Matiyu 27

Inoyit si dituꞌ ni Gubernur

Pogdoli ondow na, miktopuk og lam nok kounutan nok koimaman bug mga migmokogulang mogisun bagun hukumon nilon si Isa sok kopatoy. 2 Inikotan nilon yanin bangka oyitoy bu wakiloy dituꞌ ni Pilatu, og gubernur.

Pasal sok Kopatoy ni Yudas

3 Na dangan mitongow ni Yudas, ong minipu ni Isa kituꞌ, nog hinukuman na si Isa, miksusun yanin. Inuliꞌ in bosiya ok tolu puluꞌ tibuk kituꞌ nok tinindan diyanin song mga kounutan nok koimaman bug mga migmokogulang. 4 Taluꞌ ni Yudas, “Mikodusa u sok poktipu u nok tow nog daꞌdun og nin.” Ok tabal nilon, “Olo buwan og labot nami dun? Bayaꞌ-bayaꞌ nu na.”

5 Dadi pinilakin ong mga tibuk silber koyon sog diyalom . Tubus minawaꞌ na yanin bangka nin puyutoy og ginawa nin.

6 Na pingimud ok silber koyon nong mga kounutan nok koimaman, sugaid taluꞌ nilon, “Pigondiꞌ sok saraꞌ botangon ok silber koyon sok tuung sog Baloy nok Tuhan, poꞌ kitamakan na koyon nog duguꞌ.” 7 Dadi migisun ilon, bu piksaluy nilon ok silber kituꞌ nog lupaꞌ sok tow nong mogogimung nog banggaꞌ. Tubus bangka nilon imungoy og lupaꞌ koyon nok pokkubulan nong mga tow len bangsa. 8 Saan na iningalanan og lupaꞌ koyon nog Lupaꞌ nog Duguꞌ toktob ningkomun. 9 Na miunut ok tinaluꞌ asal biyan ni Nabi Irmiya, “Inalap nilon ok tolu puluꞌ tibuk silber koyon, og halgaꞌ nok piktindan diyanin sog duma tow , 10 bu piksaluy nilon ok sin nog lupaꞌ sok tow nong mogogimung nog banggaꞌ. Yonin koyon ok suguan nok Tuhan dinakon.”

Hinukum si ni Gubernur

11 Dangan minatong na si Isa dituꞌ ni Gubernur Pilatu, sinakanin, “Ika taꞌ ok sultan nong mga Yahudi?” Tinumabal si Isa, “Tinaluꞌ nu na.”

12 Sugaid dangan sinumbung yanin nong mga kounutan nok koimaman bug mga migmokogulang, ondaꞌ tokodoy yanin tabal. 13 Tubus sinakan yanin ni Gubernur Pilatu, “Daꞌ nu taꞌ kodongog bug ponoy kodakol ok sumbungan nilon dinika?” 14 Sugaid daꞌ tabal si Isa bisan dona sotoktang, dadi misobuꞌ tokodoy og gubernur.

15 Na kilayaman nog gubernur bilaꞌ , mokpoluwas yanin solobuk pinirisu bug sima ok kolegan nong mga tow nok poluwason. 16 Sog waktu koyon, ongon ok pinirisu diyon nong mibantug pasal sok kolaatin, ong ngalanin Barabbas. 17 Dadi dangan mitopuk na ong mga tow, sinakan ilon ni Pilatu, “Sima ok kolegan niyu nok poluwason ku diniyu, si Barabbas, atawa si Isa nok poktawagon nog ?” 18 Tinaluꞌ ni Pilatu nong maꞌ niyon poꞌ kiosunanin nog inuwakil nilon si Isa diyanin sabap sog jongki nilon dun.

19 Soliyan ni Pilatu mogingkud sok poghukuman, pisampoyan yanin nog libunin biyan sok sosuguonin, “Diꞌ a mongampuan sok tow koyon nong mologdong, poꞌ kogobi milossahi u tokodoy sabap diyanin sok toginopu.”

20 Na piktungihan nong mga kounutan nok koimaman bug mga migmokogulang ong mga tow nok pongonihon nilon si Barabbas, sugaid si Isa patoyon. 21 Dadi poksak dinilon puliꞌ nog gubernur bug sima sog duwaꞌ kotow ok kolegan nilon poluwasonin, tinabal yanin nong mga tow, “Si Barabbas.” 22 Taluꞌ ni Pilatu dinilon, “Dadi olo ma og inangon ku ni Isa nok poktawagon nog Al-Masih?” Ok tabal nog lam nilon, “Lansang nu yanin sok !” 23 Taluꞌ sop ni Pilatu, “Manu ma, olo buwan og nong miinangin?” Sugaid labi pa ilon migekesan, “Lansang nu yanin!”

24 Dangan mitongow ni Pilatu nog daꞌdun na ong moinangin, poꞌ moongon na tibuwa ok sasow, minalap yanin nok tubig bangka nin ugasoy ok komotin sog gadapan nok tumpukan nong mga tow. Taluꞌ in, “Daꞌdun og dusa u sok kopatoy nok tow kini, amu na ong mokosun diyanin.” 25 Tinumabal og lam nok tow, “Ami bug gumbataan nami ok kosakan sok kopatoyin!”

26 Na piluwas na ni Gubernur Pilatu dinilon si Barabbas, sugaid pilanogin si Isa, bangka nin wakiloy bagun lansangon sok kayu.

Pigunda-undahan nong mga Sundalu si Panghuꞌ Isa

27 Doksuꞌ inoyit na si Isa nong mga sundalu ni Gubernur sog gastanaꞌ bangka nilon polumpukoy og lam nok sundalu diyanin. 28 Linuwas nilon ok ponapot ni Isa bangka nilon posolugoy nog juba mopula. 29 Tubus sinulapid nilon ok kayu-kayu dugihon, doksuꞌ binuligtus baasa kuruna bangka botangoy sog gulu nin. Puwas nituꞌ pionggaydan nilon nok tungkod ok komotin sog lintu. Sinumudjud ilon baasa sog gadapan ni Isa, bangka nilon pogunda-undahoy, taluꞌ nilon, “Bantugon ok sultan nong mga Yahudi.” 30 Dinulaan nilon yanin, bu inalap nilon ok tungkod kituꞌ bangka poksoksagoy sog gulu nin.

31 Dangan midoksuꞌ na nilon pogunda-undahon si Isa, linuwas nilon og juba kituꞌ bangka posolugoy dun puliꞌ ok ponapotin. Tubus inoyit nilon yanin bagun lansangon sok .

Linansang si Panghuꞌ Isa

32 Soliyan nilon mokposunguꞌ sog luwasan nok siyudad, milumpak nilon ok tow Kirene nog iningalanan nok Simun. Tinogol nilon yanin popisan ok kayu poglansangan ni Isa. 33 Inoyit nilon si Isa sog bonuwa pogingalanan nog , ong maana nin bonuwa bakuk. 34 Pogdatong nilon, binogoyan nilon yanin nok sinagotan nok podu. Sugaid dangan kiinamanin, diꞌ yanin meleg dun. 35 Na linansang nilon si Isa sok kayu bangka nilon bahagioy ong mga ponapotin biyan sok pogbunut-bunut. 36 Tubus miningkud ilon diyon migjaga diyanin.

37 Na dituꞌ sok tas dapit gulu ni Isa, binotangan nilon nok sulat sumbungan diyanin, “KINI SI ISA, OK SULTAN NONG MGA YAHUDI.” 38 Sog waktu koyon ongon og duwaꞌ kotow molaat nog linansang dunut ni Isa, ok solokotow sog lintu bu ok solokotow sog bibangin.

39 Na ong mga tow nong miniyan diyon, pigunda-undahan nilon si Isa dunut pokkising-ising, 40 taluꞌ nilon, “Ika og lumadak nog bangka imungoy puliꞌ sok solod nok tolu ondow, na tabang nu og lawas nu! Bilaꞌ Bataꞌ a nok Tuhan, ponoga sok kayu koyon.” 41 Domikkiyan da sop pigunda-undahan yanin nong mga kounutan nok koimaman, mga guru agama bug mga migmokogulang, taluꞌ nilon, 42 “Mitabangin og duma, tibuwa diꞌ in motabang og lawasin. Sultan ma dow yanin nog . Bilaꞌ mokoponog yanin sok kayu, na tumombaꞌ ita diyanin. 43 Mingandol yanin sok Tuhan. Tontongon ta dow bilaꞌ kosuatan diyanin ok Tuhan, bu tabangon taꞌ yanin ningkomun, poꞌ tinaluꞌ in ma nog yanin og .” 44 Na mamaꞌ niyon da sop ong mga molaat nok tow nog linansang dunut diyanin, migunda-unda ilon diyanin.

Minatoy si Panghuꞌ Isa

45 Na tidu sog lotu-ondow, dinumolom na ok koliwagan nog bonuwa toktob lisag tolu nog lolabung. 46 Dangan mga lisag tolu na, miglosik si Isa, “Eli, Eli, lama sabaktani?” Ong maana nin koyon, U Tuhan ku, u Tuhan ku, manu pisagadan nu ma akon?

47 Dangan midongog koyon nog duma nong mga tow nong migindog diyon, taluꞌ nilon, “Tinawagin si Nabi .” 48 Na sododuun ginumobok ok solokotow dinilon malap nok kokanaꞌ bangka doluoy sog ginumon nong mosom, bangka botangoy sok sosugget. Tubus tinoyoꞌ in ni Isa bagun mosoksopin. 49 Sugaid miktaluꞌ og duma, “Potiyangan nu yanin! Tontongon ta bug tabangon taꞌ yanin ni Nabi Elyas.”

50 Doksuꞌ miglosik si Isa nong mopagas bangka poglillaꞌ nong nyawa nin.

51 Na sog waktu tokodoy koyon, migodit tongaꞌ tidu sok tas posunguꞌ sok silung ong modikpol nok kurtina nok pigdonding sog lot nog bug sog Baloy nok Tuhan, bu ongon og linug bangka kobolaꞌ ong mga batu. 52 Mibukaꞌ ok tambol nong mga kubul, bu modakol nong mga , mga mimatoy kituꞌ nong mitubuꞌ puliꞌ. 53 Linumuwas ilon tidu sog diyalom nok kubul. Dangan mitubuꞌ mokpuliꞌ si Isa, minangoy ilon sog , bu modakol ok tow nong mikotongow dun.

54 Na ok kapitan nong mga sundalu bug mga piktowanin nong migbantoy ni Isa, kiondokan tokodoy ilon dangan mibatik nilon og linug bu mitongow nilon og len pa nong miinang sog waktu niyon, taluꞌ nilon, “Motud dodaꞌ, yanin kini og .”

55 Modakol da sop ong mga kolibunan diyon nong mikotongow sok kolayuan. Migunut ilon kini ni Isa tidu sog moktolagad diyanin. 56 Mikopogunut dinilon si , bu si Mariam og ginaꞌ niloꞌ Yaꞌkub bug Yusup, bu og ginaꞌ niloꞌ Yaꞌkub bug Yahiya, og libun ni Sebede.

Kinubul na si Panghuꞌ Isa

57-58 Na ongon ok tow dayahan, ong ngalanin si Yusup tidu sog Arimati nong miimung da sop nong mulid ni Isa. Dangan lolabung-labung na, minangoy yanin dituꞌ ni bu pingoni nin og bangkoy ni Isa. Miksuguꞌ si Pilatu nog bogoyon diyanin. 59 Na inalap ni Yusup og bangkoy ni Isa, bangka nin saputoy song molissin nok kokanaꞌ putiꞌ. 60 Si Yusup kini, ongon og langub kubulanin nog bogu nin linuwangan, dadi dituꞌ in binotang og bangkoy ni Isa. Doksuꞌ linigidin og batu mosolag poktambol sog bongowan nok kubulan, bangka yanin awaꞌ. 61 Na si kini bu ok sangoyin nok si Mariam, migingkud ilon sog gadapan nok kubulan ni Isa.

Inipat nong mga Sundalu ok Kubul ni Panghuꞌ Isa

62 Poglomaꞌ, sog waktu nong midoksuꞌ na og gondow nok Poktogama, miglimud ong mga kounutan nok koimaman bug mga sog gadapan ni Gubernur . 63 Taluꞌ nilon ni Pilatu, “Tuwan, mipondom nami ok tinaluꞌ nok polongakkal kituꞌ sog waktu nok totubuꞌ pa yanin, taluꞌ in, ‘Pogbiyan nok tolu ondow, motubuꞌ u puliꞌ.’ 64 Dadi mobais bilaꞌ moksuguꞌ a nog ipaton ok kubulin toktob tolu ondow, poꞌ sunoy mangoy dituꞌ ong mga mulidin bangka nilon alapoy og bangkoyin bu motaluꞌ nilon sok tow, ‘Mitubuꞌ yanin puliꞌ.’ Na lumanduꞌ pa ok pokpongakkal nilon tidu sok tagnaꞌ.” 65 Taluꞌ ni Pilatu dinilon, “Sigi, kini na ok tumpukan nong mogogipat, angoy amu na dituꞌ bangka niyu ipatoy pahatul!”

66 Dadi inangoy nilon ipaton mahatul ok kubul. Binotangan nong mga kounutan nok koimaman bug mga Parisi nog gindanan ok tambol nok kubulan bagun kosunan bilaꞌ ongon sumolod, bu piipat nilon song mga sundalu.