Matiyu 23

Mikpodinsamaꞌ si pasal song mga bug mga Guru Agama

Doksuꞌ tinaluan ni Isa ok tumpukan nok tow bug mga mulidin, longin, 2 “Ong mga guru agama bug mga Parisi kopongandolan mokpotampal nong mga saraꞌ tidu ni Nabi Musa. 3 Dadi inang niyu olo-olo ok tinaluꞌ nilon diniyu, sugaid diꞌ niyu dogilingan og ginang nilon poꞌ daꞌ nilon unutoy ok tinintuluꞌ nilon song mga tow. 4 Pobogatan nilon ong mga tow song mga suguan nong mologon unuton, maꞌ hantang nok pipisan nilon ok pokasi nilon nong mokobogat. Sokaliꞌ ok kolengkenge nilon, diꞌ tanan tumabang mogoyit dun.

5 Og lam nog ginang nilon pokpotongow-tongow hadja song mga tow. Tontong niyu ba, polokpangon nilon og gikot agama nog bogbodon nilon sog buna bug bingkon nilon bagun potongowon nog ilon moammal. Pasal niyon poyabaon nilon da sop og jambu-jambu nog juba nilon. 6 Loliyagon ilon mingkud song mga gingkudan para song mga mokotas nok tow sok pogjamuhan, bu sog diyalom . 7 Kolegan nilon soginahon sok tabuꞌ, bu tawagon nog ‘Guru.’

8 Tibuwa amu, sumboy diꞌ amu meleg tawagon nog guru poꞌ amu kotanan mamaꞌ da nong mogilug, bu solobuk da og guru niyu. 9 Bu diꞌ niyu tawagon bisan sima towoy dini sog dunya nog gommaꞌ niyu, poꞌ solobuk-lobuk da og gommaꞌ niyu, ok Tuhan sok . 10 Diꞌ amu sop meleg tawagon nok Panghuꞌ poꞌ solobuk da ok Panghuꞌ niyu, yonin na og . 11 Sima-sima ong motas diniyu, na sumboy moimung yanin nok sosuguon niyu. 12 Sima-sima ong mokpotas nog ginawa nin pobabaon da, bu sima-sima ong mokpobabaꞌ nog ginawa nin potason da.

13 Sugaid amu mga guru agama bug mga Parisi, mokondok-ondok ok koposunguan niyu. Mokpobaluꞌ-baluꞌ amu, poꞌ amu ok sabapan nog diꞌ mosakup ong mga tow sok . Diꞌ amu mampuꞌ dun, bu pogondian niyu sioy ong mga tow nong meleg mampuꞌ.

14 Amu mga guru agama bug mga Parisi, mga , mokondok-ondok ok koposunguan niyu! Poꞌ pongagowon niyu ok pongartaꞌ nong mga balu libun, bangka amu pa pokpotongow-tongow song mga tow biyan song mokopayat nok pongoni-ngoni niyu sok Tuhan. Na sabap diyon, mobogat tokodoy og hukuman diniyu.

15 Amu mga guru agama bug mga Parisi, mga mokpobaluꞌ-baluꞌ, mokondok-ondok ok koposunguan niyu! Poꞌ mongangoy amu sog len-len bonuwa, bu tumolipag amu sog dagat bagun hadja ongon ong mopotombaꞌ niyu sog agama niyu. Bu bilaꞌ mogunut na yanin sok tumpukan niyu, imungon niyu na yanin nok sukuꞌ nong narkaꞌ nog lumabi pa tidu diniyu.

16 Amu mga mikkounutan sokaliꞌ og buta, mokondok-ondok ok koposunguan niyu. Minintuluꞌ amu nog bilaꞌ ongon ok sumapa bangka nin labitoy og , daꞌdun da og laatin bisan diꞌ in unuton ok sinapa nin. Sugaid bilaꞌ ongon sumapa bangka nin labitoy ong mga bulawan nog dituꞌ sog diyalom Baloy nok Tuhan, na sumboy na dodaꞌ unutonin ok sinapa nin. 17 Mga buta bu dupangon amu! Poꞌ ayin buwan ong motas, og bulawan atawa og Baloy nok Tuhan? Na og bulawan kituꞌ misutsi hadja poꞌ diyon binotang sog Baloy nok Tuhan. 18 Bu minintuluꞌ amu pa nog bilaꞌ ongon ok sumapa nog labitonin ok , na daꞌdun da og laatin bisan pa diꞌ in unuton, sugaid bilaꞌ sumapa nog labitonin og olo-olo nog binotang diyon sok pokkurbanan, na sumboyin tokodoy koyon unuton. 19 Mga buta amu! Poꞌ ayin buwan ong motas, og binotang sok pokkurbanan, atawa ok pokkurbanan koyon? Ok pokkurbanan sutsi, sampoy og binotang diyon, sutsi da sop. 20 Dadi sima-sima ok sumapa sok pokkurbanan, sinumapa da sop sog olo-olo nog binotang diyon. 21 Bu sima-sima ok sumapa sog Baloy nok Tuhan, sinumapa da sop sok Tuhan nong migonong diyon. 22 Sima-sima ok sumapa sok , sinumapa da sop sog gingkudan nok Tuhan bu song miningkud dun.

23 Amu mga guru agama bug mga Parisi, mga mokpobaluꞌ-baluꞌ. Mokondok-ondok ok koposunguan niyu! Jinakatan niyu bisan ong mga palapala niyu, sugaid ong mohalgaꞌ pa nok suguan, yonin na ok poghukum nong mologdong sog duma, ok kololat bug kotombaꞌ, ondaꞌ niyu unutoy. Na kini ok sumboy tokodoy inangon niyu, bu diꞌ niyu sop lotaan og duma kituꞌ. 24 Amu mga buta nog guru, mamaꞌ amu nok tow nok poksalaon ong mga mamak-mamak sog inumonin bagun mawaꞌ og liksokin, sokaliꞌ og guntaꞌ ong miuglonin!

25 Amu mga guru agama bug mga Parisi, mga mokpobaluꞌ-baluꞌ, mokondok-ondok ok koposunguan niyu! Poglonuan niyu ok tasa bug laloy niyu, sugaid og diyalom pongatoyan niyu miponuꞌ nok konapsuhan bug kopingot. 26 Amu mga Parisi, mamaꞌ amu nog buta. Lonuan niyu poguna og diyalom pongatoyan, dadi lumonuꞌ sop og luwasan.

27 Amu mga guru agama bu amu mga Parisi, mga mokpobaluꞌ-baluꞌ, mokondok-ondok ok koposunguan niyu! Poꞌ mamaꞌ amu nok kubul pinintalan nok putiꞌ. Molingkat tontongon sog luwasan, sugaid og diyalomin miponuꞌ nong mga tulan nong mga patoy bug koliksok. 28 Na amu sooy, sog luwasan mologdong amu sok ponontong nong mga tow, sugaid sog diyalom pongatoyan migbaluꞌ-baluꞌ amu, bu dinumugtul amu sok saraꞌ nok Tuhan.

29 Amu mga guru agama bug mga Parisi, mokondok-ondok ok koposunguan niyu. Mokpobaluꞌ-baluꞌ amu poꞌ baassa migaddat amu song mga konabihan bug mga tow mologdong, poꞌ pingimungan bu pibaisan niyu ong mga kubul nilon. 30 Miktaluꞌ amu, ‘Bilaꞌ ongon ami na song masa nong mga koapuꞌ-apuan nami kituꞌ, diꞌ ami mampuꞌ dinilon sok pokpatoy nilon nong mga konabihan.’ 31 Dadi mikpomotud amu nok ponupuꞌ amu nong mga mikpatoy kituꞌ nong mga konabihan. 32 Na sigi na, doksuꞌ niyu na og ininang nong mga koapuꞌ-apuan niyu kituꞌ.

33 Amu mamaꞌ nok ponupuꞌ nong mamak nong mobisa! Ponoy ok kopolaguy niyu sog hukuman diniyu nong monarkaꞌ amu? 34 Ponginongog amu, poyitan ku pa amu nong mga , mga tow mokokosun bug mga guru agama. Og duma dinilon, patoyon niyu, og duma lansangon niyu sok kayu, og duma sop, lakposon niyu dituꞌ song mga poksumbahan niyu bu gonaton niyu binsanaon tidu sok solobuk lungsud mangoy sog len lungsud. 35 Dadi kosakan amu pasal sok pokpomatoy nok tow nog daꞌdun og dusa nin tidu sok kobunuꞌ ni toktob sok kobunuꞌ ni Jakariya, og bataꞌ ni Barakiya, ok pinatoy nok koapuan niyu dituꞌ sok pogolotan nog Baloy nok Tuhan bug pokkurbanan. 36 Ong motudin, taluon ku diniyu, ok pangkatan niyu ningkomun, ong mosugat nong mulkaꞌ pasal song mga kituꞌ.

37 U , Jerusalem. Tidu pa sok tagnaꞌ pimatoy niyu ong mga nabi nok Tuhan, bu pimatu niyu ong mga piangoyin dini diniyu. Miobon ku na bosiya meleg mogipat diniyu, mamaꞌ nong manuk ginaan nog lokluponin ong mga gititin sok pokpakin, tibuwa daꞌ amu koleg! 38 Umatian niyu! Potiyangan na nok Tuhan og bonuwa niyu. 39 Bu sumboy kosunan niyu nog diꞌ niyu na akon motongow toktob sog waktu nong mokopoktaluꞌ amu nong ‘Mobarakat ong matong nok kiwakilan nok Tuhan dini.’ ”