Markus 11

Ok Pokposolag nong mga Tow ni Poksolodin sog Jerusalem

Dadi dangan molani na siloꞌ Isa sog Jerusalem, minatong na ilon sog bonuwa nog Betpage bug Betani sog Bontud Jaytun. Doksuꞌ bangka pangoyoy ni Isa og duwaꞌ kotow nong mulidin, 2 taluꞌ in dinilon, “Angoy amu sog gumbaloyan koyon. Bilaꞌ matong amu na dituꞌ, mobalak niyu og inikotan nong nati nog daꞌ pa sibon kopongudaoy. Ubadoy niyu bangka niyu oyit dini. 3 Bilaꞌ ongon ong moksak diniyu bug manu inubad niyu ma, taluꞌ niyu, ‘Ongon ok kobalan nok Panghuꞌ dun, bu populionin da kini mogdayun diniyu.’ ”

4 Dadi mipanow na og duwaꞌ kotow nong mulidin, bu mibalak nilon ong nati kudaꞌ himar inikotan sok pintuan nog baloy song molani dalan, bangka nilon ubadoy. 5 Soliyan nilon mogubad, ongon ong mga tow nong migindog diyon, taluꞌ nilon, “Manu inubadan niyu ma ok kudaꞌ koyon?” 6 Na tinabal nilon ong mga tow koyon mamaꞌ nok kotaluꞌ ni Isa dinilon, bu kinumboy na dinilon nong mga tow. 7 Dadi inoyit na nilon dituꞌ ni Isa ong nati kudaꞌ himar koyon. Pogdatong nilon, inanigan na nilon nok ponapot nilon bangka sakoy si Isa. 8 Modakol sop nok tow ong mingdondam nok ponapot nilon sog dalan nog biyananin, og gindanan nok pogaddat nilon diyanin, bu og duma sop mimutuk ilon nok panga-panga nong molabung og dawonin bangka nilon kanatoy sog biyanan ni Isa. 9 Dadi ong mga miguna diyanin bu ong mga miktuyuk sog binayaanin, miggekes, “Pudjihon ok Tuhan! Mobarakat ong matong nok kiwakilan nok Tuhan dini. 10 Mobarakat ong matong nok pomarinta nok pingapuꞌ ta nok si Sultan . Pudjihon ok Tuhan .”

11 Dadi pogdatong ni Isa sog Jerusalem, minangoy yanin sog bangka nin lilingoy olo-olo sog diyalom. Tubus mikpuliꞌ na yanin sog Betani dunut nok sopuluꞌ bu duwaꞌ nong mulidin poꞌ moglogobi na.

Ok Kayu nok Pilotaꞌ nok Mogbunga

12 Dangan poglogondow solobuk, solabu nilon mopanow posunguꞌ sog tidu sog Betani, ginutom si Isa. 13 Tubus ongon ong mitongowin tidu sok kolayuan nok kayu nong molabung og dawonin. Inangoyin tontongoy bug ongon taꞌ og bunga nin, sugaid og dawon da ong mitongowin poꞌ kanaꞌ pa ok timpu nok pomunga. 14 Dadi taluꞌ ni Isa sok kayu higera, “Na tidu ningkomun daꞌdun na ong mokokan nog bunga nu sowmul-tahun.” Midongog sop nong mga mulidin ok tinaluꞌ ni Isa.

Pimugow ni ong mga Mogdodagang sog

15 Dangan minatong ilon sog , sinumolod si Isa sog loma-lomahan sog diyalom Baloy nok Tuhan bangka nin pomugowoy ong mga mogdodagang bug monaluy diyon. Pimolitukaꞌ in ong mga lomisahan nong mga tow nong monoliyu nok sin bug gingkudan nong mga mogdodagang nok kolopati. 16 Bu pigondianin sop ok kokoniya mogoyit nog olo-olo nituꞌ miyan sog Baloy nok Tuhan. 17 Doksuꞌ tinintuluanin ong mga tow dituꞌ, taluꞌ in, “Kanaꞌ taꞌ misulat sok Kitab, ‘Og Baloyu tawagon nog baloy poksombahayangan para sog lam nog bangsa?’ Sugaid amu, inimung niyu poksolobunihan nong mga molaat nok tow.”

18 Na mikodongog ong mga kounutan nok koimaman bug mga guru agama nok taluꞌ ni Isa. Dadi piksipihan nilon bug ponoy ok kopatoy nilon ni Isa. Miondok saan ilon diyanin poꞌ ok kodakolan nok tow misobuꞌ sok ponintuluꞌ in.

19 Dangan moglogobi na, minawaꞌ na sok siyudad siloꞌ Isa.

Ok Kotombaꞌ sok Tuhan nog diꞌ Mogduwaꞌ-duwaꞌ

20 Poksisolom, soliyan niloꞌ Isa mopanow sog dalan, mitongow nilon ok kayu koyon, minglawos na sampoy og gamutin. 21 Mipondom ni ok tinaluꞌ ni , dadi miktaluꞌ yanin, “Guru, tontong nu ba, ok kayu higera nok sinuknaan nu, milawos na!”

22 Dadi tinaluan ni Isa ong mga mulidin, “Sumboy ongon ok kotombaꞌ niyu sok Tuhan. 23 Ong motudin, taluan ku amu, sima-sima ong moktaluꞌ sog bontud kini, ‘Awaꞌ a diyon, bangka a kotikpuꞌ sog dagat,’ na moinang koyon bilaꞌ diꞌ da yanin mogduwaꞌ-duwaꞌ, bu tombaanin da nong mounut ok tinaluꞌ in kituꞌ. 24 Saan na taluan ku amu, og lam nok pongoni-ngonihon niyu sok Tuhan, tombaꞌ amu nong mitabuk niyu na, bu duhulon koyon diniyu.

25 Na bilaꞌ mongoni-ngoni amu bu song niyat niyu ongon ong mga mikodusa diniyu, niyu poguna bagun ampunon amu da sop nog niyu sok . 26 Poꞌ bilaꞌ diꞌ niyu ampunon ok tow nong mikodusa diniyu, ondiꞌ da sop moampun og dusa niyu nog Gommaꞌ niyu nog diyon sok surgaꞌ.”

Sinakan si pasal sok Kopatutin

27 Dadi minatong na ilon mokpuliꞌ sog . Na soliyan ni Isa mopanow sog diyalom nog , mikpolani diyanin ong mga kounutan nok koimaman bug mga guru agama migdunut bug mga migmokogulang sog bonuwa koyon. 28 Miksak ilon diyanin, “Olo ok kopatut nu monginang nong mamaꞌ nog ininang nu koyon, bu sima ong migbogoy dinika nok kopatut koyon?”

29 Dadi tinabal ilon ni Isa, “Ongon sop ok sakon ku diniyu, bu bilaꞌ motabal niyu, na tabalon ku sop amu bug ayin tidu ok kopatutu monginang nong maꞌ nini. 30 Si , ayin miktidu ok kopatutin mongliguꞌ? Miktidu taꞌ sok Tuhan atawa song manusiyaꞌ? Na tabal niyu akon.”

31 Na migisun-isun ilon bug olo taꞌ ok tabalon nilon. Taluꞌ nilon, “Bilaꞌ taluon ta nok tidu sok Tuhan, taluanin sop ita, ‘Manu daꞌ amu ma tombaꞌ diyanin?’ 32 Sugaid diꞌ ita da sop mokopoktaluꞌ nok tidu song manusiyaꞌ.” Miondok saan ilon song mga tow, poꞌ tinumombaꞌ og lam nilon nok si Yahiya solobuk .

33 Dadi ok tabal nilon ni Isa, “Diꞌ nami kosunan.” Na tinaluan ilon ni Isa, “Diꞌ u da sop amu posunan bug ayin miktidu ok kopatutu monginang nong mga ginang kini.”