Jesús Jerusalén p'uurudee wãda
(Marcos 11.1-11; Lucas 19.28-40; Juan 12.12-19)
21
1 Jerusalendee wãdak'ãri, panajida Betfagé p'uuru k'idaa. Ma p'uuru Olivo Eede baji, Jerusalén k'ait'a. Mama p'anùde Jesupa chi k'õp'ãyoorã omé naa pëiji p'uurudee. 2 Mãgaji:—Wåtù ara bù p'uuru tachi k'îrapite bùmaa. Jãma ununadait'ee burro wêra jâ bainâ bù chi warra ome. Êra atátù mãik'aapa anéetù. 3 Apidaapa ateepi–e pùrã, jarátù: “Tachi Waibùapa arak'atùa atee k'inia bù. Waya tee chedait'eepù.”
4 Mãga paji chonaarãweda Ak'õre pedee jaraparipa jaradak'a:
5 ‘Jarátù Sióna p'uurudepemaarãmaa: “¡Ak'àtù! Pãchi Rey cheru, chupùria beerã chepatak'a burro ârù. Cheru ne–animal ne–inaa uapata warra, burro chak'e ârù.” ’ (Sofonías 9.9)
6 Jesús k'õp'ãyoorã wãjida mãik'aapa oojida irua jaradak'a. 7 Aneejida ma burro wêra chi warra chai ome. Maap'eda ma ârù ata bùjida ãchi ârùpema p'aru jâpatap'edaa, Jesús bataup'eda aùde su–ak'ù beemerã. 8 Eperãarã ode see nâbaji. Ûk'uruurãpa ãchi p'aru t'õ jêra bùjida o jãde, Jesús aùde wãmerã. Awaraarãpa k'iru t'ùap'edap'eda, bùpachida ma o jãde, ãchi rey pai jîak'aapa. 9 Jesús naa wãdap'edaarãpa mãik'aapa t'êe chewãdap'edaarãpa o–îa biapachida:
—‘¡Hosana!b ¡Tachi K'aripapari, Rey David Warra cheru! ¡Tachi Ak'õrepa ichita pia ak'ù bapariit'ee ichia rey pëida! ¡K'îra wãree Ak'õre eujãde, Tachi K'aripapari cheru perã! ¡Hosana!’ (Salmos 118.25-26)
10 Jesús Jerusalén p'uurude panak'ãri, p'uuru pidaarã jõma biuk'a nâbeeji. Chok'araarãpa iidipachida:
—¿K'aima ajida, jãgà?
11 Mãpai awaraarãpa p'anaujida:
—Nãgà Jesús, Tachi Ak'õre pedee jaraparipù, Nazaret p'uurudepema. Mãgà p'uuru Galilea eujãde bù.
Jesupa ne–inaa netopataarã jërek'ooda<R>Tachi Ak'õre tedeepa
(Marcos 11.15-19; Lucas 19.45-48; Juan 2.13-22)
12 Maap'eda Jesús Tachi Ak'õre tede t'îuji mãik'aapa net'aa netopataarã taawaa jërek'ooji. P'arat'a tau t'erabaipataarã mesa sîa bat'ak'oo wãji, paloma netopataarã banco paara.c 13 Mãpai mãgaji:
—Tachi Ak'õre Ûraa p'ã jêra bùde jara bù:
‘Mù te ùt'aa t'âpata teda apataadait'ee.’ (Isaías 56.7)
‘Mamîda parãpa nechùapataarã ték'ata oo iru p'anù.’ (Jeremías 7.11)
14 Jesús at'ãri Tachi Ak'õre tede bùde, irumaa chejida tau p'ãriu beerã mãik'aapa chiwa beerã. Mãpai Jesupa jõma jùpak'ooji. 15 Mamîda p'aareerã poroorã Moisepa p'ãda jarateepataarã ome k'îraudachida unudak'ãri Jesupa ma ne–inaa pia oo bù mãik'aapa ûridak'ãri warrarã nãga bia para bù Tachi Ak'õre tede: “¡Hosana! ¡Tachi K'aripapari, Rey David Warra!” 16 Mãpai Jesumaa mãgajida:
—K'îup'ee beepipáde ajida. ¿Ûri–e bùk'ã ajida, ãchia jara jõnù?
Jesupa p'anauji:
—Ûri bùda aji. ¿Parãpa nãgà leeda–e p'anùk'ã?
‘Ak'õre, pùa warra chak'eerãmaa k'aripipari mãik'aapa jude beerãmaa t'ãri o–îa ùt'aa t'â k'awapipari.’ (Salmos 8.2)
17 Mãpai Jesupa mãùrã atabëiji mãik'aapa wãji Betania p'uurudee k'ãide.
Jesupa higuera bùùrùmaa ijâatù pedeeda
(Marcos 11.12-14, 20-26)
18 Tap'eda Jesús waya chek'ãri p'uurudee, jarrapisia nâbeeji. 19 Ma chewãde higuera bùùrù unuji o bi ik'aawa bainâ bù, k'iru paraa. Mãpai araa ak'ùnaji, chau bù jîak'aapa. Mamîda chau–ee baji. Chi k'iru aupaita unuji. Mãpai ma higuera bùùrùmaa mãgaji:
—¡Pù waa chauk'aa pait'eeda! aji.
Aweda ma higuera bùùrù pùùdachi. 20 Mãga unudak'ãri, chi k'õp'ãyoorã ak'ùtrua para beeji mãik'aapa mãgajida:
—¿Sãap'eda aweda jã higuera bùùrù jãgá pùùdachima? ajida.
21 Jesupa p'anauji:
—Mùa wãarata jararu. Parãpa Tachi Ak'õrede wãara ijãaruta pùrã, iididaipia bù irua ne–inaa oomerã; pãchi t'ãridepai k'îsiada–ee: “¿Tachi Ak'õrepa ooik'ã?” Mãgara mùa oodak'a jã higuera bùùrù ome, parãpa oodai. Ma awara ara bù eemaa jararutara “Jãmãik'aapa ãyaa wåji mãik'aapa p'usa jãde baaináji”, mãga oopidaipù. 22 Parãpa ne–inaa jõma iidiruta ùt'aa t'â p'anùde t'ãripa ijãa p'anadairã, ma ne–inaa iru p'anadait'ee.
Tachi Ak'õrepa Jesús pëida
(Marcos 11.27-33; Lucas 20.1-8)
23 Ma t'êepai Jesús t'îunaji Tachi Ak'õre tede. Mama jarateemaa bù misa, p'aareerã poroorãpa judiorã poro waibùarã ome Jesumaa iidijida:
—¿Tachi Ak'õrepa tai bùji–ek'ã ajida, ichi te ak'ùdamerã? ¿K'aipa pùmaa nãga oopi bùma? ajida.
24-25 Jesupa p'anauji:
—Mùa pida parãmaa iidiit'ee: ¿K'aipa pëijima aji, Juan Bautista poro choo chemerã; Tachi Ak'õrepa maa–e pùrã eperãarãpa? Parãpa p'anaurutara, mùa pida jarayada aji, k'aipa mùmaa nãga oopi bù.
Mãpai ãchi pitapai pedee para beeji:
—Tachi Ak'õrepa pëidada aruta pùrã, irua iidiit'ee: “Mãgara ¿sãap'eda Juan ûraa ijãada–e pajima?” 26 Jõdee jararuta pùrã “eperãarãpa Juan pëijida”, jõmaweda k'îraudaridait'ee tachi ome, ãchia ijãapata perã Juan Tachi Ak'õre pedee jarapari paji.
27 Mapa p'anaujida:
—K'awada–e p'anùda ajida, k'aipa Juan pëiji.
Mãpai Jesupa mãgaji:
—Mãgara mùa pida jara–eda aji, k'aipa mùmaa nãga oopi bù.
Jesupa warrarã omeede nepùrùda
28 Mãpai Jesupa iidiji:
—¿K'ãata k'îsia p'anùma aji, parãpa? Eperãpa warrarã omé iru baji. Abaamaa jaraji: “Warra, wãpáde aji, mimiade mù uva k'ãide.” 29 Chi warrapa p'anauji: “¡Mù wã k'inia–eda!” aji. Mamîda t'êepai, k'îsia awara ataji mãik'aapa wãji mimiade. 30 Maap'eda ma eperãpa chi apema warramaa auk'a jaranaji. Ma warrapa p'anauji: “Ak'õre, mù wãit'eeda aji, mimiade.” Mamîda mimiana–e paji.
31 Mãpai Jesupa iidiji:
—¿Chisãgà warrapa oojima aji, chi ak'õrepa k'inia badak'a?
P'anaujida:
—Chi naa chok'ada warrapa.
Mãpai Jesupa mãgaji:
—Mùa wãarata jararu. Cesar–it'ee impuesto p'epataarã mãik'aapa prostitutaarã Tachi Ak'õredeerã p'aneedait'ee parã naa. 32 ¿Sãap'eda? Juan Bautista chek'ãri jarateede eperãarãpa p'ek'au k'achia oo amaadamerã mãik'aapa t'ãri pia p'anapataadamerã, parãpa ijãada–e paji. Jõdee ma Cesar–it'ee impuesto p'epataarã mãik'aapa ma prostitutaarãpa ijãajida Juan pedee mãik'aapa oojida irua jaradak'a. Mamîda parãpa mãga unujida mîda, k'îsia awara atada–e paji iru pedee ijãadait'ee.
Jesupa mimiapataarã k'achia beerãdé nepùrùda
(Marcos 12.1-12; Lucas 20.9-19)
33 —Ûrítù mùa nepùrùru jarateeit'ee: Eujã chiparipa uva eujã uuji mãik'aapa t'ùak'auk'ooji. Ichiaba bõgo mãudee ooji uva aùde piart'ùdait'ee. Mãpai te ùt'ùa ooji ùt'ùùpa uva eujã jõma ak'ù p'anadamerã. Maap'eda ne–uu eujã ak'ùpataarã jùrùji aùde mimiadamerã mãik'aapa awara ãyaa wãji. 34 T'êepai uva oropata ewari pak'ãri, pëiji chi mimiapataarã iidinadamerã ichi eere bee bù chauda tee pëidamerã. 35 Mamîda chi eujã ak'ùpataarãpa ma mimiapataarã jita atadak'ãri, aba sîk'oojida, awaraa jîp'a peejida mãik'aapa awaraamaa mãupa bat'ajida. 36 Maap'eda ma eujã chiparipa awaraa mimiapataarã pëiji. Mamîda ma ne–uu ak'ùpataarãpa naaweda oodap'edaak'a oojida mãùrã ome.
37 +Maap'eda, chi warra pëiji. K'îsiaji: “Mù warra perã iru waaweedait'ee.” 38 Mamîda mãgà unudak'ãri, mãgajida: “Jãgùpa ichi ak'õre net'aa jõmaweda atait'ee chi ak'õre piuk'ãri. Peet'aadáma ajida. Mãgá na eujã jõmaweda tachidé payada” ajida. 39 Mãga k'îsiadap'edaa perã, chi warra atadachida mãik'aapa ma uva eujãdeepa uchia atadap'eda, peet'aajida.
40 Mãpai Jesupa mãgaji arii p'anadap'edaarãmaa:
—Chipari wãk'ãri ma eujã ak'ùpataarãmaa, ¿k'ãata k'îsia p'anùma aji, irua ooit'ee ma ak'ùpataarã ome?
41 P'anaujida:
—Ma eujã ak'ùpataarã jõmaweda peek'ooit'ee, chupùria k'awa–ee. Mãpai ma uva eujã bùyada ajida, awaraarã jua ek'ari, chaujara pak'ãri ãchia teedamerã ichi eerepema.
42 Mãpai Jesupa mãgaji:
—¿Parãpa waide nãga leeda–e p'anùk'ã aji, Tachi Ak'õre Ûraa p'ã jêra bùde?
‘Te oopataarãpa mãu k'iniada–e padap'edaa pipùara padachi. Tachi Ak'õrepa mãga ooji, tachia unudamerã mãik'aapa ak'ùtrua para beemerã.’ (Salmos 118.22-23)
43 Maperã mùa jara bù: Tachi Ak'õrepa parã bù–e pait'ee ichi jua ek'ari, ichideerã p'aneedamerã. Ma k'ãyaara awaraarãta ichideerã p'aneedait'ee, ãchia teepata perã ichi eerepema chauru, parãpa teedai k'ãyaara.
44 ‘Eperã ma mãu pipùara bù ârù t'îutùru pùrã, mãgà p'u oodaipari, p'arat'u mãu ârù baaik'ãri ãridaiparik'a. Jõdee ma mãu eperã ârù baairu pùrã, mãgà jõt'aait'ee mãu choma p'arat'u ârù baaik'ãri jõdaiparik'a; chi p'ora aupai beeparik'a.’ (Isaías 8.14)