Matiyu 6

Ok Pituwa pasal sok Poksodokka song mga Miskinan

Poghalliꞌ amu monginang nok kobaisan sok kodakolan nok tow bagun hadja mokpotongow dinilon. Poꞌ bilaꞌ maꞌ niyon, daꞌdun da ok pahalaꞌ niyu dun tidu sog niyu sok .

2 Dadi bilaꞌ monodokka amu, diꞌ niyu na bantugon song mga tow. Mamaꞌ niyon ok ponginangon nong mga tow nong mokpobaluꞌ-baluꞌ hadja song mga bu sok kodalan-dalanan bagun potason ilon nong mga tow. Taluan ku amu, ong motudin, mialap nilon na ok pahalaꞌ nilon, dini da sog dunya ok toktobanin. 3 Tibuwa bilaꞌ monodokka amu, diꞌ amu mokposun sog bisan sima 4 bagun mobuni ok poksodokka niyu, bu bogoyan amu nok pahalaꞌ nog Gommaꞌ niyu sok surgaꞌ nong mikotongow dun.

Ok Pituwa pasal sok Poksombahayang

5 Na bilaꞌ moksombahayang amu sok Tuhan, diꞌ amu moglogiling song mga tow nong mokpobaluꞌ-baluꞌ hadja. Kolegan nilon motongow ilon sumombahayang sog baloy poksumbahan bu sok kodalan-dalanan bagun motaluꞌ nong mga tow nog ilon kini boloammal. Taluan ku amu, ong motudin, mialap nilon na ok tumbas nilon. Dini da sog dunya ok toktobanin. 6 Tibuwa bilaꞌ mongoni-ngoni amu sok Tuhan, solod amu sog bilik niyu bangka amu pongoni-ngoni sog niyu nog diꞌ motongow. Dadi og Gommaꞌ niyu nong mokotongow nong mibuni, bogoyanin amu nok pahalaꞌ.

7 Bilaꞌ mongoni-ngoni amu, naꞌ niyu podakolon bu solapon ok taluꞌ niyu, mamaꞌ nong mga len bangsa nong moksumba song mga tuhan-tuhan, poꞌ baluꞌ nilon dun, inongogan ilon pasal sog dakol nok tinaluꞌ nilon. 8 Diꞌ amu moglogiling dinilon, poꞌ kiosunan na asal nog Gommaꞌ niyu ok kogunahan niyu sog diꞌ amu pa mongoni-ngoni diyanin. 9 Dadi bilaꞌ mongoni-ngoni amu sok Tuhan, maꞌ nini na ok taluon niyu,

U Ommaꞌ nami sok ,

bung mayan sanglitan lolayun ong ngalan nu .

10 Bung mayan moongon na og pomarinta nu sok pongatoyan nog lam nong manusiyaꞌ,

bu mounut ok kolegan nu sog dunya mamaꞌ nog diyon sok surgaꞌ.

11 Bogoyoy nu ami nok kan sog gondow kini,

12 bu nu ong mga nami, mamaꞌ nok koampun nami song mga tow nong mikodusa dinami.

13 Polayuꞌ nu ami sok sassat,

bu awon nu ami sok kolaatan nog .

Poꞌ ika ok Pogbayaꞌ-bayaꞌ, ong Mokowasa bu ok patut potason solama-lama.

.

14 Na bilaꞌ ampunon niyu ong mikodusa diniyu, ampunon amu da sop nog Gommaꞌ niyu sok surgaꞌ. 15 Tibuwa bilaꞌ diꞌ niyu ampunon ong mga tow nong mikodusa diniyu, diꞌ amu da sop ampunon nog Gommaꞌ niyu sok surgaꞌ.

Ok Pituwa pasal sok Pokpuwasa

16 Bilaꞌ mokpuwasa amu, diꞌ amu mokpotongow nong mamaꞌ mosusa amu mamaꞌ nong mga tow nong mogbaluꞌ-baluꞌ hadja. Poꞌ mikusaut na hadja og bayuꞌ-bayuꞌ nilon bagun kosunan nong mikpuwasa ilon. Taluan ku amu, ong motudin, mialap nilon na ok tumbas nilon. 17 Tibuwa bilaꞌ mokpuwasa amu, pongulaup amu bangka amu ponundoy 18 bagun diꞌ motongow nong mga tow nong mikpuwasa amu. Tibuwa og niyu Tuhan ong mokotongow nong mibuni, bogoyanin amu nok pahalaꞌ.

Ok Pituwa pasal sog Gartaꞌ

19 Diꞌ amu moktaguꞌ nog gartaꞌ dini sog dunya, poꞌ kokoton da nog gagnay bu gahaon tibuwa, bu alapon da nong mga polonakow. 20 Sugaid monginang amu nok kobaisan, poꞌ mamaꞌ amu da nong miktaguꞌ nog gartaꞌ sok nog daꞌdun dituꞌ og gagnay bug gahaꞌ nong mokopoglaat dun. Bu daꞌdun da sop ok polonakow nong mokalap dun. 21 Poꞌ bug ayin mitaguꞌ og gartaꞌ niyu, dituꞌ da sop ok pongatoyan niyu.

22 Ong mata niyu ok tiyow nog lawas niyu. Bilaꞌ molasig ong mata niyu, mokosolod og dolag, bu kodolagan ok tibuk nog lawas niyu. 23 Sugaid bilaꞌ mosakit ong mata niyu, na kodoloman ok tibuk nog lawas niyu. Dadi bilaꞌ og dolag kituꞌ nog diyon bosiya diniyu, moimung modolom, na molokop nok kodolom og lawas niyu.

24 Daꞌdun ok tow nong mokopoktolagad nog duwaꞌ gamu, poꞌ kolasahanin ok solokotow bu kolingitanin ok solokotow. Ok solokotow gamu nin ununganin, ok solokotow ondiꞌ. Dadi bilaꞌ og daya og lumabi sok pikilan niyu, na diꞌ niyu na mounut ok piinang diniyu nok Tuhan. Saan na ok Tuhan da ok tolagadon niyu.”

Pongandol amu sok Tuhan

25 “Dadi taluan ku amu nog diꞌ amu mosusa pasal sok kotubuꞌ niyu, bug olo ong mokan niyu atawa moinum niyu, atawa pasal sog lawas niyu, bug olo ong mosolug niyu. Kanaꞌ taꞌ labi pa ok kotubuꞌ tidu sok kan, bu og lawas labi tidu sok pomonapot? 26 Tontong niyu ba ong mga manuk-manuk! Ondiꞌ ilon momula bu ondiꞌ da gumani. Daꞌ ilon da sop poktaguꞌ nok kan nilon, sugaid piokan ilon nog niyu sok . Kanaꞌ taꞌ labi amu pa kohalgaꞌ tidu dinilon? 27 Bilaꞌ moksusa amu, yumabaꞌ taꞌ buwan og gumul niyu? Ondiꞌ na dodaꞌ bisan pa mikaan tokodoy.

28 Bu manu mosusa amu ma pasal sok pomonapot niyu? Tontong niyu ba ong mga bulak-bulak nong mitubuꞌ sala-sala nilon! Daꞌ ilon ponukat nok kotubuan nilon, bu ondaꞌ ilon ponobot nok ponapot nilon. 29 Tibuwa taluan ku amu, bisan si Sultan nog landuꞌ na og daya nin, daꞌdun da ok ponapotin nong mamaꞌ kolingkat nong mga bulak-bulak kini. 30 Bilaꞌ pilingkatan nok Tuhan ong mga sigbot nong mitubuꞌ ningkomun, sugaid lomaꞌ-dinglag molawos bu tutungon da, amu pa taꞌ og diꞌ in poponapotan? Mikaan tokodoy ok kopongandol niyu. 31 Saan na diꞌ amu mosusa, bug olo ok kanon bug inumon niyu atawa bug olo ok solugon niyu. 32 Yonin kini ok piktuyuan nong mga tow len bangsa nog ondaꞌ pokokilala sok Tuhan. Tibuwa kanaꞌ amu mamaꞌ dinilon poꞌ kiosunan na asal nog Gommaꞌ niyu sok surgaꞌ nok kogunahan niyu og lam niyon. 33 Sugaid polabihon niyu ok pogbayaꞌ nok Tuhan sok pongatoyan niyu bu ponontong niyu moguna ok kologdonganin, bu bogoyon da diniyu og lam nok kogunahan niyu koyon. 34 Dadi diꞌ amu mosusa nok pasal sog lomaꞌ-dinglag, poꞌ gondow-gondow selen da sop og logonin. Naꞌ niyu bangkatan og logon niyu sog gondow kini sok kopomikil niyu sog logon niyu lomaꞌ.