23
1 Pablopa Junta Supremadepemaarã see nâbadamaa ak'ùji mãik'aapa mãgaji:—Mùchi auk'aarã, mù at'ãri k'îsia p'ua–ee ni Tachi Ak'õre k'îrapite, mùa oo k'inia bairã irua oopi bùk'a.
2 Mãga ûrik'ãri, p'aareerã poro waibùa Ananiapa Pablo it'aimaa wùpiji iru k'ait'a p'anadap'edaarãmaa. 3 Mamîda Pablopa mãgaji:
—¡Tachi Ak'õrépata pù k'achia ooyada aji, t'ãri k'achia–idaa bairã! Pù jãma su–ak'ù bù mùa ooda ak'ùit'ee Moisepa p'ãdade jara bùk'a. Mamîda irua p'ãdak'a oo–e bù. Moisepa p'ãdade jara bù chupùria k'awaamerã. Mamîda pùa mù chupùria k'awa–e bù. ¡Ma k'ãyaara mù it'ai wùpiru!
4 Mãpai arii p'anadap'edaarãpa mãgajida:
—¿Jãgata ik'achia jararuk'ã ajida, Tachi Ak'õre p'aareerã poro waibùamaa?
5 Mãpai Pablopa p'anauji:
—Mùchi auk'aarã, mùa k'awa–e pajida aji, iru p'aareerã poro waibùa. Tachi Ak'õre Ûraa p'ãdade jara bù:
‘Pedee k'achia jaranáatù pãchi p'uuru pidaarã poroorã ãpùte.’ (Éxodo 22.28)
6 Maap'eda Pablopa unuk'ãri ma see nâbùde para bù saduceo eerepemaarã mãik'aapa fariseo eerepemaarã, ichi t'ãridepai k'îsiaji. Maap'eda golpe pedeeji:
—Mùchi auk'aarã, mù fariseopù; fariseorãdeepa uchiada. Mùa ijãa bù tachi piup'eda, chok'ai p'irabaidait'ee. Maperãta nãgá parã k'îrapite mù anee p'anù, mùa ijãapari ak'ùdait'ee.
7 Pablopa mãga jarak'ãri, fariseo eere p'anadap'edaarã mãik'aapa saduceo eere p'anadap'edaarã ãchi pitapai aupedee para beeji. 8 Mãga oojida saduceorãpa jarapata perã piudap'edaarã chok'ai p'irabaida–e, angeleerã wê–e mãik'aapa tachi jaure wê–e. Jõdee fariseorãpa ijãapachida mãgà jõma paraa. 9 Maperãpù biuk'a nâbeeji. Ûk'uru Moisepa p'ãda jarateepataarã fariseo eere p'anadap'edaarãpa mãgajida:
—Na eperãpa ne–inaa k'achia oo–e bùda ajida. ¿Eperã jaurepa maa–e pùrã angelpa irumaa pedeeji–ek'ã? ajida.
10 Audupai biuk'a nâbeek'ãri, soldaorã poro waibùapa, ewaa Pablo peet'aadai jîak'aapa, t'âji chi soldaorã iru uchia atadamerã ma biuk'a nâbadadeepa mãik'aapa ateedamerã ãchi temaa.
11 Aù norema p'ãrik'ua Tachi Waibùa Jesús Pablo ik'aawa bainâ ba cheji mãik'aapa mãgaji:
—¡Waaweenáaji! Mùa ooda eperãarã k'aripait'ee pùa jarateedak'a Jerusalende, jãgá ichiaba jarait'ee Roma p'uurude.
Judiorãpa pedeeteedap'edaa Pablo peet'aadait'ee
12 Aù norema judiorã ûk'uruurãpa pedeeteejida Pablo peet'aadait'ee. Mãgùùrãpa Tachi Ak'õre k'îrapite nek'oda–eda ajida, Pablo peet'aarutamaa. 13 Mãgà pedeeteedap'edaarã cuarenta ùmùk'îraarã audú paji. 14 Ãchi wãjida p'aareerã poroorãmaa mãik'aapa judiorã poro waibùarãmaa mãik'aapa mãgajida:
—Taipa Tachi Ak'õre k'îrapite juraajida nek'oda–e pait'ee Pablo peeda–emãi. 15 Ârá parãpa mãik'aapa awaraa Junta Supremadepemaarãpa jara pïitù soldaorã poro waibùamaa nu Pablo aneedamerã, seewata parãpa pipùara k'awa k'inia p'anadairã k'ãare k'achiata oo bù irua. Ma aneerutade taipa ode peet'aadayada ajida.
16 Mamîda Pablo âpewêra warrapa k'awaak'ãri mãga pedeeteeruta, wãji soldaorã temaa jarat'aade Pablomaa. 17 Maap'eda Pablopa soldaorã poro t'âji mãik'aapa mãgaji:
—Atéeji nãgà warra pùchi poro waibùamaa, ne–inaa jara k'inia bairã.
18 Mapa ma soldaorã poropa ateeji ichi poro waibùamaa mãik'aapa mãgaji:
—Pablo preso bùpa mù t'âji na warra pùmaa aneemerã ne–inaa jara k'inia bairã.
19 Chi soldaorã poro waibùapa warra juade jita atap'eda, ãyaa ateeji mãik'aapa iidiji:
—¿K'ãata mùmaa jara k'inia bùma? aji.
20 Mãpai ma warrapa mãgaji:
—Judiorãpa pedeeteejida pùmaa iididait'ee Pablo nu ateemerã Junta Suprema k'îrapite, pipùara k'awaadait'ee iru nepùra. 21 Mamîda ijãanaapáde aji, ùmùk'îraarã cuarenta audú ot'ewa p'anadait'ee perã. Ma awara ãchia Tachi Ak'õre k'îrapite juraajida nek'oda–e pait'ee Pablo peet'aarutamaa. Mapa taarã–e mãga iidi chedait'ee, pùa Pablo ãchimaa ateepimerã.
22 Mãpai soldaorã poro waibùapa mãgaji:
—K'îrak'aupai chîaramaa jarai pùa mùmaa nepùrù cheda.
Maap'eda ma warra pëiji ichi temaa.
Pablo Romadepema poro Félix k'îrapite pëida
23 Aramata soldaorã poro waibùapa t'â p'eji soldaorã poro omé. Mãùrãmaa mãgaji:
—P'e atadapáde aji, doscientos soldaorã bùùrùpa wãdamerã, ma awara setenta caballo ârù wãdamerã, ma awara doscientos miasu ome, uchiadamerã p'ãrik'ua a las nueve. Wãdait'ee Cesarea p'uurudee. 24 Ichiaba Pablo–it'ee caballo anéetù aù ârù wãmerã. K'îra jîp'a ateedapáde aji, Roma jua ek'ari eujã ak'ùpari Felixmaa.
25 Ma soldaorã poro waibùapa ichiaba k'art'a p'ã tee pëiji. Made jara pëiji:
26 “Claudio Lisiapa nãga p'ãru Felixmaa.
Mùa salude pëiru pùmaa. Pù Roma jua ek'ari eujã ak'ùpari pipùara bù. Mapa na nepùra mùa jara k'inia bù pùmaa.
27 Na eperã mùa pëiru pùmaa judiorãpa jita atajida mãik'aapa perá peet'aajida. Mamîda mùa k'awaak'ãri iru Romadepema, mùchi soldaorã ome wãdap'eda, ãra juadeepa k'aripa ataji. 28 Mùa k'awa k'inia baji k'ãare–it'eeta ãrapa iru ùmùatee p'anajida. Mapa iru ateeji judiorã nepùra ak'ùpataarã k'îrapite. 29 Mamîda mama bùde k'awaaji na eperã ne–inaa k'achia oo–e bù. Jîp'a ãra chonaarãwedapema ley p'ãdade jara p'anajida. Pedee k'achia jarajida iru ãpùte. Mamîda irua ne–inaa k'achia oo–e bada perã, mùa k'awaji iru peepiik'araa bù, ma awara carcelde pida baik'araa bù. 30 Aù t'êepai mùa k'awaaji judiorãpa pedeeteedap'edaa iru peet'aadait'ee. Mapa pùmaa pëiru. Jara pëiji iru ùmùatee p'anadap'edaarãmaa pù k'îrapite wãdamerã ãchi nepùra jarade.
Mãgapai paji.”
31 Mãpai ma soldaorãpa Pablo p'ãrik'ua ateejida Antípatris p'uurudee ãchi poro waibùapa jaradak'a. 32 Aù norema soldaorã bùùrùpa wãdap'edaarã chejida ãchi temaa. Jõdee chi caballo ârù wãdap'edaarã wãjida Pablo ome. 33 Cesarea p'uurude panadak'ãri, ma Roma jua ek'ari eujã ak'ùpari Felixmaa ma k'art'a teejida, ichiaba Pablo teenajida. 34 Felixpa k'art'a leep'eda, iidiji Pablomaa sãmapema mãik'aapa k'awaak'ãri Cilicia eujãdepema, 35 mãgaji:
—Pù pedee ûriyada aji, pù ùmùateepataarã chedak'ãri.
Maap'eda preso jâapataarãmaa jaraji jâa paraa bùdamerã Rey Herodepa oopida palaciode.