Markus 13

Ok Pogladak nog

Dangan linumuwas na si tidu sog Baloy nok Tuhan, taluꞌ nok solobuk nong mulidin, “Tontong nu ba, guru! Landuꞌ pokosolag nong mga batu sog Baloy nok Tuhan, bu landuꞌ kolingkat nok koimung dun.” 2 Na tinumabal si Isa, “Ong molingkat nog Baloy nok Tuhan ong mitongow niyu koyon, moladak da, bu daꞌdun ong mosamaꞌ diyon nong migbangkat-bangkat nog batu.”

Ong mga Gindanan nok Posunguꞌ na og

3 Dangan minatong na siloꞌ Isa sog Bontud Jaytun, miningkud yanin sog dipag bontud nog Baloy nok Tuhan. Na mikpolani diyanin siloꞌ , Yaꞌkub, Yahiya bug Andariyas miksak nog ilon-ilon da. 4 Taluꞌ nilon, “Panghuꞌ, taluan nu ami olo waktuhoy koyon matong, bu olo og gindanan bilaꞌ mounut na og lam nok tinaluꞌ nu koyon dinami.”

5 Tinaluan ilon ni Isa, “Poghalliꞌ amu bagun diꞌ amu koakkalan nog duma! 6 Sabap ongon og waktu modakol ong matong bangka angkon nog ilon yonin na akon, bu modakol ok koakkalan nilon. 7 Na bilaꞌ modongog niyu og bunuꞌ atawa og dongogan pasal sok pogbunuꞌ, diꞌ amu mondok. Sumboy matong na dodaꞌ ong mamaꞌ niyon koyon, sugaid kanaꞌ pa koyon ok kodoksuan nog dunya. 8 Poꞌ mogbunuꞌ og bangsa sok solobuk bangsa, bu manta og bonuwa sok solobuk bonuwa, bu ongon ong matong nong mga linug bug ponggutom sok kobonuwahan. Ong mamaꞌ niyon ok ponognaan hadja nok kobinsanaan nong matong song manusiyaꞌ mamaꞌ sopantun nog libun nok pinakitan. 9 Sugaid poghalliꞌ amu, poꞌ ongon og waktu nok saggowon amu nong mga tow bangka amu wakiloy sok poghukuman. Doksuꞌ lamboton amu sog diyalom nong mga . Pasal sok pogunut niyu dinakon, madap amu song mga gubernur bu song mga sultan, bu yonin koyon og waktu niyu monuksug dinilon pasal dinakon. 10 Ong sumboy posampoyon poguna sog lam nong mga kobangsa-bangsahan. 11 Na sog waktu nok saggowon amu bangka amu wakiloy sok poghukuman, diꞌ amu mosusa bug olo ok taluon niyu dinilon. Taluon niyu tibuwa og bogoyon diniyu sog waktu koyon, poꞌ ok taluꞌ koyon kanaꞌ tidu diniyu, sugaid tidu sog . 12 Sog waktu koyon ongon ong mogilug, tipuhonin og gilugin bangka wakiloy bagun popatoy, bu ongon da sop og gommaꞌ, tipuhonin og bataꞌ in bagun popatoy, bu ongon sop ong mga gumbataꞌ nong mongatu song mokogulang nilon bangka nilon popatoy. 13 Dumutan amu nog lam nok tow sabap dinakon. Sugaid sima-sima ong mokotiggol toktob sok kodoksuan, na moawon yanin.

Ong Mokondok-ondok nok Kobinsanaan

14 Sog lomaꞌ-dinglag bilaꞌ motongow niyu ong mokosammal nong mokopoglaat mogindog sog bonuwa nok kanaꞌ in patut indogan, sumboy molaguy na sok kobontudan ong mga tow sok probinsiya nog Yahudiya.” Bung mayan mosabut kini nok polomasta. 15 “Sima-sima ok tow nok kosolabuhan diyon sok tas gatop nog baloyin sog waktu koyon, sumboy mogdaliꞌ-daliꞌ yanin mawaꞌ bu diꞌ na sumolod sog baloyin bagun malap nog olo-olo. 16 Bu sima-sima ok kosolabuhan nog dituꞌ sog guma nin, diꞌ na yanin muliꞌ malap nog juba nin. 17 Na mokololat-lolat ong mga bodos bug mga mikpoduduꞌ sog waktu koyon. 18 Pongoni-ngoni amu nog diꞌ koyon matong sok timpu ponigdow. 19 Poꞌ sog waktu koyon moongon ong mokondok-ondok nok kobinsanaan nog daꞌ sibon kobiyanoy tidu sok koimung nok Tuhan nog dunya sampoy song ningkomun, bu diꞌ na koyon miyan mokpuliꞌ. 20 Na bilaꞌ ondiꞌ popolokon nok Tuhan ok kobinsanaan kituꞌ, na daꞌdun ong manusiyaꞌ ong mosamaꞌ totubuꞌ. Sugaid pasal song mga mipiliꞌ, popolokonin og waktu koyon. 21 Na sog waktu koyon bilaꞌ ongon ok tow moktaluꞌ diniyu, ‘Tontong niyu, kini na og ,’ atawa, ‘Tontong niyu, kituꞌ da yanin!’ Ondiꞌ amu tumombaꞌ. 22 Poꞌ mokpongluwas ong mga baluꞌ-baluꞌ nog Al-Masih bug mga . Monginang ilon nong mga mokosobuꞌ-sobuꞌ bagun koakkalan nilon ong mga tow. Bilaꞌ moinang nilon, kolegan nilon nok koakkalan da sop ong mga mipiliꞌ nok Tuhan. 23 Dadi pogbantoy amu! Tinaluan ku na amu og lam niyon sog daꞌ pa koinang.

Ok Pokpuliꞌ nog Al-Masih

24 Tibuwa pokpuwas nok kobinsanaan sog waktu koyon, dumolom na og gondow, bu og bulan diꞌ na sumahaya. 25 Ong mga bitun molabuꞌ na tidu sog langit, bu mokuyung na og olo-olo sok tas langit.

26 Na motongow nok kotanan nok tow ok pokponog nog Bataꞌ nong Manusiyaꞌ sog gabun dunut landuꞌ kowasa bug . 27 Tubus suguon ku ong mga malaikatu, bu polimudon nilon ong mga tow nong mipiliꞌ u tidu sog ayin-ayin sog dunya.

28 Moalap niyu nok pomintangan ok kayu nong mopononggiꞌ sok pogdatongin. Bilaꞌ mongigbus na bangka pogdawon puliꞌ, kosunan niyu na nok posunguꞌ na ok timpu pomodos. 29 Maꞌ niyon da sop, sog waktu nong motongow niyu nong miunut na ong mga pinaluꞌ u kini, kosunan niyu na nok posunguꞌ na ok pokpuliꞌ u sog dunya. 30 Taluan ku amu, ong motudin, diꞌ motipot matoy ok pangkatan nong manusiyaꞌ kini sog bon nog diꞌ mounut og lam nok tinaluꞌ u kini diniyu. 31 Og langit bug lupaꞌ mobolong da, sugaid ong mga taluꞌ u, diꞌ mobolong solama-lama.

32 Na og gondow atawa oras nok pokpuliꞌ u, daꞌdun ong mokokosun dun, luwal da og u. Bisan ong mga malaikat sok , atawa akon og Bataꞌ in, diꞌ mokokosun dun. 33 Dadi poghalliꞌ amu bu pogbantoy amu, poꞌ ondiꞌ niyu kosunan bug olo waktuhoy ok pokpuliꞌ u dini. 34 Mamaꞌ koyon nok solokotow nong mopanow sog len bonuwa nog daꞌdun mokokosun andun ok pokpuliꞌ in. Sog daꞌ pa yanin gonat sog baloyin, wakilanin poguna ok sosuguonin nok kopatut, bu taluanin ok tungguꞌ sog bongowan nong mogbantoy pahatul. 35 Saan na amu sooy, pogbantoy amu lolayun poꞌ diꞌ niyu kosunan bug olo waktuhoy akon, ok Panghuꞌ niyu matong, lolabung taꞌ tokodoy, titongaꞌ gobi, doliꞌ-ondow atawa sisolom. 36 Dadi bisan tokkowu matong, sumboy diꞌ u amu kosolabuhan nog daꞌ amu pokpodinsamaꞌ sok pogdatongu. 37 Na mamaꞌ nok tinaluꞌ u diniyu, taluon ku kini sok kotanan: Pogbantoy amu!”