Lukas 9

Sinuguꞌ ni Mokposampoy ok Sopuluꞌ bu Duwaꞌ Kotow nog Kiwakilanin

Dadi linimud ni Isa ok sopuluꞌ bu duwaꞌ mokpoposampoyin, bangka nin bogoyoy nok kowasa bu kopatut mokpoluwas nog lam nok soytan bu mokpokuliꞌ nong mga saki. 2 Doksuꞌ bangka nin ilon pangoyoy mokposampoy pasal sok bu momulung nong mga tow. 3 Dadi tinaluan ilon ni Isa, “Diꞌ amu mogoyit nog olo-olo sok popanowan niyu, mamaꞌ na nok tungkod, gabot, kan, sin atawa ok salinan. 4 Ayin-ayin na baloyoy og datongan niyu nong mobais ok kotabuk diniyu, na diyon amu na pogonong sog bon niyu diyon sog bonuwa koyon, bu diyon amu da sop gonat. 5 Tibuwa bilaꞌ diꞌ amu tabukon nok tow diyon, pokpasoy niyu og bogombun sog botis niyu, pokpomotud nok puwas amu na dinilon, bangka amu awaꞌ sog bonuwa koyon.”

6 Dadi mipanow na ong mga ni Isa mongnasihat song mga kowman. Mikposampoy ilon nong , bu mimulung ilon nong mga tow misaki sog ayin-ayin nok kobonuwahan.

Miksak si Datuꞌ Herod pasal ni Panghuꞌ Isa

7 Na misaut og dongogan pasal ni Isa diyon ni Datuꞌ Herod, dadi milibug tokodoy yanin, poꞌ ongon og duma miktaluꞌ nok si Isa yonin na si nong mitubuꞌ mokpuliꞌ tidu sok kopatoy. 8 Miktaluꞌ sop og duma nok si Isa yonin na si Nabi mikpuliꞌ sog dunya. Bu og duma miktaluꞌ nog yanin koyon ong tagnaꞌ nong mitubuꞌ mokpuliꞌ. 9 Taluꞌ ni Datuꞌ Herod, “Si Yahiya piputukan ku na nog gulu, sugaid sima bayuꞌ ong mokosobuꞌ-sobuꞌ nok tow nong midongogu kini.” Saan na migmuhut-muhut yanin moktongow ni Isa.

Ok Pokpokan ni Panghuꞌ Isa song Nginibuhan nok Tow

10 Dangan mikpuliꞌ na ong mga ni Isa, sinuksugan nilon yanin nok kotanan nong miinang nilon. Pidunutin ilon mangoy song molani nog bonuwa nog Betsayda nog ilon-ilon da. 11 Sugaid dangan kiosunan nok kodakolan nok tow bug ayin minangoy siloꞌ Isa, modakol tokodoy ok tinumuyuk diyanin. Pogdatong nilon dituꞌ, tinabuk ilon ni Isa bu sinuksuganin ilon pasal sok , bu binulungin sop ong mga taga longkoan.

12 Dangan posunguꞌ na sumindop og gondow, minangoy dituꞌ diyanin ok sopuluꞌ bu duwaꞌ kotow nong mokpoposampoyin bangka poktaluꞌ, “Pangoy nu na ong mga tow song mga gumbaloyan bug gumahan sog lumibut ta bagun mokoponontong ilon nong mokan nilon bu kotulugan nilon sog gobi kini, poꞌ mohinok og bonuwa kini.” 13 Tibuwa ok taluꞌ ni Isa dinilon, “Amu na ong mogbogoy dinilon nok kan.” Ok tabal nilon, “Lima buk da ok pan nami bu duwaꞌ buk da ok sodaꞌ, luwal bilaꞌ suguon nu ami sumaluy nok kan para sog lam nok tow kini.” 14 Na og dakol nok kolakihan tibuwa ongon mga lima ngibu kotow. Tinaluanin ong mga mulidin, “Pingkud niyu ong mga tow lima-lima puluꞌ kotow ok sotopuk nilon.” 15 Dadi inunut nilon ok suguan ni Isa, piingkud nilon og lam nok tow. 16 Tubus inalap ni Isa og lima buk nok pan bu duwaꞌ buk nok sodaꞌ koyon, bangka tongal sog langit miksukul sok Tuhan. Pikpitak-pitakin ong mga pan bug sodaꞌ, bug binogoyin song mga mulidin, bangka nilon pomogoyoy ong mga tow. 17 Dadi mikokan bu mibosug og lam nok tow diyon. Pogdoksuꞌ nilon kuman, mikotimud pa ong mga mulid ni Isa nok kan, bu miponuꞌ nilon ok sopuluꞌ bu duwaꞌ ambung.

Si , og Al-Masih

18 Na ongon solobuk gondow mingoni-ngoni si Isa sok Tuhan sala-sala nin, bu ong mga mulidin diyon song molani nin. Tubus sinakan ilon ni Isa, “Sima u dow taluꞌ nong mga tow?” 19 Ok tabal nilon, “Taluꞌ nog duma nong mga tow, ika dow si . Og duma sop miktaluꞌ nog ika dow si . Og duma sop, ika dow ong tagnaꞌ kituꞌ nong mitubuꞌ mokpuliꞌ.” 20 Na miksak puliꞌ si Isa dinilon, “Na bilaꞌ amu, sima u?” Ok tabal ni , “Ika og , ok piniliꞌ nok Tuhan.” 21 Puwas nituꞌ pingamoy-amoy tokodoy ni Isa dinilon nog diꞌ ponuksug sog bisan sima towoy. 22 Tubus taluꞌ pa ni Isa, “Akon, og sumboy dodaꞌ mokobiyan song mosolag nok kobinsanaan, bu diꞌ tabukon nong mga migmokogulang, mga kounutan nok koimaman bug mga guru agama. Sumboy patoyon ku, sugaid pogdatong nog ikotolu ondow tidu sok kopatoy dinakon, motubuꞌ u da mokpuliꞌ.”

23 Doksuꞌ tinaluan ilon kotanan ni Isa, “Bilaꞌ ongon ok tow nong meleg mogunut dinakon, gondow-gondow sumboy tolikudanin ok koleganin, bangka nin unutoy ok kolegan ku, bu sandalanin og lam nok kobinsanaan bisan matoy yanin, mamaꞌ sopantun nok tow mikpisan nok kayu nok poglansangan diyanin. 24 Poꞌ sima-sima ong mokpolabi nok kotubuꞌ in dini sog dunya, mobolong da diyanin. Sugaid sima-sima ong molong nok kotubuꞌ in pasal dinakon, na koongonan yanin nong mosannang nok . 25 Olo buwan ok kobaisan nok tow, bilaꞌ moalapin og lam nituꞌ sog dunya, sugaid mobolong da diyanin ok kosannangan sok surgaꞌ? 26 Poꞌ sima-sima og ikosipogin akon bug mga tintuluan ku, na akon, og Bataꞌ nong Manusiyaꞌ, mosipog da sop mangkon dun sog waktu mokpuliꞌ u na dini sog dunya dunut sahaya u bug nog u bug mga malaikatin. 27 Taluan ku amu, ong motudin, ongon dini diniyu og ondiꞌ pa matoy sog bon nog diꞌ nilon pa motongow ok .”

28 Dangan miniyan na mga walu ondow doksuꞌ in moktaluꞌ pasal niyon, inoyit ni Isa si Petros, si Yahiya, bu si Yaꞌkub dituꞌ sok tas nog bontud bagun mongoni-ngoni sok Tuhan. 29 Na soliyanin mongoni-ngoni, sunoy pa mipinda og bayuꞌ-bayuꞌ nong muluꞌ in, bu miksahaya bu miksiputiꞌ ok ponapotin bu mokopollag. 30 Tubus sunoy pa ongon mikpotongow duwaꞌ kotow diyanin, yonin na si Nabi Musa bu si Nabi . 31 Miksahaya da sop ilon bu migabit-abit ilon ni Isa pasal sok kopatoyin nok kobiyananin sog bagun mounut ok kolegan nok Tuhan. 32 Na si Petros bug mga duma nin mikotulug. Tibuwa mikotanud ilon, bu mitongow nilon miksahaya si Isa bu mitongow nilon og duwaꞌ kotow nong migindog song molani nin. 33 Dangan posunguꞌ na mawaꞌ og duwaꞌ kotow kini, tinaluan ni Petros si Isa, “Panghuꞌ, mobais da nog dini ami. Mogimung ami nok tolu buk , solobuk nika, solobuk ni Nabi Musa, bu solobuk ni Nabi Elyas.” Mamaꞌ niyon ok taluꞌ in poꞌ mamaꞌ yanin nog daꞌ sok sayu bug olo ok tinaluꞌ in. 34 Soliyan pa ni Petros moktaluꞌ, ongon og gabun tinumuwaꞌ bu kidungmaan ilon dun, dadi miondok ong mga mulid ni Isa. 35 Doksuꞌ ongon ong midongog nilon nok tingog tidu sog gabun, taluꞌ in, “Yonin kini og Bataꞌ u, ok piniliꞌ u, inongogoy niyu bu tombaoy niyu yanin!” 36 Na dangan linumotaꞌ na ok taluꞌ, sala-sala dona ni Isa ong mitongow nilon. Sog waktu koyon daꞌ pa poglogonek ong mga mulid ni Isa sog duma pasal song mitongow nilon koyon.

Kiulian ni og Bataꞌ nok Sinolodan nok Soytan

37 Dadi poglogondow solobuk dangan dinumiksun na siloꞌ Isa tidu sog bontud, linumpak yanin nog landuꞌ kodakol nok tow. 38 Sokaliꞌ ongon ok tow miktawag diyon ni , taluꞌ in, “Tuwan Guru, pongonihon ku dinika, tontong nu pa og bataꞌ u nog laki poꞌ tunggal pa sop yanin nog bataꞌ u. 39 Poksolodan na hadja yanin nok soytan, sunoy pa lumosik na bangka poglakusan bu mogbulaꞌ og babaꞌ in. Agon na diꞌ mawaꞌ diyanin ok soytan sog bon nog diꞌ yanin mobinsanaꞌ pahatul. 40 Pingoni u na song mga mulid nu nok poluwason nilon pa ok soytan, sugaid ondaꞌ da nilon koinang.” 41 Na ok tabal ni Isa, “U amu mga tow sog waktu kini nog daꞌ pongandol bu molikoꞌ. Ayin pa toktob og gobon ku dini bu ok poksandalu diniyu? Oyit nu na dini og bataꞌ nu.” 42 Dangan mikpolani ni Isa og bataꞌ, sunoy pa pibagsaꞌ bu pilede tokodoy yanin nok soytan koyon. Na pigbinaan ni Isa lumuwas ok soytan bangka pa kulioy og bataꞌ. Doksuꞌ inuwakilin og bataꞌ koyon sog gommaꞌ in. 43 Dadi misobuꞌ tokodoy og lam nok tow dangan mitongow nilon ok kowasa nok Tuhan.

Na soliyan nong misobuꞌ ong mga tow sog lam nog ininang ni Isa, miktaluꞌ yanin song mga mulidin pasal song matong sog ginawa nin, longin, 44 “Poginongog amu mahatul dinakon! Og posunguꞌ na wakilon sok kongkoman nong manusiyaꞌ.” 45 Tibuwa daꞌ kosabut nong mga mulidin bug olo ong maana nok taluꞌ in, poꞌ binuni dinilon bagun diꞌ nilon mosabut. Mondok da sop ilon moksak ni Isa pasal niyon.

Ong Mobabaꞌ nog Goyitan, yonin ong Moitung nong Motas

46 Tubus miktagnaꞌ ok pogdodaawa nong mga mulid ni pasal bug sima taꞌ ong motas dinilon. 47 Sugaid kiosunan ni Isa og diyalom pikilan nilon, dadi minalap yanin nog bataꞌ bangka nin poindogoy song molani nin. 48 Doksuꞌ miktaluꞌ yanin dinilon, “Sima-sima ok tumabuk nog bataꞌ kini sabap dinakon, na tinabukin da sop akon. Bu sima-sima ok tumabuk dinakon, na tinabukin da sop ong mikpangoy nakon dini. Poꞌ sima-sima ong mobabaꞌ og goyitanin, na itungon yanin nok Tuhan nong motas sok kotanan.”

49 Tinaluan ni Yahiya si Isa, “Panghuꞌ, ongon ong mitongow nami nok tow sinumabbut nong ngalan nu mogbugow nong mga soytan. Pigondian nami poꞌ kanaꞌ yanin og duma ta.” 50 Sugaid tinaluan yanin ni Isa, “Potiyangan niyu na yanin poꞌ sima-sima og diꞌ sumaggaꞌ diniyu, og duma niyu.”

Ok Pogangoy ni sog Jerusalem

51 Dadi dangan miksilani og waktu nok pokpuliꞌ ni Isa sok , sinolobukin na ok pikilanin nong mangoy sog Jerusalem. 52 Na ongon ok piuna nin sog angoyanin, dadi sinumolod ilon sok solobuk kowman sok bagun mokpodinsamaꞌ nog apitanin dituꞌ. 53 Tibuwa ong mga tow dituꞌ ondiꞌ tumabuk diyanin, poꞌ kiosunan nilon nok posunguꞌ yanin mangoy sog Jerusalem. 54 Dangan midongog ni Yaꞌkub bu ni Yahiya, og duwaꞌ kotow song mulidin ok pasal niyon, tinaluan nilon si Isa, “Panghuꞌ, melega taꞌ nok suguon nami poponogan nog gapuy tidu sog langit og bonuwa koyon bagun ilon motipot patoy?” 55 Liningoy ilon ni Isa bangka nin ilon pogbinaoy. 56 Doksuꞌ bangka ilon pogdayun sog len kowman.

57 Dadi soliyan nilon mopanow sog dalan, ongon solokotow miktaluꞌ dituꞌ ni Isa, “Mogunutu dinika bisan ayin ka posunguꞌ.” 58 Ok tabal ni Isa diyanin, “Ong mga tinggalung, ongon og luwang nilon, bu ong manuk-manuk taga salag, sugaid akon, og daꞌdun tanan og baloy pogulalihan ku.” 59 Taluꞌ ni Isa sok solokotow, “Pogunuta na dinakon!” Ok tabal nok tow koyon, “Panghuꞌ, puliꞌ nu pa akon poguna mokkubul nog gommaꞌ u.” 60 Tinumabal si Isa diyanin, “Potiyangan nu na ong mga tow nok patoy ok ponginombaꞌ nilon sok Tuhan, nog ilon ong mokkubul nong mga patoy nilon, sugaid ika, pogunuta na dinakon mokposampoy pasal sok .”

61 Taluꞌ sop nok solokotow, “Panghuꞌ, mogunutu dinika, sugaid pouliꞌ nu pa akon sog baloy momuhun song mokogulang-gilugu.” 62 Sugaid taluꞌ ni Isa diyanin, “Ok tow nong mogbadjaꞌ sokaliꞌ moglingoy-lingoy, na diꞌ dumait mogbadjaꞌ. Domikkiyan sop ok tow nong mogduwaꞌ-duwaꞌ sok pogunutin dinakon, diꞌ sop dumait sok Pomarinta nok Tuhan.”