Jesupa chik'ora peepida
(Mateo 4.18-22; Marcos 1.16-20)
5
1 Ewari aba Jesús Genesaret Lago ide bainâ bak'ãri, eperãarã chok'ara p'îsua seedachida irumãi, Tachi Ak'õre Ûraa ûri k'iniapa. 2 Mãga nùde Jesupa barco omé unuji to ide. Chipariirãpa ãchi t'ùrù sùùmaa p'anajida ipu ide. 3 Jesús Simón Pedro barcode bataup'eda, iidiji tok'esaapai ateemerã. Mãpai ma barcode su–ak'ù beeji jarateeit'ee. 4 Jaratee aupak'ãri, Simonmaa mãgaji:—Nãpùadee wãdáma mãik'aapa jãma pãchi t'ùrù t'aadapáde aji.
5 Simonpa p'anauji:
—Tachi Jarateepari, t'ùrù t'aamaa ewarijidada aji, maarepida peeda–ee. Mamîda pùa jara bairã, t'ùrù t'aanait'eeda aji.
6 Mãgá t'aadap'eda, jira atadak'ãri, chik'ora nâbaji t'ùrù jãde. Perá jêdachi. 7 Mãga unurutata juapa t'âjida apema barco pidaarãmaa k'aripa chedamerã. Chejida mãik'aapa ma chik'ora pee aupadak'ãri, barco omeeweda perá pirubaaidachida. 8 Mãga unuk'ãri, Simón Pedro Jesús k'îrapite bedabaidachi mãik'aapa mãgaji:
—Tachi Waibùa, mù ik'aawaapa ãyaa beepáde aji, mù p'ek'au ooyaa bairã. Pia–e bù pù mù k'ait'a bamerã.
9 Simón awaraa arii p'anadap'edaarã ome ak'ùtrua para beeji mãgá chik'o cho–k'ara peedap'edaa perã. 10 Auk'a p'anajida Simón k'õp'ãyoorã, Zebedeo warrarã Santiago Juan ome. Mãpai Jesupa mãgaji Simonmaa:
—Waaweenaapáde aji. Idideepa pùa eperãarã jùrùit'ee Tachi Ak'õre–it'ee, to–ùapataarãpa chik'o jùrùpatak'a.
11 Mãpai barco ipu ide bùnadap'eda, jõmaweda ãchi net'aa atabëijida ãchi ak'õreerã ome mãik'aapa wãjida Jesús ome.
Jesupa leprapa k'ayaa bada jùpada
(Mateo 8.1-4; Marcos 1.40-45)
12 Ewari aba Jesús p'uurude nide eperã leprapa k'ayaa bùpa ununaji. Jesumaa chep'eda, bedabaidachi tau bùùrù eujãde t'õbairumaa mãik'aapa chupùria iidiji:
—Tachi Waibùa, pùa k'inia bù pùrã, mù k'ayaa wêpapipáde aji, Ak'õre k'îrapite pia beemerã.
13 Jesupa juapa t'õbaiji mãik'aapa mãgaji:
—K'inia bùda aji. Jùpa beepáde aji.a
—Jaranáaji apidaamaa. Jîp'a p'aaremaa ak'ùpináji. Moisepa p'ãdade jara bùk'a ipana omé atéeji teeit'ee Tachi Ak'õremaa. Mãgá jõmaarãpa pù jùpa beeda k'awadayada aji.b
15 Jesupa mãga jarapachi mîda, audupùara pedeepachida irua oodade. Ma awara eperãarã chok'araara cheepurujida iru pedee ûridait'ee mãik'aapa ãchi k'ayaa jùpapidait'ee. 16 Ma k'aurepa Jesús wãpachi eperãarã p'anadak'aamaa ùt'aa t'âde.
Jesupa chiwa bada jùpada
(Mateo 9.1-8; Marcos 2.1-12)
17 Ewari aba Jesupa jarateemaa bù misa, iru k'ait'a su–ak'ù p'anajida fariseorã mãik'aapa Moisepa p'ãda jarateepataarã. Che p'anajida jõmaweda Galilea eujãdepema p'uurudeepa, ichiaba Judea eujãdeepa mãik'aapa Jerusalén p'uurudeepa. Tachi Ak'õre baji Jesús ome, k'ayaa beerã jùpamerã. 18 Mãga nùde pachejida eperãarã eperã chiwa bù ome. Jira aneejida ichi p'arude. T'îu ata k'inia p'anajida teedaa, Jesús k'îrapite bùdait'ee. 19 Mamîda unudak'aa paji sãmãik'aapa t'îudai, eperãarã chok'ara see nâbada perã. Maperã ùt'à ateejida terraza ârù mãik'aapa uria ewa atajida. Mãpai ma chiwa bù ichi p'arude ùrabai atajida jõmaarã taide Jesús k'îrapite. 20 Jesupa k'awaak'ãri ãchia wãara ichide ijãa p'anù, ma chiwa bùmaa mãgaji:
—K'õp'ãyo, pùa p'ek'au k'achia oopata jõmaweda wêpajipù.
21 Mãga ûridak'ãri, Moisepa p'ãda jarateepataarãpa mãik'aapa fariseorãpa k'îsia p'aneejida: “Jã eperã nãga pedeeik'araa bù. Tachi Ak'õrepapaita p'ek'au k'achia wêpapipari. Jã eperã Tachi Ak'õre ãpùte ik'achia pedeemaa bù jarak'ãri ichiata mãgee ne–inaa oopari.”
22 Mamîda Jesupa k'awaji ãchia k'îsia p'anù. Mapa iidiji:
—¿Sãap'eda parãpa k'îsia k'achia k'îsia p'anùma? aji. 23 Mùa irumaa jarai: “Pùa p'ek'au k'achia oopata wêpajipù” maa–e pùrã jarai: “P'irabáiji mãik'aapa wåji”. Mamîda irua maarepida oo–e pai Tachi Ak'õrepa oopi–e pùrã. 24 Mùa ak'ùpiit'ee na p'ek'au eujãde mù, chi Eperã Ak'õre Truadepemac k'ap'ùa pari, Tachi Ak'õre Waibùapa wêpapipari eperãarãpa p'ek'au k'achia oopata.
Mãpai mãgaji ma eperã chiwa bùmaa:
—Mùa jara bù: ¡P'irabáiji! Pùchi p'aru atáji mãik'aapa wåji pùchi temaa.
25 Aramata chiwa bada p'irabaidachi jõmaarã taide mãik'aapa ichi p'aru jêra bada atap'eda, Ak'õre ome o–îa wãji ichi temaa. 26 Mãga unudak'ãri, jõmaweda ak'ùtrua para beeji mãik'aapa o–îapa jarapachida Tachi Ak'õre jõmaarã k'ãyaara waibùara bù. Mãgá p'era pùk'a jõnùpa mãgajida:
—Idi ne–inaa pia unujidada ajida, Tachi Ak'õre juapa ooda.
Jesupa Leví jùrùt'erada ichi ome nipapariimerã
(Mateo 9.9-13; Marcos 2.13-17)
27 T'êepai, Jesús mamãik'aapa uchiap'eda, ununaji eperã t'âjarapatap'edaa Leví.d Mãgà Cesar–it'ee impuesto p'epari paji. Su–ak'ù baji ma impuesto p'epataarã su–ak'ù p'anapatamãi. Jesupa irumaa mãgaji:
—Mù ome nipaparíiji.
28 Mãpai Leví p'irabaip'eda, ichi net'aa p'e atabëiji mãik'aapa wãji Jesús ome.
29 Ma t'êepai, Levipa fiesta ooji ichi tede Jesu–it'ee. Impuesto p'epataarã Roma pidaarã rey–it'ee t'â pëiji awaraa k'õp'ãyoorã ome. Ma fiesta oo p'anùde Jesús chi k'õp'ãyoorã ome su–ak'ù p'anajida mesade, nek'omaa apemaarã ome. 30 Mamîda fariseorãpa mãik'aapa Moisepa p'ãda jarateepataarãpa k'îsia p'anadap'edaa perã ãchi chonaarãpa oopatap'edaade, aupedeemaa p'aneejida Jesús k'õp'ãyoorã ome. Iidijida:
—¿Sãap'eda nek'omaa p'anùma mãik'aapa ne–inaa tomaa p'anùma jãgee impuesto p'epataarã ome mãik'aapa awaraa p'ek'au k'achia oopataarã ome? Parãpa jãga oodaik'araa bùda ajida.
31 Jesupa p'anauji:
—Médico pëidak'aa k'ap'ùa pia beerãmaa. Jîp'a pëipata k'ayaa beerãmaa. 32 Tachi Ak'õrepa mù pëi–e paji t'ãri pia beerã jùrùde. Ma k'ãyaara p'ek'au k'achia oopataarã jùrùdeta pëiji, p'ek'au k'achia oo amaadamerã mãik'aapa irude ijãapataadamerã.
Sãapai ùt'aa t'âdaipia bù nek'oda–ee
(Mateo 9.14-15; Marcos 2.18-22)
33 Jesumaa mãgajida:
—Juan Bautistae k'õp'ãyoorã mãik'aapa fariseorã audú ùt'aa t'âpata nek'oda–ee. ¿Sãap'eda pù k'õp'ãyoorã ichita nek'opata mãik'aapa ne–inaa topatama? ajida.
34 Jesupa p'anauji:
—Miak'ãipata fiestade t'â pëidap'edaarã pachedak'ãri, ma fiesta o–îa oopata chi miak'ãiit'ee bù ome. Mama p'anùde ¿parãpa nek'opida–e paik'ã aji, ãramaa? 35 Ewari cherude chi miak'ãiit'ee bù wê–e pak'ãri ãra ome, fiesta ooda–e pait'ee t'ãri p'uapa. Ma ewatepù nek'oda–e pait'ee.f
Moisepa p'ãda mãik'aapa Jesucristopa jarateeda<R>auk'a ak'ùdaik'araa bù
36 Ichiaba Jesupa nãga nepùrùji jarateeit'ee ichi ûraa p'oiradaik'araa bù Moisepa p'ãda ome:
—Eperã apidaapa p'aru chiwididepema pite aba t'ùùik'araa bùda aji, p'aru sorede parchaait'ee. Mãga ooru pùrã, chi p'aru chiwidi ãridariit'ee mãik'aapa ma pite auk'a bee–e pait'ee chi p'aru sore ome. 37 Ichiaba vino ewaa juda t'ùdak'aa ne–e sorede. Mãga oodak'aa ma vino baak'ak'ãri, ma ne–e sore jîadarii perã mãik'aapa chi vino atuadarii perã. 38 Maperã vino ewaa juda t'ùdaipia bù ne–e chiwidide. 39 Eperãpa vino chona bù tok'ãri, to k'inia–e chi ewaa juda jarapata perã: “Chi chonata warraara bùda” apata. Mãga pùk'a parãpa chonaarãwedapema ûraa k'iniara iru p'anùda aji, mùa ûraa jaratee bù k'ãyaara.