Markus 9

Miksahaya ong Muluꞌ ni Panghuꞌ Isa

Na tinaluan ilon pa ni Isa, “Taluon ku diniyu, ong motudin, ongon og duma migindog dini nog diꞌ mokobiyan nok kopatoy toktob motongow nilon nong matong na ok dunut kowasa nin.”

2 Pogbiyan nong nom ondow, inoyit ni Isa siloꞌ , Yaꞌkub bu si Yahiya nog ilon-ilon da posunguꞌ song motas nog bontud. Dangan diyon na ilon, mipinda og bayuꞌ-bayuꞌ ni Isa sog gadapan nilon, 3 bu mokopollag ok ponapotin nog landuꞌ koputiꞌ. Daꞌdun ong mokobatuk sok koputiꞌ in dini sog dunya bisan sanu kali pa doktakoy. 4 Doksuꞌ mikpotongow si Nabi bu si Nabi Musa, bu migabit-abit ilon ni Isa. 5 Na tinaluan ni Petros si Isa, “Guru, mobais da nog dini ami. Potindogan nami amu nok tolu buk , ok solobuk nika, solobuk ni Nabi Musa bu solobuk sop ni Nabi Elyas.” 6 Diꞌ in na kosunan bug olo ok tinaluꞌ in poꞌ miondok tokodoy og lam nilon.

7 Tubus nituꞌ tinumuwaꞌ og gabun bangka ilon kodungmaoy, bu ongon ok taluꞌ tidu sog gabun, “Yonin kini og Bataꞌ u nok kolasahan ku, inongogoy niyu bu tombaoy niyu yanin!” 8 Na sododuun tinumontong ilon sog lumibut nilon bu daꞌdun na ong mitongow nilon luwal dona si Isa sala-sala nin.

9 Pogdiksun nilon tidu sog bontud, pigondian ilon ni Isa monuksug pasal dun toktob song motubuꞌ na puliꞌ yanin, og , tidu sok kopatoy. 10 Na tinumombaꞌ na ilon sok tinaluꞌ ni Isa, sugaid miksak-sinakoy ilon bug olo bayuꞌ in ong maana nok tinaluꞌ in nong motubuꞌ yanin mokpuliꞌ tidu sok kopatoy. 11 Na sinakan nilon si Isa, “Panghuꞌ, manu buwan miktaluꞌ ma ong mga guru agama nok sumboy matong poguna si Nabi Elyas bangka pa og ?”

12-13 Tinumabal si Isa, taluꞌ in, “Motud nong matong poguna si Nabi Elyas mokpodinsamaꞌ nog lam nituꞌ. Sugaid taluan ku amu, nok tidu na si Nabi Elyas mikangoy dini bu bininsanaꞌ yanin nong mga tow mamaꞌ na nong misulat sog diyalom nok Kitab pasal diyanin. Bu misulat da sop sok Kitab nok sumboy akon, og Bataꞌ nong Manusiyaꞌ, moksandal nok kobinsanaan, bu tolikudan nong mga tow.”

Kiulian ni og Bataꞌ Sinolodan nok Soytan

14 Pokpuliꞌ niloꞌ Isa dituꞌ sog duma nong mga mulidin, kidatongan nilon nok kilibutan ong mga mulidin nog landuꞌ kodakol nok tow bug mga guru agama nong migdaawa dinilon. 15 Sokaliꞌ dangan mitongow nong mga tow si Isa, misobuꞌ ilon bu ginumobok ilon dituꞌ diyanin sumogina. 16 Dadi sinakan ni Isa ong mga mulidin, “Olo ok pigdaawahan niyu bu ilon?”

17 Na ongon solokotow tinumabal tidu sok kodakolan, taluꞌ in, “Tuwan Guru, inoyitu og bataꞌ u nog laki nong miumow poꞌ sinolodan yanin nok soytan.” 18 Bilaꞌ binsanaon na yanin nok soytan, mobagsaꞌ yanin sog lupaꞌ, mogbulaꞌ na og babaꞌ in, mongolongot na ong ngisi nin bu mongogas og lawasin. Pingoni u song mga mulid nu nok poluwason pa nilon ok soytan sog diyalom lawasin, sugaid ondaꞌ da nilon kogaga. 19 Tinaluan ilon ni Isa, “U amu mga tow sog waktu kini nog daꞌ pongandol. Andun pa bayuꞌ in og bon ku dini diniyu? Andun pa toktob ok poksandalu diniyu? Oyit niyu na dini nakon og bataꞌ.”

20 Na inoyit nilon na og bataꞌ dituꞌ ni Isa, sugaid dangan mitongow nok soytan si Isa, pikongkogin mogdayun og bataꞌ bu mibagsaꞌ sog lupaꞌ bangka pogligidan bu migbulaꞌ og babaꞌ in.

21 Doksuꞌ sinakan ni Isa og gommaꞌ in, “Konanu miktolipun og bataꞌ nu moiling maꞌ niyon?”

Tinumabal og gommaꞌ in, “Tidu pa sok kobikaanin. 22 Sigi-sigi yanin pogdondolon nok soytan sog gapuy bu sog diyalom nok tubig bagun yanin matoy. Dadi bilaꞌ ongon ong moinang nu, tabangoy nu ami bu kololatoy nu ami!” 23 Tinumabal si Isa, “Bilaꞌ ongon taꞌ ong moinangu? Og lam moinang para sok tow nong mongandol.” 24 Na sododuun miktaluꞌ nong monamal og gommaꞌ nog bataꞌ kituꞌ, “Mingandolu, sugaid tabangoy nu akon bagun mogdodungag pa ok kopongandolu dinika.”

25 Dangan mitongow ni Isa ong modakol nok tow nong minggobok diyon diyanin, pigbinaanin ok soytan, “Ika soytan gumow bug bongol, suguon ku ika, luwasa tidu sog lawas nog bata kini, bu diꞌ a na tokodoy mokpuliꞌ sumolod dun.”

26 Sododuun miglosik ok soytan, bu pilede nin og bataꞌ bangka pa luwas. Mamaꞌ na nog bangkoy og bataꞌ, saan na miktaluꞌ ong mga tow nong minatoy na yanin. 27 Tibuwa inonggaydan ni Isa ok komot nog bataꞌ bangka nin na buwatoy bu minindog og bataꞌ. 28 Dangan mikosolod na yanin sog baloy, sinakan yanin nong mga mulidin nog ilon-ilon da, taluꞌ nilon, “Manu ondiꞌ nami ma mopoluwas ok soytan kituꞌ?” 29 Tinumabal si Isa, “Ok soytan nong mamaꞌ nituꞌ ondiꞌ mopoluwas luwal sok pongoni-ngoni.”

Tinaluꞌ Puliꞌ ni pasal sok Kopatoyin

30-31 Dadi minawaꞌ na siloꞌ Isa sog bonuwa koyon bu miniyan ilon sog bonuwa . Ok kolegan ni Isa nog daꞌdun ong mokokosun sog biniyananin poꞌ soliyanin moktintuluꞌ song mga mulidin pasal song matong sog ginawa nin. Ok taluꞌ in dinilon, “Og wakilon sok kongkoman nong mga tow, bangka na nilon patoyoy. Sugaid sog ikotolu ondow motubuꞌ da yanin mokpuliꞌ.” 32 Tibuwa daꞌ pokosabut ong mga mulidin bug olo ong maana nok tinaluꞌ in kituꞌ, bu mondok sop ilon moksak diyanin.

Ong Motas sok Ponontong nok Tuhan

33 Dangan minatong na siloꞌ Isa sok Kapernaum, bu mikosolod na ilon sog diyalom baloy, sinakan ni Isa ong mga mulidin, “Olo ok pigdaawahan niyu dituꞌ sog dalan?” 34 Sugaid ondaꞌ ilon poglogonek, poꞌ ok pigdaawahan nilon bug sima taꞌ ong motas dinilon.

35 Dadi miningkud si Isa bangka nin tawagoy ok sopuluꞌ bu duwaꞌ kotow nong mga mulidin, taluꞌ in, “Sima-sima ong meleg motas sumboy mokpobabaꞌ yanin sok kotanan bu moimung nok sosuguon sog lam nok tow.”

36 Tubus inalap ni Isa ok solokotow nog bataꞌ. Binotangin sok titongaꞌ nilon bangka nin sipitoy, taluꞌ in, 37 “Sima-sima ok tumabuk mamaꞌ nog bataꞌ kini sabap dinakon, tinabukin da sop akon. Bu sima-sima ok tumabuk dinakon, na tinabukin da sop og u nong mikpangoy dinakon dini.”

Ginamit ong Ngalan ni Panghuꞌ Isa

38 Miktaluꞌ si Yahiya dituꞌ ni Isa, “Guru, ongon ong mitongow nami nok tow sinumabbut nong ngalan nu mogbugow nong mga soytan. Pigondian nami poꞌ kanaꞌ yanin og duma ta.” 39 Taluꞌ ni Isa dinilon, “Potiyangan niyu na yanin poꞌ sima-sima ong moginang nong mokosobuꞌ-sobuꞌ biyan song ngalan ku, kanaꞌ modaliꞌ mokopoktaluꞌ nong molaton pasal dinakon. 40 Poꞌ sima-sima og diꞌ sumaggaꞌ dinita, mga duma ta. 41 Na taluan ku amu, sima-sima ong mokopinum diniyu nok sobasu nok tubig pasal sok pogunut niyu sog , diꞌ na dodaꞌ mobolong ok pahalaꞌ in.

Ong Mokoyit nog Dusa song Manusiyaꞌ

42 Tibuwa sima-sima ong mogoyit-oyit nog song mga tinumombaꞌ dinakon mamaꞌ nok solobuk song mga gumbataꞌ kini, golom pa diyanin nog ikotan og ligin nong mosolag nog batu bangka tikpuoy sok titongaꞌ nog dagat. 43 Na bilaꞌ ok komot niyu mokoyit diniyu sok kodusahan, na putuk niyu. Golom pa mokosolod amu sok kosannangan sok nong mopungkul gabaꞌ sog duwaꞌ buk ok komot niyu, sokaliꞌ monarkaꞌ amu dun. 44 Poꞌ og gulod song narkaꞌ, diꞌ matoy bu og gapuy dituꞌ, diꞌ mopalong. 45 Na bilaꞌ og botis niyu ong mokoyit diniyu sok kodusahan, na putuk niyu. Golom pa mokosolod amu sok kosannangan sok surgaꞌ nong mopungkul gabaꞌ sok taga duwaꞌ botis, sokaliꞌ tikpuon amu da song narkaꞌ. 46 Poꞌ og gulod dituꞌ, diꞌ matoy bu og gapuy dituꞌ, diꞌ mopalong. 47 Na bilaꞌ ong mata niyu ong mokoyit diniyu sok kodusahan, na lugit niyu. Golom pa mokosolod amu sok nok solobuk da ong mata niyu, gabaꞌ sog duwaꞌ buk ong mata niyu sokaliꞌ tikpuon amu da song narkaꞌ. 48 Poꞌ og gulod dituꞌ, diꞌ matoy bu og gapuy dituꞌ, diꞌ mopalong.

49 Og lam nok tow sumboy miyan sog gapuy, ong maana nin mokobiyan sok kobinsanaan mamaꞌ sopantun nok kurban nok sumboy sigahan poguna bangka botangoy sog gapuy. 50 Ok siga mobais, sugaid bilaꞌ tumobang na, ponoy na mokpuliꞌ ong nanamin? Na mamaꞌ amu nok siga. Saan na poghalliꞌ amu bagun diꞌ amu kobolongan nong nanam bu kopolosuddahan, bu poksulut-sulut amu.”