SAN MARCOS
San Marcopa Pedee Pia P'ãda
Marcos, ichiaba t'âjarapatap'edaa Juan Marcos. Mãgùpa na pedee pia p'ãji. Ichiaba judío paji. Tachi Ak'õre Ûraa p'ãda k'awaa beerãpa jara p'anù Marcopa Jesús bapata k'awaaji Jesupa jùrùt'erada, Simón Pedro ome.
Na pedee pia p'ãdade Marcopa audú jara bù Jesupa ne–inaa ooda na p'ek'au eujãde bù misa. K'awapi k'inia baji Jesús jõmaarã k'ãyaara waibùara bù. Mãga ak'ùpiji, jarak'ãri Jesupa Tachi Ak'õre Ûraa p'ãda iru bada ichi jua ek'ari; netuaraarã p'oyaada mãik'aapa eperãarãpa p'ek'au k'achia oopata wêpapida. Ichiaba na p'ãdade Marcopa Jesús audú t'âjara bù “Eperã Ak'õre Truadepema” mãik'aapa “Tachi Ak'õre Warra”.
Naapùara Marcopa jara bù Juan Bautistapa jarateeda eujã pania wêe bùde (cap. 1.1-8); irua Jesús poro chooda (cap. 1.9-11) mãik'aapa Jesús unuda netuara ome eujã pania wêe bùde (cap. 1.12-13).
Mateopa oodak'a ma eere ichiaba jara bù Jesús nipapata Galilea eujãde jarateede; chi k'õp'ãyoorã jùrùt'erada mãik'aapa Capernaum p'uurude ne–inaa ooda maap'eda jarateeda, Galilea eujãde bù misa (caps. 1.14--6.29).
Ma eere jara bù Jesús jaratee nipapata awaraa eujãde (caps. 6.30--9.50); irua ooda mãik'aapa jarateeda Judea eujãde mãik'aapa Perea eujãde (cap. 10.1-52); iru wãda Jerusalendee mãik'aapa irua mama ooda (caps. 11.1--12.44); irua jarateeda Tachi Ak'õre ewari waibùa ewatede (cap. 13) mãik'aapa k'era weeda iru bùùrù ârù (cap. 14.1-11).
Ma eere jara bù Jesupa ûraa t'êe jarada, iru peet'aadap'edaa mãik'aapa chok'ai p'irabaida (caps. 14.12--16.20).