Markus 8

Piokan ni ok Pat Ngibu Kotow

Sog waktu niyon mitopuk mokpuliꞌ ong mga tow modakol dituꞌ ni Isa. Dangan daꞌdun na ong mokan nilon, tinawag ni Isa ong mga mulidin, bangka nin taluoy, 2 “Mololatu sok tumpukan nong mga tow kini poꞌ tolu ondow na ilon dini dinakon, bu daꞌdun na ong mokan nilon. 3 Bilaꞌ pulion ku ilon nong mogutom, sunoy punungon ilon sog dalan, poꞌ og duma dinilon molayuꞌ og gulian nilon.”

4 Dadi tinumabal ong mga mulidin, “Ayin ita ma buwan alap nok kan gantaꞌ nong mogimpod sog dakol nong mga tow nog dini ita ma song mohinok nog bonuwa kini?”

5 Na sinakan ilon ni Isa, “Sanu buk ok pan niyu?” Tinumabal ong mga mulidin, “Pitu buk.”

6 Dadi tinaluan ni Isa ok tumpukan nok tow nong mingkud ilon sog lupaꞌ. Doksuꞌ inalapin ok pitu buk nok pan bangka yanin poksukul sok Tuhan. Puwas nituꞌ pikpitak-pitakin na ok pan bangka nin bogoyoy song mga mulidin bagun mobogoy sok tumpukan nok tow. 7 Ongon da sop sanu buk sodaꞌ nilon nong mobeteꞌ bu dangan binarakatanin, sinuguꞌ in nog bogoyon da sop song mga tow. 8 Na mikokan ong mga tow bu mibosug ilon. Pinglimud pa tanan nilon ok pitu ambung nok samaꞌ nok kan. 9 Og dakol nilon, pat ngibu kotow. Pogdoksuꞌ nilon kuman, piuliꞌ na ilon ni Isa. 10 Na sinumakoy yanin mogdayun sog bangkaꞌ dunut mga mulidin bangka ilon tulak posunguꞌ sog bonuwa Dalmanuta.

11 Pogdatong nilon, miglumpuk-lumpuk ong mga dituꞌ ni Isa bangka ilon pogdaawa. Kolegan nilon sumuloy diyanin biyan sok kopongambat nilon nok potongowonin dinilon ong mokosobuꞌ-sobuꞌ nog gindanan bilaꞌ motud taꞌ nok piangoy yanin nok Tuhan. 12 Na ginuminawa si Isa nong modalom bangka nin taluoy ong mga Parisi, “Manu mingoni ma ong mga tow sok pangkatan kini nong mokosobuꞌ-sobuꞌ nog gindanan? Taluan ku amu, ondaꞌ dodaꞌ ilon bogoyoy.” 13 Na binagak ni Isa ong mga Parisi bu sinumakoy puliꞌ yanin bug mga mulidin sog bangkaꞌ, bu timolipag ilon sog linow.

14 Na kilingowan nong mga mulid ni Isa mogoyit nok kan luwal sok pan solobuk nog dituꞌ sog bangkaꞌ nilon. 15 Tinaluan ilon ni Isa, “Pokpotubud bu poghalliꞌ amu sok posulig nong mga Parisi bu posulig ni Datuꞌ Herod!” 16 Migabit-abit ong mga mulidin nog ilon-ilon, taluꞌ nilon, “Maꞌ niyon bayuꞌ ok taluꞌ in, poꞌ daꞌ ita pokoyit nok pan.”

17 Na kiosunan ni Isa bug olo ok pigabit-abitan nilon. Dadi tinaluanin ilon, “Manu mosusa amu ma nog daꞌ niyu koyit ok kan? Manu daꞌ niyu pa kosunoy atawa kosabut? Mologon amu dodaꞌ posabutan! 18 Ongon le ong mata niyu, manu diꞌ amu ma mokotongow? Ongon ok tolinga niyu, manu diꞌ amu ma mokodongog bu mokopondom? 19 Dangan pikpitak-pitaku og lima buk nok pan bangka pokanoy sog lima ngibu kotow, sanu ambung pa ong misamaꞌ nong milimud niyu?” Tinumabal ong mga mulidin, “Sopuluꞌ bu duwaꞌ ambung.” 20 Taluꞌ pa ni Isa, “Bu sog waktu nok piokan ku ok pat ngibu kotow nok pitu lad nok pan, sanu ambung ong milimud niyu nok samaꞌ?” Tinumabal ong mga mulidin, “Pitu ambung.” 21 Na taluꞌ ni Isa, “Diꞌ niyu pa taꞌ mosabut?”

Kiulian ni  og Buta

22 Dangan minatong siloꞌ Isa sok kowman nog Betsayda, ongon solokotow nog buta inoyit nong mga kodumahanin diyon diyanin. Pingoni nilon nog doponanin og buta. 23 Na inambit ni Isa ok tow nog buta bangka nin oyitoy lumuwas sok kowman koyon. Doksuꞌ dinulaanin ong mata bangka doponoy nok komotin. Sinakanin, “Ongon taꞌ ong motongow nu?” 24 Dadi timontong ok tow bangka poktaluꞌ, “Oo, mikotongowu nong mga tow, sugaid mamaꞌ ilon nok kayu nong mopanow.”

25 Na dinopon ni Isa mokpuliꞌ ok komotin song mata nog buta, bu kiulian na yanin. Motampalin na og olo-olo nong motongowin. 26 Doksuꞌ piuliꞌ na yanin ni Isa, bangka nin taluoy, “Diꞌ a mapit sok kowman.”

Ok Tinaluꞌ ni pasal ni Panghuꞌ Isa

27 Dadi ginumonat na si Isa bug mga mulidin posunguꞌ song mga kowman nok Sesareya Pilipi. Solabu nilon mopanow, sinakanin ong mga mulidin, “Sima u dow taluꞌ nong mga tow?” 28 Tinumabal ong mga mulidin, “Og duma moktaluꞌ nog ika Si , bu og duma sop, ika si Nabi , bu og duma, solobuka nog len nong masa tagnaꞌ.” 29 Doksuꞌ sinakan ilon ni Isa, “Sugaid bilaꞌ amu, sima u?” Ok tabal ni Petros diyanin, “Ika og , ok piniliꞌ nok Tuhan.” 30 Na pingamoy-amoy ni Isa dinilon nog diꞌ ilon monuksug niyon bisan sima towoy.

Pidinsamaꞌ ni Isa Tumaluꞌ pasal sok Kopatoyin bu Kotubuꞌ in puliꞌ

31 Doksuꞌ miktolipun si Isa monintuluꞌ song mga mulidin pasal song matong sog ginawa nin. Tinaluꞌ in nok sumboy mokobiyan og song mosolag nok kobinsanaan, bu tolikudan yanin nong mga migmokogulang, bug mga kounutan nok koimaman, sampoy mga guru agama. Patoyon yanin, tibuwa sog ikotolu ondow, motubuꞌ da yanin mokpuliꞌ. 32 Pitampal tokodoy ni Isa ong matong diyanin song mga mulidin. Tubus inoyit ni Petros si Isa song molayuꞌ-layuꞌ bangka nin pogbinaoy moktaluꞌ nong maꞌ nituꞌ. 33 Sugaid tinumolikud si Isa bangka tontong song mga mulidin kaliꞌ in poktaluoy si Petros, longin, “Pokpolayuꞌ a dinakon, . Poꞌ ok pikilan nu koyon kanaꞌ tidu sok Tuhan, sugaid tidu song manusiyaꞌ.”

34 Doksuꞌ tinawag ni Isa ok kodakolan nok tow bug mga mulidin, taluꞌ in dinilon, “Bilaꞌ ongon ok tow meleg mogunut dinakon sumboy tolikudanin ok koleganin, bangka nin unutoy ok kolegan ku bu sandalanin og lam nok kobinsanaan, mamaꞌ sopantun nok tow mikpisan nok kayu nok poglansangan diyanin. 35 Poꞌ sima-sima ong mokpolabi nok kotubuꞌ in dini sog dunya, mobolong da diyanin. Sugaid sima-sima ong molong nok kotubuꞌ in pasal dinakon bu song , na koongonan yanin nong mosannang nok . 36 Poꞌ olo buwan ok kobaisan nok tow bilaꞌ moalapin og lam dini sog dunya, sugaid mobolong da diyanin ok kosannangan sok ? 37 Daꞌdun da muwal ong mohalgaꞌ tidu sok nong nyawa. 38 Poꞌ sima-sima nog ikosipogin akon bug mga tintuluan ku sok pangkatan nong mikodusa bu tumolikud sok Tuhan kini, na akon og mosipog da sop mangkon dun sog waktu mokpuliꞌ u dini sog dunya sok nok kotas nog u bu dunut nong mga .”