SAN MARCOS
San Marcopa Pedee Pia P'ãda
Juan Bautistapa jarateeda eujã pania wêe bùde
(Mateo 3.1-12; Lucas 3.1-9, 15-17; Juan 1.19-28)
1
1 Mù, Marcopa p'ãru Jesucristode; iru Tachi Ak'õre Warra; Tachi Ak'õrepa eperãarãmaa pedee pia Jesucristode k'awapida.2 Chonaarãweda Tachi Ak'õre pedee jarapari Isaiapa p'ãji:
‘Tachi Ak'õrepa mãgaji ichi Warramaa: “Mùa eperã chok'a pëiit'ee pù naa o pia oonamerã pù, eperãarã poro waibùa, chei naaweda.” ’a(Malaquías 3.1)
3 ‘Eujã pania wêe bùde eperã bia bù: “O pi–ia oopatak'a poro waibùa chei naaweda, mãga pùk'a p'ek'au k'achia oo amáatù Tachi Waibùa chei naaweda.” ’ (Isaías 40.3)
4-6 Ewari aba Isaiapa p'ãdak'a p'asaji. Eperã t'âjarapatap'edaa Juan Bautistab cheji eujã pania wêe bùmaa. P'aru camello k'aradee k'ada jâpachi. Chi k'ùrrùde jâpari ne–edee ooda paji. K'opachi sisi mãik'aapa topachi jùrrù miéle. Judea eujãdepemaarã mãik'aapa Jerusalendepemaarã chok'ara wãpachida iru ûraa ûride. Irua jarateepachi Tachi Ak'õrede ijãadamerã mãik'aapa poro choopidamerã ak'ùpidait'ee ãchia p'ek'au k'achia oopata oodaamaa p'anù. Mãgá Tachi Ak'õrepa ãchia p'ek'au k'achia oopata wêpapii.
Mãga ûridak'ãri, eperãarãpa Tachi Ak'õremaa jara chejida ãchia p'ek'au k'achia oopatap'edaa. Mãpai Juanpa poro chooji Jordán to jãde.
7 Ichiaba jarateepachi:
—Eperã mù t'êe cheru. Mãgà waibùara bù mù k'ãyaara p'ek'au k'achia wêe bairã. Mapa âjaabaip'eda, iru chancla jida êraik'araa bù. 8 Mùa parã poro choopari paniapa, mamîda irua parã nãgá poro chooit'ee. Ak'õre Jaure ba chepiit'eeda aji, parã k'ap'ùade.
Jesús poro chooda
(Mateo 3.13-17; Lucas 3.21-22)
9 Maapai Jesús cheji Nazaretc p'uurudeepa. Ma p'uuru Galilea eujãde bù. Cheji Juanpa jaratee badamaa. Mãpai Juanpa Jesús poro chooji Jordán tode. 10 Jesús toiduupa uchiak'ãri, unuji pajã ewadaru mãik'aapa Tachi Ak'õre Jaure ichi ârù palomak'a baai cheru. 11 Mãpai ùt'ariipa Tachi Ak'õrepa jaraji:
—Pùda aji, mù Warra k'inia, mùa jùrùt'erada. Pùa mù t'ãri o–îapipari.
Netuara Poro Waibùapa Jesús k'achiade baaipiit'ee pada
(Mateo 4.1-11; Lucas 4.1-13)
12 Mãga bap'eda, Ak'õre Jaurepa Jesús wãpiji eujã pania wêe bùmaa. 13 Mama ne–animal k'achia paraamãi ituaba baji k'ãima cuarenta. Netuara Poro Waibùapa ne–inaa k'achia oopi k'inia baji, mamîda p'oyaa–e paji. Jesupa oo–e pak'ãri, angeleerã chejida iru k'aripade.
Jesupa jarateemaa beeda
(Mateo 4.12-17; Lucas 4.14-15)
14 Juan Bautista carcelde t'ù nâbùdap'eda, Jesús wãji Galilea eujãdee Tachi Ak'õre pedee pia jarateede. 15 Jarapachi:
—Idiweda eperãarãpa k'awaadait'ee Tachi Ak'õrepa eperãarã bù k'inia bù ichi jua ek'ari ichideerã p'aneedamerã. Mapa k'îsia p'ua bap'eda, p'ek'au k'achia oo amaadapáde aji, mãik'aapa ijãadapáde aji, iru pedee pia jara pëidade.
Jesupa to–ùapataarã k'îmari jùrùt'erada<R>ichi ome nipapataadamerã
(Mateo 4.18-22; Lucas 5.1-11)
16 Maap'eda Jesús Galilea Lago ide nide unuji Simón mãik'aapa chi âpema Andrés. To–ùapataarã paji. Mapa t'ùrù t'aamaa p'anajida. 17 Jesupa mãgaji:
—Mù ome nipapatáatù mãik'aapa óotù mùa ooparik'a. Idideepa eperãarã jùrùdait'ee Tachi Ak'õre–it'ee, to–ùapataarãpa chik'o jùrùpatak'a.
18 Aramata ãchi t'ùrù atabëijida mãik'aapa wãjida iru ome.
19 Ipu nok'ode unuji Santiago mãik'aapa chi âpema Juan. Zebedeo warrarã paji. T'ùrù pi–ia p'e bùmaa p'anajida barcode. 20 Jesupa ãra unuk'ãri, t'âji ichi ome auk'a nipapataadamerã. Aramata atabëijida ãchi mimia barcode ãchi ak'õre chi k'aripapataarã ome mãik'aapa wãjida Jesús ome.
Eperã k'ap'ùade netuara merãtùa bada
(Lucas 4.31-37)
21 Panajida Capernaum p'uurude. Mãgà p'uuru Galilea eujãde bù. Judiorã âipata ewate pada perã, Jesús wãji Ak'õre Ûraa jarateepata tedee. Mama jarateemaa beeji. 22 Jõmaarã taide jîp'a jarateeji Tachi Ak'õrepa jarateepidak'a. Moisepa p'ãda jarateepataarã k'ãyaara pipùara jarateeji. Mapa eperãarã ak'ùtrua para beeji. 23 Mama t'îuji eperã k'achia bù Tachi Ak'õre k'îrapite, netuara iru k'ap'ùade merãtùa bada perã. Ma netuarapa biaji:
24 —Jesús Nazaret p'uurudepema, ¿k'ãata oo chejima aji, taimaa? ¡Tai ichiak'au bàji! ¿Tai k'enat'aadeta cheruk'ã? aji. Mùa pù k'awa bù. Tachi Ak'õrepa pù pëiji. Mapa pùde p'ek'au k'achia wêe bùda aji.
25 Mãpai Jesupa ma netuara ùtrùat'aaji:
—¡K'îup'ee beepáde aji, mãik'aapa uchiapáde aji, na eperã k'ap'ùadeepa!
26 Mãpai ma netuarapa eperã wawat'aaji mãik'aapa golpe biap'eda, k'ap'ùadeepa uchiadachi. 27 Mãga unudak'ãri, jõmaweda ak'ùtrua para beeji mãik'aapa pedee para beeji ãchi pitapai:
—¿K'aima na eperã? ¡Eperã poro waibùak'a jaratee bù! Irua jarateeda waide ûridak'aa nama. ¡Ma awara netuaramaa pedeek'ãri, irua jararuk'a auk'a oo p'anùda! aji.
28 Mapa taarã–eweda Galilea eujãdepemaarãpa Jesús k'awaajida.
Jesupa Simón Pedro p'ãk'õre jùpada
(Mateo 8.14-15; Lucas 4.38-39)
29 Jesús, Santiagod Juan ome uchiadak'ãri Ak'õre Ûraa jarateepata tedeepa, wãjida Simón mãik'aapa Andrés temaa. 30 Simón p'ãk'õre k'ùamiapa p'arude baji. Mapa jaranajida Jesumaa. 31 Jesús irumaa wãji mãik'aapa juade jita atap'eda, p'irabai ataji. Aramata k'ùamia tuudachi. Mãpai chi k'ayaa badapa nek'opiji Jesumaa mãik'aapa chi k'õp'ãyoorãmaa.
Jesupa k'ayaa beerã chok'ara jùpada
(Mateo 8.16-17; Lucas 4.40-41)
32 K'eudaik'ãri, eperãarãpa k'ayaa beerã chok'ara aneejida Jesumaa. Ichiaba aneejida netuara k'ap'ùade merãtùa beerã. 33 P'uuru pidaarã chok'ara see nâbeeji te t'îupatamãi. 34 Jesupa k'ayaa k'îra t'ãdoo iru p'anadap'edaarã jùpaji. Ichiaba netuaraarã eperã k'ap'ùade merãtùa beeda uchiapik'ooji. Ma awara ma netuaraarãmaa pedeepi–e paji, ãchia k'awa p'anadap'edaa perã iru Tachi Ak'õrepa pëida eperãarã k'aripamerã.
Jesús Galilea eujãde jaratee nipada
(Lucas 4.42-44)
35 Tap'edapodopa Jesús p'irabaiji mãik'aapa uchiaji p'uurudeepa ùt'aa t'ânait'ee eperãarã p'anadak'aamaa. 36 Simón p'irabaik'ãri, iru unu–e paji. Mapa apemaarã k'õp'ãyoorã ome wãji Jesús jùrùde. 37 Unu atadak'ãri, mãgajida:
—Jõmaarãpa pù jùrù nidada ajida.
38 Mamîda Jesupa mãgaji:
—Tachi Ak'õrepa mù pëiji ichi ûraa jõmaarãmaa jarateemerã. Mapa wãdáma aji, awaraa p'uuru k'ait'a beemaa.
39 Jesús mãgá jaratee nipapachi jõma Galilea eujãde chi k'õp'ãyoorã ome. Jarateepachi Ak'õre Ûraa jarateepata tede p'uuru bee chaa mãik'aapa eperã k'ap'ùade netuara merãtùa bee uchiapipachi.
Jesupa leprapa k'ayaa bada jùpada
(Mateo 8.1-4; Lucas 5.12-16)
40 Ewari aba eperã leprapa k'ayaa bù cheji Jesumaa mãik'aapa bedabaip'eda, mãgaji:
—K'inia bù pùrã, mù k'ayaa wêpapipáde aji, Ak'õre k'îrapite mù pia beemerã.
41 Jesupa iru chupùria k'awaaji. Juapa t'õbaiji mãik'aapa mãgaji:
—¡K'inia bùda! aji. Jùpa beepáde aji.
42 Aramata ichi k'ap'ùadeepa lepra k'ayaa wêpadachi mãik'aapa jùpa beeji. 43 Jesupa ãyaa pëik'ãri, ûraaji:
44 —¡Ûríji! Jaranáaji apidaamaa. Jîp'a p'aaremaa ak'ùpináji. Moisepa p'ãdade jara bùk'a ipana omé atéeji, teeit'ee Tachi Ak'õremaa. Mãgá jõmaarãpa pù jùpa beeda k'awadayada aji.
45 Mamîda wãk'ãri, ma eperãpa pariatua jara wãpachi. Maperã Jesús p'oyaa wãk'aa paji p'uurudee. Eperãarã p'anadak'aamãi nipapachi. Mamîda at'ãri p'uuru pidaarã irumaa wãpachida.