Pogawaꞌ 6

Og Janjiꞌ nok Tuhan

Na tinabal nok Tuhan si , “Ningkomun motongow nu na bug olo og inangon ku sok . Poꞌ tidu sok pagas nok kowasa u, kotogolan yanin mokpoluwas nong mga tow . Tidu sok pagas nok kowasa u, bugowonin ilon sog bonuwa nin.”

2 Miktaluꞌ pa ok Tuhan dituꞌ ni Musa, “Akon ok Pogbayaꞌ-bayaꞌ. 3 Mikpotongowu sibon ni , ni bu ni Yaꞌkub nog akon ok Tuhan Mokowasa, sugaid ong ngalan ku nog akon ok Tuhan nok solama-lama ongon, daꞌ u pa posunoy dinilon. 4 Jinanjian ku da sop ilon nog bogoyon ku dinilon og bonuwa nok , ok pigbonuwahan nilon. Sugaid sog waktu nituꞌ, kanaꞌ pa ilon og gapuꞌ in. 5 Midongogu da sop ok kolong nong mga tow Israel sok pongulipon dinilon nong mga tow , bu ondaꞌ u kolingowoy og jinanjiꞌ u dinilon. 6 Dadi posampoy nu song mga tow Israel ok taluꞌ u kini, ‘Akon ok Pogbayaꞌ-bayaꞌ. Awaon ku amu tidu sok pogbinsanaꞌ diniyu nong mga tow Misir. Tabangan ku amu tidu sok pongulipon nilon diniyu, bu puwason ku amu biyan sok pagas nok kowasa u bu biyan song mokondok-ondok nog balaꞌ nok podatongon ku dinilon. 7 Angkonon ku amu nok piktowan ku, bu akon ok Tuhan niyu. Doksuꞌ kosunan niyu nog akon, ok Pogbayaꞌ-bayaꞌ, ok tinumabang diniyu tidu sok pongulipon nong mga tow Misir diniyu. 8 Doksuꞌ oyiton ku amu sog bonuwa nog jinanjiꞌ u ni Ibrahim, ni Isahak bu ni Yaꞌkub. Bogoyon ku diniyu og bonuwa koyon, og lupaꞌ niyu. Akon ok Pogbayaꞌ-bayaꞌ.’ ”

9 Na yonin koyon ok tinaluꞌ ni Musa song mga tow Israel. Sugaid diꞌ na ilon tumombaꞌ diyanin poꞌ kibolongan ilon na nok pogdodama pasal sok kobingis nok pongulipon nilon.

10 Doksuꞌ tinaluan na sop nok Tuhan si Musa, 11 “Angoya dituꞌ sok Pirꞌawn bangka nu yanin taluoy nok sumboy poluwasonin na ong mga tow Israel tidu sog bonuwa nin.” 12 Ok tabal ni Musa sok Tuhan, “U Tuhan ku, tontong nu ba, bisan ong mga tow Israel diꞌ da tumombaꞌ dinakon, na ok Pirꞌawn pa taꞌ? Lubaꞌ na akon kini, kanaꞌ u mopandoy moktaluꞌ-taluꞌ.”

13 Tinaluan nok Tuhan si Musa bu si nong mokposampoy ilon song mga tow Israel bu sok Pirꞌawn nok sinuguꞌ ilon mogoyit nong mga tow Israel mawaꞌ sog bonuwa nong Misir.

Ong mga Pingapuꞌ ni bu ni Harun

14 Kini og duma nong mga pingapuꞌ ni Nabi Musa bu ni Harun tidu ni Yaꞌkub nok tinawag da sop nog : Si Ruben, yonin na og bataꞌ in nog gulang bataꞌ. Og gumbataꞌ ni Ruben nog laki, yonin na siloꞌ Hanok, Pallu, Hesron bu si Karmi. Ilon kini ong mga ponupuꞌ ni Ruben.

15 Ok sinumunuꞌ ni Ruben si Simeon. Ong mga gumbataꞌ ni Simeon nog laki yonin na siloꞌ Yemuel, Yamin, Ohad, Yakin, Sohar bu si Saul. Si Saul kini, og ginaꞌ in bangsa . Ilon kini ong mga ponupuꞌ ni Simeon.

16 Ok sinumunuꞌ ni Simeon yonin na si . Na yonin sop kini ong mga ngalan nog gumbataꞌ ni Lebi nog laki, siloꞌ Gerson, Kohat bu si Merari. Ilon na kini ong mga ponupuꞌ ni Lebi. Og gumul ni Lebi mikosaut sogatus bu tolu puluꞌ bu pitu tahun.

17 Tubus og gumbataꞌ ni Gerson nog laki, yonin na si Libni bu si Simei. 18 Na og gumbataꞌ ni Kohat nog laki, yonin na siloꞌ Amran, Isahar, Hebron bu si Ussiel. Mikosaut sogatus bu tolu puluꞌ bu tolu og gumul ni Kohat. 19 Tubus og gumbataꞌ ni Merari kini nog laki, yonin na si Mahli bu si Mushi. Yonin kini ong mga ponupuꞌ ni Lebi.

20 Na si Amram, ong mipoglibunin og gilug nog gommaꞌ in nok si Yokebed. Mikopogbataꞌ ilon duwaꞌ kotow nog laki, si Harun bu si Musa. Mikosaut sogatus bu tolu puluꞌ bu pitu tahun og gumul ni Amram. 21 Na og gumbataꞌ laki ni Isahar yonin na siloꞌ Kora, Nepeg bu Sikri. 22 Ong mga gumbataꞌ sop ni Ussiel nog laki, yonin na siloꞌ Misael, Elsapan bu Sitri.

23 Na ong mipoglibun sop ni Harun, si Eliseba, og bataꞌ ni Aminadab bu og gilug ni Nason. Ongon ok pat kotow og bataꞌ nilon nog laki, yonin na siloꞌ Nadab, Abihu, Elasar bu si Itamar.

24 Bu ong mga gumbataꞌ ni Kora nog laki, yonin na siloꞌ Assir, Elkana bu si Abiasap. Na ilon na kini ok ponupuꞌ ni Kora.

25 Si Elasar, og bataꞌ ni Harun, mikopoglibun sog bataꞌ ni Putiel bu migbataꞌ ilon ni Pinehas.

Na yonin na koyon ong mga pingapuꞌ nok piktiduhan nong mga ponupuꞌ ni .

26 Dadi si Harun bu si Musa kini, ilon na ok kitaluan nok Tuhan, “Oyit niyu mawaꞌ ong mga tow Israel tidu sog bonuwa mounut sok pangkatan nok piktiduhan nilon.” 27 Si Musa bu si Harun kini ong miktaluꞌ sok , ok sultan song Misir, nok pawaon tidu sog bonuwa Misir ong mga tow Israel.

Sinuguꞌ nok Tuhan si Moktaluꞌ para ni Nabi Musa

28 Dadi sog waktu nong miktaluꞌ ok Tuhan dituꞌ ni Musa sog bonuwa , 29 taluꞌ in, “Akon ok Pogbayaꞌ-bayaꞌ. Taluꞌ nu sok ok kotanan nok tinaluꞌ u dinika.” 30 Tibuwa ok tabal ni Musa sok Tuhan, “U Pogbayaꞌ-bayaꞌ, tontong nu ba, kiosunan nu da nok kanaꞌ u mopandoy moktaluꞌ-taluꞌ, dadi si Pirꞌawn pa taꞌ ong monginongog dinakon?”