2 TESALONICENSES
San Pablopa K'art'a T'êepema P'ãda Tesalónica P'uurudepema Ijãapataarãmaa
San Pablo, Jesucristopa jùrùt'eradapa na k'art'a p'ã pëiji Tesalónica p'uurudepema ijãapataarãmaa. Ûriji irua naapùara k'art'a #leedak'ãri, mãpemaarã ûk'uru p'era pùk'a p'aneejida. K'îsiajida Cristo taarã–e cheit'ee ichideerã atade. Mapa mimia amaajida ma cheru nùdait'ee. Na k'art'ade Pablopa p'anau bù ma ijãapataarãpa jara p'anù.
Naapùara jara bù ichi o–îapa gracias jarapari Ak'õremaa ãra pari, Cristode pia ijãapata perã mãik'aapa audupùara chik'inia p'anapata perã (cap. 1.1-12). Jara bù wãara Cristo waya cheit'ee na p'ek'au eujãdee mãik'aapa Tachi Ak'õrepa wãara ak'ùit'ee na p'ek'au eujãdepemaarãpa oopata jarait'ee pia wa k'achia. Mamîda aù naaweda p'ek'au k'achia ooi awaa bapari uchiait'ee na p'ek'au eujãde. Mãgùpa eperãarã k'ûrait'ee ijãadaamaa p'aneedamerã Tachi Ak'õrede mãik'aapa Jesucristode (cap. 2). T'êepai iidi bù ãrapa ùt'aa t'âpataadamerã ichi pari mãik'aapa k'îra jîp'a mimiapataadamerã Cristopa k'inia bùk'a (cap. 3).