EFESIOS
San Pablopa K'art'a P'ãda Éfeso P'uurudepema Ijãapataarãmaa
San Pablo, Jesucristopa jùrùt'eradapa na k'art'a p'ãji. K'îsiapata na k'art'a p'ãji Romade, carcelde bak'ãri. Na k'art'ade Pablopa jara bù Ak'õrepa k'îsia iru bù ichideerã–it'ee, na eujãde p'anù misa mãik'aapa ùt'ari panadak'ãri. Pablopa k'inia baji na k'art'a pedeepidamerã jõmaweda ijãapataarãmaa chip'epata chaa.
Salude jarap'eda, naapùara jara bù Tachi Ak'õrepa eperãarã audú k'inia iru bapari (caps. 1.1--2.10). Maperã judiorã, judio–eerã paara jùrùpari Cristode ijãapataadamerã mãik'aapa araa p'anapataadamerã iru ome (cap. 2.11-22). Jara bù ichi mimiapari Cristo–it'ee, Cristopa jõmaweda k'inia iru bapari perã (cap. 3). Jara bù Cristode ijãapataarã k'ap'ùa apai pùk'a p'anù mãik'aapa iru ma k'ap'ùa porok'a bù (cap. 4.1-16). Maperã p'ek'au k'achia oo amaadaipia bù (cap. 4.17-32). Jara bù ijãapataarã âdaa pùk'a bùde p'anapataadaipia bù (caps. 5.1--6.9) mãik'aapa sãga chõodaipia bù netuara ome (cap. 6.10-20). T'êepai jara bù ichia na k'art'a tee pëiit'ee Tíquico ome (cap. 6.21-24).