Matiyu 12

Minintuluꞌ si Isa pasal sog

Na solobuk waktu nog gondow Sabtuꞌ, yonin na og Gondow Pogogulali, miniyan siloꞌ Isa sog gumahan mamaꞌ nok paloyan taga . Tubus ginutom ong mga mulidin, dadi mingotuꞌ ilon nog bunga nin bangka nilon kanoy. 2 Tibuwa dangan mitongow nong mga og ininang nilon, tinaluan nilon si , “Tontong nu ba, mingotuꞌ ma ong mga mulid nu sog Gondow Pogogulali nok pigondiꞌ ma koyon sok saraꞌ.”

3 Taluꞌ in dinilon, “Ondaꞌ niyu taꞌ kobasta sok Kitab og ininang ni Nabi dangan kigutoman yanin bug mga duma nin? 4 Sinumolod yanin sog diyalom , bangka nin kanoy ok pan sutsi nog inuwakil tagnaꞌ sok Tuhan, bu binogoyanin da sop ong mga duma nin. Na og ginang nilon kituꞌ, pigondiꞌ sok saraꞌ poꞌ ok patut bosiya kuman dun, ong mga da.

5 Daꞌ niyu taꞌ sop kobasta sok saraꞌ bug inolo pogdugtul nong mga gimam sog ok saraꞌ nog Gondow Pogogulali poꞌ daꞌ ilon ulali? Tibuwa daꞌ ilon da pokodusa dun. 6 Taluan ku amu, ongon dini ningkomun og labi pa sog Baloy nok Tuhan. 7 Misulat sok Kitab,

‘Og lolat ok kolegan ku, gabaꞌ sok kurban.’

Na bilaꞌ bosiya kiosunan niyu ong maana nong misulat koyon, diꞌ niyu bosiya hukumon og daꞌ pokodusa. 8 Poꞌ akon og ong mokopogbayaꞌ bug olo ong mopatut inangon bisan pa sog Gondow Pogogulali.”

Kiulian ni Panghuꞌ Isa ok Komot nok Tow

9 Pokpuwas nituꞌ, miglandan na yanin dunut nong mga mulidin, bangka solod sog nilon. 10 Na ongon og laki diyon nong mingoyongkong ok komotin. Doksuꞌ sinakan nong mga tow diyon si Isa, “Mosugat taꞌ sok saraꞌ momulung sog ?” Ok sak nilon koyon, pongalap-sabap tibuwa bagun mosumbung nilon si Isa. 11 Ok tabal ni Isa, “Bilaꞌ ongon og niyu milabuꞌ sog luwang sog Gondow Pogogulali, diꞌ niyu taꞌ alapon? Awaon niyu na dodaꞌ. 12 Na labi pa mohalgaꞌ ok tow tidu sog bilibili! Dadi mosugat da sok saraꞌ monginang nong mobais sog Gondow Pogogulali.”

13 Tubus tinaluanin ok tow koyon nong mingoyongkong ok komotin, “Pologdong nu ok komot nu.” Na linogdongin, bu kiulian na ok komotin, migbatuk na sok sobolaꞌ. 14 Dangan linumuwas ong mga , migisun ilon bug ponoy ok pokpatoy nilon ni Isa.

Si , ok Sosuguon nog Ginantaꞌ nok Tuhan

15 Kiosunan ni Isa ok pogisun nilon, dadi minawaꞌ yanin dituꞌ. Landuꞌ kodakol nok tow ong migunut diyanin bu kiulianin og lam nong misaki. 16 Pigbinaanin ilon nog diꞌ ilon monuksug pasal diyanin. 17 Ininangin koyon bagun mounut ok tinaluꞌ nok Tuhan biyan ni Nabi , taluꞌ in,

18 “Kini ok sosuguon ku nok piniliꞌ u,

kolasahan ku yanin bu kisulutan ku dun.

Botangon ku diyanin og Ruh u,

bu posampoyonin sog lam nog bangsa bug ponoy nilon kotabuk ok kologdongan tidu dinakon.

19 Diꞌ yanin monuwal atawa monggapis,

bu diꞌ modongog ok suwara nin sok kodalan-dalanan.

20 Mahatul yanin bu molunuk ok pongatoyanin song mga mokololat-lolat nok tow.

Tabanganin ong mga tow nog daꞌdun og dodamahan nilon,

mamaꞌ sopantun nog diꞌ in moatas balion ok pomulan nok kolawoson na,

bu diꞌ in sop moatas oyupon ok politaan nok kopalongon na.

Diꞌ yanin lumotaꞌ toktob momondag ok kologdongan.

21 Yanin da ok pongandolan bu dodamahan nong mga kobangsahan.”

Sinakan si pasal sok Kowasa nin

22 Puwas nituꞌ inoyit diyon ni Isa ok tow nog buta bu miumow poꞌ sinolodan nok soytan. Pikuliꞌ yanin ni Isa, dadi mikopoktaluꞌ bu mikotongow na yanin. 23 Na kisobuan og lam nok tow bu taluꞌ nilon, “Yonin na taꞌ kini ok ponupuꞌ kituꞌ ni Sultan nok popogbayaon dinita nok Tuhan?” 24 Dangan midongog nong mga Parisi ok taluꞌ nong mga tow, tinumabal ilon, “Ok tow koyon, mokopoluwas yanin nok soytan sog lawas nok tow poꞌ binogoyan yanin nok kowasa nok kounutan nong mga soytan.”

25 Tibuwa kiosunan ni Isa bug olo og diyalom pikilan nilon, dadi tinaluanin ilon, “Bilaꞌ ok solobuk bangsa mogunoy-unoy, moglaat da og bangsa koyon. Bu ok siyudad atawa moktolianak nog diꞌ moksulut, diꞌ da sop mobon, moksuwoy bu moladak da. 26 Bilaꞌ poluwason nok kounutan nong mga soytan ok pokasi nin soytan, na sinumaggaꞌ yanin sog ginawa nin, dadi moladak da ok poglokounutanin. 27 Bu bilaꞌ sok ponabut niyu mokobugowu nok soytan sabap sok kounutan nong mga soytan, na sima sop bayuꞌ in ong migbogoy nok kowasa song mga mulid niyu mogbugow nok soytan? Dadi ilon da ong mokosaksiꞌ nok kanaꞌ motud ok pinaluꞌ niyu koyon. 28 Sugaid pagga motud nong mokobugowu nok soytan biyan sog , na yonin na koyon og gindanan nong minatong na diniyu ok . 29 Ok kounutan nong mga soytan sopantun nok tow mokowasa. Na bilaꞌ amu, ongon taꞌ ok tow mokosolod sog baloyin bangka pongalap nog gartaꞌ in bilaꞌ daꞌ in pa koikotoy? Ondiꞌ na dodaꞌ, sumboy koikotanin poguna, bangka pa yanin pokalap nong mga gartaꞌ in.

30 Sima-sima og diꞌ mogunut dinakon, na sinumaggaꞌ yanin dinakon, bu sima-sima og diꞌ tumabang moglimud nong mga tow posunguꞌ sok Tuhan dunut dinakon, na mamaꞌ da nilon pilayuꞌ ong mga tow sok Tuhan. 31 Dadi taluan ku amu, ok sosuku nog bug taluꞌ nong molaat, ongon pa ok koampunanin. Sugaid ong monglaat sog Ruh nok Tuhan, daꞌdun na ok koampunanin. 32 Sima-sima ong moktaluꞌ nong molaat dinakon, og , ongon pa ok koampunanin. Sugaid sima-sima ong moktaluꞌ nong molaat sog Ruh nok Tuhan, daꞌdun na ok koampunanin tidu ningkomun sampoy solama-lama.

33 Mamaꞌ soupama nok kayu. Bilaꞌ ok kayu koyon mobais, na mobais da sop og bunga nin. Bu bilaꞌ ok kayu molaton, na molaton da sop og bunga nin, poꞌ ok kayu kosunan niyu tidu sog bunga nin. 34 Mamaꞌ amu nok ponupuꞌ nong mamak nong mobisa! Ponoy ok poktaluꞌ niyu nong mobais bilaꞌ molaat amu? Poꞌ og limuwas sog babaꞌ, miktidu sok pongatoyan. 35 Bilaꞌ mobais ong mitaguꞌ sok pongatoyan nok tow, mobais da sop ok ponaluonin bu ginangin. Tibuwa bilaꞌ molaton ong mitaguꞌ sok pongatoyan nok tow, molaton da sop ok ponaluonin bug ginangin. 36 Taluan ku amu, sog gondow nok poghukum, kosakan da ong mga tow nok pasal sok tinaluꞌ nilon kituꞌ nog daꞌdun ok kopologunahanin. 37 Poꞌ og hukuman nog botangon nok Tuhan diniyu, alapon tidu song mga mitaluꞌ niyu, itungon amu mologdong atawa taga .”

Tandaꞌ nok Kowasa nog Al-Masih

38 Sog waktu kituꞌ ongon og duma nong mga guru agama bug mga miktaluꞌ diyanin, “Tuwan Guru, meleg ami tumontong nong mokosobuꞌ-sobuꞌ nog gindanan tidu dinika bilaꞌ motud taꞌ nok piangoya nok Tuhan.”

39 Ok tabal ni Isa, “Ong mga tow sok pangkatan kini molaat bu tinumolikud sok Tuhan. Mingoni ilon nong mokosobuꞌ-sobuꞌ nog gindanan, sugaid diꞌ ilon bogoyan muwal da mamaꞌ nog gindanan nok kibiyanan ni Nabi . 40 Poꞌ si Yunus tolu ondow bu tolu gobi sog diyalom tiyan nong mosolag nok sodaꞌ, na mamaꞌ nituꞌ da sop akon og , tolu ondow bu tolu gobi da sop sok kubul. 41 Bu sog mindog sop ong mga tow nog bonuwa Ninibe bangka nilon taksiloy ong mga tow song ningkomun kini. Poꞌ dangan midongog nilon ong nasihat ni Nabi Yunus, tinumombaꞌ ilon mogdayun bangka nong mga dusa nilon. Na ponginongog amu, ongon dini ningkomun nog labi pa tidu ni Nabi Yunus, sugaid daꞌ amu da tombaꞌ diyanin.

42 Na bug matong na og Gondow Poghukum, mindog og rayna nong migbayaꞌ sog bonuwa Seba bangka nin taksiloy ong mga tow song ningkomun kini. Poꞌ bisan molayuꞌ tokodoy og bonuwa nin minangoy yanin monginongog sok tow nong modalom ok kokosunin, yonin na si Sultan . Ponginongog amu, ongon dini ningkomun nong motas pa tidu ni Sultan Sulayman, sugaid daꞌ amu da tombaꞌ diyanin.

43 Ok soytan, bilaꞌ mokoluwas na tidu sog diyalom nog lawas nok tow, mangoy yanin sog monontong nok pogulalihanin, sugaid daꞌdun ong motongowin. 44 Doksuꞌ moktaluꞌ yanin, ‘Mokpuliꞌ u sok pigonongan ku sok tow nog bakas sinolodan ku kituꞌ.’ Na pokpuliꞌ in, mitongowin nog daꞌdun ong mikosukli dun, molonuꞌ na bu migusoy-usoy. 45 Dadi mongonggat pa yanin nog duma nin pitu soytan nog labi pa kolaat tidu diyanin bangka ilon solod mogonong sog diyalom lawas nok tow koyon. Na ok tow koyon lumabi pa ok kobinsanaanin tidu sok tagnaꞌ. Na yonin da sop kini ong moinang song mga tow molaat sok timpu ningkomun kini.”

Og Ginaꞌ bug mga Pigilugan ni Panghuꞌ Isa

46 Solabu ni Isa monintuluꞌ song mga tow, minatong og ginaꞌ in bug koiluganin nog laki. Dituꞌ ilon migbagad sog luwasan poꞌ meleg ilon mogabit-abit diyanin. 47 Dadi ongon solokotow nong mikposampoy ni Isa, “Tuwan, og ginaꞌ nu bug mga koilugan nu nog laki diyon sog luwasan, poꞌ meleg ilon mogabit-abit dinika.” 48 Tinaluꞌ ni Isa, “Sima buwan og ginaꞌ u bug mga gilugu?” 49 Doksuꞌ tinonduꞌ in ong mga mulidin bangka yanin poktaluꞌ, “Ilon kini miitung nog ginaꞌ u bug mga gilugu. 50 Poꞌ sima-sima ok tumombaꞌ sok kolegan nog u sok , ilon koyon ong mga pigilugan ku laki bug libun bug ginaꞌ u.”