Markus 14

Ok Pogisun nok Pokpatoy ni Panghuꞌ Isa

Duwaꞌ ondow dona og Halilaya Pogliyus bug pokorodjaan nok Pokkan nok Pan nog daꞌdun ok Posuligin. Na minontong ong mga kounutan nok koimaman bug mga guru agama bug ponoy ok kobuni nok kosaggow nilon ni Isa bagun popatoy nilon. 2 Sugaid taluꞌ nilon, “Sumboy diꞌ ta niyu yanin saggowon solabu nog Halilaya poꞌ sunoy monasow ong mga tow.”

Pipomutan si Panghuꞌ Isa

3 Na dituꞌ si Isa sog bonuwa Betani sog baloy nok tow bakas ginipul nok pogingalanan si Simun. Soliyan nilon kuman diyon, sunoy pa ongon ok solokotow nog libun nong minatong. Migoyit yanin nong molingkat nok kassaꞌ-kassaꞌ nog landuꞌ kohalgaꞌ nog lana momut nog iningalanan nong narda. Pokpolani nin ni Isa, binogbagin og lig nok kassaꞌ-kassaꞌ bangka nin tuyungoy og lana momut koyon sog gulu ni Isa. 4 Dadi ong mga duma nok tow dituꞌ milingit, bangka poksitaluꞌ, “Manu pigastahan ma og lana momut koyon? 5 Modagang pa ma bosiya koyon nok tolu gatus , bangka bogoyoy og halinin song mga miskinan.” Dadi piktaluan nilon og libun koyon.

6 Tibuwa taluꞌ ni Isa dinilon, “Potiyangoy niyu na yanin. Diꞌ niyu yanin posusahon. Mobais ma og ininangin koyon dinakon. 7 Ong mga miskinan lolayun da diyon diniyu bu bisan olo waktuhoy mogdadi niyu ilon tabangan, sugaid akon kanaꞌ da mobon dini diniyu. 8 Og libun kini ininangin ong mogausin. Poktogama nin asal og lawasu nog lana momut sok pokkubul dinakon. 9 Na taluan ku amu, ong motudin, bisan ayin sok tibuk nog dunya posampoyon ong , molabit da sop ong miinang nog libun kini dinakon gantaꞌ pomondoman diyanin.”

Ok Poktipu ni Yudas ni Panghuꞌ Isa

10 Na si Yudas Iskariyot, ok solobuk sok sopuluꞌ bu duwaꞌ kotow nong mulid ni Isa, minangoy yanin song mga kounutan nok koimaman bagun motipu nin si Isa dinilon. 11 Na migloliyag ilon dangan midongog nilon ok taluꞌ ni Yudas, bu mikpasad ilon nog bogoyan nilon yanin nok sin. Dadi minontong na si Yudas nong mobais nok pobiyan bug ponoy ok kotipu nin ni Isa.

Ok Kotapusan nog niloꞌ  Isa

12 Na minatong na ok ponognaan nog halilaya nok pokkan nok pan nog daꞌdun ok posuligin, yonin na og gondow pokkurban nog para sog , ok popondom dinilon nog inawon ilon nok Tuhan song . Sinakan si Isa nong mga mulidin, taluꞌ nilon, “Panghuꞌ, ayin dapit ok kolegan nu podinsamaon nami og lolabungan nu para sog Halilaya Pogliyus?”

13 Dadi sinuguꞌ ni Isa og duwaꞌ kotow nong mulidin, taluꞌ in dinilon, “Angoy amu sok siyudad. Pogdatong niyu dituꞌ, molumpak niyu og laki nong mikpisan nog banggaꞌ nok taga tubig. Pogunut amu diyanin 14 bug ayin baloyoy nok solodanin, bangka niyu taluoy og gapuꞌ nog baloy, ‘Miksak og guru bug ayin taꞌ og bilik nok pogjamuhanin bug mga mulidin kuman nog bataꞌ bilibili sog Halilaya Pogliyus.’ 15 Dadi potongowonin da diniyu ong mosolag nog bilik nok taga panyap na asal dituꞌ sok tas nog baloyin. Na dituꞌ amu pokpodinsamaꞌ nog lolabungan ta niyu.” 16 Doksuꞌ mipanow na og duwaꞌ kotow nong mulid ni Isa sok siyudad, bu miunut ok kotanan nok tinaluꞌ ni Isa. Dadi mikpodinsamaꞌ ilon nog lolabungan nilon para sog Halilaya Pogliyus.

17 Poglogobi, minatong na si Isa bug sopuluꞌ bu duwaꞌ kotow nong mulidin sok pogjamuhan. 18 Soliyan nilon kuman, miktaluꞌ si Isa, “Taluon ku diniyu, ong motudin, ongon ok solokotow nog dinumongan kuman dini dinita niyu nong monipu dinakon.”

19 Na misusa ilon bu miksak-sinakoy na kokoniya dituꞌ ni Isa, taluꞌ nilon, “Kanaꞌ da taꞌ koyon akon?”

20 Tinumabal si Isa dinilon, “Solobuk yanin sok sopuluꞌ bu duwaꞌ kotow diniyu, og duma u sumoksak nok komotin sok ponaksan. 21 Akon, og Bataꞌ nong Manusiyaꞌ matoy na dodaꞌ mamaꞌ nong misulat, tibuwa mokondok-ondok ok koposunguan nok tow nong monipu dinakon. Golom pa para diyanin nog ondaꞌ na yanin bataoy.”

22 Dadi solabu nilon kuman, minalap si Isa nok pan bangka yanin poksukul sok Tuhan. Tubus pinitak-pitakin ok pan bangka nin pomogoyoy song mga mulidin, taluꞌ in, “Alap niyu bangka niyu kan, bu niyat niyu nog yonin na kini og lawasu.”

23 Doksuꞌ minalap si Isa nok tasa taga ginumon, bangka poksukul. Tubus binogoyin song mga mulidin, bu mikinum og lam nilon. 24 Taluꞌ in dinilon, “Niyat niyu nog yonin na kini og duguꞌ u nong mobuyus para song modakol nok tow bagun moampun ong mga nilon. Og duguꞌ u ong mokposobonnal nog bogu pogjanjian nok Tuhan bug mga manusiyaꞌ. 25 Dadi taluan ku amu, ong motudin, diꞌ u na minum nok toktob sog waktu nong mokinumu nog bogu dituꞌ sok Pomarintahan nok Tuhan.” 26 Puwas nituꞌ mikkolangan ilon nok pomudji sok Tuhan bangka ilon angoy dituꞌ sog Bontud Jaytun.

27 Na tinaluan ilon ni Isa, “Og lam niyu gonatan niyu da akon, poꞌ misulat sok Kitab, ‘Patoyon ku ong , bu mokanat ong mga bilibili nin.’ ” 28 Bu taluꞌ pa ni Isa, “Tibuwa bilaꞌ potubuon ku mokpuliꞌ, moguna u diniyu sog .”

29 Miktaluꞌ si diyanin, “Bisan pa gonatan ka nog lam nilon, basta akon, ondiꞌ u tokodoy ika gonatan!” 30 Tinaluan yanin ni Isa, “Taluan ku ika, ong motudin, sog diꞌ pa moktukkalaꞌ ong manuk duwaꞌ kali sog gobi tokodoy kini, tolu kali a pononsing nog diꞌ nu akon kolilahan.”

31 Sugaid dimaawa tokodoy si Petros, taluꞌ in, “Bisan matoyu dunut dinika, ondiꞌ u tokodoy ika sonsingan.” Bu maꞌ nituꞌ da sop ok tinaluꞌ nog lam nilon.

Ok Pongoni-ngoni ni  sok Kabbun

32 Doksuꞌ minangoy siloꞌ Isa sog bonuwa pogingalanan nog Getsemane, bangka nin pa taluoy ong mga mulidin, “Ingkud amu na dini soliyan ku mongoni-ngoni.” 33 Pidunutin pa siloꞌ , Yaꞌkub bu si Yahiya. Tubus miktagnaꞌ yanin mokkosusahan, bu misasow tokodoy ok pikilanin. 34 Tinaluanin ong mga pidunutin koyon, “Landuꞌ ok kosusahan ku bu agon na matoyu dun. Pogbagad amu na dini, bu pogjaga amu.” 35 Doksuꞌ mikpolayuꞌ-layuꞌ si Isa song mga mulidin bangka yanin sudjud sog lupaꞌ dunut pongoni-ngoni nin nog bilaꞌ mogdadi nog diꞌ na yanin pobiyanon sok kobinsanaan nok posunguꞌ na matong diyanin. 36 Taluꞌ ni Isa, “U Ommaꞌ, kosunan ku nog bisan olo, moinang nu. Bilaꞌ mogdadi, diꞌ nu na pobiyanon dinakon ok kobinsanaan kini, tibuwa kanaꞌ ok kolegan ku ong mounut, sugaid ok kolegan nu.”

37 Doksuꞌ mikpuliꞌ yanin dituꞌ song mga mulidin, bu kidatonganin ilon nong mitulug. Tinaluanin si Petros, “Simon, mituluga taꞌ? Diꞌ a taꞌ mokopogjaga bisan dona sooras? 38 Pogjaga bu pongoni-ngoni amu bagun diꞌ amu mosassat. Kolegan nong nyawa niyu mogunut sok kolegan nok Tuhan, sugaid og lawas niyu molamma.”

39 Doksuꞌ mipanow na sop puliꞌ si Isa bangka pongoni-ngoni mamaꞌ nok tagnaꞌ. 40 Pokpuliꞌ in song mga mulidin, kidatonganin na sop ilon nong mitulug poꞌ mingluyuꞌ ong mga mata nilon. Diꞌ na nilon kosunan bug olo ok tabalon nilon ni Isa.

41 Dangan sog ikotolu ni Isa mokpuliꞌ dinilon, ok sakin dinilon, “Totulug amu pa taꞌ lungkan bu minulali? Para na koyon. Tontong niyu ba. Minatong na og waktu nog akon, og tipuhon bu wakilon sok komot nong mga . 42 Pogbuwat amu! Alung, mopanow ita. Tong niyu ba, mikpolani na ok tumipu dinakon.”

Ok Poksaggow ni Panghuꞌ Isa

43 Na soliyan pa ni Isa moktaluꞌ, minatong si Yudas, solobuk sok sopuluꞌ bu duwaꞌ kotow nong mulidin. Modakol nok tow ong migunut diyanin nong migoyit nok kalis bug bobombal. Tidu ilon song mga kounutan nok koimaman, sog guru agama bu song mga migmokogulang.

44 Na ok ponipu kini, binogoyanin na asal nog gindanan ong mga tow koyon, taluꞌ in, “Ok tow nog alokan ku, saggow niyu! Oyit niyu yanin bu jagahan niyu pahatul.”

45 Na dangan minatong siloꞌ Yudas, mikpolani yanin ni Isa, bangka poktaluꞌ, “Guru!” Doksuꞌ inalokanin. 46 Dadi inonggaydan nilon si Isa bangka nilon saggowoy. 47 Sugaid ongon ong migindog diyon ong minigdas nok kalisin bangka nin tigbasoy ok sosuguon nok bu miputuk ok tolinga nin.

48 Miktaluꞌ si Isa dinilon, “Molaatu taꞌ kini nok tow nok sumboy niyu saggowon dunut mga kalis bug bobombal? 49 Gondow-gondow dituꞌ u sog mognasihat, sugaid daꞌ niyu da akon saggowoy. Tibuwa sumboy na dodaꞌ miyan og lam nini bagun mounut ok sinulat sok Kitab Sutsi.”

50 Puwas nituꞌ ginonatan yanin nog lam nong mulidin bangka ilon pomolaguy. 51 Sugaid ongon ok solokotow nok subul timuyuk ni Isa dunut tapisin nok putiꞌ, bu sinaggow yanin nong mga sundalu. 52 Na linukatanin ok tapisin bangka yanin gobok nong miglobas.

53 Dadi inoyit si Isa sog baloy nok , bu miglumpuk dituꞌ ong mga kounutan nok koimaman, mga guru agama bug mga migmokogulang. 54 Sugaid si , tinuyukin si Isa sok kolayuan toktob song mikosaut yanin sog diyalom loma-lomahan nog baloy nok kinotasan nog gimam. Minampuꞌ yanin mingkud song mga mogbobantoy, mokpodondang nog lawasin sog gapuy.

55 Na ong mga kounutan nok koimaman bug lam nong nong mga minontong ilon nok saksiꞌ bagun nilon kobotangan si Isa nog hukum patoy. Tibuwa daꞌdun ong motongow nilon nok sabapan mopatoy. 56 Poꞌ modakol ok sinumaksiꞌ nog loput pasal ni Isa, sugaid ondaꞌ pogbatuk ong mga poksaksiꞌ nilon. 57 Tubus ongon da sop og duma nok tow minindog sumaksiꞌ nog loput pasal ni Isa, taluꞌ nilon, 58 “Midongog nami yanin moktaluꞌ, longin, ‘Ladakon ku og Baloy nok Tuhan kini nog inimung nong manusiyaꞌ, bu sok solod nok tolu ondow, imungon ku og len nok kanaꞌ ong manusiyaꞌ ong mogimung dun.’ ” 59 Tibuwa, bisan tinaluꞌ nilon maꞌ niyon, ondaꞌ da sop pogbatuk ok tinaluꞌ nilon kituꞌ.

60 Na minindog ok kinotasan nog gimam sok titongaꞌ nilon, bangka poksak diyon ni Isa, “Daꞌdun taꞌ tokodoy ong motabal nu song mga tow nok sinumaksiꞌ pasal sok sumbungan dinika?” 61 Tibuwa daꞌ poglogonek si Isa. Dadi sinakan puliꞌ yanin nok kinotasan nog gimam, “Ika taꞌ og , og Bataꞌ nong Mokowasa?” 62 Ok tabal ni Isa, “Oo, akon. Bu ongon og waktu nong motongow niyu og mingkud sog dapit lintu nong Mokowasa bu monog dunut sog gabun.”

63 Pogdongog nok kinotasan nog gimam, ginoditin og juba nin, bangka poktaluꞌ, “Olo pa og balan ta nong mga saksiꞌ? 64 Midongog niyu na ok ponglaatin sok Tuhan. Dadi olo ma og hukuman niyu?” Na miksolobuk og lam nilon nog hukuman nong mopatut yanin patoyon.

65 Na og duma, miktagnaꞌ ilon mongdulaꞌ ni Isa bangka nilon dungmaoy ong muluꞌ in, bu piksuntuk nilon yanin, bangka poktaluꞌ, “Pagga a, taluꞌ nu sima ok sinumuntuk dinika?” Doksuꞌ inoyit yanin nong mga mogbobantoy dun nong miminasa da sop diyanin.

Ok Poksonsing ni Petros

66 Na si Petros diyon pa sog loma-lomahan. Tubus ongon ok solokotow libun sosuguon nok miniyan. 67 Poktongowin ni Petros mikpodondang nog lawasin sog gapuy, pidongotanin tumontong bangka nin taluoy, “Ika koyon, og dunuta da sop ni Isa, ok tow .” 68 Mimolilu si Petros, taluꞌ in, “Diꞌ u kosunan bu diꞌ u mosabut bug olo ok pinaluꞌ nu koyon.” Doksuꞌ minangoy yanin sog bongowan nog galad, bangka pa poktukkalaꞌ ong manuk.

69 Doksuꞌ mitongow na sop si Petros nog len libun sosuguon nog gimam. Taluꞌ in song mga tow nong migindog diyon, “Ok tow koyon og duma da sop niloꞌ Isa.” 70 Na mimolilu na sop si Petros. Daꞌ kobon tinaluan si Petros nong mga tow nong migindog diyon, taluꞌ nilon, “Motud, ika koyon solobuka da sop dinilon poꞌ tow a da sop.”

71 Na miktolipun si Petros moktaluꞌ nog gantaꞌ suknaꞌ sog ginawa nin, bu sinumapa yanin, “Diꞌ u kolilahan ok tow nok tinaluꞌ niyu koyon.”

72 Sododuun miktukkalaꞌ na sop ong manuk sog ikoduwaꞌ kali, bu mipondom ni Petros ok tinaluꞌ ni Isa diyanin, “Sog diꞌ pa moktukkalaꞌ ong manuk duwaꞌ kali, tolu kali a pononsing nog diꞌ nu akon kolilahan.” Dadi mingluktuy mogaduy si Petros.