Lukas 6

Miksaggaꞌ si bug mga pasal sog Gondow Pogogulali^a

Solobuk gondow Sabtuꞌ, yonin na og gondow Pogogulali, miniyan siloꞌ Isa sog gumahan mamaꞌ nok paloyan taga . Soliyan nilon miyan, mingotuꞌ ong mga mulidin nog bunga nin bangka imukadoy, doksuꞌ kinan nilon. 2 Na og duma nong mga Parisi miktaluꞌ, “Manu mingotuꞌ amu ma sog nok pigondiꞌ ma koyon sok saraꞌ?” 3 Ok tabal ni Isa dinilon, “Ondaꞌ niyu taꞌ kobasta sok Kitab og ininang ni Nabi dangan kigutoman yanin bug mga duma nin? 4 Sinumolod yanin sog diyalom , bangka nin alapoy ok pan sutsi, nog inuwakil tagnaꞌ sok Tuhan. Tubus kinuman yanin, bu binogoyanin da sop ong mga duma nin. Na og ginang nilon kituꞌ pigondiꞌ sok saraꞌ, poꞌ ok patut bosiya kuman dun, ong mga da.” 5 Bu taluꞌ pa ni Isa dinilon, “Akon og ong mokopogbayaꞌ bug olo ong mopatut inangon sampoy sog Gondow Pogogulali.”

6 Na sog len na sop nog gondow Sabtuꞌ, minangoy si Isa sok poksumbahan mognasihat, sokaliꞌ ongon diyon og laki nong mingoyongkong og dapit lintu nok komotin. 7 Dadi ong mga guru agama bug mga Parisi miktulik tokodoy ni Isa bilaꞌ bulungonin taꞌ ok tow koyon bisan sog Gondow Pogogulali bagun mosumbung nilon yanin pasal niyon. 8 Tibuwa kiosunan na ni Isa og diyalom pikilan nilon, dadi tinaluanin ok tow nong mingoyongkong ok komotin, “Pogbuwata bangka a indog dini.” Na migbuwat yanin bangka angoy diyon sog gunahan. 9 Doksuꞌ tinaluan ni Isa ong mga Parisi bug mga guru agama, “Sakon ku diniyu, bilaꞌ sog Gondow Pogogulali, olo og inangon ta nong mosugat sok saraꞌ? Moginang nong mobais atawa moginang nong molaat? Mokotabang sok pokasi ta atawa mokomula dinilon?” 10 Tinontong ilon kotanan ni Isa, bangka nin taluoy ok tow nong mingoyongkong ok komotin, “Pologdong nu ok komot nu!” Na linogdongin, bu kiulian na ok komotin. 11 Na milingit tokodoy ong mga guru agama bug mga Parisi bu migisun-isun bug olo og inangon nilon ni Isa.

Ok Pomiliꞌ ni nok Sopuluꞌ bu Duwaꞌ Kotow Mokpoposampoyin

12 Sog waktu nituꞌ tinumukad si Isa sog bontud bagun mongoni-ngoni sok Tuhan, bu sumogobi yanin mingoni-ngoni. 13 Poksisolom tinawagin ong mga mulidin, bu mimiliꞌ yanin sopuluꞌ bu duwaꞌ kotow nok tinawagin nong mga mokpoposampoyin. 14 Ok piniliꞌ in, yonin na si Simon, og iningalananin nok , bu og gilugin nok si Andariyas, si Yaꞌkub bu si Yahiya, si Pilip, si Bartolomi, 15 si , si Tomas, si Yaꞌkub yonin na og bataꞌ ni Alpa, si Simon, ok tinawag nok Selot, ong maana nin ong momologbog, 16 si Yudas, yonin na og bataꞌ ni Yaꞌkub, bu si Yudas Iskariyot, ong minipu ni Isa.

Mignasihat si bu Mikpokuliꞌ nong mga Tow

17 Na dimiksun si Isa bug mga mokpoposampoyin tidu sog bontud kituꞌ. Dangan minatong ilon sog dotagan, miglimud dituꞌ ong modakol nong mga mogogunut diyanin bu landuꞌ kodakol nong mga tow tidu sok siyudad nog bug mga len bonuwa sok probinsiya nog , sampoy sog lumibut mga lungsud nok Tirus bug Sidon molani sok kilid dagat. 18 Minangoy ilon diyon monginongog nong nasihat ni Isa, bu bagun sop kulian og longkoan nilon. Ong mga tow nok sinolodan nok soytan, kiulian da sop. 19 Dadi og lam nok tow, meleg kumimal diyanin pasal sok kowasa nog lumuwas tidu diyanin, bu og lam nilon kiulian.

Ong Mobarakat nok Tow bu ok Tow nong Mokondok-ondok ok Koposunguanin

20 Doksuꞌ tinontong ni Isa ong mga mulidin bangka nin taluoy, “Mobarakat amu mga miskin poꞌ sukuꞌ amu sok . 21 Mobarakat amu mga ginutom ningkomun, poꞌ matong da og waktu nok poduhulan amu da nok Tuhan. Mobarakat amu mga migaduy ningkomun, poꞌ ongon da og waktu nong mogloliyag amu. 22 Mobarakat amu bilaꞌ dumutan amu nong mga tow, potiyangan, pogunda-undahan, bu pobabaꞌ-babaon amu sampoy nog laaton ong ngalan niyu sabap tibuwa sok pogunut niyu dinakon og . 23 Poꞌ mamaꞌ niyon da sop og ininang tagnaꞌ nok koapuꞌ-apuan nilon, linaatan nilon ong mga konabihan. Saan na pogloliyag amu tokodoy bilaꞌ moinang koyon diniyu, poꞌ ongon ong mosolag nok tumbas diniyu sok .

24 Sugaid amu mga dayahan, mokondok-ondok ok koposunguan niyu, poꞌ mialap niyu na ok kosannangan niyu dini sog dunya. 25 Amu mga mokpoduhul nok kolegan niyu ningkomun, mokondok-ondok ok koposunguan niyu, poꞌ matong da og waktu nog gutumon amu. Amu mga mikkotawa ningkomun, mokondok-ondok ok koposunguan niyu, poꞌ matong da og waktu nong mokkosusahan amu bangka amu pogaduy. 26 Amu, mga sanglitan nog lam nok tow, mokondok-ondok ok koposunguan niyu poꞌ sinanglitan da sop tagnaꞌ nok koapuꞌ-apuan nong mga tow koyon ong mga baluꞌ-baluꞌ nabi.

27 Tibuwa sosuku nong miginongog, yonin kini ok taluon ku diniyu: Kolasahoy niyu ong mga banta niyu, bu tumbasoy niyu nong mobais ong mga tow nong mogdumut diniyu. 28 Pongoni-ngonihoy niyu nok kobaisan ok sosuku nong monuknaꞌ atawa mominsanaꞌ diniyu. 29 Bilaꞌ ongon ok sumompiling diniyu, posompiling niyu sop ok sobolaꞌ, bu bilaꞌ ongon ong malap nog juba niyu, diꞌ niyu inobosan sampoy og dogdoy niyu. 30 Bogoyoy niyu ok sima-sima nong mongoni diniyu, bu bilaꞌ ongon og gartaꞌ niyu nog alapon nilon, diꞌ niyu na awion dinilon. 31 Dadi olo-olo ok kolegan niyu inangon diniyu nok pokasi niyu manusiyaꞌ, inang niyu da sop dinilon.

32 Bilaꞌ kolasahan niyu ong mga tow hadja nong molasa diniyu, na olo na ok pahalaꞌ nong moalap niyu? Poꞌ bisan ong mga tow , mokosun da lumasa song mga tow nong molasa dinilon. 33 Bilaꞌ moginang amu hadja nok kobaisan song mga tow nong mobais diniyu, na olo na ok pahalaꞌ nong moalap niyu tidu sok Tuhan? Poꞌ bisan ong mga tow baldusa, monginang da sop mamaꞌ niyon. 34 Bilaꞌ yonin hadja ok podamon niyu ok tow nong mondom nong mokobayad diniyu, olo da sop ok pahalaꞌ nog bogoyon nok Tuhan diniyu? Bisan ok tow baldusa, mokpodam da sop sog batukin bilaꞌ mitantu nin nong mokobayad. 35 Sugaid kolasahoy niyu og banta niyu, bu pobaisoy niyu ilon. Pokpodam amu nog diꞌ amu mogdodama nog bayad nog bisan olo. Na bilaꞌ maꞌ nituꞌ, mosolag ok pahalaꞌ diniyu bu moimung amu nog bataꞌ nok Tuhan , poꞌ mahatul yanin bisan song mga tow molaat bu song mga tow nog diꞌ mokosun moksukul diyanin. 36 Sumboy molilolatoy amu mamaꞌ nog niyu sok surgaꞌ.

Monghukum nong mga Pokasi

37 Diꞌ amu monallaꞌ bagun diꞌ amu sallaon. Diꞌ amu mogbotang nog hukuman sok pokasi niyu bagun diꞌ amu sop hukumon nok Tuhan. Tibuwa niyu ong mga mikodusa diniyu bagun amu sop ampunon nok Tuhan. 38 Pomogoy amu, bu kobogoyan amu da sop. Bilaꞌ maꞌ nituꞌ og inangon niyu, mosolag ok pahalaꞌ diniyu, mamaꞌ sopantun takosan nok kongkugon pa, bangka dasokoy boyaan moglipuwas og bogoyonin diniyu. Og dakol nok pogbogoy niyu sog duma niyu manusiyaꞌ, maꞌ niyon da sop og dakol nok pahalaꞌ nok Tuhan diniyu.”

39 Tubus miktaluꞌ si Isa biyan sok pononggiꞌ, “Ok tow nog buta diꞌ mokoambit sog batukin nog buta, poꞌ molabuꞌ da ilon duwaꞌ sog luwang. 40 Bu ong mulid ondiꞌ lumabi sog guru nin, sugaid bug modoksuꞌ na yanin moganad, bangka pa yanin pokobatuk sog guru nin.” 41 Taluꞌ ni Isa, “Manu lilingon niyu ma pahatul ong mikaan nok puling nok pokasi niyu, sokaliꞌ diꞌ niyu mobatik ok puling niyu nong mamaꞌ kosolag nok torusu? 42 Dadi ponoy ma kotaluꞌ niyu dun sok pokasi niyu, ‘Awaon ta ok puling nu,’ sokaliꞌ ondaꞌ niyu kotongow nog ongon da sop ok puling song mata niyu nong mamaꞌ kosolag nok torusu. Mokpotongow-tongow amu nong mahatul! Awaꞌ niyu poguna ong mosolag nok puling niyu. Tubus motongow niyu mahatul ong mikaan nok puling nok pokasi niyu bangka niyu kawaꞌ ok pulingin.

43 Ok kayu nong mobais diꞌ mogbunga nong molaton, domikkiyan bug kayu nong molaton, ondiꞌ sop mogbunga nong mobais. 44 Ong mga kayu kosunan tidu sog bunga nin. Dadi daꞌdun ong moupuꞌ nong mompallam tidu sok kayu dugihon atawa og buwahan tidu sog bonganga. 45 Domikkiyan da sop ong manusiyaꞌ. Bilaꞌ mobais ong mitaguꞌ sok pongatoyanin, mobais da sop ok ponaluonin bu ginangin. Tibuwa bilaꞌ molaton ong mitaguꞌ sok pongatoyanin, molaton da sop ok ponaluonin bug ginangin. Olo-olo sog diyalom nok pongatoyan nok tow, kosunan tidu sok ponaluonin.”

Og Dalil ni pasal sog Duwaꞌ Kotow Pandoy

46 Na migdayun pa si Isa nok taluꞌ in, “Manu tawagon niyu ma akon nog ‘Panghuꞌ,’ sokaliꞌ diꞌ niyu da unuton ok suguan ku diniyu? 47 Taluan ku amu bug ponoy ok kopononggiꞌ sok tow nong moginongog bangka nin unutoy ong mga tintuluan ku. 48 Mamaꞌ yanin nok tow mokpasok nog baloy. Mokkukut yanin nong modalom sog lupaꞌ, bangka nin tambakoy nog batu og gugdokin. Dangan misugat nog baꞌ og baloy koyon, ondaꞌ da kokuyung poꞌ mopagon ok kopasok dun. 49 Tibuwa sima-sima ong moginongog nog lapalu, sokaliꞌ diꞌ in unuton, mamaꞌ yanin nok tow mokpasok nog baloy nog ontudonin hadja og gugdokin sog dibabow nog lupaꞌ. Na pogbiyan nog baꞌ, mobuksak og baloy koyon mogdayun, bu moladak na dodaꞌ.”