Matiyu 19

Ok Poktonduꞌ pasal sok Pogbolong nong Moglaki-bini

Na dangan midoksuꞌ na si moktaluꞌ, minawaꞌ yanin sog bangka yanin angoy sok probinsiya nog Yahudiya sog dipag nok . 2 Migunut diyanin ong mosolag nok tumpukan nok tow, bu pikuliꞌ in dituꞌ ok sosuku nok taga saki dinilon.

3 Na ongon ong mga minangoy diyanin monuloy-suloy, taluꞌ nilon, “Mogdadi taꞌ sok saraꞌ ta nog bolongon nog laki og libunin bisan olo ok sabapan dun?” 4 Tinumabal si Isa, “Daꞌ niyu taꞌ kobasta nok tidu sok ponognaan piongon nok Tuhan ong manusiyaꞌ nog laki bug libun? 5 Sabap niyon, sumuwoy og laki sog gommaꞌ bug ginaꞌ in, bu mampuꞌ sog libunin bangka ilon poksolobuk. 6 Dadi kanaꞌ na ilon duwaꞌ kotow, sugaid misolobuk na ilon. Saan na ok pisolobuk nok Tuhan, sumboy ondiꞌ moposuwoy nong manusiyaꞌ.” 7 Sinakan na sop si Isa nong mga Parisi, “Na manu buwan miksuguꞌ ma si Nabi Musa nong mogbogoy poguna og laki nok sulat pasa kaliꞌ in sooy bolongoy og libunin?” 8 Tinumabal si Isa, “Pasal sok kotogas nog gulu nong mga pingapuꞌ niyu mamaꞌ da sop diniyu, kinumboy amu ni Nabi Musa nog bolongon niyu og libun niyu. Tibuwa kanaꞌ maꞌ niyon og dalananin sok ponognaan. 9 Taluan ku amu, sima-sima og laki nong molong nog libunin bilaꞌ kanaꞌ da sok pogjina bangka poglibun nog len, na moitung na koyon nog jina.”

10 Na tinaluan yanin nong mga mulidin, “Bilaꞌ maꞌ nituꞌ da ok kobotang-botang nog laki bug libunin, golom pa ondiꞌ na moglibun.” 11 Tibuwa ok taluꞌ ni Isa dinilon, “Kanaꞌ og lam nok tow mokotolimaꞌ nok ponaluon nong maꞌ niyon, sugaid ong mga kibogoyan da kituꞌ nok Tuhan. 12 Poꞌ ongon ong mga tow nog diꞌ moglibun poꞌ taga sallaꞌ tidu pa sok kobataꞌ dinilon. Og duma sop, kinapun nog duma nilon, bu og duma sop diꞌ ilon moglibun poꞌ pilabi nilon ok pokposampoy nok . Sima-sima ong mokotolimaꞌ nini, na tolimaonin na.”

Si bug mga Gumbataꞌ

13 Tubus inoyit nong mga tow ong mga gumbataꞌ dituꞌ ni Isa bagun kodoponanin bu pongoni-ngonihanin. Tibuwa pigbinaan ilon nong mga mulidin. 14 Sugaid taluꞌ ni Isa, “Potiyangoy niyu ong mga gumbataꞌ mangoy dini dinakon, bu diꞌ niyu ilon pogondian, poꞌ ong mamaꞌ dinilon koyon ong misakup sok .” 15 Tubus dinoponanin og gulu nong mga gumbataꞌ koyon mongoni-ngoni para dinilon bangka na yanin awaꞌ.

Pasal sok Solokotow Dayahan

16 Na ongon ok solokotow minangoy ni Isa bangka poksak, “Tuwan Guru, olo og ginang mobais nok sumboy inangon ku bagun moongon dinakon ok ?” 17 Simambung si Isa, “Manu miksaka ma dinakon bug olo ong mobais? Solobuk-lobuk da ong mobais. Bilaꞌ melega mangkon nong mosannang nok kotubuꞌ solama-lama, unut nu ong mga suguan.”

18 Miksak puliꞌ ok tow koyon, “Olo suguanoy dun?” Ok tabal ni Isa, “Diꞌ a momunuꞌ, diꞌ a mogjina, diꞌ a monakow, diꞌ a sumaksiꞌ nog loput, 19 pogaddatoy nu og gommaꞌ bug ginaꞌ nu, bu kolasahoy nu ok kodumahan nu mamaꞌ nok kolasa nu sog ginawa-baran nu.”

20 Tinaluan yanin nok tow koyon, “Inunutu og lam nituꞌ, olo pa ok kulang dinakon?” 21 Tinumabal si Isa diyanin, “Bilaꞌ melega mojukup, pogdagang nu ok pongartaꞌ nu bangka nu pomogoy song mga miskinan og halinin. Dadi koongonan ka da nog gartaꞌ sok . Tubus pokpuliꞌ a bangka a pogunut dinakon.” 22 Dangan midongog nok tow koyon ok taluꞌ ni Isa, minawaꞌ yanin dunut nok kosusahanin poꞌ modakol tokodoy og gartaꞌ in.

23 Tubus tinaluan ni Isa ong mga mulidin, “Taluan ku amu, ong motudin, mologon ok kosolod nong mga tow dayahan sok Pomarintahan nok Tuhan. 24 Taluon ku mokpuliꞌ, molomu pa ok kosolod nog guntaꞌ sog luwang nog diyalum gabaꞌ sok tow dayahan mokosolod sok Pomarintahan nok Tuhan.” 25 Dangan midongog koyon nong mga mulidin, landuꞌ ok kosobuꞌ nilon, taluꞌ nilon, “Dadi sima buwan ong moawon?” 26 Tinontong ilon ni Isa bangka nin taluoy, “Ong manusiyaꞌ, diꞌ in moawon og ginawa nin, sugaid daꞌdun ong mologon sok Tuhan poꞌ og lam nituꞌ moinangin.”

27 Tubus miktaluꞌ si , “Na tontong nu ami kini, Guru, ginonatan nami na og lam nituꞌ bangka ami pogunut dinika. Dadi olo ma ong malap nami?” 28 Taluꞌ ni Isa dinilon, “Taluan ku amu, ong motudin, sog bogu dunya, sog waktu nog akon, og mingkud song mokowasa bu mosahaya nok trunu u, amu mga mogogunut dinakon, mingkud da sop sok sopuluꞌ bu duwaꞌ trunu bu monghukum sok sopuluꞌ bu duwaꞌ pangkatan nog bangsa . 29 Bu ok sosuku nog ginonatanin og baloyin, atawa ok pigiluganin laki-libun, gommaꞌ bug ginaꞌ in, atawa mga gumbataꞌ in sampoy og lupaꞌ in pasal dinakon, na mokotabuk yanin sogatus kalihon nog lam niyon bu koongonan yanin nong mosannang nok kotubuꞌ solama-lama. 30 Tibuwa modakol ok tow nong mikuna dini sog dunya, sugaid mobinayaꞌ da ilon dituꞌ, bu ongon sop ong mga mibinayaꞌ dini, sugaid mokuna da dituꞌ.