Matiyu 14

Ok Kopatoy ni

Na sog waktu koyon, misaut og dongogan pasal ni diyon ni Datuꞌ Herod, ong migbayaꞌ sok probinsiya nog . 2 Tinaluꞌ in song mga ponindogin, “Yanin koyon si Yahiya Mongliliguꞌ nok pipatoyu. Mitubuꞌ na yanin mokpuliꞌ tidu sok kopatoy, saan na ongon ok kowasa nin moginang nong mokosobuꞌ-sobuꞌ.”

3-4 Maꞌ niyon ok tinaluꞌ ni Datuꞌ Herod poꞌ sok totubuꞌ pa si Yahiya, inagow ni Datuꞌ Herod si , og libun nog gilugin nok si Pilip. Dadi modadan poktaluan ni Yahiya si Herod, “Haram dinika nok piglibun nu si Herodiya.” Saan na pisaggow ni Datuꞌ Herod si Yahiya bangka nin ikotoy bu pipirisu nin. 5 Na pasal nituꞌ, kolegan ni Datuꞌ Herod nok patoyonin si Yahiya, sugaid mondok yanin song mga poꞌ tinumombaꞌ ilon nong yanin.

6 Na pogdatong nog gondow nok kobataꞌ ni Datuꞌ Herod migjamu ilon. Dadi miksayow og bataꞌ ni Herodiya nog libun sok titongaꞌ nong mga tow, bu kisulutan tokodoy si Datuꞌ Herod. 7 Dadi jinumanjiꞌ yanin dunut sapa nog bogoyonin og olo-olo pongonihon nog budjang koyon. 8 Na tinaluan yanin nog ginaꞌ in bug olo ok pongonihonin, dadi taluꞌ in ni Datuꞌ Herod, “Kolegan ku bogoyon nu dinakon og gulu ni Yahiya Mongliliguꞌ botangon sog bondiha.” 9 Misusa si Herod, sugaid pasal mikosapa ma yanin sog gadapan nong mga tow nog limuduk, miksuguꞌ na yanin nog bogoyon dun. 10 Sinuguꞌ in nok putukan nog gulu si Nabi Yahiya dituꞌ sok pirisuhan. 11 Tubus inoyit og gulu ni Yahiya nong mibotang sog bondiha dituꞌ sog budjang koyon, bu binogoy nog budjang koyon sog ginaꞌ in. 12 Na minangoy diyon ong mga mulid ni Yahiya mogalap nog bangkoyin bangka nilon kubuloy. Tubus inangoy nilon suksugoy si Isa.

Piokan ni og Lima Ngibu Labi nok Tow

13 Na dangan midongog koyon ni Isa, minawaꞌ yanin dituꞌ. Sinumakoy yanin sog bangkaꞌ posunguꞌ sog bonuwa nong mohinok. Tibuwa kiosunan koyon nok kodakolan nong mga tow, dadi tinuyuk nilon yanin. Mikpanow ilon tidu song mga lungsud. 14 Pogdongguꞌ nilon, timukpa si Isa, bu mitongowin ong mga tow nog landuꞌ kodakol. Milolat yanin dinilon bu pikuliꞌ in ong mga saki nilon.

15 Dangan posunguꞌ na og gobi, minangoy diyanin ong mga mulidin bangka poktaluꞌ, “Panghuꞌ, posunguꞌ na moglogobi bu mohinok og bonuwa kini. Pangoy nu na ong mga tow song mga gumbaloyan bagun ilon mokosaluy nok kan nilon.” 16 Tinabal ilon ni Isa, “Diꞌ na ilon sooy sumboy mopanow, amu na ong mogbogoy dinilon nok kan.” 17 Taluꞌ nong mga mulidin, “Sugaid Panghuꞌ, lima buk da ok pan ta dini bu duwaꞌ buk sodaꞌ.” 18 Taluꞌ ni Isa, “Oyit niyu dini dinakon ok pan koyon bug sodaꞌ.” 19 Tubus piingkudin ong mga tow diyon sok sigbotan. Inalapin og lima buk nok pan bu duwaꞌ buk nok sodaꞌ bangka yanin tongal sog langit miksukul sok Tuhan. Doksuꞌ pikpitak-pitakin og lima buk nok pan bug duwaꞌ buk nok sodaꞌ bangka bogoyoy song mga mulidin, bu binogoy sop nong mga mulidin song mga tow. 20 Dadi mikokan og lam nilon bu mibosug ilon. Pokpuwas nituꞌ, mikotimud pa ong mga mulidin nok kan bu miponuꞌ nilon ok sopuluꞌ bu duwaꞌ ambung. 21 Og dakol tibuwa nong mga kolakihan nong mikokan kituꞌ mga lima ngibu kotow. Daꞌdun pa og labot nog dakol nong mga kolibunan bug mga gumbataꞌ.

Mipanow si sog Dibabow Tubig

22 Puwas nituꞌ pisakoy na mogdayun ni Isa ong mga mulidin sok tas nog bangkaꞌ. Piuna nin ilon sok sobolaꞌ nog linow soliyanin pogonaton ong mga tow. 23 Dangan mipogonatin na ong mga tow, tinumukad yanin sog bontud sala nin bagun mongoni-ngoni. Poglogobi, sala-sala nin dona dituꞌ. 24 Sog waktu koyon, og bangkaꞌ nok sinakoyan nong mga mulidin, molayuꞌ na tidu sog doksaan. Misugat ilon nong nabok poꞌ misonsang nilon og galuꞌ.

25 Pogdoliꞌ-ondow, mipanow si Isa sog dibabow nok tubig posunguꞌ dituꞌ song mga mulidin. 26 Sugaid dangan mitongow yanin nong mga mulidin nong mipanow sog dibabow tubig, kiondokan ilon tokodoy. Dadi miglosik ilon, “Og lutow!”

27 Tibuwa tinaluan ilon ni Isa mogdayun, “Akon kini. Diꞌ amu mondok! Popagon niyu ok pongatoyan niyu.” 28 Na tinumabal si , “Panghuꞌ, bilaꞌ ika koyon, pangoy nu akon diyon dinika sog dibabow nok tubig.” 29 Taluꞌ ni Isa, “Angoya dini!” Dadi minonog si Petros bangka yanin panow sog dibabow nok tubig posunguꞌ ni Isa. 30 Tibuwa dangan mibatikin nong mopagas og galuꞌ, kiondokan yanin bu posunguꞌ yanin molomos, bangka poglosik, “Panghuꞌ, tabang nu akon!” 31 Inonggaydan mogdayun ni Isa ok komot ni Petros bangka poktaluꞌ, “Mikaan ok pongandol nu, manu migduwaꞌ-duwaꞌ a ma?”

32 Doksuꞌ sinumakoy ilon sog bangkaꞌ, bu linumotaꞌ og galuꞌ. 33 Na sinumba si Isa nong mga mulidin sog bangkaꞌ, bu taluꞌ nilon, “Tantu, ika og .”

Kiulian ni ong mga Tow sog Bonuwa Genesaret

34 Dangan mikotolipag na ilon, minatong na ilon sog bonuwa . 35 Na kiindanan nong mga tow diyon si Isa, dadi piosun nilon sog liwag nok kobonuwahan koyon nog diyon na yanin, bu inoyit nilon diyanin og lam nong misaki. 36 Pingoni nilon nok pokikapon pa ilon bisan dona ok sung-sung nog juba nin, bu og lam nok kinumikap dun, kiulian na.