Lukas 1

Ong Mobais nok Suksugan

pasal ni Isa Al-Masih

nok Sinulat ni

LUKAS

Kolasahan Tuwan ,

Modakol na ong mga tow nok sinumuloy sumulat pasal sok kibiyan-biyanan ni sog bonin dini dinita. 2 Ok sinulat nilon kituꞌ, yonin na ok pisampoy dinami nong mga mikosaksiꞌ diyanin tidu pa sok poktolipun nog ginangin. Ilon da sop ong moktotolagad sok Tuhan mokposampoy nok Parmanin song mga manusiyaꞌ. 3 Dadi Tuwan Teyopilus, dangan mimoligsa u pahatul sog lam nituꞌ tidu pa sok tolipunan, miniyatu da sop nok pogusoy-usoyan ku sumulat ong mga kibiyan-biyanan kini dinika, 4 bagun kosunan nu nong motud ok kotanan nong mitintuluꞌ dinika.

Pidinsamaꞌ Tumaluꞌ ong nog Bataon si

5 Na sog waktu nok si Herod pa ong migdatuꞌ sog bonuwa Yahudiya, ongon ok solokotow nok pogingalanan Jakariya nok tidu sok sakup ni Imam Abiya. Og libunin, si Hashiba, solobuk da sop ponupuꞌ ni Imam . 6 Ong moglaki-bini kini mologdong sok ponontong nok Tuhan. Inunut nilon tokodoy og lam nok suguan bug saraꞌ in. 7 Tibuwa daꞌdun og bataꞌ nilon poꞌ og baug si Hashiba, bu mogulang na ilon nog laki nin.

8 Na ongon og gondow, og waktu na sop nok sakup ni Jakariya ok sinumukli moginang sog , bu si Jakariya ong migimam dun. 9 Miunut sog gaddat nong mga koimaman, mogbunut-bunut ilon bug sima ong moktutung nok poggaddat sok Tuhan sog sog Baloy nok Tuhan, bu si Jakariya ong mipiliꞌ.

10 Sog waktu nok tinutung ok komanyan, mingoni-ngoni sok Tuhan og lam nok tow sog luwasan. 11 Soliyan ni Jakariya moktutung nok komanyan, sunoy pa mikpotongow ong malaikat nok Tuhan diyanin sog dapit lintu nok poktutungan nok komanyan. 12 Poktontongin dun, kiiglanan bu sinolod yanin nog gondok. 13 Tibuwa ok taluꞌ nong malaikat diyanin, “Diꞌ a mondok Jakariya! Dinuhul na nok Tuhan ok pingoni-ngoni nu. Mogbodos og libun nu nok si Hashiba bu mogbataꞌ yanin nog laki, bu ingalanan nu yanin Yahiya. 14 Mosuata bu mogloliyaga tokodoy dun, bu modakol ok tow mogloliyag bilaꞌ bataon na yanin, 15 poꞌ moimung yanin nok tow nong motas sok ponontong nok Tuhan. Ondiꞌ tokodoy yanin minum nog olo-olo nong mokolangu. Bisan sog bodosan pa yanin nog ginaꞌ in, diyon na diyanin og . 16 Modakol nok tow bangsa ong mopopuliꞌ in posunguꞌ sok Pogbayaꞌ-bayaꞌ, ok Tuhan nilon. 17 Og bataꞌ nu si Yahiya, ok sinuguꞌ nok Tuhan moguna diyanin, monglonuꞌ nong mga pongatoyan nong mga tow bagun motogama na ilon para sok Pogbayaꞌ-bayaꞌ. Diyon diyanin og Ruh bug kowasa nok Tuhan mamaꞌ nog diyon ni Nabi tagnaꞌ. Popoksulutonin ong mga gommaꞌ bug bataꞌ nilon, bu pologdongonin ong mga tow nog dinumugtul sok suguan nok Tuhan.”

18 Dadi taluꞌ ni Jakariya song malaikat, “Ponoy kokosun ku niyon? Mogulang ami na ma nog libun ku.” 19 Tinumabal ong malaikat, “Akon og , ong migindog sog gadapan nok Tuhan. Sinuguꞌ in akon mokposampoy nong mobais nok taluꞌ kini dinika. 20 Poginongoga, moimunga nog gumow sampoy sog gondow nong mounut ok tinaluꞌ u dinika, poꞌ daꞌ a tinumud sok taluꞌ u.”

21 Na ong mga tow kituꞌ nong migbagad ni Jakariya, misobuꞌ ilon bug manu miobon yanin sog diyalom Baloy nok Tuhan. 22 Dangan linumuwas na si Jakariya, diꞌ na yanin mokopoktaluꞌ, miksinyas na hadja yanin song mga tow. Dadi kiosunan nilon nog ongon ok pitongow nok Tuhan diyanin dituꞌ sog diyalom, bu tidu dituꞌ miumow na yanin. 23 Dangan midoksuꞌ na og waktu nok poginangin sog Baloy nok Tuhan, minuliꞌ na yanin.

24 Na daꞌ kobon, migbodos si Hashiba, bu daꞌ yanin pogluwas-luwas sog baloyin sog bon nog lima bulan. 25 Taluꞌ in, “Kilolatan ku da tokodoy nok Tuhan. Inawaꞌ in na ok kosipogan ku song mga tow.”

Pidinsamaꞌ Tumaluꞌ nong ok Poglahil ni Panghuꞌ Isa

26 Dangan mikosaut na nom bulan og bodosan ni Hashiba, sinuguꞌ nok Tuhan ong malaikat Jibril mangoy dituꞌ sok kowman nong , ok sakup nok probinsiya nog , 27 sog budjang iningalanan nok si Mariam. Si Mariam kini pigdaakan ni Yusup, ok ponupuꞌ ni Sultan . 28 Na mikpotongow ong malaikat Jibril diyanin bangka poktaluꞌ, “Salam, Buweꞌ! Kilolatan ka nok Tuhan. Molani yanin dinika.” 29 Na dangan midongog ni Mariam, misasow tokodoy ok pikilanin bug olo na taꞌ ong maana nok tinaluꞌ nong malaikat kituꞌ. 30 Doksuꞌ miktaluꞌ ong malaikat diyanin, “Diꞌ a mondok Mariam, poꞌ pitongow nok Tuhan ok kolasa-kololatin dinika. 31 Mogbodosa bu mogbataꞌ a nog laki, bu ingalanan nu yanin nog Isa. 32 Motas tokodoy yanin, bu gollalon yanin nog , bu bogoyon diyanin nok Tuhan ok kowasa mogbayaꞌ song mga tow, mamaꞌ nok pingapuꞌ in nok si Sultan Daud. 33 Yanin ong mogbayaꞌ song mga ponupuꞌ ni Yaꞌkub solama-lama, bu daꞌdun ok kodoksuan nok pomarinta nin.” 34 Dadi miksak si Mariam song malaikat, “Ponoy kotuman dun nog daꞌdun pa ma og laki u?” 35 Tinumabal ong malaikat, “Tumonaꞌ dinika og , bu kodatongan ka nok kowasa nong Mahatinggi, saan na mosutsi og bataꞌ nu, bu ingalanan yanin nog Bataꞌ nok Tuhan. 36 Poginongoga, og lahasiyaꞌ nu nok si Hashiba nok piktaluan baug, nom bulan na og bodosanin bisan mogulang na yanin, 37 poꞌ daꞌdun ong mologon sok Tuhan.” 38 Tinumabal si Mariam. “Akon kini nok Tuhan, melegu da nong mounut ok tinaluꞌ nu dinakon.” Na puwas nituꞌ, minawaꞌ na ong malaikat.

39 Ondaꞌ kobon, migmomos si Mariam, bangka yanin pogdaliꞌ-daliꞌ mangoy sok kobukidan nog Yahudiya sog bonuwa niloꞌ Jakariya. 40 Sinumolod yanin sog baloy niloꞌ Jakariya bangka nin salamoy si Hashiba. 41 Dangan midongog ni Hashiba ok salam ni Mariam, miglilow tokodoy og bataꞌ sog diyalom tiyanin, bu sunoy pa sinumolod og diyon ni Hashiba. 42 Miktaluꞌ yanin nong motonug, “Sok kotanan nog libun ika og labi mobarakat, bu binarakatan og bataꞌ sog diyalom tiyan nu. 43 Manu bayuꞌ binogoyan ku ma nok kobantugan kini nog binontowu nog ginaꞌ nok Panghuꞌ u? 44 Poꞌ dangan midongogu ok salam nu, sododuun miglilow tokodoy og bataꞌ sog diyalom tiyan ku nog loliyag. 45 Mobarakata poꞌ tinumombaꞌ a nong mounut ok tinaluꞌ nok Tuhan dinika.”

46 Tinumabal si Mariam, “Piotasu tokodoy ok Tuhan sog diyalom pongatoyan ku, 47 bu migloliyag tokodoy ong nyawa u poꞌ ok Tuhan, ong Mogogawon dinakon. 48 Poꞌ pibaisanin akon, ong mobabaꞌ nog guliponin kini, bu tidu ningkomun moktaluꞌ na ong mga pangkatan nok tow nong mobarakatu 49 pasal song mokosobuꞌ-sobuꞌ nog ininang dinakon nok Tuhan Mokowasa, og iningalanan nong . 50 Daꞌdun ok kodoksuan nog lolatin song mga tow pangkat-momangkat nong migogondok diyanin. 51 Pitongow nok Tuhan ok kowasa nin tidu song mga ginangin. Pilayuꞌ in diyanin ong mga tow nong motas og goyitanin, 52 bu inawaꞌ in ong mga sultan, sugaid piotasin ong mga mobabaꞌ og goyitanin. 53 Piduhulanin nong mokobais ong mga tow ginutom, sugaid daꞌ in duhuloy ok kolegan nong mga tow dayahan. 54-55 Tinabanganin ok sosuguonin nog bangsa . Daꞌ in kolingowoy og janjiꞌ in sok pingapuꞌ ta nok si Nabi bu sog lam ta nok ponupuꞌ in nok kololatanin ita solama-lama.”

56 Doksuꞌ nituꞌ migonong si Mariam dituꞌ ni Hashiba sog bon nok tolu bulan, bangka yanin uliꞌ.

Binataꞌ si Nabi Yahiya

57 Na minatong na og waktu nok pogbataꞌ ni Hashiba, bu migbataꞌ yanin nog laki. 58 Midongog nok kilani baloy ni Hashiba bug mga lahasiyaꞌ in nok kilolatan tokodoy yanin nok Tuhan, dadi migloliyag da sop ilon dunut diyanin.

59 Dangan misaut na og bataꞌ walu ondow sog luwasan, inangoy nong mga tow islamoy. Ingalanan nilon bosiya nog Jakariya og bataꞌ koyon, posangoyon song ngalan nog gommaꞌ in. 60 Tibuwa miktaluꞌ og ginaꞌ in, “Diꞌ mogdadi, sumboy ong ngalanin si Yahiya.” 61 Taluꞌ nilon diyanin, “Sugaid daꞌdun og lahasiyaꞌ niyu nog iningalanan nong maꞌ niyon.” 62 Dadi sininyasan na nilon og gommaꞌ in bug olo ok koleganin pogingalan sog bataꞌ in. 63 Sinuminyas si Jakariya nog bogoyan nok poksulatan. Tubus sinulatin, “Ong ngalanin, si Yahiya.” Na misobuꞌ tokodoy ilon, 64 bu sododuun mikopoktaluꞌ na mokpuliꞌ si Jakariya bangka pokpudji sok Tuhan. 65 Dadi kiondokan ok kotanan nok kilani baloy nilon dun, bu og dongogan koyon mikanat na sok kotanan nok kobukidan sog bonuwa Yahudiya. 66 Og lam nok tow nong mikodongog nini, mimondom-mondom, poꞌ motampal na tokodoy ok kowasa nok Tuhan diyon ni Yahiya, dadi ok taluꞌ nilon, “Olo na bayuꞌ ok koposunguan nog bataꞌ kini?”

67 Na sinolod nog si Jakariya bangka yanin poktaluꞌ pasal sog lomaꞌ-dinglag, longin, 68 “Pudjihon ok Pogbayaꞌ-bayaꞌ, ok Tuhan nong mga tow , poꞌ binontowin ok piktowanin bagun lokatonin. 69 Binogoy nok Tuhan dinita ong mokowasa nong Mogogawon nok tidu sok pangkatan nog guliponin kituꞌ nok si Sultan , 70 mamaꞌ na nok tinaluꞌ in biyan song mga sutsi nok konabihanin kituꞌ song masa tagnaꞌ. 71 Poꞌ jinanjiꞌ nok Tuhan nog awononin ita tidu song mga banta ta bu sok kowasa nong mga tow nong molingit dinita, 72-73 bagun mopotongowin og lolatin dinita nog jinanjiꞌ in song mga pingapuꞌ ta. Ondaꞌ tokodoy kolingowoy nok Tuhan ok pigjanjianin nong mogot sok pingapuꞌ ta niyu kituꞌ nok si Nabi . 74 Jinanjiꞌ in nog awononin ita tidu song mga banta ta, bagun daꞌdun ok kondokan ta bilaꞌ sumumba ita diyanin 75 bu bagun mosutsi bu mologdong ok pongatoyan ta niyu sok ponontongin sog bon ta totubuꞌ.

76-77 Na ika Yahiya gollalon ka nong nok Tuhan , poꞌ ika ong moguna diyanin. Posunan nu ong mga piktowanin bug ponoy ilon moawon biyan sok kopongampun nong mga nilon. Maꞌ niyon ok kopokpodinsamaꞌ nu nog biyananin. 78 Poꞌ mosolag og lasa-kololat nok Tuhan ta, saan na bontowon ita nong mogogawon dinita. Mopononggiꞌ yanin sok poksilak nong mata gondow tidu sog langit. 79 Sumahaya yanin song mga tow nog diyon sok kodoloman bu song mga mondok matoy, bagun tonduanin ita sog dalan posunguꞌ sok kosannangan.”

80 Na sinumolag na si Yahiya bu migidud na ok pikilanin dunut nok kopongandolin sok Tuhan. Dituꞌ yanin migonong sok talunan sampoy simaut na og waktu miktagnaꞌ yanin mokposampoy song mga tow .