1 TESALONICENSES
San Pablopa K'art'a Naapùara P'ãda Tesalónica P'uurudepema Ijãapataarãmaa
San Pablo, Jesucristopa jùrùt'eradapa na k'art'a p'ãji. K'îsiapata iru Corinto p'uurude baji na k'art'a p'ãk'ãri. Tesalónica p'uurudepema ijãapataarãmaa p'ãji. Tesalónica p'uuru waibùara baji Macedonia eujãde. Pablopa naapùara Jesucristo ûraa jarateeji ma p'uurude. Mamîda mama taarã ba–e paji, iru k'îra unuamaa iru p'anapataarãpa peet'aadait'ee jùrùdap'edaa perã. Ma t'êepai Timoteopa ma Tesalonicadepema ijãapataarãde pedee pia jara chek'ãri, Pablo o–îa beeji.
Naapùara jara bù ichi o–îa bù k'awa bairã ãra pia nipapata Ak'õre ode. Jara bù ichia ùt'aa t'âpata ãra pari mãik'aapa ne–inaa ichia k'irãpa bù ãra t'ãide nipak'ãri (caps. 1.1--2.16). Jara bù ichi wã k'inia bù ãra ak'ùde mãik'aapa Timoteopa ichimaa nepùrù cheda, ãra t'ãideepa chek'ãri (caps. 2.17--3.13). Ûraa bù audupùara ijãapataadamerã mãik'aapa oopataadamerã Cristopa oopi bùk'a. Ichiaba jara bù sãga pait'ee Cristo waya chek'ãri mãik'aapa ijãa jai–idaadap'edaarã chok'ai p'irabaidak'ãri (caps. 4.1--5.11). T'êepai jara bù ûraa awara–awaraa mãik'aapa iidi bù ùt'aa t'âpataadamerã iru pari (cap. 5.12-28).