Lukas 4

Ok Poksassat nog ni Panghuꞌ Isa

Na diyon ni Isa og , bu minawaꞌ na yanin sok , bangka yanin oyitoy nog Ruh nok Tuhan posunguꞌ dituꞌ sog . 2 Tubus dituꞌ yanin sinassat nog Iblis sog bon nok pat puluꞌ ondow, bu ondaꞌ yanin kan. Dadi pogdoksuꞌ nituꞌ, ginutom na tokodoy yanin.

3 Taluꞌ nog Iblis diyanin, “Bilaꞌ motud nog Bataꞌ a nok Tuhan, suguꞌ nu og batu kini moktimaluy nok pan.” 4 Tibuwa tinabal yanin ni Isa, “Misulat sog diyalom nok Kitab, ‘Ong manusiyaꞌ ondiꞌ motubuꞌ sok kan hadja.’ ”

5 Doksuꞌ inoyit yanin nog Iblis sog bontud nong motas, bu sokudop mata da pitongow nog Iblis diyanin og lam nok poksultanan dini sog dunya. 6 Na tinaluanin si Isa, “Bogoyon ku dinika og lam nok pogbayaꞌ bug daya song mga bonuwa koyon, poꞌ binogoy koyon dinakon. Mogdadi pogbogoyu sok sima-sima kolegan ku. 7 Dadi bilaꞌ sumudjuda bu sumumba a dinakon, dinika na og lam niyon.” 8 Tinabal yanin ni Isa, “Misulat sog diyalom Kitab, ok Tuhan Pogbayaꞌ-bayaꞌ ok sumbahon niyu, bu yanin tibuwa ok tolagadan niyu.”

9 Tubus inoyit yanin nog Iblis sog sok kinolawahan nog bahagiꞌ nog . Taluꞌ nog Iblis diyanin, “Bilaꞌ motud nog Bataꞌ a nok Tuhan, okpu a! 10 Poꞌ misulat sog diyalom Kitab, ‘Suguon nok Tuhan ong mga malaikatin mogbantoy dinika, 11 bu saluon nilon ika bagun diꞌ mosugat og botis nu sok kobatuhan.’ ” 12 Tinabal yanin ni Isa, taluꞌ in, “Misulat sop sog diyalom nok Kitab, ‘Diꞌ niyu suloyan ok Tuhan niyu, Pogbayaꞌ-bayaꞌ.’ ”

13 Na minawaꞌ soliyan og Iblis dangan mipuspusin sassaton si Isa.

Daꞌ Tolimaoy si sog Bonuwa nin

14 Dadi mikpuliꞌ si Isa sog sok kowasa nog , bu milatag og dongoganin sok koliwagan nog bonuwa koyon. 15 Mingnasihat yanin song mga nilon diyon, bu piksanglitan yanin nok tow kotanan.

16 Doksuꞌ minangoy si Isa song , yonin na og bonuwa nok tinulinanin. Pogdatong nog gondow Sabtuꞌ, yonin na og gondow poksumba bu pogogulali, minangoy si Isa sog baloy poksumbahan mamaꞌ na nok kilayamanin bangka yanin indog masta nok Kitab. 17 Na binogoy diyanin ok Kitab Nabi nog linulun. Binokladin ok Kitab bangka nin ponontongoy og bastahonin. Dangan mitongowin na, binasta nin, 18 “Og Ruh nok Tuhan dini dinakon, poꞌ akon ok piniliꞌ in mikposampoy nong song mga miskinan. Piangoyin akon mokposampoy song mga tow misaggow nog boluyon na ilon, bu song mga buta nong mokotongow na ilon, bu song mga linossahi nong mopuwas na ilon. 19 Piangoyin akon bagun mokposampoy nog waktu na nok potongowon nok Tuhan ok kololatin song mga tow.”

20 Pogdoksuꞌ linulunin ok Kitab, bangka nin bogoyoy mokpuliꞌ sok solokotow sosuguon sok poksumbahan, bangka yanin ingkud. Dadi piglonglongan yanin nog lam nok tow.

21 Na miktaluꞌ yanin, “Ok sinulat sok Kitab nong midongog niyu kituꞌ, miunut na sog gondow kini.” 22 Dadi sinanglitan yanin nok kotanan nok tow, bu kisobuan ilon sok tinaluꞌ in kituꞌ nong mokopolunuk nok pongatoyan. Sugaid taluꞌ nilon, “Kanaꞌ taꞌ yanin koyon og bataꞌ ni Yusup?” 23 Miktaluꞌ si Isa dinilon, “Tantu taluan niyu akon nok pononggiꞌ kini, ‘Bug polomulunga, bulung nu poguna og lawas nu, og logdongin, inang nu ong mokosobuꞌ-sobuꞌ dini sog bonuwa nu mamaꞌ nog ininang nu dituꞌ sog lungsud nok Kapernaum.’ 24 Ong mattanin, daꞌdun ong nok tabukon sog bonuwa nin. 25 Taluan ku amu, ong motudin, song masa ni Nabi , ondaꞌ podupioy nok Tuhan sog bon nok tolu tahun bu tongaꞌ. Dadi minatong ong mosolag nog gutom song mga bonuwa, bu modakol sop og balu libun nog bangsa ok kisigpitan. 26 Tibuwa daꞌ suguoy nok Tuhan si Nabi Elyas mangoy dituꞌ tumabang bisan dona solokotow dinilon. Tibuwa piangoy yanin tumabang dituꞌ sok solobuk balu libun nok kanaꞌ bangsa nong migonong sok Sarepta sog bonuwa Sidon. 27 Maꞌ nituꞌ da sop song masa ni Nabi Alyasa, modakol ok tow Israel nok taga saki nog , sugaid daꞌdun ok kiulian bisan solokotow dinilon luwal da ni Naaman ok tow Siriya.” 28 Dangan midongog koyon nong mga tow dituꞌ sok poksumbahan, landuꞌ tokodoy og lingit nilon dun. 29 Na og lungsud nilon koyon mibotang sog bontud, dadi miksiindog ilon mogdayun bangka nilon poluwasoy sog lungsud si Isa poꞌ poksipihan nilon dondolon sok kilid nok pampang. 30 Tibuwa mipanow yanin miniyan sok kodakolan nok tow koyon bangka yanin awaꞌ.

Ok Pogbulung ni song mga Tow nong Misaki sok Kapernaum

31 Doksuꞌ dinumiksun si Isa dituꞌ sog lungsud nok Kapernaum sog bonuwa , bu poglogondow pogogulali, yonin na og gondow Sabtuꞌ, mignasihat yanin song mga tow sog . 32 Misobuꞌ ong mga tow sok pognasihatin, poꞌ taga kowasa ok ponintuluꞌ in. 33 Sokaliꞌ sok poksumbahan koyon ongon og laki sinolodan nok soytan. Sunoy pa linumosik yanin nong monamal, 34 taluꞌ in, “Uy, Isa taga ! Olo og inangon nu dinami? Minangoya taꞌ dini bagun siksaon nu ami? Kiosunan ku bug sima a, ika ok Solobuk-lobuk Sutsi tidu sok Tuhan.” 35 Sugaid pigbinaan ni Isa ok soytan, taluꞌ in, “Lotaꞌ a moktaluꞌ, bu luwasa diyanin!” Na binogsaꞌ nok soytan ok tow kituꞌ sok kodakolan bangka luwas, bu daꞌ da koolo ok tow kituꞌ. 36 Na misobuꞌ tokodoy og lam nilon diyon, bu miksak-sinakoy ilon, “Olo bayuꞌ in ong mga pinaluꞌ in kini? Ongon kowasa bug kopatutin moksuguꞌ mokpoluwas nong mga soytan bu tumombaꞌ sop doma diyanin.” 37 Dadi og dongogan pasal ni Isa mikanat diya-diya sok koliwagan nog bonuwa.

38 Tubus linumuwas si Isa tidu sok poksumbahan bangka angoy sog baloy ni Simon. Na ok ponugangan ni Simon nog libun mipanas tokodoy, saan na mikitabang ilon ni Isa. 39 Dadi mikpolani si Isa sok pogbolilidan nog libun koyon bangka nin suguoy mawaꞌ ok panasin. Na sododuun miawaꞌ ok panasin bangka na pogbuwat, bu tinolagadin siloꞌ Isa.

40 Dangan simindop na og gondow, minangoy ong mga tow dituꞌ ni Isa. Inoyit nilon og lam nok taga ginisan nok saki sog bonuwa koyon. Pingdoponan ni Isa ok sosolokotow nong misaki, bu kiulianin ilon. 41 Mipoluwasin da sop ong mga soytan tidu sog lawas nong modakol nok tow. Miglosik ong mga soytan, taluꞌ nilon, “Ika og !” Tibuwa piktaluan ni Isa bu pigondianin ilon moktaluꞌ, poꞌ kiosunan nilon nok si Isa yonin na og .

42 Dangan doliꞌ-ondow na minawaꞌ si Isa sog bonuwa koyon, bangka angoy sog bonuwa nong mohinok. Dadi pinontong yanin nong mga tow. Poktongow nilon na, diꞌ nilon bosiya kumboy yanin mawaꞌ. 43 Sugaid taluꞌ ni Isa dinilon, “Sumboy mognasihatu sop song mga len bonuwa nong pasal sok , poꞌ yonin koyon ok sabapan saan na piangoyin akon dini.” 44 Dadi mingnasihat yanin song mga baloy poksumbahan song mga kobonuwahan nog .