Eperã jua chiwa bada
(Mateo 12.9-14; Lucas 6.6-11)
3
1 Waya Jesús wãji Ak'õre Ûraa jarateepata tedee. Mama baji eperã jua chiwa bù. 2 Ûk'uru arii p'anadap'edaarãpa Jesumaa ak'ù para baji, âipata ewate jùpai jîak'aapa. Mãgá ãchi charraarãmaa jaranadait'ee. 3 Mãpai Jesupa jua chiwa bùmaa maaji:—P'irabáiji mãik'aapa jõmaarã esajîak'a ak'ùnâ béeji.
4 Mãpai apemaarãmaa iidiji:
—¿K'ãare p'ãdata iru p'anù Ak'õre Ûraade âipata ewate oodamerã? ¿Pia ooipia bù wa k'achia? ¿Jùpaipia bù piupiamaapa wa piupiipia bù, k'aripada–ee?
Mamîda ãchi k'îup'ee para beeji k'awa p'anadap'edaa perã piata ooipia bù. 5 Jesupa k'îrau ak'ùji ãchimaa. Ma eperã chupùria k'awaa k'iniada–e p'anadap'edaa perã, Jesús k'îra pia–ee beeji. Mãpai ma eperãmaa mãgaji:
—Pùchi jua jîrupáde aji.
Mãpai jua jîruji. Aramata jùpa beeji. 6 Mapa fariseorã mamãik'aapa uchiadap'eda, Rey Herodes eere p'anadap'edaarã ome pedeeteemaa p'aneejida Jesús peepit'aadait'ee.
Jesupa eperãarã chok'araarãmaa jarateeda lago ide
7 Galilea eujãdepemaarã chok'ara Jesús t'êe chejida. Mapa iru wãji chi k'õp'ãyoorã ome Galilea Lago idee. 8 Jesupa ne–inaa pia oopari k'awaadak'ãri, eperãarã chok'araara cheepurujida irumaa: Judea eujãdepemaarã, Jerusalén p'uurudepemaarã, Idumea eujãdepemaarã. Ichiaba chejida Jordán to k'îraik'a eerepemaarã, Tiro p'uuru k'ait'a p'anapatap'edaarã mãik'aapa Sidón p'uuru k'ait'a p'anapatap'edaarã. 9-10 Chok'ara jùpada perã, k'ayaa beerãpa iru p'îsua ata chejida, t'õbairupa jùpa p'aneedai jîak'aapa. Eperãarã audú chok'ara nâbada perã, ichi ome nipapataarã pëiji barco jùrùde, eperãarã ichimaa chenaadamerã. Mãpai jarateeji barcodeepa.
11 Netuara merãtùa beerãpa Jesús unudak'ãri, iru k'îrapite bedabaik'oodachida mãik'aapa biapachida:
—¡Pù Tachi Ak'õre Warrapù!
12 Mamîda Jesupa netuaraarã ùtrùapachi ichia ooda nepùrùnaadamerã eperãarã k'îrapite.
Jesupa k'õp'ãyoorã jùrùt'erada
(Mateo 10.1-4; Lucas 6.12-16)
13 Maap'eda Jesús ee nok'odee wãji chi k'õp'ãyoorã ome mãik'aapa jùrùt'eraji ichi k'îsiade iru bada. 14 Doce jùrùt'eraji ichi ome nipapataadamerã mãik'aapa Ak'õre Ûraa jarateepataadamerã awara ãi. [Mãgùùrã t'â bùji apóstoles.a] 15 Mãgùùrã ichiaba pëiji netuara merãtùa bee uchiapidamerã eperãarã k'ap'ùadeepa. 16 Nãgùùrã paji chi doce jùrùt'erada: Simón, (Jesupa t'â bùda Pedro); 17 Zebedeo warrarã, Santiago Juan ome; Jesupa ichiaba ãra t'â bùda Boanerges;b 18 Andrés; Felipe; Bartolomé; Mateo; Tomás; Santiago (Alfeo warra); Tadeo; Simón Celote apatap'edaa;c 19 mãik'aapa Judas Iscariote; mãgùpa t'êepai Jesús traicionaada.
Jesús Netuara Poro Waibùa ome
(Mateo 12.22-32; Lucas 11.14-23; 12.10)
20 Ma t'êepai Jesús teeda t'îuji chi k'õp'ãyoorã ome mãik'aapa waya eperãarã chok'ara irumaa chejida. Mapa p'oyaa nek'odak'aa paji. 21 Jesús ëreerãpa mãga k'awaadak'ãri, iru ata chejida jaradap'edaa perã k'îra k'awa–ee bù.
22 Moisepa p'ãda jarateepataarã che p'anajida Jerusalendeepa. Ãchia jarapachida:
—Beelzebú, Netuara Poro Waibùa júapata jãgá netuaraarã uchiapiparida apachida.
23 Jesupa ãchi t'â p'e atap'eda, nepùrùji:
—¿Sãga Satanapa uchiapiima ichi auk'aarã? 24 P'uuru pidaarã chik'îra unuamaa p'aneeruta pùrã, taarãda–e ãchi itu jõdaridait'ee. 25 Auk'a te pidaarã awara–awaraadaidak'ãri, waa araa p'anapataada–e pait'ee mãik'aapa jõdaridait'ee. 26 Mãga pùk'a Netuara Poro Waibùapa ichi auk'aarã jëreru pùrã, ãchi itu jõdaridai.
27 +Ma awara, apida t'îudak'aa eperã juataura bùmãi iru net'aa jãri atade. Naapùara jâ nâbù–e pùrã, iru net'aa jãri p'e ata–e pai. Mù waibùara bù Netuara Poro Waibùa k'ãyaara. Mapa netuaraarã mù jua choodak'aa.
28 +Mùa wãarata jararu. Tachi Ak'õrepa p'ek'au k'achia jõmaata wêpapii, pedee k'achia jaradap'edaa paara iru ãpùte. 29 Mamîda ik'achia jararuta pùrã iru Jaure ãpùte, Tachi Ak'õrepa perdonaak'aa. Mãgee p'ek'au k'achia wêpapi–eda aji.
30 Moisepa p'ãda jarateepataarãpa jarapachida Jesupa ne–inaa oopachi netuara juapa mãik'aapa merapachida Tachi Ak'õre Jaure. Mapa mãga jaraji Jesupa.
María Jesús âpemaarã ome pachedap'edaa
(Mateo 12.46-50; Lucas 8.19-21)
31 Mãpai pachejida Jesús nawe chi âpemaarã ome. Mamîda taawa p'aneejida mãik'aapa t'â pëijida Jesús ãchimaa uchiamerã. 32 Jesús ik'aawa su–ak'ù p'anadap'edaarãpa jarajida:
—Pù nawe pù âpemaarã ome taawa nùmaa p'anùda ajida. Ãrapa pù jùrù nidada ajida.
33 Irua p'anauji:
—Parãpa k'awa p'anù mù nawe mãik'aapa mù âpemaarã. Mamîda ¿k'airãta mùa k'inia iru bùma mù nawek'a mãik'aapa mù âpemaarãk'a?
34 Ak'ùp'eda ichi ik'aawa su–ak'ù p'anadap'edaarãmaa, mãgaji: