Matiyu 26

Pigisunan si  Patoyon

Dangan midoksuꞌ na si Isa monintuluꞌ nituꞌ, tinaluanin ong mga mulidin, 2 “Kiosunan niyu nog duwaꞌ ondow dona moktolipun og Halilaya Pogliyus. Tubus akon og wakilon na bagun lansangon sok .”

3 Na sog waktu koyon miglimud ong mga kounutan nok koimaman bug mga migmokogulang sog gastanaꞌ ni , yonin na ok . 4 Migisun ilon nok sumboy mobuni ok poksaggow nilon ni Isa bangka patoyoy. 5 Sugaid ok taluꞌ nilon, “Sumboy diꞌ ta niyu yanin saggowon solabu nog Halilaya, poꞌ sunoy monasow ong mga tow.”

Tinuyungan og Gulu nok nog Lana Momut

6 Na sog waktu koyon dituꞌ si Isa sog Betani sog baloy nok tow bakas ginipul nok pogingalanan si Simun. 7 Tubus ongon ok solokotow nog libun nong mikpolani diyanin. Migoyit yanin nong molingkat nok kassaꞌ-kassaꞌ nog landuꞌ kohalgaꞌ nog lana momut. Na soliyan niloꞌ Isa kuman, tinuyung nog libun koyon og lana momut koyon sog gulu ni Isa. 8 Sugaid dangan mitongow koyon nong mga mulid, milingit ilon taluꞌ nilon, “Manu koyon pigastahan ma? 9 Poꞌ modagang pa ma bosiya koyon nong mohalgaꞌ, bangka bogoyoy og halinin song mga miskinan.”

10 Tibuwa kiosunan ni Isa ok tinaluꞌ nilon, dadi taluꞌ in, “Manu posusahon niyu ma og libun kini? Mobais ma og ininangin koyon dinakon. 11 Ong mga miskinan lolayun da diyon diniyu, sugaid akon kanaꞌ. 12 Ok poktuyungin nog lana momut koyon dinakon, ininangin bagun poktogama sok pokkubul dinakon. 13 Taluan ku amu, ong motudin, bisan ayin sok tibuk nog dunya posampoyon ong kini, molabit da sop ong miinang nog libun kini dinakon gantaꞌ pomondoman diyanin.”

14 Na si Yudas Iskariyot nok solobuk sok sopuluꞌ bu duwaꞌ kotow nong mulid ni Isa, minangoy yanin song mga kounutan nok koimaman 15 bangka poktaluꞌ, “Olo og bogoyon niyu dinakon bilaꞌ mowakilu si Isa diniyu?” Dadi tinindanan nilon yanin tolu puluꞌ tibuk . 16 Tidu diyon, minontong si Yudas nong mobais nog waktu bagun motipu nin si Isa.

Moghalilaya si bug mga Mulidin

17 Na minatong na og yonin na ok ponognaan nok Pokoradjaan nok Pokkan nok Pan nog daꞌdun Posuligin. Dadi minangoy ong mga mulid dituꞌ ni Isa, taluꞌ nilon, “Panghuꞌ, ayin dapit ok kolegan nu nok podinsamaon nami og para sog lolabungan nu sog Halilaya Pogliyus?” 18 Tinabal ilon ni Isa, “Angoy amu sok siyudad bangka niyu taluoy ok tow nong molumpak niyu, ‘Miktaluꞌ og guru nok posunguꞌ na yanin mawaꞌ dini sog dunya, dadi meleg yanin moghalilaya Pogliyus diyon sog baloy nu sampoy na ong mga mulidin.’ ” 19 Dadi inunut nong mga mulid ok sinuguꞌ ni Isa dinilon. Bu mikpodinsamaꞌ ilon nog nilon para sog Halilaya Pogliyus.

20 Poglogobi, dinumongan yanin kuman dunut sopuluꞌ bu duwaꞌ kotow mulidin. 21 Na soliyan nilon kuman, miktaluꞌ si Isa, “Taluon ku diniyu, ong motudin, ongon ok solokotow diniyu nong monipu dinakon.” 22 Na misusa tokodoy ong mga mulidin bu kokoniya dinilon miktaluꞌ, “Kanaꞌ da taꞌ koyon akon, Panghuꞌ?” 23 Ok tabal ni Isa, “Ong monipu dinakon ok solokotow nok sinumalu kuman dinakon tidu sok ponaksan kini. 24 Akon, og matoy na dodaꞌ mamaꞌ nong misulat sok Kitab, tibuwa mokondok-ondok ok koposunguan nok tow nong monipu dinakon. Golom pa para diyanin nog ondaꞌ na yanin bataoy.” 25 Pogdoksuꞌ tinaluan yanin ni Yudas ong monipu diyanin, longin, “Kanaꞌ da taꞌ koyon akon, guru?” Ok tabal ni Isa diyanin, “Ika na ong miktaluꞌ dun.”

Og Bogu Pogjanjian

26 Solabu nilon kuman, minalap si Isa nok pan bangka yanin poksukul sok Tuhan. Tubus pinitak-pitakin ok pan bangka nin pomogoyoy song mga mulidin, ok taluꞌ in, “Alap niyu, bangka niyu kan. Niyat niyu nog yonin na kini og lawasu.” 27 Doksuꞌ minalap si Isa nok tasa taga ginumon, bangka poksukul. Tubus binogoyin song mga mulidin, taluꞌ in, “Inum amu kotanan nini, 28 poꞌ yonin kini ong niyaton niyu nog duguꞌ u nong mobuyus para song modakol nok tow bagun moampun ong mga nilon. Og duguꞌ u ong mokposobonnal nog bogu pogjanjian nok Tuhan bug mga manusiyaꞌ. 29 Taluan ku amu, diꞌ u na minum nok kini toktob sog waktu nong mokinumu nog bogu dunut diniyu dituꞌ sok pomarintahan nog u.” 30 Puwas nituꞌ mikkolangan ilon nok pomudji sok Tuhan bangka ilon angoy dituꞌ sog Bontud Jaytun.

Pidinsamaꞌ Tumaluꞌ ni pasal sok Pomolilu ni Petros

31 Tubus tinaluan ilon ni Isa, “Og lam niyu kini, gonatan niyu da akon sog gobi kini, poꞌ misulat sok Kitab,

‘Patoyon ku ong

bu mokanat ok tumpukan nog bilibili nin.’

32 Tibuwa bilaꞌ potubuon ku mokpuliꞌ, moguna u diniyu sog .”

33 Miktaluꞌ si Petros ni Isa, “Bisan pa gonatan ka nog lam nilon, basta akon ondiꞌ u tokodoy ika gonatan.” 34 Taluꞌ sop ni Isa diyanin, “Taluan ku ika, ong motudin, sog diꞌ pa moktukkalaꞌ ong manuk sog gobi kini, tolu kali a pononsing nog diꞌ nu akon kolilahan.” 35 Tinumabal si Petros diyanin, “Bisan pa matoyu dunut dinika, ondiꞌ u tokodoy ika sonsingan.” Maꞌ nituꞌ da sop ok tinaluꞌ nog duma mulidin.

Mingoni-ngoni si Panghuꞌ Isa

36 Doksuꞌ minangoy na si Isa bug mga mulidin posunguꞌ sog bonuwa pogingalanan nog Getsemane, bu taluꞌ in song mga mulidin koyon, “Ingkud amu na dini soliyan ku dituꞌ sog gunahan mongoni-ngoni.” 37 Pidunutin pa si bug duwaꞌ kotow bataꞌ ni Sebede. Tubus miktagnaꞌ yanin mokkosusahan bu misasow tokodoy ok pikilanin. 38 Na tinaluanin ong mga pidunutin koyon, “Landuꞌ ok kosusahan ku bu agon na matoyu dun. Pogbagad amu na dini bu pogjaga amu dunut dinakon.”

39 Doksuꞌ mikpolayuꞌ-layuꞌ si Isa song mga mulidin bangka yanin sudjud mingoni-ngoni, taluꞌ in, “U Ommaꞌ, bilaꞌ mogdadi, awaꞌ nu ok kobinsanaan kini nok posunguꞌ matong dinakon. Tibuwa kanaꞌ ok kolegan ku ong mounut, sugaid ok kolegan nu.”

40 Doksuꞌ mikpuliꞌ yanin dituꞌ song mga mulidin bu kidatonganin ilon nong mitulug. Tinaluanin si Petros, “Olo ma, diꞌ amu tanan mokopogjaga dunut dinakon bisan dona sooras? 41 Pogjaga bu pongoni-ngoni amu bagun diꞌ amu mosassat. Kolegan nong nyawa niyu mogunut sok kolegan nok Tuhan, sugaid og lawas niyu molamma.” 42 Na mikpolayuꞌ-layuꞌ na sop yanin mokpuliꞌ bangka pongoni-ngoni, “U Ommaꞌ, bilaꞌ sumboy kobiyanan ku ok kobinsanaan kini, na ok kolegan nu na ong mounut.” 43 Pokpuliꞌ in song mga mulidin, kidatonganin na sop ilon nong mitulug, poꞌ mingluyuꞌ ong mga mata nilon. 44 Ginonatanin na sop ilon bangka yanin pokpolayuꞌ-layuꞌ bu mingoni-ngoni. Ikotolu kali na koyon bu maꞌ nituꞌ da sop ok pingoni-ngoni nin. 45 Doksuꞌ mikpuliꞌ na yanin song mga mulidin bangka nin taluoy, “Totulug amu pa taꞌ lungkan bu minulali? Tontong niyu ba! Minatong na og waktu nog akon, og tipuhon bu wakilon sok komot nong mga . 46 Pogbuwat amu! Alung, mopanow ita! Tong niyu ba, mikpolani na ok tumipu dinakon.”

Ok Kosaggow ni Panghuꞌ Isa

47 Na soliyan pa ni Isa moktaluꞌ, minatong si Yudas, solobuk sok sopuluꞌ bu duwaꞌ kotow nong mulidin. Modakol nok tow ong migunut diyanin nong migoyit nok kalis bug bobombal. Tidu ilon song mga kounutan nok koimaman bu song mga migmokogulang. 48 Na ok ponipu kini, binogoyanin na asal nog gindanan ong mga tow koyon, taluꞌ in, “Ok tow nog alokan ku, saggow niyu.” 49 Na dangan minatong siloꞌ Yudas, mikpolani mogdayun yanin ni Isa bangka poktaluꞌ, “Salam Guru!” Doksuꞌ inalokanin. 50 Taluꞌ ni Isa diyanin, “Pali, inang nu na ong maksud nu dini.” Tubus inangoy nilon onggaydoy si Isa bangka nilon saggowoy.

51 Na binigdas nok solokotow song mga dunut ni Isa ok kalisin bangka nin tigbasoy ok sosuguon nok , bu miputuk ok tolinga nin. 52 Dadi tinaluan yanin ni Isa, “Uliꞌ nu ok kalis nu sok tagubanin, poꞌ og lam nong momunuꞌ biyan sok kalis, matoy da sop sok kalis. 53 Baluꞌ nu dun, diꞌ u taꞌ mokopongoni sog u, bu poyitanin akon sododuun nog linoksaan nong malaikat bagun sumugut dinakon? 54 Sugaid bilaꞌ maꞌ nituꞌ, ponoy na kounut ok tinaluꞌ sok Kitab nong maꞌ nini ong mokobiyan?”

55 Doksuꞌ bangka poktaluꞌ si Isa sok kodakolan nok tow, longin, “Molaatu taꞌ kini nok tow nok sumboy niyu saggowon dunut mga kalis bug bobombal? Gondow-gondow mogingkudu mognasihat dituꞌ sog , sugaid daꞌ niyu akon saggowoy. 56 Tibuwa miinang og lam nini bagun mounut ong misulat sok Kitab nong mga konabihan.”

Puwas nituꞌ ginonatan yanin nog lam nong mulidin bangka ilon pomolaguy.

Si Piadap song mga Monghuhukum

57 Na ong mga sinumaggow kituꞌ ni Isa, inoyit nilon yanin dituꞌ ni , ok . Miglumpuk na ong mga guru agama bug mga migmokogulang dituꞌ. 58 Sugaid si , tinuyukin si Isa sok kolayuan toktob sog loma-lomahan nok kinotasan nog gimam. Sinumolod yanin bangka ingkud dunut nong mga mogbobantoy bagun motongowin bug olo ong mokobiyan.

59 Na ong mga kounutan nok koimaman bug lam nong nong mga Yahudi, minontong ilon nong mga tow nok sumaksiꞌ nog loput pasal ni Isa bagun nilon yanin kobotangan nog hukum patoy. 60 Tibuwa daꞌdun ong motongow nilon nok sabapan nong mopatoy nilon yanin bisan modakol na ong minadap dinilon nok tow sumaksiꞌ nog loput.

Tubus ongon og duwaꞌ kotow nog laki mikpolani. 61 Taluꞌ nilon, “Midongog nami ok tow kini moktaluꞌ nog ladakonin og Baloy nok Tuhan bangka nin imungoy mokpuliꞌ sok solod nok tolu ondow.”

62 Na minindog ok bangka poktaluꞌ, “Daꞌdun taꞌ tokodoy ong motabal nu song mga tow nok sinumaksiꞌ pasal sok sumbungan dinika?” 63 Tibuwa daꞌ poglogonek si Isa. Dadi taluꞌ nok kinotasan nog gimam, “Posapahon ku ika song ngalan nok Tuhan nok totubuꞌ solama-lama, taluoy nu ami bug ika taꞌ og , og .” 64 Ok tabal ni Isa, “Ika na ong miktaluꞌ dun. Sugaid taluan ku amu, tidu ningkomun motongow niyu og mingkud sog dapit lintu nong Mokowasa, bu monog sog gabun.”

65 Pogdongog nok kinotasan nog gimam, ginoditin ok ponapotin bangka poktaluꞌ, “Ponglaat koyon! Olo pa og balan ta nong mga saksiꞌ? Midongog niyu na ok ponglaatin sok Tuhan. 66 Dadi olo ma og hukuman niyu diyanin?” Ok tabal nilon, “Mopatut diyanin ok kopatoy.”

67 Tubus dinulaan nilon ong muluꞌ ni Isa. Piksuntuk nilon yanin, bangka piksompiling, 68 ok taluꞌ nilon, “Pagga nabi a, Al-Masih, taluꞌ nu dinami sima ok sinumuntuk dinika?”

Ok Poksonsing ni sok Panghuꞌ

69 Na si Petros, migingkud sog loma-lomahan. Tubus ongon ok solokotow libun sosuguon minangoy diyanin bangka poktaluꞌ, “Og dunuta da sop ni Isa, ok tow kituꞌ.” 70 Sugaid mimolilu si Petros sog gadapan nilon kotanan, taluꞌ in dinilon, “E, diꞌ u kosunan ok tinaluꞌ nu koyon.”

71 Puwas nituꞌ minangoy yanin sog bongowan nog galad. Doksuꞌ mitongow na sop si Petros nog len libun sosuguon, bu taluꞌ nog libun koyon song mga tow diyon, “Ok tow kini, og dunut ni Isa nok tow .” 72 Na mimolilu yanin puliꞌ dunut sapa, “Diꞌ u kolilahan ok tow koyon.”

73 Daꞌ kobon, mikpolani diyanin ong mga tow nong migindog diyon, taluꞌ nilon, “Motud, ika koyon solobuka da sop dinilon, poꞌ kosunan da sok ponaluon nu.” 74 Doksuꞌ miktolipun si Petros moktaluꞌ nog gantaꞌ suknaꞌ sog ginawa nin bu sinumapa yanin, “Ondiꞌ u kolilahan ok tow koyon.”

Sododuun miktukkalaꞌ ong manuk. 75 Na mipondom ni Petros ok tinaluꞌ ni Isa, “Sog diꞌ pa moktukkalaꞌ ong manuk, tolu kali a pononsing nog diꞌ nu akon kolilahan.”

Dadi linumuwas mogdayun yanin bangka pogaduy dunut poksusunin.