Jesús chok'ai p'irabaida
(Marcos 16.1-8; Lucas 24.1-12; Juan 20.1-10)
28
1 Âipata ewate wãyaap'eda, tomia ewate ta–p'edaweda María Magdalena awaraa María ome wãjida Jesús k'ap'ùa ùadap'edaamaa iru ak'ùde. 2 Mãga nùde eujã wëre nâbeeji, ùt'ariipa ángel ma eujãdee cheda perã. Mãgùpa Jesús ùa bada mãu te uria t'aidepema mãu choma jâa bada ãyaa atap'eda, aù ârù su–ak'ù beeji. 3 Ma ángel âdaa ak'ù baji, pa tau êe–êeparik'a. Chi p'aru audú t'o–t'oo baji nievek'a. 4 Soldaorãpa mãgà unudak'ãri, k'ap'ùa wëree para beeji p'era jõnùpa mãik'aapa piudak'a baip'aneejida eujãde.5 Mãga nùde angelpa mãgaji ma wêraarãmaa:
—Waaweenáatù. Mùa k'awa bù parãpa jùrùmaa p'anù Jesús, chi kurusode baijira bùdap'edaa. 6 Iru nama wê–e. Chok'ai p'irabaiji ichia jaradak'a. Pùchá, ak'ù chétù iru ùadap'edaamãi. 7 Maap'eda, isapai wåtù mãik'aapa chi k'õp'ãyoorãmaa jaranátù: “¡Chok'ai p'irabaijipù! Parã naa iru wãit'ee Galilea eujãdee. Mama iru unudait'ee.” Mata mùa parãmaa jara chejida aji.
8 Aramata Jesús k'ap'ùa ùadap'edaamãiipa ma wêraarã isapai wãjida chi k'õp'ãyoorãmaa jarade. Mamãik'aapa ãchobee, ma awara t'ãri o–îa p'ira wãjida. 9 Mãgá wãdade Jesús ãchi k'îrapite uchiaji mãik'aapa ãchimaa saludaaji. Aramata ma wêraarãpa Jesumaa orradachida. Maap'eda iru bùùrù wëre atajida mãik'aapa irumaa ùt'aa t'âjida. 10 Mãpai Jesupa mãgaji:
—Waaweenáatù. Wåtù jarade mù k'õp'ãyoorãmaa Galileadee wãdamerã. Mama mù unudayada aji.
Soldaorãpa nepùrùdap'edaa
11 Ma wêraarã wãruta misa, ma jâamaa p'anadap'edaarã ûk'uru wãjida p'uurudee ãchi ome p'asada nepùrùde p'aareerã poroorãmaa. 12 Mãùrã wãjida pedeeteede judiorã poro waibùarã ome. Maap'eda soldaorãmaa p'arat'a waibùa p'aajida mãik'aapa 13 mãgajida:
—Jarátù parã k'ãi jõnù misa, Jesús k'õp'ãyoorã chedap'eda, iru k'ap'ùa chùa atadachida. 14 Pilatopa ma p'asada k'awaa ataru pùrã, taipa pedeedait'ee parã k'ap'ùa. Mãgá parã k'aripa atadayada ajida.
15 Soldaorãpa ma p'arat'a jitadap'eda, oojida mãùrãpa jaradap'edaak'a. Ma seewa at'ãri jarapata judiorã t'ãide.
Jesupa chi k'õp'ãyoorãmaa jarada
(Marcos 16.14-18; Lucas 24.36-49; Juan 20.19-23)
16 T'êepai Jesús k'õp'ãyoorã once wãjida Galileadee. Panajida irua jarada eemãi. 17 Jesús unudak'ãri, irumaa t'ãri o–îa ùt'aa t'âjida. Mamîda ûk'uruurãpa at'ãri pia ijãada–e p'anajida iru wãara chok'ai p'irabaida. 18 Mãga nùde Jesús ãra k'ait'a cheji mãik'aapa mãgaji:
—Tachi Ak'õrepa jõmaweda ne–inaa ùt'ari nâbù, na p'ek'au eujãde nâbù bùji mù jua ek'ari. 19 Maperã wåtù na p'ek'au eujã eperãarã paraamaa, mùchi k'õp'ãyoorã papide. Ãra poro chóotù Tachi Ak'õre t'âde, ichi Warra t'âde mãik'aapa ichi Jaure t'âde. 20 Jaratéetù oodamerã mùa parãmaa jaradak'a. Mù parã ome bapariit'ee ewari chaa, na p'ek'au eujã jõrumaa.