tinaluꞌ nu koyon tinompalaꞌ nu da sop ami.” 46 Ok tabal ni Isa, “Mokondok-ondok da sop ok koposunguan niyu, amu mga guru saraꞌ agama, poꞌ pobogatan niyu ong mga tow nong mga suguan nong mologon unuton. Sokaliꞌ ok kolengkenge niyu diꞌ tanan tumabang mogoyit sog inoyit nilon koyon. 47 Mokondok-ondok ok koposunguan niyu, poꞌ baassa migaddat amu song mga konabihan, poꞌ pibaisan niyu ong mga kubul nilon. Sokaliꞌ ong mga koapuꞌ-apuan niyu da ong mikpatoy dinilon. 48 Saan na mikpomotud amu nong meleg amu sok pomatoy nong mga koapuꞌ-apuan niyu dinilon, poꞌ bisan pobaisan niyu ong mga kubul nong mga konabihan, diꞌ amu da sop tumolimaꞌ nok pokposampoy nilon kituꞌ diniyu. 49 Mokosun ok Tuhan sog lam nituꞌ, dadi miktaluꞌ yanin, ‘Poyitan ku ilon nong mga nabi bug mga , sugaid og duma patoyon nilon, bu og duma binsanaon nilon.’ 50 Dadi kosakan amu, mga tow ningkomun pasal sok pokpomatoy nong mga nabi nok Tuhan tidu pa sok tagnaꞌ sampoy ningkomun, 51 tidu sok kobunuꞌ ni , og bataꞌ ni Apuꞌ , sampoy na ni Jakariya, ong mibunuꞌ dituꞌ sog lot nok poktutungan nok bug . Oo, taluon ku diniyu, ok pangkatan niyu ningkomun, ong mosugat song mga kituꞌ. 52 Na amu mga guru agama, mokondok-ondok ok koposunguan niyu. Binuni niyu ok kunsiꞌ sok kokosun pasal sok Tuhan. Diꞌ amu meleg mogunut dun, bu inapaan niyu ong mga tow nong meleg kumosun song motud nog dalan posunguꞌ sok Tuhan.”

53 Dangan minawaꞌ na si Isa sog baloy koyon, milingit na tokodoy diyanin ong mga guru agama bug mga tow Parisi. Dadi modakol na og ginisan nok sak nilon diyanin. 54 Miksipi ilon mongalap-sabap tidu sok ponaluonin bagun mosumbung nilon yanin.