Jesupa jarada ichi Tachi Ak'õre ok'a bù
14
1 —K'îsia paraa p'ananáatù. Ma k'ãyaara ijãapatáatù Tachi Ak'õrede mãik'aapa mùde. 2 Mù Ak'õre eujãde te chok'ara paraada aji, ichideerã–it'ee. Mãga–e pada paara, mùa jarak'aji. Parã naa wãit'ee te pi–ia oode parã–it'ee. 3 Ma t'êepai mù waya cheit'ee parã atade, mù ome p'ananadamerã mù baparimaa. Mãgá parã ichita p'anapataadait'ee mù ome. 4 Mù wãrumaa parãpa k'awa p'anùda aji, chi o k'awa p'anadairã.5 Mãpai Tomapa mãgaji Jesumaa:
—Tachi Waibùa, k'awada–e p'anùda aji, pù sãmaa wãru. ¿Sãga chi o k'awadayama? aji.
6 Jesupa p'anauji:
—Mùta Tachi Ak'õre truadee wãpari @ok'a bù. Mùata Tachi Ak'õre @wãarata jarapari. Mùata eperãarã chok'ai p'anapipari ichita Tachi Ak'õre ome p'anapataadamerã. Mù awara apidaapa eperãarã wãpida–e pai Tachi Ak'õremaa. Mapa mùdepai ijãadak'ãri, mù Ak'õremaa wãdait'ee. 7 Parãpa wãara mù k'awada paara, ichiaba mù Ak'õre k'awak'ajida. Wãara, âraweda iru k'awadait'ee, iru unupata perã.
8 Mãpai Felipepa mãgaji:
—Tachi Waibùa, Ak'õre Waibùa k'îra taimaa ak'ùpipáde aji. Mãgapaita k'inia p'anùda aji.
9 Jesupa p'anauji:
—Felipe, mù taarã nipapari parã ome. Mãga bùta, ¿waide mù k'awa–e bùk'ã? aji. Chi mù unuparipa ichiaba Ak'õre Waibùa unupari. ¿Sãga pùa “Ak'õre Waibùa k'îra ak'ùpipáde” ayama? aji. 10 ¿Ijãa–e bùk'ã aji mù, Ak'õre Waibùa ome araa bapari? Mù araa bapari iru Jaure ome; jõdee iru araa bapari mù k'ap'ùa ome. Mùa jaramaa bù mùchi k'îsiadoopa jara–e bùda aji. Mù Ak'õrépata mãga jarapi bù. Ma awara mùa ne–inaa oo bù ook'aa mùchi juadoopa. Mù Ak'õrépata mãga oopi bù, mù ome bapari perã. 11 Ijåatù mùa jarak'ãri mù, Ak'õre Waibùa ome araa bapari. Maa–e pùrã ijåatù mùa ne–inaa ooda k'aurepapai, oopari perã ne–inaa eperãarãpa p'oyaa oodak'aa ãchi juadoopa. 12 Mùa wãarata jararu. Chi mùde wãara ijãa bùpa auk'a ooyada aji, mùa ne–inaa oo bùk'a. Ma awara ne–inaa pi–iara ooyada aji, mù wãit'ee perã mù Ak'õre bùmaa. 13 Mùa oopariit'ee jõmaweda parãpa ùt'aa iidiruta mù t'âde mùchideerã perã. Mãgá iru Warra k'aurepa jõmaarãpa unudai Tachi Ak'õre jõmaarã k'ãyaara waibùara bù. 14 Parã mùchideerã perã, mù t'âde ùt'aa iididak'ãri, mùa nejõmaata oopariit'eeda aji, parãpa iidi p'anùk'a.
Jesupa jarada ichia Tachi Ak'õre Jaure pëiit'ee ichideerãmaa
15 —Parãpa mù k'inia iru p'anù pùrã, oopataadait'eeda aji, mù ûraade jara bùk'a. 16 Mãpai mùa chupùria iidiit'ee mù Ak'õremaa, irua awaraa K'aripapari pëimerã mù pari, mãgà ichita parã ome bapariimerã. 17 Mãgà Tachi Ak'õre Jaure. Ichia wãara aupaita jarateepari. Ijãadak'aa beerã ome iru ba che–e, iru unuda–e p'anadairã mãik'aapa k'awada–e p'anadairã. Mamîda paråpata iru k'awa p'anù, parã ome bapari perã mãik'aapa parã t'ãride bapariit'ee perã.
18 +Mùa parã chupùria atabëi–eda aji. Waya cheit'ee. 19 Taarã–e na p'ek'au eujãdepemaarãpa mù waa unuda–e pait'ee. Mamîda paråpata mù unudait'ee. Mù ichita chok'ai bapari perã, parã jida auk'a ichita chok'ai p'anapataadait'ee. 20 Maapai parãpa wãara k'awaadait'ee mù, Tachi Ak'õre Waibùa ome araa bapari mãik'aapa parã mù ome ichiaba araa p'anapataadait'ee, t'ãri a–ba. 21 Chi mù ûraa ûri bùpa mãik'aapa oo bùpa ma ûraade jara bùk'a wãara mù k'inia iru bù. Mù Ak'õrepa mãgà eperã ichiaba k'inia iru bapariit'ee. Ma awara mùa pida iru k'inia iru bapariit'ee mãik'aapa irumaa unupiit'ee.
22 Mãpai Judas, chi Simón Iscariote warra–ee badapa iidiji:
—Tachi Waibùa, ¿sãap'eda pùa taimaa unupiit'eema aji, mamîda ijãadak'aa beerãmaa unupi–e pait'ee?
23 Jesupa p'anauji:
—Eperãpa mù k'inia iru bù pùrã, mù ûraade jara bùk'a oopariit'eeda aji. Mù Ak'õrepa mãgà eperã k'inia iru bapariit'ee mãik'aapa mù Ak'õre mù ome chedait'ee iru ome p'anapataade. 24 Jõdee chi mù k'inia–e bùpa oo k'inia–e bù mù ûraade jara bùk'a. Na pedee parãpa ûri p'anù mëre–eda aji; mù Ak'õrede. Iruata mù pëiji.
25 +Mùa na ûraa jara bùda aji, parã ome bù misa. 26 Mamîda mù uchiada t'êepai, Ak'õre Waibùapa pëiit'ee awaraa K'aripapari mù pari; mãgà iru Jaure. Mãgùpa ne–inaa jõmaata jarateeit'ee parãpa oodamerã mùa oopi bùk'a. Ma awara irua k'aripait'ee mùa jarada jõmaweda k'irãpadamerã.
27 +Mù wãi naaweda, parã t'ãri k'ãiwee bapi k'inia bù. T'ãri k'ãiwee p'anapatáatù. Mùa arak'atùapai k'ãiwee p'anapi–e, na p'ek'au eujãdepemaarãpa oopatak'a. Mapa t'ãri p'ua p'ananáatù mãik'aapa p'eranáatù. 28 Parãpa ûrijida mùa jarak'ãri: “Mù wãit'ee, maap'eda waya cheit'ee.” Parãpa wãara mù k'inia iru p'anadap'edaa paara, t'ãri o–îa p'anak'ajida mùa nãga jarak'ãri. O–îa p'anadaipia bù mù wãru perã Ak'õre Waibùamaa; mù k'ãyaara waibùara bùmaa. 29 Ma jõma p'asai naaweda, mùa mãga jaraji, p'asak'ãri, parãpa mù pedee ijãadamerã.
30 +Waa mak'ùara pedee–e pait'ee parã ome, Satanás, na p'ek'au eujãdepemaarã poro waibùa, cheru perã. Ichia mù p'oyaa chok'ak'aa. 31 Mamîda na p'ek'au eujãdepemaarãpa k'awaadamerã mùa Ak'õre Waibùa k'inia iru bapari, ooit'ee irua jara bùk'a.
+P'irabaidapáde aji. Ãyaa wãdáma namãik'aapa.