Lukas 3

Ok Pognasihat ni

Dadi sog ikosopuluꞌ bu lima tahun sok poksultan ni Tiberiyos sok koliwagan nog bangsa , si Pontiyus ok soliyan gubernur sok probinsiya nog Yahudiya, bu si Herod ong mimorinta sok probinsiya nog . Og gilugin nok si Pilip mimorinta sok probinsiya nog Ituriya bug Tarakunitis, bu si Lisani ong mimorinta sok probinsiya Abilin. 2 Tubus si Anas bug si , yonin na ong mga .

Na sog waktu nituꞌ, mikparman ok Tuhan dituꞌ ni Yahiya, og bataꞌ ni Jakariya nong migonong dituꞌ sok talunan. 3 Dadi minangoy yanin sok kobonuwahan nok , mignasihat nok Parman nok Tuhan song mga tow. Taluꞌ in, “Poktowbat amu, bu amu ok tandaꞌ nok niyu, bagun ampunon nok Tuhan ong mga niyu.” 4 Na asal misulat ni Nabi sog diyalom Kitab pasal ni Yahiya kini, taluꞌ in,

“Ongon ong mikposampoy nok taluꞌ monamal dituꞌ sok talunan, taluꞌ in

‘Podinsamaꞌ niyu og dalan nok Pogbayaꞌ-bayaꞌ sok pogdatongin,

pologdong niyu og biyananin!

5 Og lam nog lobak sumboy digbunan.

Ong mga bukid bug mga kobontudan sumboy patagon,

ong mga dalan nog likoꞌ sumboy pologdongon,

bu mga dalan nog lobak-lobak sumboy polonuon.

6 Dadi motongow nog lam nong manusiyaꞌ ok nok Tuhan.’ ”

7 Na modakol ok tow minangoy dituꞌ ni Yahiya bagun mokiliguꞌ. Dadi ok taluꞌ ni Yahiya dinilon, “Amu mamaꞌ nok ponupuꞌ nong mamak! Bilaꞌ mokpotongow-tongow amu tibuwa nong moktowbat amu, diꞌ amu mokopolaguy tidu song mulkaꞌ nok Tuhan nong matong posunguꞌ. 8 Dadi bilaꞌ motud nok piksusunan niyu na ong mga dusa niyu, potongow niyu nog dumait og laku-tobiat niyu song mga tow nong miktowbat! Diꞌ amu mogniyat nog diꞌ amu mosugat nong mulkaꞌ nok Tuhan sowkat na ponupuꞌ amu ni Nabi . Poꞌ taluan ku amu, bilaꞌ kolegan nok Tuhan, bisan pa ong mga batu kini, moimungin da nok ponupuꞌ ni Nabi Ibrahim. 9 Ningkomun sooy, mokpodinsamaꞌ na ok Tuhan monghukum diniyu. Amu koyon, mamaꞌ sopantun nok kayu nok posunguꞌ na pomagaon nok kapa. Dadi sosuku nok kayu nog diꞌ mogbunga pahatul, pagaon bangka tikpuoy sog gapuy.” 10 Na sinakan yanin nok tumpukan nok tow, taluꞌ nilon, “Bilaꞌ maꞌ nituꞌ, olo sumboy og inangon nami?” 11 Ok tabalin, “Sima-sima diniyu taga dogdoy duwaꞌ buk, sumboy bogoyonin ok solobuk sok tow nog daꞌdun og dogdoyin, bilaꞌ ongon sop ok kan niyu, sumboy amu momahagiꞌ sog duma nog daꞌdun ok kanin.”

12 Og duma nong mokpongalap nog sok parinta minangoy sop diyon mokiliguꞌ bu miksak ni Yahiya, “Tuwan Guru, olo sumboy inangon nami?” 13 Ok tabal ni Yahiya, “Diꞌ amu mongalap nog buwis nong moglabi sok sinuguꞌ diniyu nok parinta nog Rum.”

14 Ongon da sop og duma nok sundalu miksak diyanin, taluꞌ nilon, “Na dadi olo og inangon nami kini?” Ok tabalin, “Diꞌ amu monogol atawa mongimung-imung nog dusa song mga tow bagun amu mokosin. Sumboy moksukul amu sog gadji niyu.”

15 Na kokoniya migdodama nok posunguꞌ na matong og ong Mogogawon dinilon. Dadi miniyat nilon nog insunoy si Yahiya na og Al-Masih. 16 Tibuwa tinaluan ilon ni Yahiya, “Akon, poliguon ku amu biyan sok tubig, sugaid ongon ong matong nog labi mokowasa tidu dinakon. Diꞌ u tanan tolopon mogubad nog gikot nok tolumpaꞌ in. Yanin ong mokpoliguꞌ diniyu biyan sog bug gapuy. 17 Sagadin monghukum song mga manusiyaꞌ. Ok koponghukumin, mopononggiꞌ sok tow mikpalid nok paloyin bagun mopolen ok pis tidu sog logas. Og logas taguonin sok komalig, bu ok pis tutungonin sog gapuy nog diꞌ mopalong solama-lama.” 18 Na modakol pa og ginisan nok poktintuluꞌ bu popondom ni Nabi Yahiya sok pognasihatin song mga tow nong .

19 Piktaluan da sop ni Yahiya si Herod, og datuꞌ sog Jalil, poꞌ piglibunin si , og libun nog gilugin, bu modakol pa og ininangin nong molaton. 20 Doksuꞌ dinungagan pa ni Herod ong mga ginangin nong molaton, poꞌ pipirisu nin si Yahiya.

Liniguꞌ si Panghuꞌ Isa

21 Sog daꞌ pa popirisuhoy si Yahiya mipoliguꞌ in ok tumpukan nok tow, bu piliguꞌ in da sop si Isa. Soliyan mongoni-ngoni ni Isa, mibukaꞌ og langit, 22 doksuꞌ minonog og bu tinumonaꞌ diyanin mamaꞌ hantang nok kolopati, bu ongon ok tingog tidu sog langit, taluꞌ in, “Ika og Bataꞌ u nok kolasahan ku. Kisulutan ku tokodoy dinika.”

Ok Pogusul nok Pomangkat ni Panghuꞌ Isa

23 Dangan mga tolu puluꞌ tahun na og gumul ni Isa, tinumagnaꞌ na yanin mongnasihat. Ong niyat nong mga tow, si Isa kini og bataꞌ tokodoy ni Yusup.

Na si Yusup kini og bataꞌ ni Heli.

24 Si Heli og bataꞌ ni Mattat,

si Mattat bataꞌ ni Lebi,

si Lebi bataꞌ ni Malki,

si Malki bataꞌ ni Yannay,

si Yannay bataꞌ ni Yusup.

25 Si Yusup bataꞌ ni Mattatiyas,

si Mattatiyas bataꞌ ni Amos,

si Amos bataꞌ ni Nahum,

si Nahum bataꞌ ni Esli,

si Esli bataꞌ ni Naggay.

26 Si Naggay bataꞌ ni Maat,

si Maat bataꞌ ni Mattatiyas,

si Mattatiyas bataꞌ ni Semeyin,

si Semeyin bataꞌ ni Yosek,

si Yosek bataꞌ ni Yoda,

27 Si Yoda bataꞌ ni Yuhanan,

si Yuhanan bataꞌ ni Resa,

si Resa bataꞌ ni Serubabel,

si Serubabel bataꞌ ni Salatiel,

si Salatiel bataꞌ ni Neri,

28 Si Neri bataꞌ ni Malki,

si Malki bataꞌ ni Addi,

si Addi bataꞌ ni Kosam,

si Kosam bataꞌ ni Elmadam,

si Elmadam bataꞌ ni Er.

29 Si Er bataꞌ ni Yussa,

si Yussa bataꞌ ni Elyesir,

si Elyesir bataꞌ ni Yorim,

si Yorim bataꞌ ni Mattat,

si Mattat bataꞌ ni Lebi.

30 Si Lebi bataꞌ ni Simeyon,

si Simeyon bataꞌ ni Yahud,

si Yahud bataꞌ ni Yusup,

si Yusup bataꞌ ni Yunam,

si Yunam bataꞌ ni Elyakim.

31 Si Elyakim bataꞌ ni Meliya,

si Meliya bataꞌ ni Menna,

si Menna bataꞌ ni Mattata,

si Mattata bataꞌ ni Natan,

si Natan bataꞌ ni Nabi .

32 Si Nabi Daud bataꞌ ni Yesse,

si Yesse bataꞌ ni Obed,

si Obed bataꞌ ni Buwas,

si Buwas bataꞌ ni Sela,

si Sela bataꞌ ni Nasson.

33 Si Nasson bataꞌ ni Aminadab,

si Aminadab bataꞌ ni Admin,

si Admin bataꞌ ni Arni,

si Arni bataꞌ ni Hesron,

si Hesron bataꞌ ni Peres,

si Peres bataꞌ ni Yahud.

34 Si Yahud bataꞌ ni Yaꞌkub,

si Yaꞌkub bataꞌ ni ,

si Isahak bataꞌ ni Nabi ,

si Nabi Ibrahim bataꞌ ni Tera,

si Tera bataꞌ ni Nahor.

35 Si Nahor bataꞌ ni Serug,

si Serug bataꞌ ni Reu,

si Reu bataꞌ ni Peleg,

si Peleg bataꞌ ni Eber,

si Eber bataꞌ ni Sela.

36 Si Sela bataꞌ ni Kaynan,

si Kaynan bataꞌ ni Arpaksad,

si Arpaksad bataꞌ ni Sem,

si Sem bataꞌ ni Nabi ,

si Nabi Nuh bataꞌ ni Lamek.

37 Si Lamek bataꞌ ni Metusala,

si Metusala bataꞌ ni Idris,

si Idris bataꞌ ni Yared,

si Yared bataꞌ ni Mahalalel,

si Mahalalel bataꞌ ni Kenan.

38 Si Kenan bataꞌ ni Enos,

si Enos bataꞌ ni Set,

si Set bataꞌ ni Apuꞌ ,

si Apuꞌ Adam bataꞌ nok Tuhan.