Jesús Nicodemo ome
3
1 Bapachi fariseo t'âjarapatap'edaa Nicodemo. Judiorã poro waibùarãdepema paji. 2 P'ãrik'ua mãgà eperã Jesumaa p'asiade wãji mãik'aapa mãgaji:—Tachi Jarateepari, k'awa p'anùda aji, Tachi Ak'õrépata pù pëida taimaa jarateede. Pùa p'oyaa oo–e pak'ajida aji, nãgee ne–inaa pia pùa ooparik'a, Tachi Ak'õre pù ome ba–e pada paara.
3 Jesupa mãgaji:
—Mùa wãarata jararu. Eperã waya t'o–e pùrã, p'oyaa ba–e Tachi Ak'õre jua ek'ari ichideerã ome.
4 Mãpai Nicodemopa iidiji:
—Mamîda ¿sãga waya t'oyama aji, eperã chona bùta? ¡P'oyaa t'îuk'aa chi nawe bide waya t'oit'ee!
5 Jesupa p'anauji:
—Mùa wãarata jararu. Eperã paniapa t'o–e pùrã mãik'aapa Tachi Ak'õre Jaurepa t'opi–e pùrã, p'oyaa ba–e pai Ak'õre jua ek'ari ichideerã ome. 6 Eperãdeepa uchiapari eperã. Mamîda Tachi Ak'õre Jauredeepa uchiapari Tachi Ak'õredeerã. 7 P'era pùk'a banáaji mùa jarada perã eperãarã waya t'odaipia bù. 8 Nãu p'uapari chi p'ua k'iniamaa. Pùa ma nãu ûriru mîda, k'awak'aa sãmãik'aapa cheru wa sãmaa wã. Mãga pùk'a bù ichiaba eperã Tachi Ak'õre Jaurepa t'opida.
9 Mãpai Nicodemopa waya iidiji:
—Mamîda ¿sãgá mãga payama? aji.
10 Jesupa p'anauji:
—Pù Israeldeepa uchiadap'edaarã jarateepari. ¿K'awa–e bùk'ã aji, mùa jara bù? 11 Mùa wãarata jararu. Taipa jarapata ne–inaa k'awa p'anù mãik'aapa unudap'edaa. Mamîda parãpa ijãadak'aa taipa jarapata. 12 Parãpa ijãada–e p'anù pùrã mùa na eujãdepema ne–inaa jarak'ãri, ¿sãga ijãadayama aji, mùa ùt'aripema ne–inaa jarak'ãri?
13 +Apida Ak'õre eujãdee wãda–e p'anù. Jõdee aba, chi Eperã Ak'õre Truadepema, Ak'õre eujãdeepa cheji. 14 Moisés eujã pania wêe bùde israelitaarã ome nipak'ãri, taama broncedee ooda pak'urude jiraji eperãarãpa mãgà ak'ùdamerã. Mãgá piuda–e paji. Mãga pùk'a ichiaba chi Eperã Ak'õre Truadepema pak'urude ichita jiradait'ee 15 eperãarãpa iru ak'ùdamerã. Mãgá jõmaarãpa irude ijãapata ichita iru ome ùt'ari p'anapataadait'ee.
Tachi Ak'õrepa eperãarã jõmaweda k'inia iru bapari
16 —Tachi Ak'õrepa na p'ek'au eujãdepemaarã audú k'inia iru bada perã, ichi warra apai iru bada pëiji piumerã eperãarã pari. Eperãpa iru Warrade @ijãa bù pùrã, atua–e. Jai–idaak'ãri, Ak'õre eujãde banait'ee. 17 Tachi Ak'õrepa ichi Warra pëi–e paji na p'ek'au eujãdepemaarã atuapiit'ee. Jîp'a pëiji eperãarã o @k'achiade wãdap'edaadeepa k'aripa atade atuanaadamerã.
18 +Mapa Tachi Ak'õrepa atuapi–e ichi Warrade @ijãa bù. Mamîda @atuapiit'ee chi ijãa–ee bù, mãgùpa ijãak'aa perã Tachi Ak'õre Warra apai iru badade. 19 Chi âdaa pùk'a bù cheji na p'ek'au eujãdee. Mamîda eperãarã ûk'uruurãpa ma âdaa pùk'a bù k'iniadak'aa paji, p'ãriu pùk'a bùde p'anee k'inia p'anadap'edaa perã ne–inaa k'achia oodait'ee. 20 Chi k'achia ooyaa beerãpa ma âdaa pùk'a bù unuamaa iru p'anapata. Iru k'awa k'iniadak'aa. Mãga p'anù k'iniadak'aa perã irua unupimerã ãchia ne–inaa k'achia oopata. 21 Jõdee chi oopataarãpa Tachi Ak'õrepa wãarata jara pëidak'a, ma âdaa pùk'a bù k'awa k'inia p'anapata. Mãga p'anapata jõmaarãmaa k'awapi k'inia p'anadairã ãchia ne–inaa pia oo p'anù Tachi Ak'õrepa oopiparik'a.
Juan Bautistapa waya Jesudé jarada
22 Ma t'êepai, Jesús chi k'õp'ãyoorã ome wãjida Judea eujãdee. Mama taarãji ãchi ome, ãchia eperãarã poro choodamerã. 23 Juanpa ichiaba eperãarã poro choomaa baji Enonde, Salín k'ait'a, mama paniara paraada perã. Mama eperãarã chepachida poro choopidait'ee. 24 (Mãga paji Herodepa Juan carcelde t'ùpit'aai naaweda.)
25 Ewari aba Juan k'õp'ãyoorã aupedeemaa p'aneejida awaraa judío ome, eperãarã poro choopata k'ap'ùa. 26 Juanmaa chejida mãik'aapa mãgajida:
—Tachi Jarateepari, ma eperã pù ome bada Jordán to k'îraik'a eere mãik'aapa pùa taimaa jarada, mãgùpa eperãarã poro choomaa bùda ajida. Ma awara jõmaarãta irumaa wã p'anù poro choopide.
27 Mãpai Juanpa p'anauji:
—Apidaapa mãgee ne–inaa ooda–e pak'ajida aji, Tachi Ak'õrepa oopi–e pada paara. 28 Pãchia pia ûrijida mùa jarak'ãri mù Tachi Ak'õrepa pëida–e eperãarã rey pamerã. Iru pëi naaweda, Tachi Ak'õrepa mù pëiji. 29 K'îsiadáma nãgùde. Miak'ãidak'ãri, wêra chi ùmùk'îra wêra paru. Mamîda ma ùmùk'îra k'õp'ãyo k'ait'a bainâ beepari mãik'aapa o–îadaipari ûrik'ãri ma ùmùk'îrapa jararu chi wêramaa. Mãga pùk'a mù ma poro choomaa bù k'õp'ãyok'a bù. Maperãpù mù o–îa bù. 30 Iru mù k'ãyaara waibùara pait'ee eperãarã k'îrapite. Jõdee mù iru ek'ariara pait'ee.
Juan Bautistapa eperã ùt'ariipa chedade jarada
31 —Eperã ùt'ariipa cheda jõmaarã k'ãyaara waibùara bù. Eperã na p'ek'au eujãdepema na eujãde bapari perã, ichita jarapari na eujãdepema ne–inaa. Jõdee chi ùt'ariipa cheda jõmaarã k'ãyaara waibùara bù. 32 Irua jarapari ichia unuda mãik'aapa ûrida ùt'ari, apidaapa ijãa k'iniada–e p'anù pùjida irua jara bù. 33 Mamîda eperãpa irua jara bù ijãak'ãri, k'awa bù Tachi Ak'õrepa ichita wãarata jarapari. 34 Tachi Ak'õrepa pëidapa jarapari Tachi Ak'õre pedee, Ak'õrepa ichi Jaure pëipari perã iru ome bapariimerã. 35 Tachi Ak'õrepa ichi Warra k'inia iru bapari. Ne–inaa jõmaweda iru jua ek'ari bùji irua ak'ùmerã. 36 Eperãpa iru Warrade wãara ijãak'ãri, ichita bapariit'ee Tachi Ak'õre ome. Mamîda eperãpa iru Warrade ijãa k'inia–e bù pùrã, Ak'õre trua unu–e pait'ee. Tachi Ak'õre ichita k'îrau bait'eeda aji, mãgà eperã ome.