Pogawaꞌ 34

Ong mga Bogu nog Batu nok Piksulatan nok Pigjanjian

Miktaluꞌ ok Tuhan diyon ni , “Poktabasa nog duwaꞌ buk lokpiꞌ nog batu nong mamaꞌ nok tagnaꞌ kituꞌ. Sulatan ku koyon nong mga taluꞌ u nok sinulatu tagnaꞌ song mga batu nog binogbag nu. 2 Pogandama poꞌ lomaꞌ sisolom tumukada mokpuliꞌ sog . Dituꞌ a pokpotongow dinakon, sok sung-sung nog bontud. 3 Sumboy daꞌdun ok tow mogunut dinika, bu daꞌdun ok tow mangoy ayin-ayin sok tibuk nog bontud. Ondiꞌ niyu posoksabon ong mga , kambing bug mga sapiꞌ sok kobabaan nog bontud.” 4 Dadi miktabas si Musa nog duwaꞌ buk lokpiꞌ batu mamaꞌ nok tagnaꞌ kituꞌ. Doliꞌ-ondow pa, inoyitin na ong mga batu kituꞌ sog Bontud Sinay mamaꞌ nok sinuguꞌ nok Tuhan diyanin. 5 Dadi minonog ok Tuhan diyon sog gabun, bangka yanin indog sog gadapan ni Musa sok tas nog bontud, bu tinaluꞌ in ong ngalanin. 6 Miniyan ok Tuhan sog gunahan ni Musa, bangka poktaluꞌ, “Akon ok Tuhan ok solama-lama ongon, molilolatoyu bu moliampunoy, moliunungoy bu molasa, bu kanaꞌ u molomu kolingit. 7 Potongowon ku og lasa-kololatu song mga manusiyaꞌ sampoy song nginibuhan nok pangkatan, bu ampunon ku ong mga bug mga ginang nilon nong molaton. Tibuwa siksaon ku ong mga mikodusa bug mga ponupuꞌ nilon sampoy mokosaut sok tolu mangoy sok pat pangkat.”

8 Dangan midongog koyon ni Musa, migdaliꞌ-daliꞌ yanin sumudjud bangka pokpudji. 9 Miktaluꞌ yanin, “U Tuhan, bilaꞌ kisuatan ka dinakon, na pongonihon ku dinika nog dumahan nu ami bisan motogas og gulu nok piktowan kini. Ampun nu ami song mga kolaatan bug dusa nami, bu imung nu ami mga tow nok sukuꞌ nu.”

10 Miktaluꞌ ok Tuhan diyon ni Musa, “Poginongoga, mogimungu nok diniyu. Sog gadapan nok kotanan nong mga piktowan nu, mogimungu nong mokosobuꞌ-sobuꞌ nog daꞌ u pa sibon koinang sog dunya. Tidu diyon motongow nong mga tow sog lumibut nu nog landuꞌ mokosobuꞌ-sobuꞌ og inangon ku diniyu. 11 Pondom niyu tokodoy ok suguan ku diniyu sog gondow kini. Tontong niyu, pawaon ku ong mga bangsa Amur, , Hit, Peris, Hib bug bangsa Yebus para diniyu. 12 Sumboy moghalliꞌ amu nog diꞌ amu mogimung nok pokpasadan nok sumolobuk amu song mga tow nong migonong diyon sog lupaꞌ nog datongan niyu, bagun diꞌ amu koakkalan bangka koyit sok poksumba nilon sog len tuhan. 13 Sugaid pongladak niyu ong mga nilon, lupot niyu ong mga batu gugdok nok poksumbahan nilon, bu buksak niyu ong mga tuhan-tuhan nilon nog libun nok si Asera. 14 Diꞌ amu tokodoy sumumba sog len muwal dinakon, poꞌ akon ok Tuhan Pogbayaꞌ-bayaꞌ, bu sukangu tokodoy bilaꞌ ongon pa og len tuhan niyu. 15 Dadi diꞌ amu mogimung nok pokpasadan nok sumolobuk amu song mga tow nong migonong diyon sog lupaꞌ nog datongan niyu, poꞌ sunoy moyit amu dinilon mokkurban bu sumumba posunguꞌ song mga tuhan-tuhan nilon bangka kan nok kurbanon nilon. 16 Diꞌ niyu da sop kumboyon ong mga gumbataꞌ niyu nog laki moglibun song mga gumbataꞌ nilon, poꞌ sunoy mogdayun pa ong mga gumbataꞌ nilon sumumba song mga tuhan-tuhan nilon bangka nilon koyit ong mga gumbataꞌ niyu sumumba song mga tuhan-tuhan nilon.

17 Diꞌ amu tokodoy mogimung nok tuhan-tuhan nok sumbahon niyu tidu sog bulawan, , tumbaga, bosi atawa olo-olo na.

18 Sumboy mokpokoradjaan amu nog Halilaya nok Pan nog Daꞌdun ok Posuligin. Dadi pitu ondow amu kuman nok pan nog daꞌdun ok posuligin, mamaꞌ nok tinaluꞌ u diniyu. Inang niyu koyon sog bulan Abib, poꞌ og bulan koyon ok koluwas niyu tidu sog bonuwa .

19 Ok kotanan nog gulang bataꞌ laki nong mga bataꞌ niyu, nakon og gapuꞌ in, sampoy mikuna bataoy nok sapiꞌ, kambing bug bilibili. 20 Sugaid ok kudaꞌ nong mikuna bataoy sumboy gantian niyu nog bataꞌ nog bilibili atawa kambing. Tibuwa bilaꞌ diꞌ niyu gantian, sumboy patoyon niyu. Na ok kotanan nog gumbataꞌ niyu nog gulang bataꞌ laki, sumboy lokaton niyu da sop. Sima-sima ong mokpolani dinakon sumboy ongon og wakilon nilon dinakon.

21 Mogdadi amu moginang sog diyalom nong nom ondow, tibuwa sog ikopitu ondow, sumboy amu mulali, bisan pa waktu nok pogbadjaꞌ atawa ponggani.

22 Inang niyu og , yonin koyon ok ponognaan ponggani nok , bu og Halilaya Pokpongupuꞌ nog Bunga, yonin na koyon ok poktaguꞌ nog bunga kayu sog doksuan nok tahun. 23 Tolu kali sog diyalom sotahun sumboy mokpulun-pulun ong mga kolakihan niyu madap sumumba dinakon, ok Tuhan nong mga tow . 24 Pawaon ku ong mga len bangsa tidu sog lupaꞌ nog binogoyu diniyu, bu dungagan ku og liwag nok tamanan niyu. Daꞌdun ong magow nog bonuwa niyu sog waktu nong mangoy amu sumumba dinakon tolu kali sog diyalom sotahun.

25 Diꞌ niyu kurbanon dinakon og duguꞌ nok potubuon dunut nok pan nok taga posulig. Bu ok kinurban niyu para sog Halilaya Pogliyus, ondiꞌ amu moksamaꞌ dun poksisolom.

26 Oyit niyu sog nok Tuhan ok kinobaisan nok tagnaꞌ bunga nok pimula niyu.

Bu bilaꞌ moksumbaliꞌ amu nong nati kambing, diꞌ niyu polutuon sog gatas nog ginaꞌ in.”

27 Doksuꞌ tinaluan nok Tuhan si Musa, “Sulat nu ong mga tinaluꞌ u koyon, poꞌ tidu song mga taluꞌ u koyon, inimungu ok pogjanjian ku dinika bu sog bangsa Israel.”

28 Si Musa dituꞌ sok tas nog bontud dunut nok Tuhan sog diyalom nok pat puluꞌ ondow bu pat puluꞌ gobi. Ondaꞌ yanin kan, bu ondaꞌ inum. Sinulatin sog lokpiꞌ nog batu ong mga saraꞌ nok pigjanjian, yonin na ok sopuluꞌ suguan.

29 Dangan dinumiksun si Musa tidu sog bontud Sinay, inoyitin og duwaꞌ buk batu nok sinulatan nong mga suguan nok Tuhan. Miksahaya ong muluꞌ ni Musa poꞌ migabit-abit ilon nok Tuhan, sugaid daꞌ in kosunoy. 30 Dangan mitongow ni bug kotanan nong mga tow Israel nong miksahaya ong muluꞌ ni Musa, mondok ilon mokpolani diyanin. 31 Sugaid tinawag ilon ni Musa, bangka pa pokpolani si Harun bug mga kounutan nong mga tow Israel, bu miktaluꞌ si Musa dinilon. 32 Tubus mikpolani na ok kotanan nong mga tow Israel bangka posampoyoy ni Musa dinilon ok kotanan nok suguan nok tinaluꞌ nok Tuhan diyanin dituꞌ sog . 33 Pogdoksuꞌ ni Musa mokposampoy dinilon, dinungmaanin ong muluꞌ in nok todung. 34 Sugaid bilaꞌ sumolod si Musa sog Lokow-lokow Pogbalakan bagun mogabit-abit sok Tuhan, awaonin og dungmaꞌ nong muluꞌ in. Kada luwas ni Musa, posampoyonin na sop sog bangsa Israel bug olo ok sinuguꞌ nok Tuhan diyanin. 35 Na mitongow nog bangsa Israel nong miksahaya ong muluꞌ ni Musa, tubus dinungmaanin mokpuliꞌ ong muluꞌ in. Bilaꞌ mangoy yanin mogabit-abit puliꞌ sok Tuhan bangka nin pa awaoy og dungmaꞌ nong muluꞌ in.

Mga Sodokka para sog Langgal

Na pisampoy ni song mga tow Israel ok suguan nok Tuhan nong momogoy ilon nog ginis-ginisan sodokka para sog Langgal nog imungon nilon.

Dadi miksodokka ilon sok Tuhan nog bulawan, silber, tumbaga, kayu akasya, bolohibu nog bilibili, molingkat nok kokanaꞌ, panit nok potubuon, bu batu mohalgaꞌ. Ong mga batu koyon podokoton sog juba nok solugon nok bu sog bulusa sog digdobin.

Na ok sosuku taga kopandoy, libun-laki, tinumabang ilon mogimung nong mga langkap nog Langgal mamaꞌ na nok suguan nok Tuhan dinilon.

Na ongon ok tow nong mipiliꞌ nok Tuhan mogimung nog Baloy Sutsi koyon, yonin na si Besalel og bataꞌ ni Uri bug gapuꞌ ni Hur, ok ponupuꞌ ni Yahud, bu og duma nin nok si Oholiyab nog bataꞌ ni Ahisamak ok ponupuꞌ ni Dan. Binarakatan ilon nok Tuhan nok kopandoyan bug kokosun sok kotanan nong mga ginang koyon, mamaꞌ na nong mogari-ari, mogukil, mogbulda bu sok pogimung nong molingkat nok kokanaꞌ, bu ilon ong miktonduꞌ song mga kodumahan nilon.