Jesupa jarada fariseorãde<R>mãik'aapa Moisepa p'ãda jarateepataarãde
(Marcos 12.38-40; Lucas 20.45-47)
23
1 Ma t'êepai Jesupa mãgaji eperãarãmaa mãik'aapa chi k'õp'ãyoorãmaa:2 —Moisepa p'ãda jarateepataarãpa fariseorã ome jarateepata k'ãata jara k'inia bù Moisepa p'ãda. 3 Maperã ûrítù ãchia jarateepata mãik'aapa óotù ãchia jara p'anùk'a. Mamîda p'ananáatù ãchi p'anapatak'a, ne–inaa jaradap'eda, ne–inaa awaraata oopata perã. 4 Eperãarãmaa ne–inaa audú chok'ara oopipata. Mamîda chupùria k'awaadak'aa ãrapa p'oyaa ooda–e pak'ãri. 5 Ãchia ne–inaa jõma oopata awaraarãpa ãchi t'o p'anadamerã. Porode mãik'aapa juade p'ãrajâpata ne–e jobùadee ooda Tachi Ak'õre Ûraa p'ãda ome. Ma awara p'aru teesoo sidibai i jiichoo jâpata awaraarãpa pia unudamerã. 6 Nek'onadak'ãri awaraarã ome, su–ak'ù p'aneepata jõmaarã taide, poro waibùarã su–ak'ù p'aneepatamãi. Ichiaba Tachi Ak'õre Ûraa jarateepata tede p'anadak'ãri, su–ak'ù beepari pipùara bùde su–ak'ù p'aneepata. 7 Ma awara calle jãde nipadak'ãri, k'inia p'anapata jõmaarãpa ãchimaa saludaadamerã mãik'aapa “Tachi Jarateepari” adamerã.a
8 +Parãpa jõdee mãga oodaik'araa bù, parã auk'a p'anadairã âpemaarãk'a mãik'aapa Jarateepari Waibùa apai iru p'anadairã. 9 Ichiaba na p'ek'au eujãdepema apidaamaa “Tachi Ak'õre” adaik'araa bù, parãpa Ak'õre apai iru p'anadairã Ak'õre truade. 10 Ichiaba jùrùdaik'araa bù awaraarãpa parã “tachi waibùarã” adamerã mù, Cristo aupaita, parã Poro Waibùa perã. 11 Parãdepema waibùara bùta apemaarã jua ek'ari baipia bù ãchi mimiaparik'a. 12 Chi waibùara pa k'inia bù ek'ariara beeit'ee. Jõdee chi ek'ariara bù mîda t'ãri o–îa bapari pùrã, waibùara pait'ee.
Jesupa jarada judiorã waibùarãde
(Marcos 12.40; Lucas 11.39-52)
13 —¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Parã k'aurepa eperãarã p'anadak'aa Tachi Ak'õre jua ek'ari. Parã jida ichideerã p'aneeda–e pait'ee, eperãarãmaa ijãapi k'iniada–e p'anadairã irua pëidade.
14 [+¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Parãpa p'êtrãarã te jãri atapata mãik'aapa taarã ùt'aa t'âpata eperãarãpa parã pia ak'ùdamerã. ¡Maperãpù Tachi Ak'õrepa parã k'achiara ooit'ee awaraarã k'achia ooi k'ãyaara!]
15 +¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! T'ùmà wãpata parãpa ijãapata jarateede, mãgá eperãarã pãchi eere t'îudamerã. Mãpai aba pãchi eere pa atadak'ãri, parãpa jaratee jõnùpa mãgà papipata pãchi k'ãyaara audupùara atuamerã.
16 +¡Aai, Tachi Ak'õrepa parã k'achiadee pëiit'ee! ¡Parã tau p'ãriu beeråk'apù p'anù, pariatua o ak'ùpimaa p'anadairã awaraarãmaa! Parãpa jarapata pipùara bù eperãarãpa juraadamerã Tachi Ak'õre tede nâbù nêe k'îrapite, ichi te k'îrapite juraadai k'ãyaara. 17 ¡K'îra k'awa–ee pùk'a p'anù mãik'aapa tau p'ãriu pùk'a p'anù! ¿Tachi Ak'õre te piara bù–ek'ã nêe iru tede awara bùda k'ãyaara? 18 Parãpa ichiaba jarapata pipùara bù juraadamerã ne–inaa altar ârù bùdap'edaa paadait'ee k'îrapite, Tachi Ak'õre tedepema altar k'îrapite juraadai k'ãyaara. 19 ¡Tau p'ãriu pùk'a p'anùùrã! ¿Altar awara bùda Tachi Ak'õre–it'ee piara bù–ek'ã ne–inaa ma altar ârù bùda k'ãyaara? 20 Eperãpa ne–inaa ooit'eeda ak'ãri Tachi Ak'õre altar k'îrapite, ma altar k'îrapitepai juraa–e bù. Auk'a juraa bù ne–inaa ma altar ârù bù k'îrapite. 21 Ma awara eperãpa ne–inaa ooit'eeda ak'ãri Tachi Ak'õre te k'îrapite, ma te k'îrapitepai juraa–e bù. Auk'a juraa bù Tachi Ak'õre k'îrapite, iru ma tede bapari perã. 22 Ichiaba eperãpa ne–inaa ooit'eeda aru pùrã ne–inaa ùt'ari nâbù k'îrapite, ma pedee auk'a jara bù Tachi Ak'õre su–ak'ù beepari k'îrapite mãik'aapa Tachi Ak'õre k'îrapite, iru ma su–ak'ù beeparide su–ak'ù bapari perã.
23 +¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Tachi Ak'õre–it'ee awara bùpata nãgee aliño: menta, anís, comino; mãgà diezdepema chaa, aba. Mamîda oodak'aa nãgà Tachi Ak'õre Ûraa p'ãdadepema ûraa waibùara jara bùk'a: “Awaraarã k'ûradaik'araa bù; awaraarã chupùria k'awaadaipia bù; oodaipia bù parãpa oodait'eeda apatak'a.” Mãgà ûraa jara bàk'ata oodaipia bù, auk'a ne–aliño ome oopatak'a. 24 ¡Parã tau p'ãriu beeråk'apù p'anù; pariatua o ak'ùpimaa p'anadairã awaraarãmaa! ¡Pania nêesipata ne–animal chak'eerã t'îunaadamerã pania toparide! Mamîda parãpa k'awada–ee, camello k'ap'ùa jõma mit'aak'ajík'apù p'anù.
25 +¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Parãpa vaso mãik'aapa p'arat'u taawaik'a eere pi–ia sùùpata. Mamîda mãgà edajãde ipuru bù ne–inaa k'achiapa, parã t'ãri k'achia p'anadairã. Chîara net'aa chùapata mãik'aapa chîara k'ûrapata. 26 ¡Fariseo, pù tau p'ãriu pùk'a bù! Naapùara chi vaso edajãde sàùji. ¡Mãgá chi taawaik'a eere ichiaba sùù beeipù!
27 +¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Parã nãga pùk'a p'anù. Jãùradepema mãu te t'o–t'oo p'urupata taawaik'a eere, pi–ia unudamerã. Mamîda ma mãu te edajãde paraa piudap'edaarã k'ap'ùa mik'ia bùùrù ome. 28 Mãga pùk'a parãpa ne–inaa k'îra t'ãdoo oopata taawaik'a eere pi–ia unudamerã. Mamîda parã edajãde k'ûrayaa, t'ãri k'achia–idaa p'anù.
29 +¡Aai, Tachi Ak'õrepa parã Moisepa p'ãda jarateepataarã fariseorã ome k'achiadee pëiit'ee! ¡Seewata Tachi Ak'õrede ijãapatada apata! Parãpa te chak'e pi–ia mãudee oopipata chonaarãwedapema Ak'õre pedee jarapataarã ùadap'edaa ârù. Ma awara chonaarãwedapema t'ãri pia p'anadap'edaarã ùadap'edaamãi parãpa pi–ia nep'ono p'ùrrabai uuk'oopata. Ma jõma oopatada apata ma chonaarã k'irãpadamerã. 30 Maap'eda mãgapata: “Tai p'anadap'edaa paara tai chonaarãpa Ak'õre pedee jarapataarã peedak'ãri, táipata k'aripada–e pak'ajida” apata. 31 Mãga jaradak'ãri, ak'ùpipata parãpa k'awa p'anù pãchi chonaarãpa Ak'õre pedee jarapataarã peedap'edaa. 32 Parã mãgá uchiadap'edaa perã Tachi Ak'õre pedee jarapataarã peedap'edaarãdeepa, ¿parãpa auk'a oodai–ek'ã ârapema Ak'õre pedee jarapari ome?
33 +¡Parã k'achia–idaa beerãdeepa uchiadap'edaarã! ¡Taamák'apù p'anù! ¿Sãga uchiadai Tachi Ak'õre juadeepa? ¡Irua parã atuapiit'eepù! 34 Maperã mùa pëiit'ee Ak'õre pedee jarapataarã, k'îsia k'awaa beerã, mù ûraa jarateepataarã ome. Mamîda parãpa mãùrã ûk'uru jîp'a peedait'ee kurusode baijira bùdak'ãri piurutamaa. Ichiaba ûk'uru p'ua oodait'ee Tachi Ak'õre Ûraa jarateepata tede mãik'aapa ûk'uru p'uuru bee chaa jùrù nipapataadait'ee miapi k'inia p'anadairã. 35 Parãpa mãga oodait'ee perã, Tachi Ak'õrepa parã k'achia ooit'ee jõmaweda irude wãara ijãapataarã peedap'edaa k'aurepa, Abeldeepa Berequías warra Zacarías parumaa. Pãchi auk'aarãpa iru peejida Tachi Ak'õre tede, te t'îupata, altarmãi esajîak'a. 36 Mùa wãarata jararu. Ma peedap'edaa k'aurepa Tachi Ak'õrepa ârapemaarã k'achia ooit'ee.
Jesús jêeda Jerusalén p'uurudepemaarã pari
(Lucas 13.34-35)
37 —¡Jerusalén, Jerusalén, pùdepemaarãpa Tachi Ak'õre pedee jarapataarã peepata mãik'aapa irua pëida eperãarã mãupa bat'a peepata! At'apai mùa pùdepemaarã araa p'e k'inia bapachi, et'erre wêrapa chi chak'eerã p'e ataparik'a ichi isia ek'ari. ¡Mamîda parãpa k'iniada–e paji! 38 ¡Ûrítù! ¡Pãchi te ituaba beeit'ee, Tachi Ak'õrepa parã waa ak'ù–e pait'ee perã! 39 Mùa jara bù: Parãpa mù waa unuda–e pait'ee nãga jararutamaa:
‘¡Tachi Ak'õrepa ichia pëida ichita pia ak'ù bapariit'ee!’ (Salmos 118.26)