Pogawaꞌ 13

Ok Pogwakil nog Gulang Bataꞌ Laki sok Tuhan

Na miktaluꞌ ok Tuhan dituꞌ ni , 2 “Taluoy nu ong mga tow nog wakilon nilon dinakon og gulang bataꞌ laki, manusiyaꞌ taꞌ atawa potubuon taꞌ, poꞌ sukuꞌ ilon dinakon.”

Og ok Pomondoman pasal sok Pogawon nok Tuhan

3 Doksuꞌ tinaluꞌ ni song mga tow , “Pondom niyu og gondow kini poꞌ tidu sok pagas nok kowasa nok Tuhan, tinabanganin amu mawaꞌ song , og bonuwa nong mingulipon diniyu. Dadi diꞌ amu kuman nok pan nok taga posulig sog waktu kini. 4 Sog bulan Abib sog gondow kini, mokawaꞌ amu na. 5 Na oyiton amu nok Tuhan sog bonuwa nog jinanjiꞌ in song mga pingapuꞌ ta niyu bug ayin sumongkuꞌ ok pomulan bu jumatu ong mga potubuon. Pigonongan ningkomun og bonuwa koyon nong mga bangsa , Hit, Amur, Hib bug Yebus. Dadi bilaꞌ oyiton amu nok Tuhan sog bonuwa koyon, sumboy inangon niyu og Halilaya kini sok Tuhan kada tahun sog bulan Abib kini. 6-7 Bilaꞌ matong og Halilaya kini, sumboy amu kuman nok pan nog daꞌdun posuligin sog bon nok pitu ondow, bu daꞌdun tokodoy ok posulig atawa ok kan taga posulig ong motongow sok koliwagan bonuwa niyu. Pogdatong sog ikopitu ondow sumboy amu mokpokoradjaan para sok Tuhan. 8 Sog gondow koyon taluan niyu ong mga gumbataꞌ niyu, ‘Poginangon ta kini poꞌ ok pomondoman ta sok koawon dinita nok Tuhan dangan mikoluwas ita song Misir.’ 9 Ok pokoradjaan kini, ok pomondoman nong mamaꞌ nog gindanan nok sinulat sok komot atawa buna niyu bagun diꞌ niyu kolingowan ok kotanan nok suguan nok Tuhan, poꞌ inawaꞌ in ita song Misir tidu sok pagas nok kowasa nin. 10 Saan na sumboy niyu inangon ok pokoradjaan kini sog waktu nok tinaluꞌ diniyu tahun-tahun.

Ong mga Gulang Bataꞌ Laki

11 Matong og waktu nog oyiton amu na nok Tuhan sog lupaꞌ nong mga tow nog bogoyonin diniyu mamaꞌ nog jinanjiꞌ in song mga pingapuꞌ ta niyu kituꞌ. 12 Dadi sumboy wakilon niyu sok Tuhan og bataꞌ laki nog gulang bataꞌ, manusiyaꞌ taꞌ atawa potubuon, poꞌ sukuꞌ ilon nok Tuhan. 13 Sosuku nog bataꞌ nong mikuna bataoy, gantian nog , sugaid bilaꞌ diꞌ niyu gantian sumboy sumbalion niyu. Lokaton niyu da sop og bataꞌ niyu nog laki nog gulang bataꞌ.

14 Na lomaꞌ-dinglag sakan amu nong mga gumbataꞌ niyu pasal song maana nog ginang kini. Dadi taluꞌ niyu dinilon, ‘Tinabangan ami nok Tuhan tidu sok pagas nok kowasa nin bagun mokawaꞌ ami song , og bonuwa nong mingulipon dinami. 15 Poꞌ dangan mikpotogas ok nok pongatoyanin bu daꞌ in ami kumboyoy mawaꞌ song Misir, na pinatoy nok Tuhan ok kotanan nog laki gulang bataꞌ song Misir, manusiyaꞌ sampoy sok potubuon. Saan na tidu diyon, kurbanon ta sok Tuhan ok kotanan nok potubuon nong mikuna bataoy, bu lokaton ta ok kotanan nog bataꞌ ta nog laki gulang bataꞌ.’ 16 Na mga pigilugan ku, ong mga ginang kini solobuk gindanan mamaꞌ nok sinulat niyu sok komot atawa sog buna niyu, bagun popondom diniyu nok tinabangan amu mawaꞌ nok Tuhan song Misir biyan sok pagas nok kowasa nin.”

Og Gabun bug Gapuy

17 Dangan kinumboy na nok Pirꞌawn ong mga tow mawaꞌ song , ondaꞌ ilon pobiyanoy nok Tuhan sog dalan posunguꞌ sok kilid dagat sog bonuwa nong mga tow Pilistin bisan yonin na kituꞌ og loktosan, poꞌ diꞌ meleg ok Tuhan nong mopinda ok pomikilan nong mga tow Israel. Sunoy mokpuliꞌ ilon song Misir bilaꞌ monanam nilon og bunuꞌ. 18 Dadi inoyit ilon nok Tuhan mopanow sog posunguꞌ sog . Ginumonat ong mga tow Israel mogoyit nog bosi mamaꞌ nok sundalu nong mitogama sok pogbunuan.

19 Na inoyit ni ok tulan ni Yusup, poꞌ asal mimilin si Yusup song mga tow Israel, tinaluꞌ in, “Tantu matong og waktu nok tabangan amu nok Tuhan, bu oyitonin amu mawaꞌ. Dadi sapa amu nog oyiton niyu ok tulan ku tidu sog bonuwa kini.”

20 Tubus minawaꞌ ilon sog lungsud nok Sukkot, bu minatong ilon sog bonuwa iningalanan nog Etam diyon sok kilid nog ginlupaan mimala. Dituꞌ ilon soliyan linumotaꞌ. 21 Sok pokpanow nilon, miguna dinilon ok Tuhan. Sog gondow mikpotontul yanin dinilon mamaꞌ nog gugdok gabun, bu sog gobi, mamaꞌ sop yanin nog gugdok gapuy nong moktiyow dinilon. Dadi mokopanow ilon gondow-gobi. 22 Og gugdok gabun koyon sog gondow bu og gugdok gapuy sog gobi, ondaꞌ awaꞌ song mga tow Israel gondow-gobi.