Lukas 10

Sinuguꞌ ni ok Pitu Puluꞌ bu Duwaꞌ nong Mulidin

Puwas nituꞌ mimiliꞌ si Panghuꞌ Isa pitu puluꞌ bu duwaꞌ kotow nong mulidin bangka nin suguoy mognasihat song mga bonuwa. Piuna nin doduwaꞌ kotow para song mga lungsud bug kowman nok posunguanin. 2 Sog daꞌ in pa ilon popanowoy, pinonggianin ilon, “Mosongkuꞌ tokodoy og gumahan nok Tuhan, sugaid mikaan da ong mga pologani. Saan na pongoni-ngoni amu sok Tuhan nog bung mayan mokpoyit yanin nong mga pologani tumabang gumani dun. 3 Panow amu na. Sugaid pokpotubud amu, poꞌ pangoyon ku amu mamaꞌ hantang nog bataꞌ nog sok titongaꞌ nong mga mobingis nog gayam talun. 4 Diꞌ amu na mogoyit nok pitaka atawa gabot niyu bug tolumpaꞌ, luwal sok sinolug niyu koyon. Na bilaꞌ ongon ong molumpak niyu sog dalan, ondiꞌ amu mulali moksogina dinilon. 5 Bilaꞌ sumolod amu sok solobuk baloy, poktaluꞌ amu poguna, ‘Assalamu alaykum! Bung mayan moongon ok kosannangan nong mga tow sog baloy kini.’ 6 Dadi bilaꞌ ok tow diyon sog baloy koyon daitan bogoyan nok Tuhan nok kosannangan, na bogoyon da dinilon, tibuwa bilaꞌ diꞌ daitan, na mokpuliꞌ da diniyu. 7 Pogonong amu sog baloy koyon. Kan niyu bu inum niyu og olo-olo nog bogoyon nilon diniyu, poꞌ ong mogoginang patut na dodaꞌ tindanan. Naꞌ amu moglalin-lalin nog baloy nok pogonongan niyu. 8 Bilaꞌ mangoy amu sok solobuk lungsud sokaliꞌ tolimaon amu, na kan niyu og olo-olo og botangon diniyu. 9 Bulung niyu ong mga misaki sog bonuwa koyon, bu taluan niyu ilon, ‘Ok molani na diniyu.’ 10 Sugaid bilaꞌ matong amu sok solobuk lungsud, sokaliꞌ diꞌ ilon tumabuk diniyu, na angoy amu sok kodalan-dalanan, bu taluꞌ niyu, 11 ‘Bisan og bogombun tidu sog lungsud niyu nong minokot sog botis nami pokpasan nami puliꞌ diniyu. Sugaid sumboy kosunan niyu nog ok Pomarinta nok Tuhan molani na.’ ” 12 Miktaluꞌ pa si Isa, “Taluon ku diniyu, sog , labi pa ok siksaan nong mga tow sog lungsud koyon tidu song mga tow .

Mokondok-ondok ok Koposunguan nong mga Tow nog daꞌ Tombaꞌ

13 Amu mga tow Kurasin bug Betsayda, mokondok-ondok ok koposunguan niyu! Poꞌ bilaꞌ ong mga ginang nong mokosobuꞌ-sobuꞌ nog ininangu diniyu, dituꞌ u bosiya ininang sog bonuwa Tirus bug Sidon, miobon na ilon bosiya moktowbat. Migdogdoy ilon na bosiya nok kadut bangka ingkud sog gabu, og gindanan nok piksusunan na nilon ong mga nilon. 14 Dadi sog Gondow Poghukum labi pa mobogat og hukuman diniyu tidu song mga tow Tirus bug Sidon. 15 Bu amu mga tow Kapernaum, migniyat amu taꞌ nok potason amu sok ? Na kanaꞌ, tibuwa pobabaon amu song narkaꞌ.”

16 Tubus nituꞌ miktaluꞌ si Isa song mga mulidin, “Sima-sima ong moginongog diniyu, na mamaꞌ nong miginongog ilon dinakon. Bu sima-sima og diꞌ tumabuk diniyu, daꞌ nilon da sop akon tabukoy, bu sima-sima og diꞌ tumabuk dinakon, daꞌ nilon da sop tabukoy ong miksuguꞌ dinakon.”

Ok Pokpuliꞌ nong mga ni Panghuꞌ Isa

17 Dadi mikopuliꞌ na dituꞌ ni ok pitu puluꞌ bu duwaꞌ kotow nong mulidin dunut loliyag, taluꞌ nilon, “Panghuꞌ, bisan ok soytan tumombaꞌ da dinami bilaꞌ sabbuton nami ong ngalan nu.” 18 Ok tabal ni Isa dinilon, “Oo, mitongowu nong milabuꞌ og tidu sog langit mamaꞌ kodaliꞌ nok kilat. 19 Ponginongog amu, binogoyan ku na amu nok kowasa mokododjak nong mga mamak bu gulasulas, bu dagon niyu og lam nok kowasa nog Iblis, og banta niyu. Daꞌdun tokodoy ong mokopongmula diniyu. 20 Sugaid diꞌ amu tantu mogloliyag sowkat na nok tumombaꞌ diniyu ong mga soytan, tibuwa labi-labi amu pa pogloliyag nong misulat na ong mga ngalan niyu dituꞌ sok .”

21 Na sog waktu nituꞌ piloliyag tokodoy si Isa nog , taluꞌ in, “U Ommaꞌ, ok Pogbayaꞌ-bayaꞌ nog langit bug lupaꞌ, moksukulu dinika nok pitongow nu ok kosobonnalan koyon song mga tow nok kulang kokosun nilon mamaꞌ nog gumbataꞌ, sugaid ondaꞌ nu potampaloy song mga tow nong modalom ok pomikil bu motas ok pongadjiꞌ nilon. U Ommaꞌ, moksukulu dinika poꞌ yonin koyon ok kolegan nu.” 22 Taluꞌ pa ni Isa, “Inuwakil dinakon nok Tuhan, u og lam nituꞌ. Daꞌdun ong mokokosun bug sima u tokodoy, luwal og Gommaꞌ u. Daꞌdun da sop mokokosun bug sima tokodoy og Gommaꞌ u, luwal dinakon, og Bataꞌ in, bu ok sosuku nok tow nok kolegan ku potampalan dun.”

23 Doksuꞌ minadap si Isa song mga mulidin bangka poktaluꞌ nog ilon-ilon da, longin, “Mobarakat amu poꞌ mitongow niyu og ininangu. 24 Poꞌ taluan ku amu, modakol ok konabihan bug mga sultan song masa tagnaꞌ nong meleg tokodoy tumontong bu monginongog nong mga mitongow bu midongog niyu, sugaid daꞌ nilon na kosaut.”

Ok Tow nong Molilolatoy

25 Dadi ongon ok solobuk , minindog bangka poksak poꞌ suloyanin si Isa, taluꞌ in, “Tuwan Guru, olo ok sumboy inangon ku bagun mokotabuku nok ?” 26 Ok tabal ni Isa diyanin, “Olo ong misulat sog diyalom nok Kitab ni Musa pasal sok saraꞌ nok Tuhan, olo ong mibasta nu diyon?” 27 Dadi tinumabal og guru sara agama, “Lasa niyu ok Pogbayaꞌ-bayaꞌ, ok Tuhan niyu nog ikhlas sog diyalom pongatoyan bug nyawa niyu, bu sog lam nok pagas niyu bug pomikil niyu. Bu kolasahoy niyu ok kodumahan niyu mamaꞌ nok poglasa niyu sog ginawa-baran niyu.” 28 Na taluꞌ ni Isa, “Simugat ok tabal nu, unut nu ong mga suguan koyon bu moongon ok kotubuꞌ nu solama-lama.” 29 Tibuwa ok kolegan nog guru saraꞌ agama koyon mokpotongow nong mologdong yanin nok tow, dadi sinakanin mokpuliꞌ si Isa, taluꞌ in, “Sima buwan og duma u nok sumboy kolasahan?” 30 Ok tabal ni Isa, “Ongon ok tow nong minangoy sog bonuwa Ariha tidu sog . Soliyanin sog dalan, inapaan yanin nong mga polongapaꞌ. Inalapan nilon yanin nok ponapot bug sin, bangka binasahoy nog agon-agon na matoy bangka bagakoy sog dalan. 31 Sokaliꞌ miksolabu sop nog ongon og miniyan sog dalan koyon. Poktontongin nok tow nog inapaan kituꞌ, simimoy hadja yanin bangka nin biyanoy. 32 Puwas nituꞌ ongon sop ok ponindog sog , ok ponupuꞌ ni Lebi nong mikobiyan. Sugaid tinontongin hadja ok tow nog bakas inapaan, bangka simoy. 33 Tubus ongon da sop ok solokotow ong mikobiyan sog dalan koyon, og bangsa nin Samariya. Dangan mitongowin ok tow nog inapaan koyon, landuꞌ tokodoy og lolatin dun. 34 Inangoyin buyusoy nog lana bug ginumon nong mokolangu og gangol nok tow koyon bangka nin bogbodoy. Doksuꞌ pisakoyin ok tow koyon sok kudaꞌ in nog himar, bangka nin oyitoy sog baloy pogogulalihan bu dituꞌ in inipat. 35 Dadi poglomaꞌ, binogoyanin nok sin og gapuꞌ nog baloy, taluꞌ in, ‘Ipat nu yanin pahatul, bu bilaꞌ mokkulang og binogoyu dinika, bayadan ku dona ika pokpuliꞌ u dini.’ ”

36 Tubus niyon miktaluꞌ si Isa, “Dadi song niyat nu, sima bayuꞌ in sok tolu kotow koyon ong mikpotongow nog lasa nin sog duma nin nog inapaan koyon?” 37 Na ok tabal nog guru sok saraꞌ agama, “Ok solokotow nong milolat dun kituꞌ.” Tinumabal si Isa, “Motud, dadi panowa bangka nu inang.”

Mingumbaloy si dituꞌ sog Baloy niloꞌ Marta bu Mariam

38 Dangan sok popanowan na ilon nong mulidin posunguꞌ sog , midopot ilon sok solobuk kowman. Ongon og libun dituꞌ, ong ngalanin si Marta. Tinolimaꞌ in siloꞌ Isa sog baloyin. 39 Na ongon og gilugin nog libun, ong ngalanin si Mariam. Miningkud yanin sog gadapan ni Isa bangka poginongog sok poktintuluꞌ in. 40 Tibuwa kitopakan si Marta kobalan nok kodakol nog ginangin, saan na minangoy yanin dituꞌ ni Isa, taluꞌ in, “Panghuꞌ, daꞌdun da taꞌ dinika nok pisagadan ku nog gilugu moktogama nong mga kan? Suguꞌ nu pa yanin tumabang dinakon.” 41 Sugaid miktaluꞌ ok Panghuꞌ, “Marta, landuꞌ a mosusa bu mosasow song modakol nog ginisan. 42 Solobuk da ok sumboy tokodoy polabihon. Yonin na ok piniliꞌ ni Mariam, bu ondiꞌ na koyon moawaꞌ diyanin.”