Lukas i

Ok Pokposun

pasal song Mobais nok Suksugan pasal ni Isa Al-Masih nok Sinulat ni Lukas

Mga pigilugan,

Salam diniyu kotanan.

Pidinsamaꞌ tumaluꞌ sok , bug nok pangoyon nok Tuhan ong Mogogawon dini sog dunya. Asal na tinaluꞌ nong mga nog diꞌ yanin tabukon nok kodakolan nok tow nog angoyanin, sugaid binsanaon yanin, pogunda-undahan bu patoyon yanin. Ginantaꞌ yanin nok Tuhan patoyon bagun mopapas ong mga ta, sugaid migjanjiꞌ sop ok Tuhan nok potubuonin puliꞌ. Og lam koyon miunut biyan ni , og bataꞌ ni .

Og bahagiꞌ nok nok posunguꞌ niyu bastahon kini, sinulat nok solokotow doktor nog iningalanan Lukas mga 35 tahun mokkulang-moglabi tidu sog kotubuꞌ puliꞌ ni Isa bangka pokpuliꞌ sok . Mobon-obon yanin mogunut ni Pol, ok kiwakilan mokposampoy. Sinuksug ni Lukas ong mga kibiyan-biyanan ni Isa tidu pa sok kobataꞌ in. Pisampoyin ong mokosobuꞌ-sobuꞌ nok pinginangin. Kiosunan ta nok pikuliꞌ in ong miglologinis nok saki, piluwasin ong mga soytan sog diyalom lawas nong mga manusiyaꞌ, bu pitubuꞌ in mokpuliꞌ og duma nong minatoy na. Sinuksug ni Lukas ok pasal sok pononduꞌ ni Panghuꞌ Isa song mga manusiyaꞌ nok pibiyanin sok pononggiꞌ, bu misuksugin da sop ok pasal sok kopatoyin bug poguliꞌ in sok surgaꞌ.

Biyan sok sulat ni Lukas kini, kiosunan ta bug ponoy kosolag og lasa-kololat nok Tuhan sog lam nong manusiyaꞌ. Ondiꞌ mosuat ok Tuhan song mga mokpikil nong mologdong pa ilon tidu sog duma nok tow, sugaid migloliyag yanin song mga mikpobabaꞌ bu miksusun bangka pongoni nok koampunan diyanin song mga dusa nilon.

Bung mayan tonduan ita niyu nok Tuhan bu podolagonin ok pikilan ta niyu sok kopogbasta ta nini. Bung mayan modiyon diniyu ok kolasa-kololat bug kosannangan nok Tuhan.

 

Wassalam