Pogawaꞌ 4

Binogoyan si nok Kowasa

Na tinumabal si Musa sok Tuhan, “Na olohon ma bilaꞌ insunoy diꞌ monginongog ong mga tow sok suksugan ku dinilon, bu diꞌ da ilon tumombaꞌ nong mikpotongowa dinakon?”

2 Taluꞌ nok Tuhan diyon ni Musa, “Olo og inonggaydan nu koyon?” Ok tabal ni Musa “Ok tungkod.” 3 Taluꞌ nok Tuhan, “Tikpuꞌ nu sog lupaꞌ.” Na poktikpuꞌ ni Musa dun, miktimaluy mogdayun nong mamak ok tungkodin, dadi mikogobok si Musa podaliꞌ. 4 Doksuꞌ miktaluꞌ ok Tuhan diyon ni Musa, “Onggaydoy nu sog gikug!” Na inonggaydan ni Musa sog gikug, bu miktimaluy mokpuliꞌ nok tungkod. 5 Miktaluꞌ ok Tuhan, “Maꞌ niyon ok potongowon nu dinilon bagun ilon tumombaꞌ nong mikpotongow dinika ok Pogbayaꞌ-bayaꞌ, ok Tuhan nok pingapuꞌ nilon, ok Tuhan niloꞌ , bu ni Yaꞌkub.”

6 Miktaluꞌ puliꞌ ok Tuhan dituꞌ ni Musa, “Botang nu ok komot nu sog diyalom nog juba nu.” Dadi binotang ni Musa ok komotin sog juba. Dangan piluwasin ok komotin, milokop na nok putiꞌ poꞌ taga na. 7 Miktaluꞌ na sop puliꞌ ok Tuhan, “Posolod nu mokpuliꞌ ok komot nu sog diyalom nog juba nu.” Dadi pisolodin puliꞌ. Dangan piluwasin, kiulian na ok komotin mamaꞌ nok tagnaꞌ.

8 Doksuꞌ miktaluꞌ ok Tuhan, “Bilaꞌ diꞌ tumombaꞌ ong mga tow Israel dinika song mikuna nong mokosobuꞌ-sobuꞌ nog inangon nu, tumombaꞌ na ilon sog ikoduwaꞌ koyon. 9 Sugaid bilaꞌ diꞌ pa lungkan ilon tumombaꞌ dinika sog ikoduwaꞌ nok potongowon nu dinilon, alapa nok tubig sok subaꞌ Nil bangka nu bunag sog lupaꞌ. Na ok tubig koyon moimung nog duguꞌ.”

10 Doksuꞌ miktaluꞌ si Musa sok Tuhan, “U Pogbayaꞌ-bayaꞌ, ampun nu dona akon. Akon kini kanaꞌ u mopandoy mogabit-abit tidu pa sok tagnaꞌ sampoy song ningkomun nog inabit-abit nu akon. Kanaꞌ u pa tokodoy motolikalaꞌ, moludjaꞌ u mogabit-abit bu mobogat og dilaꞌ u.” 11 Taluꞌ nok Tuhan diyanin, “Sima buwan ong mikpongon nog babaꞌ nong mga manusiyaꞌ? Sima buwan ong mokpobongol atawa mokpoumow, mokpobuta atawa mogbogoy nok ponontong? Kanaꞌ taꞌ akon, ok Tuhan? 12 Dadi angoya na dituꞌ. Tabangan ku da ika moktaluꞌ, bu tonduan ku da ika bug olo ok taluon nu.” 13 Sugaid miktaluꞌ si Musa, “U Tuhan ku, ampun nu dona akon. Bilaꞌ mogdadi da dinika, ponontonga nok tow nog gumantiꞌ dinakon.”

14 Na milingit ok Tuhan diyon ni Musa, dadi miktaluꞌ yanin, “Kanaꞌ ta og gilug nu si , ok ponupuꞌ da sop ni ? Kiosunan ku nong mopandoy yanin moktaluꞌ-taluꞌ. Mikposunguꞌ na yanin dini lumumpak dinika, bu mogloliyag yanin bilaꞌ motongowin ika. 15 Abit-abit nu yanin, bu tonduan nu yanin bug olo ok taluonin. Tabangan ku da amu duwaꞌ bug olo ok taluon niyu, bu tintuluan ku da amu bug olo og inangon niyu. 16 Si Harun og gumantiꞌ dinika mokposampoy song mga tow nong mga taluꞌ u. Dadi ika mamaꞌ a dinakon moktaluꞌ, bu si Harun mamaꞌ sopantun nong nabi nu. 17 Na oyit nu ok tungkod kini, poꞌ yonin koyon og gamiton nu monginang nong mga mokosobuꞌ-sobuꞌ.”

Ok Kopokpuliꞌ ni sog Bonuwa Misir

18 Doksuꞌ nituꞌ minuliꞌ na si Musa dituꞌ sok ponuganganin nok si Yetro bangka yanin pomuhun, taluꞌ in, “Puliꞌ nu pa akon dituꞌ song Misir tumontong nong mga gusba-warisu bagun kosunan ku bug totubuꞌ pa taꞌ ilon.” Na miktaluꞌ ok ponuganganin, “Panowa na, mura-murahan mosannang da ok panow nu.”

19 Dangan diyon pa song Midiyan si Musa, tinaluan yanin nok Tuhan, “Angoya na mokpuliꞌ song Misir, poꞌ ong mga tow nong miksipi momunuꞌ dinika, mitipot na ilon pomatoy.” 20 Dadi pisakoy ni Musa og libun bug mga gumbataꞌ in sok bangka ilon angoy posunguꞌ song Misir. Bu inoyitin ok tungkod nok Tuhan.

21 Doksuꞌ tinaluan nok Tuhan si Musa, “Pogdatong nu puliꞌ song Misir, inang nu tokodoy diyon ni ok kotanan nong mokosobuꞌ-sobuꞌ nok piinangu dinika. Sugaid potogason ku ok pongatoyan nok Pirꞌawn, bu diꞌ in kumboyon mawaꞌ ong mga tow . 22 Dadi taluan nu si Pirꞌawn nong mamaꞌ nini, ‘Yonin kini ok tinaluꞌ nok Pogbayaꞌ-bayaꞌ, “Og bangsa Israel og bataꞌ u nog gulang bataꞌ. 23 Tinaluan ku ika nok kumboy nu ilon mawaꞌ bagun mokopoktolagad ilon dinakon. Sugaid bilaꞌ diꞌ a tumombaꞌ, patoyon ku og bataꞌ nu nog gulang bataꞌ laki.” ’ ”

24 Sok kopanow nilon, dangan minulali si Musa bug libun-bataꞌ in sok pogulabungan, linumpak ilon nok Tuhan bu patoyonin bosiya si Musa. 25 Sugaid og libunin nok si Sippura, minalap nog batu mokutong, bangka nin islamoy og bataꞌ nilon. Doksuꞌ inalapin ok panit bangka nin doponoy sog botis nog laki nin. Taluꞌ in, “Dang, kini na og duguꞌ nok timogduꞌ bagun diꞌ a mogmula.” 26 Na ok pigbinaanin ok pogislam kituꞌ, dadi ondaꞌ na yanin patoyoy nok Tuhan poꞌ mikotaluꞌ si Sipura, “Kini na og duguꞌ.”

27 Na tinaluan nok Tuhan si , “Angoya lumpak ni Musa dituꞌ sog .” Dadi minangoy yanin dituꞌ bu mibalakin si Musa dituꞌ sog Bontud nok Tuhan, bangka nin alokoy. 28 Doksuꞌ nituꞌ sinuksug na ni Musa dituꞌ ni Harun ok kotanan nok sinuguꞌ nok Tuhan diyanin tumaluꞌ, bu ok kotanan nong mokosobuꞌ-sobuꞌ nok piinangin diyanin.

29 Na minangoy na si Musa bu si Harun song Misir. Pogdatong nilon, pitawag nilon ok kotanan nong migmokogulang nong mga tow Israel. 30 Doksuꞌ sinuksugan ilon ni Harun nok pasal sok kotanan nok tinaluꞌ nok Tuhan dituꞌ ni Musa. Bu ininangin ong mga mokosobuꞌ-sobuꞌ diyon song mga tow. 31 Na tinumombaꞌ ong mga tow Israel sok tinaluꞌ nilon. Dangan kiosunan nilon nok kilolatan da ilon nok Tuhan, bu mitongowin ok kobinsanaan nilon, sinumudjud ilon bangka sumba sok Tuhan.