COLOSENSES
San Pablopa K'art'a P'ãda Colosas P'uurudepema Ijãapataarãmaa
San Pablo, Jesucristopa jùrùt'eradapa na k'art'a p'ãji. K'îsiapata na k'art'a ichiaba p'ãji Romade, carcelde bak'ãri. Aù naaweda Pablopa jaratee nipak'ãri Éfeso p'uurude, Colosas p'uurudepema Epafras Cristode ijãa beeji. Mãgùpa Cristo ûraa jarateenaji ichi p'uuru pidaarãmaa. Mãgá ijãapataarã paraaji Colosas p'uurude. Pablopa Colosas p'uurudepema ijãapataarã ûraa k'inia baji, ichi jua ek'ari ijãapataarã Éfeso p'uurudepemaarãpa ma ijãapataarã k'aripapatap'edaa perã.
Naapùara jara bù ichi Timoteo ome o–îa p'anù ma Colosas p'uurudepema ijãapataarã Cristode pia ijãapata perã (cap. 1.1-14). Ûraa bù ûrinaadamerã seewa jarateepataarãpa nãga jarateepata: Moisepa p'ãdade jara bùk'a oopataadamerã mãik'aapa angeleerãmaa ùt'aa t'âpataadamerã. Cristodepai ijãadaipia bùda a bù, iruta jõmaarã k'ãyaara waibùara bairã (caps. 1.15--2.19). Jara bù Cristode ijãapataarã awara p'anapataadaipia bù, chiwidi pùk'a p'anadairã Cristo k'aurepa (caps. 2.20--4.6). T'êepai jara bù chi k'õp'ãyoorã mimiapatade mãik'aapa salude tee pëi bù âpemaarã Cristo k'aurepa, Colosas p'uurude mãik'aapa Laodicea p'uurude p'anùùrãmaa (cap. 4.7-18).