Lukas 7

Ok Kopongandol nok Kapitan nong mga Sundalu nog Rum

Dangan midoksuꞌ si mognasihat sog lam nok tow diyon, minangoy yanin dituꞌ sog lungsud Kapernaum. 2 Na ongon dituꞌ solokotow bangsa Rum nok kapitan nong mga sundalu. Ongon og guliponin nong misaki bu posunguꞌ na matoy. Og guliponin kini, kolasahanin tokodoy. 3 Dangan midongog nok kapitan koyon ok pasal ni Isa, sinuguꞌ in ong mga migmokogulang nog bangsa sog bonuwa koyon nok pongonihon pa nilon ni Isa mangoy dituꞌ sog baloyin, bagun pokodagon og guliponin. 4 Pogdatong nilon dituꞌ ni Isa, mikpokilolat tokodoy ilon diyanin, taluꞌ nilon, “Tuwan, ok kapitan kini mopatut tokodoy tabangan nu, 5 poꞌ molasa tokodoy yanin sog bangsa ta, bu piimunganin pa ita niyu nog .” 6 Na migunut na dinilon si Isa.

Dangan molani na ilon sog baloy, sinuguꞌ nok kapitan koyon ong mga supali nin lumumpak dinilon, mokposampoy nok taluꞌ in dituꞌ ni Isa, long nilon, “Panghuꞌ, ok taluꞌ nok kapitan nog diꞌ nu na potiksaon og lawas nu, poꞌ diꞌ yanin daitan nok sumoloda sog baloyin. 7 Bu diꞌ da sop yanin daitan lumumpak nika, sugaid tinumombaꞌ yanin nok kulian na og guliponin sok taluꞌ nu hadja. 8 Pasal yanin sooy ongon ok kounutan nong migbayaꞌ diyanin, bu ongon da sop ong mga sundalu nok pigbayaanin. Bilaꞌ taluonin sok solokotow nong mangoy dituꞌ, tumombaꞌ yanin. Bu bilaꞌ taluonin sok solokotow nong mokpolani diyanin, tumombaꞌ da sop yanin. Bu bilaꞌ sop taluonin sog guliponin, ‘Inang nu kini,’ na inangonin.” 9 Dangan midongog ni Isa, misobuꞌ yanin sok pongandol nok kapitan koyon. Inadapin ok tumpukan nok tow nong migunut diyanin, bangka poktaluꞌ, “Taluan ku amu, daꞌ u pa sibon pokobalak nok tow nong maꞌ nini kopagas ok kopongandolin bisan sooy sog bangsa .” 10 Na dangan mikuliꞌ na ong mga sinuguꞌ kituꞌ sog baloy nok kapitan, mitongow nilon nok kiulian na og kituꞌ.

Pitubuꞌ Puliꞌ ni og Bataꞌ nog Balu Libun

11 Daꞌ kobon minangoy si Isa bug mga mulidin sog lungsud nok pogingalanan nong Nain, bu modakol tokodoy ong mga tow nong migunut diyanin. 12 Dangan molani na ilon sog bongowan nog lungsud nong Nain, kisolabuhan sop nilon nog ongon ong minatoy tinanggung nong mga tow sog bonuwa koyon posunguꞌ sok pongubulan. Og bangkoy nok tinanggung nilon koyon og laki, yonin na ok tunggal bataꞌ nog balu libun, bu modakol ok tow nong migunut dun. 13 Dangan mitongow ni Panghuꞌ Isa og balu libun, milolat yanin dun, bangka nin taluoy, “Diꞌ a mogaduy.” 14 Doksuꞌ mikpolani si Isa sok tanggungan bangka nin kikapoy, dadi limotaꞌ ong mga miktanggung, bangka taluoy ni Isa, “Toꞌ, pogbuwata!” 15 Na sododuun mitubuꞌ puliꞌ ok patoy koyon bu migbuwat, bangka poktaluꞌ. Dadi inuwakil ni Isa dituꞌ sog ginaꞌ in.

16 Na landuꞌ tokodoy og gondok nong mga tow diyon dunut pokpotas nilon sok Tuhan, taluꞌ nilon, “Dini na dinita ong nong mokowasa. Binontow na nok Tuhan ong mga piktowanin.” 17 Na ok suksugan pasal sog ininang ni Isa diyon mikanat sog liwag nog bu sog len bonuwa sog lumibutin.

Ok Sak ni

18 Na dangan sinuksugan si Yahiya Mongliliguꞌ nong mga mulidin pasal song mga ininang ni koyon, pitawagin og duwaꞌ kotow song mga mulidin, 19 bangka nin ilon suguoy moksak dituꞌ ni Panghuꞌ Isa, taluꞌ in, “Ika na taꞌ og dinodamahan nami nong matong atawa mogbagad ami pa nog len?” 20 Dangan minatong na og duwaꞌ kotow nok sinuguꞌ, miktaluꞌ ilon, “Ami kini sinuguꞌ ni Yahiya Mongliliguꞌ bagun moksak bug ika na taꞌ ok pigdodamahan nami nong matong, atawa mogbagad ami pa nog len?” 21 Sog waktu tokodoy nituꞌ modakol og binulung ni Isa nong mga tow taga saki nong migloginis bug mga buta sampoy ong mga sinolodan nok soytan, bu kiulian og lam nilon. 22 Dadi tinabal ilon ni Isa, “Pokpuliꞌ amu, bu suksugoy niyu si Yahiya song mitongow bu midongog niyu. Ong mga tow buta mokotongow na, og daday mokopanow na, og ginipul molonuꞌ na ok panit nilon, ong mga bongol mokodongog na, ong mga tow minatoy, mipotubuꞌ na, bu ong pisampoy na song mga miskinan. 23 Bu mobarakat ok tow nog diꞌ tumolikud dinakon.”

24 Dangan mikawaꞌ ong mga mulid ni Nabi Yahiya, tinaluan ni Isa ok tumpukan nong mga tow pasal ni Yahiya, longin, “Olo og inangoy niyu tontongoy sok talunan sog waktu nog diyon si Yahiya? Ok parang taꞌ nok pikpalid-palid nog galuꞌ? Kanaꞌ na dodaꞌ. 25 Minangoy amu taꞌ tumontong nok tow mimonapot nong mohalgaꞌ? Na kanaꞌ, poꞌ ong mga tow mimonapot nong mokohalgaꞌ bug miglabi-labi og daya nin, dituꞌ migonong sog gastanaꞌ. 26 Olo buwan og inangoy niyu tontongoy dituꞌ sok talunan? Ong taꞌ? Motud. Taluan ku amu, ong mitongow niyu dituꞌ ong nabi nong motas pa tidu sog len nong mga nabi.

27 Poꞌ yanin ok pigbinaan sosuguon nong misulat sok Kitab, taluꞌ nok Tuhan, ‘Pounahon ku dinika ok sosuguon ku mokpodinsamaꞌ nog biyanan nu.’

28 Taluan ku amu, daꞌdun ong mga pimataꞌ nok kolibunan nong motas pa ni Yahiya Mongliliguꞌ, sugaid ningkomun ok kinobabaan nong minampuꞌ sok , motas pa yanin tidu ni Yahiya.”

29 Na ok kotanan nok tow nong mikodongog dun, bisan pa ong mga mogogalap nog , miksobonnal ilon nong mologdong ok Tuhan, poꞌ ilon koyon ong mikiliguꞌ kituꞌ ni Yahiya. 30 Tibuwa ong mga tow bug mga , daꞌ nilon tombaoy ok kolegan nok Tuhan dinilon, poꞌ diꞌ ilon meleg poliguon ni Yahiya.

31 Taluꞌ pa ni Isa, “Ayin ku bayuꞌ pobatukoy ong mga tow sok timpu kini, bu olo ok pononggian ku dinilon? 32 Mamaꞌ ilon nog gumbataꞌ sok tabuꞌ moktinawagoy ok solokotow dituꞌ sok solokotow, taluꞌ nilon, ‘Miksuling ami diniyu, sugaid daꞌ amu da pongigal, migluguꞌ ami nog luguꞌ patoy, sugaid daꞌ amu da pogaduy.’ 33 Dadi mamaꞌ amu da sop dinilon, poꞌ minatong si Yahiya Mongliliguꞌ, mokpopuwasa yanin bu ondiꞌ moginum, sugaid miktaluꞌ amu, ‘Sinolodan yanin nok soytan.’ 34 Doksuꞌ minatong og , kuman bu minum yanin. Tibuwa miktaluꞌ amu, ‘Tontong niyu ba, ok tow koyon gibogon bu mogoginum bu ok supali nong mga mogogalap nog buwis bug mga .’ ” 35 Sugaid taluꞌ ni Isa, “Ok kokosun nok Tuhan, ok kosobonnalanin motongow sog lam nok tow nong mogunut dun.”

Ok Pogampun ni sog Libun Baldusa

36 Na ongon og gondow, inonggat si Isa kuman sog baloy nok solokotow nok pogingalanan Simun. Dadi minangoy yanin dituꞌ bangka pokkilid kuman. 37 Na sog bonuwa koyon ongon ok solokotow nog libun . Dangan midongogin nok kinuman si Isa sog baloy nok Parisi, minangoy yanin dituꞌ dunut nong molingkat nok kassaꞌ-kassaꞌ nok taga lana momut nong mohalgaꞌ. 38 Minindog yanin sog dapit sikwoyan ni Isa dunut gaduyin sampoy nong mibasaꞌ nog luwaꞌ in og botis ni Isa. Tubus pinunasanin nog bukin og botis ni Isa bangka nin pa alokoy, bu inududanin nog lana momut.

39 Dangan mitongow nok Parisi nong migonggat kituꞌ diyanin, taluꞌ in sog diyalom atoyin, “Bilaꞌ ok tow kini motud nong , kosunanin bosiya og libun nong mingonggayd diyanin koyon, og baldusa.” 40 Dadi tinaluan yanin ni Isa, “Simun, ongon ok taluon ku dinika.” Tinumabal si Simun, “Olo niyon, Tuwan Guru? Taluan nu akon!”

41 Taluꞌ ni Isa, “Ongon og duwaꞌ kotow minutang nok sin sok tow nong mokpopodam nok sin. Ok solokotow mikutang lima gatus , bu ok solokotow mikutang lima puluꞌ. 42 Dangan diꞌ na ilon mokobayad nog gutang nilon, na pinuwas na ilon nok kiutangan nilon koyon. Na sima dinilon duwaꞌ og labi molasa sok tow nok kiutangan nilon?” 43 Na tinumabal si Simun, “Kituꞌ bayuꞌ ong modakol ong miutangin.” Ok tabal ni Isa, “Simugat ok tabal nu.”

44 Doksuꞌ limingoy si Isa sog libun bangka nin taluoy si Simun, “Mitongow nu taꞌ og ininang nog libun kini? Inonggat nu akon mangoy sog baloy nu, sugaid daꞌ nu akon bogoyoy nok tubig pogugas nog botisu, tibuwa og libun kini, inugasanin og botisu nog luwaꞌ in, bu og bukin pa ok pikpunasin dun. 45 Ondaꞌ nu akon lumpakoy nog galok, og libun kini tibuwa, tidu pa sok kodatongu, daꞌdun gulali nin mongalok nog botisu. 46 Bu daꞌ nu tanan lanahoy og gulu u, og gindanan nok pogaddat nu, sugaid og libun kini inulitin botangoy og botisu nog lana momut. 47 Dadi taluan ku ika, inampun na og nog libun kini bisan pa modakol, saan na mosolag og lasa nin dinakon. Tibuwa ok tow nog inampun sog dusa nin mikaan, na mikaan da sop og lasa nin.”

48 Doksuꞌ tinaluan ni Isa og libun, “Inampun na ong mga dusa nu.” 49 Na ong mga tow nog diyon kinuman sog lomisahan, mikopogniyat ilon, taluꞌ nilon, “Sima bayuꞌ ok tow kini nong mongampun tanan nog dusa?” 50 Tubus tinaluan ni Isa og libun, “Ok kopongandol nu, ong mikoawon dinika. Uliꞌ a nong mosannang!”