Matiyu 24

Ong mga Gindanan bilaꞌ posunguꞌ na Modoksuꞌ og Dunya

Dangan linumuwas na si sog bu posunguꞌ yanin mawaꞌ, mikpolani diyanin ong mga mulidin bangka tonduoy diyanin og lingkat nog Baloy nok Tuhan. 2 Dadi tinaluan ilon ni Isa, “Tontong niyu nong mahatul og lam niyon, taluan ku amu, ong motudin, daꞌdun ong mosamaꞌ diyon nong migbangkat-bangkat nog batu.”

3 Dangan minatong na siloꞌ Isa sog Bontud Jaytun, miningkud yanin bangka pokpolani diyanin ong mga mulidin nog ilon-ilon da, taluꞌ nilon, “Taluan nu ami, olo waktuhoy koyon matong, bu olo og gindanan nok pokpuliꞌ nu dini bu ok kodoksuan nog dunya?”

4 Tinabal ilon ni Isa, “Poghalliꞌ amu bagun diꞌ amu koakkalan! 5 Sabap ongon og waktu nong modakol ong matong bangka angkon nog ilon yonin na akon, taluꞌ nilon, ‘Akon og .’ Dadi modakol ok tow nok koakkalan nilon. 6 Na modongog niyu og bunuꞌ atawa og dongogan pasal sok pogbunuꞌ, tibuwa diꞌ amu mondok poꞌ sumboy matong na dodaꞌ ong mamaꞌ niyon koyon. Sugaid kanaꞌ pa koyon ok kodoksuan nog dunya. 7 Mogbunuꞌ og bangsa sok solobuk bangsa, bu manta og bonuwa sok solobuk bonuwa, bu ongon ong matong nok ponggutom bug mga linug sok kobonuwahan. 8 Tibuwa og lam niyon ok ponognaan hadja nong mga kobinsanaan nong matong song manusiyaꞌ mamaꞌ sopantun nog libun nong moktagnaꞌ na ponakitan.

9 Sog waktu koyon, saggowon amu bangka wakiloy sok tow nong mominsanaꞌ bu momatoy diniyu. Dumutan amu nog lam nog bangsa pasal sok pogunut niyu dinakon. 10 Dadi modakol ok tumolikud sok kotombaꞌ nilon dinakon, moktinipuhoy ilon bu mogdinumutoy. 11 Modakol na ok tumuwaꞌ nong nong , bu modakol na ok koakkalan nilon. 12 Dadi sabap song moksidakol na ok kolaat sog dunya, moksibikaꞌ na og lasa nok kodakolan nok tow. 13 Sugaid sima-sima ong mokotiggol toktob sok kodoksuan, na moawon yanin. 14 Ong kini pasal sok pogonggat nok Tuhan nong mga manusiyaꞌ mampuꞌ sok pomarinta nin, posampoyon ayin-ayin sog dunya gantaꞌ saksiꞌ song mga kobangsa-bangsahan. Doksuꞌ matong na ok kodoksuan nog dunya.”

Pasal sok Kobinsanaan nog landuꞌ Kosigpit

15-16 “Sog lomaꞌ-dinglag bilaꞌ motongow niyu ong mokosammal nong mokopoglaat mogindog sog Baloy Sutsi mamaꞌ nok tinaluꞌ biyan ni Nabi , sumboy molaguy na sok kobontudan ong mga tow sok probinsiya nog Yahudiya.” Bung mayan mosabut kini nok polomasta. 17 “Bu sima-sima ok tow nok kosolabuhan nog diyon sok tas gatop nog baloyin sog waktu koyon, sumboy mogdaliꞌ-daliꞌ yanin mawaꞌ bu diꞌ na sumolod sog diyalom baloyin bagun malap nog olo-olo. 18 Bu sima-sima ok kosolabuhan nog dituꞌ sog guma nin, sumboy diꞌ na muliꞌ malap nog juba nin. 19 Na mokololat-lolat ong mga bodos bug mga mikpoduduꞌ sog waktu koyon! 20 Dadi pongoni-ngoni amu nog diꞌ matong ok poglaguy niyu sok timpu ponigdow atawa sog . 21 Poꞌ sog waktu koyon, moongon og landuꞌ kondok-ondok nok kobinsanaan nog daꞌ sibon kobiyanoy tidu pa sok ponognaan nog dunya kini sampoy song ningkomun, bu diꞌ na koyon miyan mokpuliꞌ. 22 Na bilaꞌ ondiꞌ popolokon nok Tuhan ok kobinsanaan koyon, na daꞌdun ong manusiyaꞌ ong mosamaꞌ totubuꞌ. Sugaid pasal song mga mipiliꞌ nok Tuhan, popolokonin og waktu koyon.

23 Na sog waktu koyon bilaꞌ ongon ok tow moktaluꞌ diniyu, ‘Tontong niyu, kini na og ,’ atawa ‘Kituꞌ da yanin!’ Ondiꞌ amu tumombaꞌ. 24 Poꞌ mokpongluwas ong mga baluꞌ-baluꞌ nog Al-Masih bug mga . Monginang ilon nog landuꞌ mokosobuꞌ-sobuꞌ, bagun koakkalan nilon ong mga tow. Bilaꞌ moinang nilon, kolegan nilon nok koakkalan da sop sampoy ong mga mipiliꞌ nok Tuhan. 25 Na poginongog amu! Tinaluan ku na amu niyon sog daꞌ pa koinang. 26 Dadi bilaꞌ taluan nilon amu, ‘Uy, dituꞌ og Al-Masih sok talunan,’ diꞌ amu mangoy dituꞌ. Bu bilaꞌ moktaluꞌ ilon, ‘Uy, dituꞌ og Al-Masih sog bilik,’ diꞌ amu da sop tumombaꞌ dun. 27 Poꞌ akon, og , ok pokpuliꞌ u sog dunya mamaꞌ nok kilat sog langit nog diya-diya pogligaꞌ tidu sok silangan mangoy sok sindopan.”

28 Doksuꞌ tinaluanin ilon biyan sok pononggiꞌ, taluꞌ in, “Tantu bug ayin og bangkoy, poktopukan koyon nong mga manuk-manuk nok kuman nok patoy.

Ok Pokpuliꞌ ni sog Dunya

29 Pokpuwas nok kobinsanaan sog waktu koyon, sododuun dumolom na og gondow, bu og bulan diꞌ na sumahaya. Ong mga bitun molabuꞌ na tidu sog langit, bu mokuyung og olo-olo sok tas langit. 30 Tubus tumuwaꞌ og gindanan nog dituꞌ sog langit bangka pogdukkaꞌ og lam nog bangsa sog dunya. Motongow nilon ok pogdatong nog Bataꞌ nong Manusiyaꞌ sog gabun, dunut kowasa bug landuꞌ kotas. 31 Bu dunut nong mopagas nok tingog nok tombuli, suguon ku ong mga malaikatu bu polimudon nilon ong mga tow nong mipiliꞌ u tidu sog ayin-ayin sog dunya.

32 Moalap niyu nok pomintangan ok kayu nong mopononggiꞌ sok pogdatongu. Bilaꞌ mongigbus na bangka pogdawon puliꞌ, kosunan niyu na nok posunguꞌ na ok timpu pomodos. 33 Maꞌ niyon da sop, sog waktu nong motongow niyu na nong miunut na og lam nong mga pinaluꞌ u kini, kosunan niyu na nok posunguꞌ na ok pokpuliꞌ u sog dunya. 34 Taluan ku amu, ong motudin, mounut og lam nok tinaluꞌ u kini sog diꞌ pa motipot matoy ok pangkatan nong manusiyaꞌ kini. 35 Og langit bug lupaꞌ mobolong da, sugaid ong mga taluꞌ u, diꞌ mobolong.

Og Gommaꞌ Tuhan ong Mokokosun sok Pokpuliꞌ ni Panghuꞌ Isa

36 Na og gondow bug oras nok pokpuliꞌ u, og , daꞌdun ong mokokosun dun, bisan ginawa u atawa mga malaikat sok surgaꞌ, luwal da og u. 37 Bug olo ok pinginang nong mga tow song masa ni Nabi Nuh kituꞌ, na mamaꞌ nituꞌ da sop ong mokobiyan sok pogdatongu, og Bataꞌ nong Manusiyaꞌ. 38 Poꞌ song masa nituꞌ nog daꞌ pa datong og lunup, ong mga tow kinuman, miginum bu miglaki bu miglibun sampoy sog gondow nok sinumolod na siloꞌ Nabi Nuh sog . 39 Ondaꞌ nilon kosunoy toktob song minatong na og lunup bangka ilon koanud bu kolomos.

Na maꞌ niyon da sop ong mokobiyan sok pokpuliꞌ u, og Bataꞌ nong Manusiyaꞌ, ong modakol nok tow ondaꞌ pogdodama dinakon. 40 Sog waktu koyon, ongon og duwaꞌ kotow laki sog guma, oyiton ok solokotow bu ok solokotow mobagak sog dunya. 41 Ongon og duwaꞌ kotow libun soliyan moggiling, oyiton ok solokotow bu solokotow mobagak. 42 Dadi pogbantoy amu lolayun, poꞌ diꞌ niyu kosunan og gondow nog akon ok Panghuꞌ niyu matong. 43 Sugaid sabut niyu ok tinaluꞌ u kini, bilaꞌ ongon ok tow nok kosunanin bug olo waktuhoy ok pogdatong nok polonakow, na moktungguꞌ yanin bu diꞌ in potiyangan mosolod og baloyin. 44 Dadi pasal niyon, sumboy amu da sop togama, poꞌ akon, og Bataꞌ nong Manusiyaꞌ, mokpuliꞌ sog waktu nog daꞌ niyu dodamahoy.

45 Sima buwan ok sosuguon nok kopongandolan bu mobais ok pikilanin? Yanin ok kowakilan nog gamu nin mokkounutan song mga duma nin nok sosuguon mokpokan pogdopot nog waktu. 46 Na bilaꞌ matong og gamu nin sokaliꞌ motongowin mobais og ginang nok sosuguonin, na mobarakat ok sosuguon koyon. 47 Taluan ku amu, ong motudin, wakilonin sok sosuguonin koyon og lam nog gartaꞌ in. 48 Tibuwa bilaꞌ ong niyat nong molaat nok sosuguon koyon, ‘Mobon pa datong og gamu u kituꞌ.’ 49 Dadi pominasahonin og duma nin nong mga sosuguon, bu duhulanin ong napsu nin kuman bug moginum dunut nong mga pololangu. 50 Na sunoy pa matong na og gamu nin sog waktu nog daꞌ in dodamahoy. 51 Siksaonin ok sosuguon koyon bangka nin pampuoy song mga tow nong mikpobaluꞌ-baluꞌ hadja. Na dituꞌ mogaduy ong mga tow bu mongolongot ong ngisi nilon.”