Matiyu 21

Pinudji si Isa Pogdatongin sog Jerusalem

Dangan molani na siloꞌ Isa sog Jerusalem bu minatong na ilon sog bonuwa nog Betpage sog Bontud nog Jaytun, piangoy ni Isa og duwaꞌ kotow mulidin. 2 Taluꞌ in dinilon, “Angoy amu sog gumbaloyan koyon. Mobalak niyu mogdayun dituꞌ ok solobuk kudaꞌ himar inikotan dunut nati nin. Ubadoy niyu bangka niyu oyit dinakon. 3 Bilaꞌ ongon ong moktaluꞌ diniyu pasal sog ininang niyu koyon, taluan niyu yanin, ‘Ongon ok kobalan nok Panghuꞌ dun, bu populionin da mogdayun.’ ”

4 Saan kini miinang bagun mounut ok tinaluꞌ tagnaꞌ nok Tuhan biyan song nong maꞌ nini,

5 “Taluꞌ niyu sok tow Jerusalem,

‘Tontong niyu, mikposunguꞌ na diniyu ok sultan niyu,

mobabaꞌ og goyitanin

bu mingudaꞌ sok kudaꞌ himar,

song nati nok kudaꞌ himar.’ ”

6 Dadi mipanow na og duwaꞌ kotow nong mulidin, bu inunut nilon ok suguan ni Isa dinilon. 7 Inoyit nilon ok kudaꞌ himar bug nati nin dituꞌ ni Isa. Pogdatong nilon, inanigan na nilon nok ponapot nilon bangka sakoy si Isa. 8 Na ok tumpukan nong modakol nok tow, pingdondam nilon ong mga ponapot nilon sog dalan nog biyananin, bu og duma pimutuk ok panga-panga bangka nilon kanatoy sog dalan og gindanan nok pogaddat diyanin. 9 Bu mga tow nong migunut diyanin sog gunan bug binayaanin, migekesan, taluꞌ nilon, “Pudjihon ta ok ponupuꞌ ni Sultan ! Mobarakat ong matong nok kiwakilan nok Tuhan dini. Pudjihon ok Tuhan .” 10 Pogdatong ni Isa sog Jerusalem, misasow ong mga towanan, taluꞌ nilon, “Sima buwan koyon?” 11 Ok tabal nong modakol nong miglimud diyon, “Yanin koyon si Nabi Isa tidu song sog bonuwa .”

Si sog

12 Tubus sinumolod si Isa sog loma-lomahan sog diyalom Baloy nok Tuhan bangka nin pomugowoy og lam nong mogdodagang bug monaluy diyon. Pimolitukaꞌ in ong mga lomisahan nong mga monoliyu nok sin bug mga gingkudan nong mga mogdodagang nok kolopati. 13 Taluꞌ in dinilon, “Misulat sok Kitab,

‘Og Baloyu tawagon nog baloy poksombahayangan,

sugaid amu, inimung niyu poksolobunihan nong mga molaat nok tow.’ ”

14 Na soliyan ni Isa diyon sog Baloy nok Tuhan, minangoy diyanin ong mga buta bug mga pingkaꞌ, bu kiulianin ilon. 15 Tibuwa milingit ong mga kounutan nok koimaman bug mga guru agama dangan mitongow nilon og ininang ni Isa nong mokosobuꞌ-sobuꞌ koyon, bu midongog sop nilon og gekes nog gumbataꞌ sog Baloy nok Tuhan miktaluꞌ nog, “Pudjihon ok ponupuꞌ ni Sultan Daud.” 16 Dadi tinaluan nilon si Isa, “Midongog nu taꞌ ok taluꞌ nong mga gumbataꞌ koyon?” Na tinabal ilon ni Isa, “Oo, ondaꞌ niyu taꞌ kobasta ong misulat sog diyalom nok Kitab nog bisan ong mga gumbataꞌ sampoy ong mga popula, pidinsamaan da nok Tuhan mokpudji diyanin?”

17 Tubus ginonatanin ilon bangka awaꞌ sog bu minangoy yanin sog bonuwa nog Betani, bu dituꞌ yanin migulabung.

Ok Pagas nok Kotombaꞌ

18 Poksisolom, soliyan ni Isa mokpuliꞌ sok siyudad, ginutom yanin. 19 Tubus ongon ong mitongowin nok kayu sok kilid dalan bangka nin angoyoy, sugaid og dawon da ong mitongowin. Dadi taluꞌ in sok kayu koyon, “Diꞌ a na mokopogbunga soumul-tahun!” Tubus milawos mogdayun ok kayu higera koyon.

20 Dangan mitongow koyon nong mga mulidin, misobuꞌ ilon, taluꞌ nilon, “Manu milawos ma mogdayun ok kayu koyon?” 21 Tinabal ilon ni Isa, “Taluan ku amu, ong motudin, bilaꞌ ongon ok kotombaꞌ niyu bu diꞌ amu mogduwaꞌ-duwaꞌ kanaꞌ hadja ong moinang niyu ong mamaꞌ nong miinang sok kayu higera koyon. Sugaid bisan taluon niyu sog bontud kini, ‘Awaꞌ a diyon bangka a kotikpuꞌ sog dagat,’ na mounut koyon. 22 Bu og lam nok pongoni-ngonihon niyu, tombaꞌ amu nong mitabuk niyu na, bu duhulon koyon diniyu.”

Sinakan si pasal sok Kopatutin

23 Na sinumolod na puliꞌ si Isa sog loma-lomahan nog . Tubus soliyanin monintuluꞌ, mikpolani diyanin ong mga kounutan nok koimaman bug mga migmokogulang bangka ilon poksak, “Olo ok kopatut nu monginang nong mamaꞌ nog ininang nu koyon, bu sima ong migbogoy dinika nok kopatut koyon?” 24 Tinabal ilon ni Isa, “Ongon sop ok sakon ku diniyu, bu bilaꞌ motabal niyu, na tabalon ku sop amu bug ayin tidu ok kopatutu monginang nong maꞌ nini. Sakan ku amu: 25 Si , ayin miktidu ok kopatutin mongliguꞌ? Miktidu taꞌ sok Tuhan atawa tidu song manusiyaꞌ?” Na migisun-isun ilon bug olo taꞌ ok tabalon nilon, taluꞌ nilon, “Bilaꞌ taluon ta nok tidu sok Tuhan, taluanin sop ita, ‘Manu daꞌ amu ma tombaꞌ diyanin?’ 26 Bu bilaꞌ sop taluon ta nok tidu song manusiyaꞌ, na kondokan ta nong moglaat ita song mga tow, poꞌ tinumombaꞌ og lam nilon nok si Yahiya solobuk .” 27 Dadi ok tabal nilon ni Isa, “Diꞌ nami kosunan.” Na taluꞌ sop ni Isa, “Diꞌ u da sop amu posunan bug ayin miktidu ok kopatutu monginang nong mga ginang kini.”

Og Gommaꞌ bug Duwaꞌ kotow Bataꞌ in nog Laki

28 Miktaluꞌ pa si Isa, “Olo ok pikilan niyu pasal sok suksugan kini? Ongon ok tow taga bataꞌ duwaꞌ kotow laki. Inangoyin taluoy og gulang bataꞌ, ‘Tong, angoya poginang sog gumahan ta gondow kini.’ 29 Ok tabal nog gulang bataꞌ koyon, ‘Diꞌ u.’ Tibuwa daꞌ kobon miksusun yanin, bu minangoy da yanin dituꞌ. 30 Tubus minangoy og gommaꞌ sog bataꞌ in nong mongud, bu maꞌ nituꞌ daꞌ sop ok tinaluꞌ in dun. Ok tabal nong mongud koyon, ‘Oo, Ommaꞌ.’ Tibuwa ondaꞌ da yanin angoy dituꞌ.

31 Na ayin sog duwaꞌ kotow kituꞌ ong migunut sog leg nog gommaꞌ nilon?” Ok tabal nong mga kounutan nok koimaman bug mga migmokogulang, “Og gulang bataꞌ.” Taluꞌ ni Isa dinilon, “Taluan ku amu, ong motudin, ong mga polongabat nog bug mga libun pogbayadan, mokuna pa ilon mokosolod sok gabaꞌ diniyu. 32 Poꞌ si Nabi Yahiya, minangoy diniyu mokpotongow nog dalan sok kologdongan, sugaid daꞌ niyu yanin tombaoy. Tibuwa ong mga polongabat nog buwis bug mga libun pogbayadan, tinumombaꞌ ilon sok ponintuluꞌ ni Yahiya. Bu bisan mitongow niyu na kituꞌ, ondaꞌ amu da bu tombaꞌ diyanin.

Ok Pononggiꞌ pasal song mga Saup

33 Inongogoy niyu og len pononggiꞌ kini. Ongon ok solokotow nog gapuꞌ lupaꞌ nong mimula nog . Inaladin bangka pokkukut bagun imungonin ok poglogekan nog anggul. Pokpuwas nituꞌ migimung sop yanin nog lokow-lokow pogalungan. Doksuꞌ pisaupin ok kabbunin koyon, bangka yanin panow sog len bonuwa. 34 Dangan posunguꞌ na matong ok timpu pongupuꞌ nog bunga anggul, piangoy nog gapuꞌ lupaꞌ dituꞌ ong mga sosuguonin mogalap nog bahagiꞌ in. 35 Tibuwa pogdatong nilon dituꞌ, sinaggow nong mga saupin kituꞌ ong mga sosuguonin. Binombal nilon ok solokotow, pinatoy nilon ok solokotow, bu ok solokotow sop, binatu nilon. 36 Puwas nituꞌ piangoy na sop nog gapuꞌ lupaꞌ dituꞌ ong mga len sosuguonin nong modakol tidu song mikuna kituꞌ, bu maꞌ nituꞌ da sop og ininang nong mga saup kituꞌ dinilon. 37 Sok kodoksuan piangoyin dinilon og bataꞌ in, taluꞌ in, ‘Pogaddatan nilon na dodaꞌ og bataꞌ u.’ 38 Sugaid dangan mitongow yanin nong mga saupin, miksitaluꞌ ilon, ‘Koyon na ok kopusakaan nok kabbun kini. Alung, patoyon ta yanin bangka ta alapoy ok pusakaꞌ diyanin.’ 39 Dadi sinaggow nilon og bataꞌ nog gapuꞌ lupaꞌ bangka nilon tikpuoy sog luwasan nog guma, bangka nilon yanin patoyoy.”

40 Ok sak ni Isa song mga migmokogulang bug mga kounutan nok koimaman, “Na sok pikilan niyu bilaꞌ mangoy dituꞌ og gapuꞌ lupaꞌ koyon, olo og inangonin song mga saupin kituꞌ?” 41 Ok tabal nilon, “Tantu tumbasanin ong mga molaat nok saup kituꞌ nog landuꞌ kobogat nok kopatoy. Ok kabbunin sop koyon, posaupin sog len tow nong mogbogoy diyanin nog anggul gantaꞌ bahagiꞌ in bilaꞌ matong na ok timpu pongupuꞌ.”

42 Taluꞌ ni Isa dinilon, “Daꞌ niyu taꞌ kobasta sok Kitab,

‘Og batu nog binolong nong mga pandoy,

og batu tokodoy kituꞌ ong migoyit nok pagon nog baloy.

Ininang kini nok Tuhan,

bu mokosobuꞌ-sobuꞌ kini dinita niyu.’

43 Dadi taluan ku amu, awaon diniyu og barakat nok bangka bogoyoy sog len bangsa nong motidtu ok kopogunut nilon dun. 44 Sima-sima ong mobuksak sog batu kituꞌ mobaliꞌ-baliꞌ. Bu sima-sima ok kolabuan dun molupot.”

45 Na dangan midongog nong mga kounutan nok koimaman bug mga ong mga pononggiꞌ in, misabut nilon na nog ilon ok pigbinaan ni Isa. 46 Kolegan nilon saggowon si Isa, tibuwa diꞌ nilon moinang. Mondok saan ilon song mga tow, poꞌ tinumombaꞌ ilon nok si Isa, solobuk .