Jesús Zaqueo ome
19
1 Jesús Jericó p'uurude panak'ãri, nipaji calle jãde. 2 Mama bapachi eperã p'arat'ara bù, t'âjarapatap'edaa Zaqueo. Mãgà Cesar–it'ee impuesto p'epataarã poro waibùa paji. 3 Ma eperãpa Jesús k'awa k'inia baji. Mamîda p'oyaa unuk'aa paji, eperãarã audú chok'ara nipadap'edaa perã iru ome. Ma awara ichi audú jep'eda baji. 4 Mapa Jesús naa p'iraji mãik'aapa ùt'à padachi pak'uru o bi ik'aawa badade Jesús wãyaait'eemãi. 5 Mãpai Jesús Zaqueo badamãi wãyaa wãk'ãri, ùt'aa ak'ùji mãik'aapa mãgaji:—Zaqueo, isapai ùrabáiji jãmãik'aapa, idi mù pù tede beeit'ee perã.
6 Aramãgá Zaqueo ùrabaidachi mãik'aapa t'ãri o–îa Jesús ateeji ichi temaa. 7 Mãga unudak'ãri, arii p'anadap'edaarã jõmaarãpa ik'achia pedee p'aneejida Jesús ãpùte, iru wãda perã p'ek'au k'achia ooyaa bùda apata tede. 8 T'êepai teeda p'anadak'ãri, Zaqueo bainâ beeji mãik'aapa mãgaji:
—Tachi Waibùa, mùa net'aa p'e iru bùdepema esa–auk'a chupùria beerãmaa teeit'eeda aji. Ichiaba chîara p'arat'a chùadoo pùrã, ma chùada aba chaachaa pari k'îmari teeit'eeda aji.
9 Mãpai Jesupa mãgaji:
—Idi Tachi Ak'õrepa na te chipari k'aripa ataji iru o k'achiade wãdadeepa, auk'a Tachi Ak'õrede ijãapari perã, ichi chonaarãwedapema ak'õchona Abrahampa ijãadak'a. 10 Ma–it'eepù mù, chi Eperã Ak'õre Truadepema cheji; atua beerã jùrùit'ee mãik'aapa o k'achiadeepa k'aripa atait'ee.
Jesupa p'arat'adé nepùrùda
(Mateo 25.14-30)
11 Eperãarãpa ûrimaa p'anajida Jesupa mãga jarak'ãri. Jerusalén k'ait'a bada perã, ãchia k'îsiajida taarã–ee Tachi Ak'õrepa iru rey papiit'ee. Mapa Jesupa nãga nepùrùji jarateeit'ee.
12 —P'arat'ara beerãdepema aba bapachi. Mãgà t'ùmà wãji awaraa eujãdee, Cesarpa ichi rey bùmerã mãik'aapa t'êepai ichi ãpùtee chemerã ichi eujã ak'ùde. 13 Mamîda wãi naaweda, t'â p'eji ichi mimiapataarã diez mãik'aapa p'arat'a waibùaa teeji ãchi chaachaa. Mãpai mãgaji: “Na p'arat'apa net'aa neto p'e atátù mãik'aapa netótù awaraarãmaa waapùara eepadamerã, mù cheru misa.” 14 Mamîda ichi eujãdepemaarãpa iru k'îra unuamaa iru p'anapachida. Mapa iru t'êe eperãarã pëijida jaradamerã: “K'iniada–e jã eperã tai rey pamerã.”
15 +Mãga jara pëijida mîda, Cesarpa iru rey bùji. Ma t'êepai waya cheji ichi eujãdee. Pachek'ãri, t'â pëiji ichi mimiapataarã, mãgà p'arat'a teedaarãmaa, k'awaa k'inia bada perã jõmasaa eepa iru p'anù ãchi chaachaa. 16 Chi naa chedapa mãgaji: “Señor, pùa p'arat'a teeda mùmaa, ma p'arat'a tau chaa waa diez eepa wãjida” aji. 17 Reypa mãgaji: “¡Pù pia bùda aji, pia mimiapari perã! Mùa atabëida pia ak'ùji mãik'aapa aù ârù waapùara uchiapiji. Mãga ooda perã ârá mùa pù eperãarã poro waibùa papiit'ee p'uuru diez ak'ùpariimerã.” 18 Araarepema mimiaparipa ichiaba jara cheji: “Señor, pùa p'arat'a teeda mùmaa, ma p'arat'a tau chaa waa joisomaa eepa wãjida” aji. 19 Ichiaba mãgùmaa reypa mãgaji: “Mãgara pùa p'uuru joisomaa ak'ùpariit'eeda” aji.
20 +Mamîda awaraa mimiapari chedapa mãgaji: “Señor, acha bùda aji, pùa p'arat'a mùmaa teeda. P'arude pia jâ bùp'eda, ùa iru bajida aji. 21 Mùa pù waawee bapari, k'awa bairã pùa eperãarã pia chupùria k'awak'aa. K'awa bù pùchia ne–inaa jõma p'e atapari awaraarã mimiadap'edaa pari.” 22 Mãpai ma reypa mãgaji: “¡Mimiapari k'achia! Pùa jaradak'a ooit'eeda aji, pù ome. K'awa bùda a bù, mùa pia chupùria k'awak'aa mãik'aapa mùa ne–inaa jõma p'e atapari awaraarã mimiadap'edaa pari. 23 Mãgara ¿sãap'eda pùa mù p'arat'a ùana–e pajima aji, p'arat'a ùapata tede, mù chek'ãri, mãpemaarãpa mùmaa waya teedamerã aù ârù eepadap'edaa ome?” 24 Mãpai ma reypa mãgaji arii p'anadap'edaarãmaa: “Jãri atátù mùa p'arat'a teeda irumaa mãik'aapa téetù ma p'arat'a tau chaa waa diez eepadamaa.” 25 Mãpai ãchia mãgajida: “Mamîda tachi poro waibùa, ¡irua ma tau chaa waa diez eepada iru bùda!” ajida. 26 Mãpai ma reypa mãgaji: “Mùa jara bù: Chi iru bùmaa waapùara teeit'ee. Mamîda chi mak'ùara wêe bùpa ma–ãri iru bù paara jãri atait'eeda aji. 27 Ma awara jùrùnátù mù k'iniada–ee p'anadap'edaarã ãchi rey pamerã. Anéetù mù k'îrapite mãik'aapa peek'óotù.”
Jesús Jerusalén p'uurudee wãda
(Mateo 21.1-11; Marcos 11.1-11; Juan 12.12-19)
28 Ma pedee jara aupap'eda, Jesús wãji Jerusalén ode. 29 Olivo Eede, Betfagé mãik'aapa Betania p'uuru k'ait'a panadak'ãri, chi k'õp'ãyoorã omé naa pëiji. 30 Ãramaa mãgaji:
—Wåtù ara bù p'uuru tachi k'îrapite bùmaa. Panadak'ãri, ununadait'ee burro jâ bainâ bù, waide apida batauda–e p'anù iru ârù. Êra atátù mãik'aapa anéetù. 31 Apidaapa iidiruta pùrã k'ãare–it'ee êramaa p'anù, jarátù: “Tachi Waibùapa arak'atùa atee k'inia bù.”
32 Mãpai Jesús k'õp'ãyoorã wãjida mãik'aapa ununajida jõma irua jaradak'a. 33 Ma burro êramaa p'anù misa, chipariirãpa iidijida:
—¿K'ãare–it'ee êramaa p'anùma? ajida.
34 P'anaujida:
—Tachi Waibùapa arak'atùa atee k'inia bùda ajida.
35 Mãpai ma burro Jesumaa ateedap'eda, ãchi ârùpema p'aru jâpatap'edaa ata bùjida aù ârù mãik'aapa bataupijida. 36 Wãruta misa, eperãarãpa ãchi ârùpema p'aru t'õ jêra bùjida o jãde, ãchi rey pai jîak'aapa. 37 Mãpai Olivo Eedeepa ùrabaipata o k'ait'a pa wãdak'ãri, jõmaweda iru ome nipapataarã o–îapa biuk'a para beeji, taarã–ee ãchi rey pai jîak'aapa. O–îapa Tachi Ak'õremaa pedee pia pedeepachida, ãchia unudap'edaa perã Jesupa oo bù; ne–inaa eperãarãpa p'oyaa oodak'aa ãchi juadoopa. 38 Mãgapachida:
—‘¡K'îra wãree Ak'õre eujãde, Tachi K'aripapari reyk'a cheru perã! ¡Ârá Tachi Ak'õre k'ãiwee bapariit'ee ichi eperãarã ome! ¡Iru jõmaarã k'ãyaara waibùara bù!’(Salmos 118.26)
39 Mãpai ûk'uru fariseorã ma eperãarã t'ãide p'anadap'edaarãpa Jesumaa mãgajida:
—Tachi Jarateepari, pù ome nipapataarã ùtrùapáde ajida, mãga jaranaadamerã.
40 Mamîda Jesupa p'anauji:
—Na eperãarã k'îup'ee p'aneeruta pùrã, mãu paara mãga biadait'eeda aji.
Jesús Jerusalen–it'ee jêeda
—¡Pùdepemaarãpa mùde ijãadap'edaa paara, idiweda mùa parã k'ãiwee p'aneepik'aji! Mamîda mãga k'awada–e p'anadairã, parã–it'ee merã pùk'a bù. Mapa p'oyaa unuda–e Tachi Ak'õrepa oo bù. 43 Jerusalén, ewari cherude pùmaa ne–inaa k'achia p'asait'ee. Pù k'îra unuamaa iru p'anapataarãpa muralla yoorodee oodait'ee pù ik'aawa. Pù wap'ùra atadait'ee mãik'aapa ma muralladeepa pù k'idaa chaa wawadait'ee. 44 Pù muralla jõma t'eet'aadait'ee, edajãdepema te jêra bù paara. Aùde p'anùùrã chok'ara peedait'ee. Mãu apida bee–e pait'ee awaraa mãu ârù, pùdepemaarãpa ûridaamaa p'anadap'edaa perã mùa parã k'aripa chek'ãri.
Jesupa ne–inaa netopataarã jërek'ooda Tachi Ak'õre tedeepa
(Mateo 21.12-17; Marcos 11.15-19; Juan 2.13-22)
45 Jerusalén p'uurude panadak'ãri, Jesús Tachi Ak'õre tede t'îuji mãik'aapa jëremaa beeji aùde ne–inaa netomaa p'anadap'edaarã. 46 Mãgaji:
—Tachi Ak'õre Ûraa p'ã jêra bùde jara bù:
‘Mù te ùt'aa t'âpata teda apatadait'ee.’ (Isaías 56.7)
‘Mamîda parãpa nechùapataarã ték'ata oo iru p'anù.’ (Jeremías 7.11)