Pogawaꞌ 10

Ok Tolompisung, og Ikowalu nog Balaꞌ

Na miktaluꞌ na sop ok Tuhan dituꞌ ni , “Angoya puliꞌ dituꞌ ni . Poꞌ saan na pitogasu ok pongatoyanin bug mga ponindogin, bagun mopotongowu dinilon ong mga mokosobuꞌ-sobuꞌ nog ginangu. 2 Ininangu sop kini bagun niyu mosuksug song mga ponupuꞌ niyu bug inolo u pokpotongow ok kowasa u song mga tow biyan song mga mokosobuꞌ-sobuꞌ nok pidatongu dinilon bagun niyu kosunan nog akon ok Pogbayaꞌ-bayaꞌ.”

3 Tubus minangoy si Musa bu si dituꞌ ni Pirꞌawn, taluꞌ nilon, “Yonin kini ok tinaluꞌ nok Pogbayaꞌ-bayaꞌ, ok Tuhan nong mga tow , ‘Andun pa taman ok kopok nu mokpobabaꞌ dinakon? Kumboy nu na mawaꞌ ong mga piktowan ku bagun mokopoktolagad ilon dinakon. 4 Poꞌ bilaꞌ pogondian nu pa ilon mawaꞌ, na podatongan ku nok tolompisung og bonuwa nu lomaꞌ. 5 Pasal sok kodakol nilon, ondiꞌ na motongow og lupaꞌ. Kanon nilon ong mga mibilin nong mga pomulan nog daꞌ poglaat nog dupiꞌ ays, sampoy ok kotanan nok kokayuhan. 6 Monolod ilon sog gastanaꞌ nu bu song mga gumbaloyan nong mga ponindog nu, sampoy sok kotanan nok piktowan nu. Ondaꞌ sibon pokotongow ong mga mokogulang niyu bug mga pingapuꞌ niyu nong maꞌ niyon tidu sok kodatong nilon dini.’ ” Doksuꞌ minawaꞌ na si Musa.

7 Puwas nituꞌ miktaluꞌ ong mga ponindog nok Pirꞌawn diyanin, “Andun ita pa bayuꞌ in lotaoy sasowon nok tow koyon? Kumboy nu na mawaꞌ ong mga tow bagun mokopoktolagad ilon sok Tuhan nilon. Ondaꞌ nu pa taꞌ kotongow nong miglaat na og bonuwa Misir?”

8 Dadi pipuliꞌ nok Pirꞌawn si Musa bu si Harun. Taluꞌ in, “Awaꞌ amu na bangka amu tolagad sok Tuhan niyu, sugaid sima muwal ong mogunut diniyu?” 9 Ok tabal ni Musa, “Kotanan nami ong mangoy dituꞌ, bataꞌ-mogulang, libun-laki. Oyiton nami da sop ong mga , kambing bug sapiꞌ nami, poꞌ mokpokoradjaan ami sok Tuhan nami.”

10 Na taluꞌ nok Pirꞌawn, “Bilaꞌ kumboyon ku mogunut diniyu ong mga kolibunan bug mga gumbataꞌ niyu, na pokpotabang amu na sok Tuhan niyu. Motampal na tokodoy nong moksipi amu nong molaton! 11 Tantu diꞌ mogdadi nok kotanan niyu mangoy dituꞌ. Amu tibuwa mga kolakihan ong mangoy moktolagad sok Tuhan niyu, poꞌ yonin da koyon ok pingoni niyu.” Puwas nituꞌ binugow na si Musa bu si Harun sog gadapan nok Pirꞌawn.

12 Doksuꞌ miktaluꞌ na sop ok Tuhan dituꞌ ni Musa, “Inat nu ok komot nu posunguꞌ sok koliwagan nog bonuwa Misir bagun lumuwas ong mga tolompisung. Tipoton nilon kuman ong misamaꞌ nok pomulan nog daꞌ poglaat sog dupiꞌ nog ays.” 13 Dadi pisunguꞌ ni Musa ok tungkodin sog bonuwa Misir bu pioyup nok Tuhan og galuꞌ tidu sok silangan sondow bu sogobi. Poksisolom modakol na ok tolompisung nong mioyit nog galuꞌ. 14 Landuꞌ kodikpol ong mga tolompisung minatong bangka dapal ayin-ayin sog bonuwa Misir. Ondaꞌ sibon koongonoy ong Misir nong mamaꞌ niyon nok kodikpol nok tolompisung, bu diꞌ na kituꞌ kopulian. 15 Miglibol ilon sok koliwagan nong Misir, toktob mingitom og lupaꞌ bu diꞌ na motongow kobalan nok tolompisung. Pingongan nilon ok kotanan nog dawon nok pomulan bug mga bunga kayu nog daꞌ poglaat nog dupiꞌ ays. Daꞌdun na ong misamaꞌ nok pomulan nok taga dawon sok koliwagan nong Misir.

16 Na pidaliꞌ-dalian ni Pirꞌawn potawag si Musa bu si Harun. Taluꞌ in, “Mikodusa u sok Tuhan niyu bu diniyu. 17 Dadi ampun niyu og u, bisan dona sog waktu kini, bu pongoni-ngoni amu sok Tuhan niyu nong mawaꞌ na tidu dinakon og balaꞌ nong mokomula kini.”

18 Doksuꞌ minawaꞌ na si Musa sog gadapan nok Pirꞌawn bangka yanin pongoni-ngoni sok Tuhan. 19 Dadi pininda nok Tuhan og galuꞌ posunguꞌ sok sindopan bu pipagasin bangka kopalid ong mga tolompisung posunguꞌ sog . Daꞌdun na ong misamaꞌ bisan solobuk tolompisung sog bonuwa Misir. 20 Sugaid pitogas nok Tuhan ok pongatoyan ni Pirꞌawn, bu daꞌ in da kumboyoy mawaꞌ ong mga tow Israel.

Ok Kodoloman, og Ikosiyam nog Balaꞌ

21 Tinaluan na sop si nok Tuhan, taluꞌ in, “Inat nu ok komot nu sok tas bagun kodungmaan og bonuwa nog losukon mata nog dolom.” 22 Na ininat ni Musa ok komotin sok tas, bu dinumolom na tokodoy ok koliwagan nog bonuwa Misir sog bon nok tolu ondow. 23 Dadi diꞌ na moktinongowoy ong mga tow song Misir, bu daꞌ ilon awaꞌ sog diyalom baloy sog bon nok tolu ondow. Sugaid modolag da ok pigonongan nong mga tow .

24 Tubus pitawag na sop ni si Musa, taluꞌ in, “Sigi, angoy amu na poktolagad sok Tuhan, bu oyit niyu na og libun-bataꞌ niyu, sugaid bilin niyu ong mga bilibili, kambing bug mga sapiꞌ niyu.”

25 Tinumabal sop si Musa, “Sumboy kumboyon nu da sop dinami ong mga potubuon nok kurbanon nami sok Tuhan. 26 Dadi sumboy oyiton nami da sop ok kotanan nong mga potubuon nami, bu daꞌdun ong mosamaꞌ bisan dona solobuk. Poꞌ diꞌ nami pa kosunan bug olo-olo mga potubuon ok kurbanon nami sok Tuhan nami. Sumboy na matong ami dituꞌ, bangka nami pa kosunoy.”

27 Tibuwa pitogas nok Tuhan ok pongatoyan ni Pirꞌawn, bu diꞌ in da kumboyon ong mga tow Israel mawaꞌ. 28 Tinaluan nok Pirꞌawn si Musa, “Na pokpolayuꞌ a dinakon, bu ibut-ibut dinika, diꞌ a madap dinakon mokpuliꞌ! Poꞌ sog gondow nong mokpotongowa dinakon, matoya na dodaꞌ.” 29 Ok tabal ni Musa, “Sigi, mounut ok kolegan nu. Diꞌ u na madap dinika mokpuliꞌ.”